نظرات الحريم!

[مالتيزرس]

والله صدق هالزمن ينخاف منه ..خاصة عاد فالمولات بعضهن الله يهداهن الكعب شو طوله والعباية مفتوحة وليقنز محدد الجسم وميكب اوفر وشلة عاد يطوفن صوبج وبيقطعونج انتي وريلج فالنظرات عاد انا أهنه استفزهم وانقهر ماداني هالاشكال .حتى ريلي يقوللي بلاج تخزينهن فعينج كلتيهن خخخخ اقوله يابوك اجوف عجب العجااابولا يتحيسن فالمشية ..والمشكلة صغارية مال قوم بو ثانوية واعدادية ..
فلاتلومين الحريم ياختي اذا كل وحدة خافت لريلها خخخ ..مع احترامي لج ..

وصدق يعني الواحد ما بيخيط عيونه يوم بيسير مكان صح بتطالعين لكن نظرة عفوية مب قصدج فيها شي ..انا يوم جيه التفت مثلا بالغلط ريلي يقوللي "قل للمؤمنات يغضضن من ابصرهن "يعني لا يمين ولا يسار نزلي راسج ..واحشمي عمرج

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[شهرزاد30]

ليش تستغربين؟. في حريم جيه مثل ما قلتي ,,,,,,,,, ما شي ثقه بالنفس ابداً,, الله يعينهم على نفسهم و يعين رياييلهم عليهم

[twinkle star]

والله شو نقول هههههه
في بنات يستاهلن الخز
وفي بنات مسكينات ينظلمن
اللي واثقه من نفسها مابتخاف ريلها يطالع غيرها
و مهما شافووه البنات مابتعير اهتمام لانه هو مايشوف غير حرمته
اما الشكاكه والي تخاف مثل جي الريال يتعب منها مع الوقت

[غلآ نفسي]

ترا شي رياييل يطالعون حتى لو حريمهم وياهم

صارت لي مره اقولج يطالعني وحرمته معاه

يمكن ريلها له سوابق

ما يخصج انتي فالموضوع

بالتوفيق

[أم عذور]

الله يعينج أختي

مره كنت في القريه وفي بنات يطالعون ريلي جان يقولي ما تشوفين البنات شو يسوون

قلت له لا ما شفت يقولي ريلج بيطير من إيدج وإنتي مب حاسه قلت له حرام عليك ما سوو شي

ع نياتي واعليه

هذا من زمان اما الحين صارو البنات يخزوني حتى ريلي لاحظ هذا الشي قلت له عادي يتحروني

وافده ماخذه مواطن

[çϋтê мéмë]

والله من اللي يسونه البنات عادي يغازلن ريال متزوج

وشي العكس بعد المتزوجين مايشبعون عينهم طويله

فالاخير كل واحد لازم يغض النظر عن الثاني ف لاتلومين الحرمه لو اطالعتج

[مراسيل الوفاآ]

ما يخصه اختي معرسه ولا مب معرسه، شي حريم مب واثقات من عمارهن
يعني لو كنتي معرسه ويالسه بروحج وشفتي هالحرمه ويا ريلها بعد بتطالعج
من راسج لريولج

لو واثقه عليها من ريلها مب من الناس، يعني الواحد يغير اللي اجرب منه
قبل لا يخز الناس ولو ريلها من النوع اللي يطالع شو ذنب البنات تطالعهن
بنظره مب حلوه ولو شي بنات يطالعن ريلها بعد هي عليها توصيه يغض
بصره وما عليه من اللي يطالعه وخلاص مالها داعي هالحركات وتنفر الناس
منها وهم ما يعرفونها، حلو انه الوحده تكون واثقه من نفسها وتبتسم للبنات
اللي ما تعرفهم ومن تكون ويا ريلها ف مكان عليها بنفسها وبريلها وما
يخصهم هم الاثنين باللي حولهم

[أم جسوووم]

عن نفسي يوم البنات مثلا يطالعون ريلي م اسوي شي لان اعرف ريلي أصلا م بيعطيهم ويه ف ليش اححرق أعصابي

[ملكة الاحاسيس]

الحرمه تخز لو شافت حرمه فيها شي ملفت اما لو شفت وحدة كحتشمه ماحد بيخز هذا رايي

[طموح دبا]

والله انا متزوجة واسويها واخز ريلي لانه هو اللي يبصبص,, واعتقد انه الزوج يبصبص اما يحب يثير غيرة زوجته واهتمامها او انه ملاقي نقص فزوجته
اما اني اخز البنت !!! لو ظلت اطالعه وهو يطالعها وطولوا هني اعتقد بروح انادي ليهم السكيورتي وبادب الزوج والبنت خخخخخخ

[Pink Cherry]

عاد يوكم المتزوجات ان الريال مايخز الي حاشمه عمرها

خير يا اختي ؟؟ لا تحطين بذمتج حتى الي حاشمه عمرها تستغرب من حركات المتزوجات هذه جنها طايحه على كنز مب ريل حشى , اذا خايفه على ريلج خشيه فالبيت لا اطلعينه حبيبتي

ف رياييل عيونهم زايغه على الكل والي تسوي هالحركات ترا تحطين نفسج بمواقف باااااااايخه

[كلي_جاذبيه]

لانها شكاكه ومتعقده من النقص اللي فيها
ولانها متاكده 100٪ انها مب تارسه عين ريلها
وعارفه انه مالها اي اعتبار ومالها قيمه في حياة ريلها
كل هالاشياء خلت ثقتها بنفسها تنعدم وتصيبها حاله نفسيه
ادعولها بالشفاء العاجل والله يصبر ريلها

[.Dream]

شر البليه مايضحك

فجاه وبدون سابق انذار ولا انتي داريه عن هواها هي وريلها تلاقين وحده تخزج والا ساحبه ريلها وماسكه ايده وانتي الف استفهام ع راسج هههههههههههههه نعم يختي انتي وبراد بيت مالج عقد اللهم يا كافي

[رسايل غلا]

هههههههههههههههههه
ضحكتيني والله ترا الكل يعاني من هالشي ،،
ولا اذا عطيتي نظره بالغلط تيود ايد ريلها
سلامات ؟ ترا مابناكله
على قولتج والله النظرات تكون عفويه من غير قصد !

بس بيني وبينج ترا من حقها الحرمه تخاف خاصة هالوقت ،،
لان الحين موضة البنات يتصيدن المعرسين ،،
و مانعمم عالكل لان في بعضهن بنات حلال والنعم فيهن ،،
بس شو تقولين خلاص ( الخير يخص والشر يعم ) ياختيه

انا وايد اعاني من هالنظرات وتضحكني اللي كل ما تجوف بنت تيود ايد ريلها
يعني لو يودتي ايده هو جذي ما بيغازل؟! منطق غريب والله ههههههههه
اذا هي تخاف هذا شي من حقها بس مب كل البنات يتصيدن ولا كلهن يغازلن
في بنات شراتي انا ووايد مثلي تكون نظراتنا عفوية ومب مقصودة
فـ لازم الحرمة ما تظلم وتيلس تشك بدون سبب

تسلمين عالرد الطيب يالغلا

[رسايل غلا]

اللهم صل وسلم على سيدنا محمد في الأولين وفي الآخرين، وفي كل وقت وحين، وفي الملأ الأعلى إلى يوم الدين

عليه الصلاة والسلام

تسلمين الغلا على المرور الجميل