من يحمي الموظـف ؟! " رفعت قضيـه " وللاسف

[al eisaei]

حاسه فيج ... مستشفى خاص و دكتورة فيه اهملو و سوو خطا طبي ف ولدي عند الولادة

كانوا يتهموني انا السبب لان كان عندي سكري .. اونه اللي استوا لان عندي سكري .. و يوم نقلو ولدي نفس الليله من عناية الاطفال اللي عندهم لعناية الاطفال ف مستشفى توام ... تخيلو .. الدكتورة المناوبه عصبت عليهم قالت لهم ليش المولود جي !! قالولها: الام رفضت نسويلها قيصرية و هي عندها سكري !! .......ولدي كان بين الحياه و الموت ... قسم بالله كنت اصيح عند ريولها ادخلني قيصري .. طلبتها ست او سبع مرات و عاندتني ...... الحمدالله بعد عشرة ايام ف العناية المركزة طلع ولدي لكن بشلل بيده اليمين ... القهر الكل وقف ضدي .. لكن الحمدالله بعد سنه في المحكمة المدنية طلع الحق

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[اشراقة أمل]

حاسه فيج ... مستشفى خاص و دكتورة فيه اهملو و سوو خطا طبي ف ولدي عند الولادة

كانوا يتهموني انا السبب لان كان عندي سكري .. اونه اللي استوا لان عندي سكري .. و يوم نقلو ولدي نفس الليله من عناية الاطفال اللي عندهم لعناية الاطفال ف مستشفى توام ... تخيلو .. الدكتورة المناوبه عصبت عليهم قالت لهم ليش المولود جي !! قالولها: الام رفضت نسويلها قيصرية و هي عندها سكري !! .......ولدي كان بين الحياه و الموت ... قسم بالله كنت اصيح عند ريولها ادخلني قيصري .. طلبتها ست او سبع مرات و عاندتني ...... الحمدالله بعد عشرة ايام ف العناية المركزة طلع ولدي لكن بشلل بيده اليمين ... القهر الكل وقف ضدي .. لكن الحمدالله بعد سنه في المحكمة المدنية طلع الحق

الحمدلله ..الاطباء اختي ماينوثق بهم .. مااعرف شو صاير

في طبيب مالاذن انا اعاني من اذني اليمين ويجوز تشخيصه صح

ولكن شخصني من ناحية الاعراض حتى ماقاس لي السمع ولا شي ... لييين مالوضع زاد عندي ..

لو كان في تدارك لوضعي من البدايه يمكن يمكن تحسنت الاذن عندي ...

انا مالومه يمكن وضع اذني غير بس اغلب الدكاتره ماعندهم فايده!

بس كانهم يقرأون كلام الكتب .. يعني المعلومات يعطوني ياها نفس الموجوده بالانترنت ... يمكن اكون قرات معلومه .. مهمه! اذكرهم بها

[سوفت هارت]

السلام عليكم

اختي طمنيناعليج شو صار معاج اليوم
ان شاء الله خير

[نهار الظباء]

خذوا اليديد



جلسة اليوم .، 22/11/2015


وصلت قبل الجلسه بـ ساعه ولقيت الاخت منتظره ، نزلت راسها اول ماشافتني حتى فـ عيني مب رايمه ترفع راسها

طبعاً وحدة ما استحت من ربها رفعت يديها وحلفت يمين "كذب" كيف ماتستحي من نفسها ونفس الشي فالجلسه موطيه راسها كلما حطيت عيني فـ عينها شاحت بنظراتها وتهربت

دخلنا القاعه ، القاضي غير عن القاضي القبلي ، ماعرفت شو الاسباب ، اللي لجلها غيروا القاضي فـ جلسة اليوم

زقروا اسمي ، وازقروها هيهـ "الله لاوفقها"

ويزقرون ع الشااهد الثالث محد يرد
(الظاهر للاسف انه ماحضر)

الصـدمه :
ورحت لقيت نفسي واقفه بروحي "المحامي" ماحضر وكاان عدم وجوده بيسبب مشكله وهي انهم كانوا

(يبون انه يحجزون الحكم بس وجودي خرب عليهم)

سبحان الله انا عاهدت نفسي فـ كل جلسه اطنش كل مسؤولياتي ودوامي حتى لو تفنشت منه لكثرة غيابي م يهمني ف قررت اتفرغ للجلسات واليوم اقتنعت ان قراري سليم �� ��

المهم كان عندي "الله"

لاول مره احضر بروحي

وقفنا قدام القاضي

محاميها قال " نبا نحجز الجلسه للحكم مايصير الموضوع طول" ع باله بسكت له !!

يتني جراه ماقد حسيتيها من قبل
قلت للقاضي " والله الموضوع طول لان المحكمه تاخرت فاستدعاء الشهود ماطول لاننا يالسين نلعب ولا بكيفنا طوّل "

هني محاميها انطم وسكت

رد القاضي " ماعليج منه " تخيلوا

عطاه اياها ف ويهه " سيبك منه" هني انا تمسكت اكثر بحقي بذات ان طنشوه

قالي " مافي دليل على اعلان الشاهد so تبين استدعي الشاهد ولا احجزها للحكم "

قلت له " اتمسك بحقي فاستدعاء الشاهد لان الشهود اللي حضروا قبل ماتكلموا بالحقيقه كاامله"

قام عطانا تاريخ 13/12 لاستدعاء الشاهد ورفض طلب محاميها اللي كان يبا
"الاسراع بالحكم" او "حجز جلسة الحكم"

المهم تم يتافف وهي تلوّح براسهاا

(محد قالج سبّي وتمادي)


ماقول غير "حسبي الله ونعم الوكيل فيها ويعل الله يراويني فيها العقااب اللي تستاهله ، اساسا مجرد ان الجلسات تتاجل ومجرد احساسها بالخوف بين موعد الجلسه والثانيه ومجرد انها اتم عايشه على نار هذا بحد ذاته جزاء من جنس العمل .،


وهو يعل الله مايوفقه ومثل ما القضاه مطنشينه ومكسرين كلمته ورافضين طلبااته يعله بهالحال و اردى ان شاء الله

سبحان الله

الانسان لما يكون واقف ضد الحقيقه ماتكون له هيبه ابداً!


اتصلت لمكتب المحامي وسالتهم عن غيابهم فهالجلسه وخبرتهم ان غيابهم كان بيسبب ازمه لولا ان الله ستر وكنت حاضره

واعتذر عن ذكر اسباب تخلفهم عن الجلسه
عن لايكون حد من طرف المدعى عليها
متابع



دعواتكم ان الله يكشف ستر الحقيقه مايهمني الحكم شوه ولايهمني العقاب شوه ولايهمني انسجنت وولا دفعت تعويض لان الحقوق اساساً عند الله بس يهمني ان يبين انها حلفت "يمين كاذبه" اللي يهمني انها تنكشف


الاداره الفاشله :
طبعا مديروه يتصل وطنشت اتصاله جاملت بما فيه الكفايه لين قربت اخسر دعواي ف ماعاد عندي خلق اني
اجاملهم و اقدَّسهم واضحي لشغلهم ع حساب نفسي ومصلحتي ولاعندي بقى عندي اي ولاء وتقدير لا لمدير ولاعقيد
قبل اخلصت ولاشفت شي حتى رواتب تنزل ناقصه وباقي الاستحقاقات الماديه تنزل بالغصب
ومن ورا الخاطر ، التامين ع المعاش تم شهر اكتوبر /٢٠١٥ وانا مداومه ديسمبر/٢٠١٣
وين باقي التامينات مدفوعه ولا لا الله اعلم

عقد عمل ماشي بطاقة عمل ماشي ، علاوات ماشي بدلات ماشي امتيازات ماشي وبتستغربون كيف
مثلما انا مستغربه الوظيفه هاي بموجب شوه !

تلقيت وعود ذهبيه بعد ما اكمل سنتين يزيد الراتب
بعد سنتين قدمت طلب زياده

انرفض قال شوه "سلم الرواتب مايسمح ، كملي اربع سنوات عقب بنزيدچ"

الله اكبر ،
وانا مكمله سنتين خلالهن مسكت فرع كامل بروحي بدون مساعده
وانا توني اسمي "متدرب" مشيت فرع بكبره ولا شافوا هالشي عميان عنه

مع ان الوافد عفواً كل شي مسوين له عقد بطاقه عمل وصحه و و و و

كيف ماعرف

اقسم ان حتى رواتبهم مافيها بركه توه نازل ساعه ساعتين وطار الراتب كيف ماعرف



اساسا

اللي ماتعرفونه
يوم الواقعه كان تاريخ ٧/١٠/٢٠١٤
ها اول دوام عقب اجازه عيد الاضحى كنت مريضه ونايمه

اللي متصلبي اليوم عشان اداوم هو نفسه اللي اتصلبي يوم الواقعه
قالي تعالي داومي حتى لو مريضه مافي حد يغطي مكانج
ورحت وتعرضت للموقف


ف بس خلاص
لكل فعل ردة فعل
لو انك تحصل تقدير او ردة فعل على المجهود لي تقدمه
م العين هاي قبل هاي اما بذل بدون مقاابل ش الفايده منه ولا المصيبه انك تتعرض
للاساءه ولا تلقى تحريك للدعوى من جهتم او رد فعل فالمقابل !!


مش فالحين غير

"الو تعال دوام زحمه بيتاثر الشغل او الو وينك ليش م داومت "
"الو تعال بيتاثر الشغل ، الو تعال بيشتكون عليننا ان انتوا مش مداومين " هاللي شاطرين فيه
يعني معترفين انك عضو حساس يتاثر بغيابك الشغل لكن تعال طالب بفلوسك بتحصل ناس تخط الاعذار وتلونها بالوان الطيف

من اسبوعين متصليبي "الو متاخره ٧ دقايق "
الواحد م يعرف يصيح ولا يضحك
من العجب

جداً صعبه



عموماً فيه
تفاصيل ثانيه تخص جهة عملي وقررت اني
اكتبها عشان تعرفون حجم الظلم
عندهم


قربت االف كتاب فيهم


واصبر وماصبرك الا بالله ولاتحزن عليهم ولاتكن في ضيق ممايمكرون

[اشراقة أمل]

الله يعينك اختي شغل المحاكم دوم عوار قلب والمحامي يلفون ويدورون ..

وبخصوص الدوامات انا عندي قصص شوفيها بالقسم عن قصتي من الشغلر

والظلم كثير ... حرام عليهم يقصون راتبك فوق ماهم مب مهتمين بالقضيه


صبري وحقك بيوصلك قريب اكيد .. يارب

[نهار الظباء]

حاسه فيج ... مستشفى خاص و دكتورة فيه اهملو و سوو خطا طبي ف ولدي عند الولادة

كانوا يتهموني انا السبب لان كان عندي سكري .. اونه اللي استوا لان عندي سكري .. و يوم نقلو ولدي نفس الليله من عناية الاطفال اللي عندهم لعناية الاطفال ف مستشفى توام ... تخيلو .. الدكتورة المناوبه عصبت عليهم قالت لهم ليش المولود جي !! قالولها: الام رفضت نسويلها قيصرية و هي عندها سكري !! .......ولدي كان بين الحياه و الموت ... قسم بالله كنت اصيح عند ريولها ادخلني قيصري .. طلبتها ست او سبع مرات و عاندتني ...... الحمدالله بعد عشرة ايام ف العناية المركزة طلع ولدي لكن بشلل بيده اليمين ... القهر الكل وقف ضدي .. لكن الحمدالله بعد سنه في المحكمة المدنية طلع الحق

هو الاخطاء الطبيه غالبا ماتلقى لها صدى فالمحكمه لكن يبالها طولة بال
و غالباً ما يوجب التعويض بعد ثبوت الخطا فالحمدلله عالاقل
ماسكتوا و رجعتوا جزء من الحق مابقولج كامل لانهم اذوا الولد لكن
شي احسن من لاشي والله يحفظ لج
الولد ي حياتي

[نهار الظباء]

ونصيحه او قيمه :

• تعلم ان ما تعطي الاشخاص حجم واهتمام مبالغ فيه وهذا نابع من طيبه زايده ف لاتكون طيب ايماناً بان الطيبه بعض المواقف تكون غباء

• تعلم توفي كل صاحب حق حقه من ناحيه بضرب مثال ع هالاداره الفاشله ماتعطيك حقك كامل فتححس بضيق نفسي نفس الشي لو كان عندك عامل او اجير تعلم تدفع له كامل فالموعد هذا حق وهذا شي كنت اتساهل فيه

• تعلم ما تقبل ب وظيفه "دون" مثل هاي و لا تتنازل عن عقود فيها موثقه حقوقي وواجباتي
انا وقعت عقد تدريب فقط ورفضوا يعطوني نسخه منه فخذت نسخه بتصوير الموبايل "احتياط" رحت مكان رفض يعطيك نسخه تصرف موبايلك ممكن يحل الاشكال

• تعلم من هالحرمه ان لاحترام صون للنفس وللذات قبل لايكون حق من حقوق لاخرين يعني احترم اللي قدامي ما اسب عشان ماعرض نفسي للمساءله واذا لي حق عند شخص بدال لا اسبه اخذ حقي بالقانون ليش ابهدل بعمري تسحبني التحريات ولا يشرق بي ويغرب بي القاضي بالاستدعاءات خذ حقك حسب القانون النظام المعمول فيه لان مب كل الناس
بتسكت لي ! صح !

• تعلم ان لو حضرت ع موقف " جريمه ، واقعه ، ضرابه ، مشكله" ايا كان ما اتاخر عن الشهاده مانتظر ينادوني انا اكلم الشخص متى تباني احضر لو ماعرفت احضر بروحي لان يمكن عدم حضوري يضيع مستقبل هالانسان اللي مصيره من عقب الله صار متوقف ع شهادتي انا
فطالما اني سبب في ظهور الحقيقه ليش ماروح
موقف : والله شفت شهادة بنتين موظفات حكوميات ف حق زميلهن موظف حكومي موقوف ٦ شهور نفس يوم شهادتهن القاضي امر بالافراج عنه عكس اغلب الرياييل اللي مايحضرون وان حضر قال ماشفت حتى لو شايف

• تعلم ان محد احرص ع حقك منك انته و ، معلومه ماكنت اعرفها قبل يمكن فيري يعرفونها وهي : انك قبل لاتوكل محامي ع حسابك وتخسر فلوس روح للجلسات بدون محامي و المحكمه بتوقف لك محامي انا دفعت ١٠ الاف للمحامي القبلي وماكان حريص وماكنت اعرف ان شي محاميين توكلهم دائرة القضاء في حال ماوكلت لك او ماكنت من ضمن لي يشملهم القرار هيج الساعه توكل و وكّل

• معلومات قانونيه يمكن البعض يعرفها ف قلتها للي مايعرف : القضايا الجزائيه احضر كل الجلسات حتى لو كنت موكل ، من الابتدائيه الين الحكم النهائي ، معلومه ثانيه الحكم الابتدائي اذا كان ضدك ممكن تعارضه بالاستئناف واذا يا الحكم مش فصالحك بعد لاستئناف ممكن تعارض حكم لاستئناف بالطعن هاي معلومه ماكنت اعرفها كنت احسب لاستئناف اخر مرحله

• "مواطن خليجي " يشملك قرار التامين ف صندوق المعاشات للمواطن و هيئة المعاشات للخليجي وبرقم الهويه ممكن تشيك اذا فعلا انت شخص مؤمن عليه او لا لان في حهات مثل جهة عملي انا تنكر ان التامين يشمل الخليجي وتدعي ان القرار شامل الخليجيين قريب بس يا خليجي القرار يشملك من سنة ٢٠٠٧م ! عُلِم
والتامين اذا دفعوه عنك متاخر مفروض يندفع باثر رجعي اي من تاريخ التعيين في بعض البنات عرفوا وين انا اداوم ف اذا مثلي ماكانوا مامنين عليكم و غاشينكم مثلي طالبوا بهالشي في رقم تاميني اجبروا الاداره الفاشله تعطيكم اياه ممكن تشيكون من خلاله وممكن برقم الهويه
اما الوافدين مالهم تامين هاي معلومه وايدين يعرفونها و البعض مثلي ما مرت عليهم قبل
فقلتها ترا انا ما امنوا لي الا بعد ماشتكيت عليهم ولاتفنشون الا قبل ماتتاكدون ان التامين تم ع كل السنوات لان ماشي حق بدون تامين وفي غرامه اساسا عالجهات اللي تتاخر فتامين

• اي خلل فضيتك او تقصير او لو كان تعامل من القاضي تعسفي ممكن عندك مدير التفتيش القضائي يلزم القضاه بتلبية حقوقك اللي قصروا فيها وفيه جهات وطرق ماروم اذكرها .،


لاتغلطون غلطاتي .،


ماقولكم قربت االف كتاب ؟!!

[almal3ka1]

الله يوفقج و ينصرج

[Jimmy Choo]

السلام عليكم و رحمة الله و بركاته
حسبي الله و نعم الوكيل و لا حول و لا قوة الا بالله العلي العظيم
قريت الموضوع من البداية لين النهاية ما وقفت فعلا الظلم اسوء شي يتعرض له الانسان في الحياه
لكن بعد ما تنتهي المسألة هذي راح تحمدين ربج ألف مرة انج كنتي مظلومة و مب "ظالمة"
انج كنتي اللي الله كتبلها الأجر و ما كنتي (هي) اللي الله بيخسف فيها بسبة الجذب والحلف الباطل
وراح تموت بالحسرة و تأنيب الضمير (ان وجد) والله ان هذا اختبار من رب العالمين سبحان الله
والتجارب هذي (ولو انها سيئة و تأثر ع النفسية وايد) لكنها تعلم !!بغض النظر عن الصدمات اللي يتعرضلها الواحد يوم يكتشف خبث و جذب وتلفيق و رشاوى و تدابير الناس و ظلمهم و استهتارهم بحقوق الناس!!

حسبي الله وحده و نعم الوكيل الحمدلله الذي لا يحمد على مكروه سواه ..

بقولج تجربتي والي تعلمته عسى انج تستفيدين لو الشي البسيط
انا مثلج تعرضت للظلم لكن من مسؤول فالعمل حسبي الله عليه وعلى أعوانه
عاد مصيبه يوم يكون صاحب القرار و صاحب الكلمة انسان ظالم ما فيه لا ذمة و لا ضمير وانتي تعرفين مثل هاذي الامور ما يستوي تدخل فيها محاكم من البداية لان فيه تدرج فالوظايف و في حل الموضوع و فيه تسلسل للمسؤولين اللي لازم ترجعيلهم و تشتكين عندهم .. على عكس موضوعج اللي فيه شرطة او محكمة. هذا المسؤول كان ما يخاف الله في نفسه ولاا في عياله و يظن انه دايم في هذي الدنيا وانه اذا استغفر وتاب الى ربه خلاص بيعفو عنه و حقوق الناس مب لازم ترد و قطع الارزاق عادي و الامور طيبه لكن هيهات والله اني لين يوم الدين ما اسامح هذا الانسان واتم أبا حقي منه حتى لو بعد الف سنة ..

ما ابغي احبطج لكن انا ما تحققلي اللي بغيته بس بعد الف الحمدلله على كل حال ادري ان الله انهى الموضوع بهذي الطريقة (حتى لو ما كانت لصالحي وبالنهاية قدمت استقالتي و هو آخر وناسة) علشان يستمر هذا الشخص بظلمه اكثر فبالتالي يستمرون الناس بالدعاء عليه و تسوء اخرته .. والله خلال هالفترة انصدمت كيف الظالم ينتصر وكيف الشيطان يزين للظالم افعاله ويعتقد فعلا انه هو في الطريق الصح وان اللي سواه عادي و كيف الانسان يشهد شهادة زور و الدنيا سهالات و كيف امثاله يلتفون حواليه و يصفقوله و كيف تطلعين فالنهايه انتي غلط وانتي كل ادعاءاتج باطله حتى مع وجود الادلة ..

انصدمت كيف الناس توعدج خير و توقف وياج في البداية لكن فجأة تلقينهم متخاذلين و يبتدون يحبطونج و يعكسون اتجاهج بعلمج و بغير علمج و من غير انهم يوقفون مع الباطل !! تنصدمين كيف الكلام المعسول يتحول لسم وتكتشفين فعلا ان الدنيا ماعاد فيها خير !! والله ان الانسان اكبر خطا يطيح فيه انه يعتمد على الناس و يظن ان الخلاص بيديهم .. هذي اكبرر غلطة !! الاعتماد عليهم لا بد منه مثل (المحامي و الشهود في موضوعج) .. لكن انا موضوعي كان محيطه أصغر .. فالنهاية تعلمت ان مب شرط الحق يظهر من البداية والظلم ممكن يدوم سنين طويله للاسف لكن (وَلَا تَحْسَبَنَّ اللَّهَ غَافِلاً عَمَّا يَعْمَلُ الظَّالِمُونَ إِنَّمَا يُؤَخِّرُهُمْ لِيَوْمٍ تَشْخَصُ فِيهِ الْأَبْصَارُ) و هذا الشي انا اول ما أمنت فيه اقتنعت اني لازم اصبر ، ارتحت وايد و قلبي هدى و قررت انتظر واشوف ..

وعقب شهور من موضوعي اللي صارلي والمحاولات لاظهار الحق اللي كلها باءت بالفشل طلعت من دوامي و الحين الله يبشرني في هذا المسؤول و انه يالس يصيرله بالظبط نفس ما سوا فيني و في موظفين وايد و انا متاكدة ان الله بياخذ حقي وزيادة .. الله فوق و يمهل و لا يهمل .. وحقوق الناس تسلب لاكنها ما تظيع كل شي محفوظ عند الله سبحانه وتعالى ..


انا بقولج نصيحة وحده فقط و اسمعيها مني زين و حطيها في بالج واعتبريها من اخت لج مرّت باللي انتي فيه تاكدي ان الله هو وحده اللي يظهر الحق ..حطي هذا الشي في بالج وايد زين و ظني بالله خير و هو بيكون عند ظنج و اكثري من الدعاء الصح فقط لا تدعين بغضب .. انا ادري و حاسه بكل اللي صارلج وانا مثلج ادعي على الشخص اللي ظلمني ان الله ياخذ اغلى ماعنده و يبتليه بمرض ولا من هالكلام لكن غلط هالكلام مافادني بشي!! ويمكن هذا اللي ضيعني فالبداية .. وانتي اكيد تبين اللي يفيدج و مب اللي يررد عليج .. اللي يدعي بغضب يتم يدعي عالاهل والعيال و...الخ ما بيستفيد شي اتذكري هالنقطه .. وركزي ع الدعاء اللي الله يقبله ويسمعه منج والله انه ما فيه اقوى من هالادعية

كثري من "لا اله الا انت سبحانك اني كنت من الظالمين"
كثري من "اللهم اظهر لنا الحق وارزقنا اتباعه و اظهرنا بجانب الحق و انصرنا على اهل الباطل"
كثري من "اللهم اشغل الظالمين بالظالمين و اجعل لهم عجزا عن ما ينونه و اعصمنا من افعالهم" الله بيشغلهم فبعضهم و بتلقين الخصومة من بينهم سبحانك ربي بتلقين اللي ما تتسمى مع محاميها ملوا و اتعبوا سبحان الله والله يجعل من بينهم مشاكل تشغلهم فبعض و ينسوونج ..
كثري من: اللهم اكفني شره واعجم لسانه و احق به مكره و ادفع عني ضره و فرق كلمته


كثري من هذي الادعية اللي مافيها غضب
لان ربج هو اللي يحدد هم شو يستحقون من عقاب
الله يحدد هم شو يستحقون فانتي خلي ربج هو اللي يختار و وكلي امرج لربج و ربج ما بيخيب ظنج صدقيني
و سبحانك ربي الله يخليج تشوفيه هذا العقاب و هذا اللي يصير للظالم انه الله يخليه شماته للشامتين

اما الواحد يوم ينظلم ويسير يقول الله ياخذ روحه ولا يتهنى بحياته غلط الله ما بيتقبل دعائج لان مب على كيفج ان هو الحين يموت أو انه يصير تعيس بحياته .. غلط غلط غلط
جنج يالسه تحددين لربج شو لازم يستوي
هل فهمتيني الحين ؟؟؟؟؟؟؟؟؟

نعم ادعي و قولي كل اللي بخاطرج بس من خلال الادعية الي تجوز فقط

انا ما بجذب عليج انا مثلج كنت ادعي مثل هاذي الادعية و أكثرر والله اقول اشيا ما صااارت ماتتخيلين كيف كنت ادعي بطريقة كلها غضب و حقد لكن ما استفدت شي
ادعي من كل قبلج وقومي صلي قيام الليل و ايلسي ع سيادتج ادعي بكل الادعية اللي تجوز
بتلقينها تريحج أكثر واتطلع اللي بخاطرج أكثر
اما الادعية اللي ما بتنفعج ما بتريحج اتمين معصبه عقبها ازيادة سبحان الله لانها من الشيطان


مب نحن اللي نحدد ان الله كيف ياخذ حقوقنا
مب نحن اللي نختار كيف تكون عقوبة هالانسان

يوم نحن نتفلسف وندعي بهالطريقة طبيعي الله ما يعطينا اللي بخاطرنا وبدال لا نستفيد من الوقت
بالدعاء اللي يساعدنا في مصيبتنا .. نضيع الوقت بالدعاء اللي ربنا فالنهايه مايقبله منا
لازم ندعي بالدعاء اللي ربنا يتقبله و عقبها فعلا يتحققلنا الشي

فكري زين والله اني اتمنالج الطمأنينة وان ربج ياخذلج حقج
الله يكتبلج اللي فيه الخير و يارب يكون درس لها ولامثالها و للمحامي مالها

حسبي الله ونعم الوكيل





و ان شاءالله بتابع الموضوع وننتظر الاخبار الزينة
والله يظهر الحق ان شاءالله

[سوفت هارت]

الله يوفقج و ينصرج

[Fa.R]

الله ياخذ حقج يارب العالمين
ونحن معاج قلباً وقالباً

وأنتي مثال للمرأة القوية والشجاعة
رغم الظروف واللحظات الصعبة اللي تمرينها

لكن أسأل الله أنه يوفقج وينصرج على من ظلمج
يارب العالمين

Jimmy Choo كلامج مأثر
وصدقج مب نحن اللي نحدد ان الله كيف ياخذ حقوقنا
مب نحن اللي نختار كيف تكون عقوبة هالانسان

،

حسبي الله وكفى بالله وكيلا

[ماحد شراتي]

ان شاءالله بنسمع اخبار طيبه حبيبتي منج وربي ينصرج عليهم

[Jimmy Choo]

راعية الموضوع
طمنينا

[MEERAHDUBAI]

لا حول ولا قوة إلا بالله

[رباب حمدان]

الله ينصرج