كيف اتبرع ؟

[vanilla touch]

السلام عليكم

خواتي بغيت استفسر شو الاجاراءات اللي لازم أسويها عشان اتبرع بخزان ولا بحفر بئر ماي
في الدول الفقيرة , أبا أعرف "

- كم تكلف ( أنا طالبة في الجامعة وبستخدم ميزانيتي البسيطة فما أعرف كم بيطلع لي )
- هل بيخلوني أتبرع من دون ما يعرف حد ولا لازم ياخذون موافقة امي ولا ابوي ( لاني طالبة )
- التبرع بيكون اهداء لشخص فأباه يكون باسمه هو
- وش كثر ياخذ وقت لين يخلص
- هل بيعطوني ايصال
- وابا يكون تقرير عن المشروع عسب الاهداء
- كيف طريقة الدفع هل اسير لجمعية دار البر شخصيا ولا يصير اسوي كل ها وأنا في البيت

( ما ابا وحدة تقول لي اتصلي احسن , انا استحي اتصل فقلت اسالكم انتو احسن ولا شو فايدة الخوات )

اللي تعرف الله يجزيها الجنة وتساعدني واللي ما تعرف تتكرم وترفع موضوعي

يارب يحقق مرادي ... والله يقدرنا على فعل الخير جميعا

المزيد من آخر المواضيع من نفس القسم:

• حساااب لبيع الانتيك الاشيا الاثريه القديمه
• ساعدوني .. محتاجة لدكتور قلب اطفال في دبي
• السلام عليكم
• المانيكير الاسلامي
• ترتيب ادوات المنزل
• أبا هالبرقر
• عجبني هالفستان من موقع فلوري داي
• عجبني هالفستان من موقع فلوري داي
• علاج ادمان المخدرات
• ديجي فاضل في أبوظبي

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[آآآه]

ما شاء الله عليج

عزيزتي نحن العائلة مسوين اكثر
عن شي ولله الحمد ..
عن طريق الجمعية الخيرية
بس الرياييل يروحون

ويعطونج إيصال
وتقرير عن المشروع اللي بتسوينه

[ام عنوده]

للرفع لعيونج

[ثريا 2014]

بالتوفيق

[السنع و الزين]

انا ماعرف عن خزان ماي. بس مره جربت تكلفة دراسة بموقع اونلاين (فيه وايد مواقع جي). تعلم بنت سنة كامله وتختارين أنج تبينه هديه وتكتبين الاهداء وبعدين يطرشونه لج بالايميل وانتي تطبعينه وتحطين في ظرف. اسم الموسسه world vision بس فيه وايد منهم اونلاين.

[vanilla touch]

شكرا للي ردو علي وبخصوص اللي طرشو رسائل بخاطري اسوي الاشيا اللي خبرتوني عنها بسس انا ما اشتغل عسب اكفل لانه لازم ياخذون مني فلوس كل شهر ومثل ما قلت انا طالبة وعندي مبلغ محدد وما اشتغل والفلوس اللي عندي مجمعتها من فترة يعني ،،، وانا بخاطري أتبرع بشي يخص الماي بسس ما اعرف شو وابا يتوثق ويصور عشان بكون هدية ^^

فياليت اللي عندها خلفية عن الموضوع تخبرني ❤️

[ورقة ناعمة]

جزاك الله خير ,,,دام عندج مبلغ بسيط تبرعي للجمعية افضل وشاوريهم لان هم ادرى وهذا اختصاصهم ,,,,

[vanilla touch]

للرفع

[أم زمرده]

اللهم بلغنا رمضان و بارك لنا فيه وارزقنا صيامه وقيامك على الوجه الذي يرضيك عنا يا رؤوف يا الله

[vanilla touch]

اللهم بلغنا رمضان و بارك لنا فيه وارزقنا صيامه وقيامك على الوجه الذي يرضيك عنا يا رؤوف يا الله

آمين يارب العالمين

[كازاويا]

الغاليه تواصلي وياي

[vanilla touch]

الغاليه تواصلي وياي

شكرًا ع الاقتراح واتريا آراء الباقي ❤️

[#..Lamar..#]

جمعية الشارجة الخيرية بموقعهم حاطين الدول والاسعار

[ثريا 2014]

الله يوفقج اختي

[ميراث المجد]

ماشابه عليجً
عندي زميلتي في الدوام هي و اختها راحو الهلال الأحمر و قررو يتبرعو بحفر بئر في افريقيا و بفضل الهلال الأحمر تم بناء هالبئر و عطوهم وصول كدليل انهم دفعو للتبرع و ما يحتاج موافقة من الأهل و لا شي
بالتوفيق اختي