تلفونات ريلي

[الطواشة]

هلا صبايا مابا اطول ف الموضوع

ملاحظة فترة ريلي يدخل البيت و ما اييب وياه تلفونين اللي عنده يخليه ف السيارة ...

ابا افتش ابي اطلع التلفونات من السيارة بس خايفة شكي يكون ع الفاظي انا واثقة فيه وايد ...


شو اسوي ..

قلت بخلي الخدامه اونة اتودي العربانه فالسيارة وانا بشل التلفونلت بخشهم عندي بجوف شو سالفته هههههه


عطوني خطة خليني اريح نفسي


بس اخاف ما احصل شي و اتقفط و يعصب علي ... من تصرفاتي ...

المزيد من آخر المواضيع من نفس القسم:

• مخاطر كثرة ممارسة الجماع على الزوجين
• اسباب عدم الوصول للنشوه اثناء الجماع
• صفات الزوج المتنمر وكيفية التعامل معه
• الفرق بين الضعف والعجز الجنسي
• اهم فوائد الزنك السحرية للصحة الجنسية للرجل
• طريقة تنظيف المنظقة الحساسة بعد الجماع
• طريقة التعامل مع الزوج الصامت
• نصائح لحياة زوجية ناجحه
• فوائد الضحك للعلاقة الحميمة
• الزواج الثاني بين الأيجابيات والسلبيات

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[Yazi.90]

حبيبتي لا تفتشين وراه نصيحه ،،
اذا كان يسوي شي غلط ف ربي يوم من الايام رح يكشفه
انتي ارتاحي و لاتخلين الشك والظنون تلعب فيج ،،
و حتى لو فتشتي يمكن هو يلاحظ وقتها شو بتقولين له ؟
و اساساً ريلج يمكن يكون مغمض عينه عن هالاشيا وانتي بتصرفاتج
تفتحين له عيونه !

تعوذي من الشيطان ااختي ،،

[جنان الفجيره]

تعوذي من الشيطان يا اختي ولا تفتشين ولا لانج انتي اللي بتتعبين

[ماسة شرجاويه]

ابدا ما انصحج تسوين هالشي لانج ممكن تفتحين ع عمرج باب انتي ف غنى عنه

ريحي نفسج وريحي بالج واشغلي نفسج ب شي ينفع احسن من هالسوالف

الا اللي ما وراها الا خراب بيوت

ومثل ما قالوا البنات اللي يسوي شي مصيره ربه يكشفه

حرام تخربين الثقه والعلاقة الحلوه من بينكم

[الجوري1991]

عني انا لو ريلي يخلي تلفوناته فالسياره بواجهه خل يشرحلي السبب عشان يعرف اني مفتحه واشوف الي يستوي حولي حتى لو ما كان يسوي شي غلط لان فالمقابل لو انا سويت نفس الحركه حتى لو ماشك فيني بيسالني اكيد فمن حقج تسالين عشان الريال يوم يجوف الحرمه ماتلاحظ حتى لو اليوم مايغلط باجر لو دخل الشيطان بيقول فخاطره اقدر احط بدال الثنين اربع تلفونات حرمتي ماتنتبه ...فمجرد راي مني المواجهه احسن حل ولو قالج تشكين فيني قولي انا لو اشك جان سرت افتش ترا اقدر بس انا من حقي اعرف الي يستوي فحياتي ومافي خصوصيه لهدرجه بين الزوجيين وانا احبك وابا احافظ عليك وعلى حياتي ...والله يسعدج فحياتج .. واختلاف الراي لايفسد للود قضيه ❤

[الطواشة]

حبيت اخر راي ... بواجهة و بسأله ... بقول انا مب مرتاحه

[غلآ نفسي]

عني انا لو ريلي يخلي تلفوناته فالسياره بواجهه خل يشرحلي السبب عشان يعرف اني مفتحه واشوف الي يستوي حولي حتى لو ما كان يسوي شي غلط لان فالمقابل لو انا سويت نفس الحركه حتى لو ماشك فيني بيسالني اكيد فمن حقج تسالين عشان الريال يوم يجوف الحرمه ماتلاحظ حتى لو اليوم مايغلط باجر لو دخل الشيطان بيقول فخاطره اقدر احط بدال الثنين اربع تلفونات حرمتي ماتنتبه ...فمجرد راي مني المواجهه احسن حل ولو قالج تشكين فيني قولي انا لو اشك جان سرت افتش ترا اقدر بس انا من حقي اعرف الي يستوي فحياتي ومافي خصوصيه لهدرجه بين الزوجيين وانا احبك وابا احافظ عليك وعلى حياتي ...والله يسعدج فحياتج .. واختلاف الراي لايفسد للود قضيه ❤

حتى لو مفتحه عيونج 24 ساعه ساعه عليه اذا في باله يخون ف بيخون

محد ايود الريال صدقوني لا عين مفتحه ولا عين راقده

الا مخافه الله وضميره

ف يا صاحبه الموضوع لا تفتشين وتسوين شي

اذا يخون او عنده شي بتيي خيانته لين باب حجرتج

بالتوفيق

[الاميرة11]

ابدا ما انصحج تسوين هالشي لانج ممكن تفتحين ع عمرج باب انتي ف غنى عنه

ريحي نفسج وريحي بالج واشغلي نفسج ب شي ينفع احسن من هالسوالف

الا اللي ما وراها الا خراب بيوت

ومثل ما قالوا البنات اللي يسوي شي مصيره ربه يكشفه

حرام تخربين الثقه والعلاقة الحلوه من بينكم

[لحنْ #]

اذا ف شي مخليج تشكين جي ، ف دوري اي طريقه وخذيهنلا تسمعين سوالف طنشي وخليه ل ربه .. حرام اصلا تعرفين ان يسوي شي حرام وتسكتين(عن أبي سعيدٍ الْخُدْرِيِّ رضي الله عنه قال: سمعتُ رسولَ الله صلى الله عليه وسلم يقوُل :"مَنْ رَأَى مِنْكُمْ مُنْكَراً فَلْيُغَيِّرْهُ بِيَدِهِ، فَإنْ لمَْ يَسْتَطِعْ فَبلِسانِهِ، فَإنْ لَمْ يَسْتَطِعْ فَبقَلْبِهِ، وَذَلِكَ أضْعَفُ اْلإِيمَانِ".. رواه مسلم.)رغم ان اصلا فكره ان يخلي فوناته بالسياره ها بروحها تييب الشك والسؤال ع قوله الاخت ممكن تسألينه وتكلمينه بصراحهاذا شفتي ماستفدتي شي او ماغير تصرفه بعدها حاولي تاخذيهن .لكن اذا ماف شي يخليج تشكي وانتي جي توهمين نفسج فقط او اثرت فيج سوالف الاخوات ، ف مانصحج تستمرينبالشك او تفتشين حاولي تشغلين نفسج ^^ موفقه اختي :*

[الدرةالمصونة]

هلا اختي

انا متفاجئة من كلامج كأنما تتكلمين عن شخص غريب مو ريلج ؟

انا تلفون ريلي اذا جاه مسج او رنة انا الي اشوف المسج قبله

غريبة اختي وليش ما تخبريه وقولي له شنو السبب تلفوناتك في السيارة ما فيها شي انت زوجتها وام اولاده

[الطواشة]

انا مرة سألته قال محد يتصل فيني من هالرقم


خلاص ما بفتش بيطلعني الغلطانع بسأله بهدوء و بقوله انا سايرة افتح السيارة وبييب الفونات .. وخلني ارتاح

[Satay]

انزين ليش ما تسألين ريلج عن التلفونات بشكل مب مباشر .. يوم بتشوفينه داخل البيت و ما عنده تليفوناته يعني مثلا عقب الغدا و جذه طرشيله فيديو ع الواتس مثلا او اي شي و قوليله انج طرشتي شي ع الواتس و تبين رأيه فيه مثلا و لا تسألينه من باب التحقيق انج إنتي عارفه ان تلفونه محد سوي عمرج غشيمه و شوفي رده الفعل ..

[غرووب 22]

لا حول ولا قوة الا بالله

[Chunky Bunny]

حتى لو مفتحه عيونج 24 ساعه ساعه عليه اذا في باله يخون ف بيخون

محد ايود الريال صدقوني لا عين مفتحه ولا عين راقده

الا مخافه الله وضميره

ف يا صاحبه الموضوع لا تفتشين وتسوين شي

اذا يخون او عنده شي بتيي خيانته لين باب حجرتج

بالتوفيق

كلامج عين العقل %100

[Cobon]

انا ما ابغي اقول لا تفتشين و شو مستفيدة من الموضوع ؟

من حقج تفتشين لو شكيتي
باجر لو اخترب بيتج محد بينفعج و بتقولين ياريت فتشت من قبل !!!
بس لو فكرتي تفتشين حاسبي يعرف عسب ما يزعل

انتبهي تصاريحنه انج مب مرتاحة او شاكة او ملاحظة شي !! مافي حرمة عاقل تقول جي لريلها ?
يا تفتشين بدون لا يحس
يا خلاص لا تفتشين ولا ترمسين