تعبت من العيشة كم بصبر

[ريم العسووله]

الطلاق صار هالوقت مثل شرب الماي
محد يتحمل ضغوطات الحياة الزوجية و على أبسط شيء الواحد طلب الطلاق
الله يهدينا و يهدي الجميع


أختي العزيزة بسألج هل تظنين زوجج مستانس من هالضغوطات المادية الي عليه ؟!
مثل ما أنتي تبين تعيشين مرتاحة تلبسين و تكشخين و تشترين إلخ ... ترى حتى هو يبي يعيش مرتاح ... كل إنسان في هالدنيا يبي يعيش مرتاح ...
ترى هو مو قاعد يجمع البيزات و خاشها عنج و لا قاعد يلعب فيهم ، و بروحج كاتبة و تدرين كل فلس من فلوسه وين قاعده تروح و وين قاعد يصرفه ...
فأنتي لا تزيدين عليه و تضغطين وايد و راعيه و لا تقعدين تطالعين خواتج و صديقاتج هذيلاك ظروفهم غير عن ظروفج و مدي ريولج على قد لحاف زوجج لين ما ربنا يفرجها و يخلص ديونه الي عليه ... و دايما الي يحمد ربه دوم الله يزيده و هالكلام مكتوب في القرآن ( و لئن شكرتم لأزيدنكم) ،،، و الي يقعد يتنقد و يذم و يبي و يبي و يبي و مو عاجبه شيء يحس نفسه دايما ما عنده شيء حتى لو عطيناه مال قارون !

مثل ما أنتي تشكين ترى حتى هو يتشكى تخيلي نفسج مكانه ، 10 آلاف من راتبج يروح للبنك ، و تعطين أمج و الخدامة و مصروفات البيت و العيال و بترول و و و !!! كم الواحد بيتحمل
الريال ملزوم بزوجته و عياله و بيته ( على قد فلوسه و ظروفه) مب مقارنة بغيره
و لا تستبعدين أن تصرف و عصبية زوجج سببها هالضغوطات الي عليه ...
خلاص لأن عنده ديون و إلتزامات صار فقير في نظرج ؟
مب هالديون الي عليه عشان عرسج ؟
و هو مو عديم أحساس و رومانسية مثل ما تقولين و الدليل أنه يبي تدلعينه و تتريقين معاه و تدلكينه و و و هو محتاج حنانج و وقفتج معاه تحت هالظروف مب هواش و نكد أختي العزيزة ...

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[ام ميثاني..]

ماعيبني كلمت فقير هاذا نصيب وقولي الحمد لله لتنفيذ فقير تقولين عفت العيش اتحملي وأجور ولو تبين رأي اتوظفي وحاولي

[ثريا 2014]

لا اله الا الله
حرام بعض الردرد تخرب بيوت اتقو الله في كلامكم خواتي
،،،،،،،،
اختي المرأة ماتوفي حق ربها الا لما توفي حق زوجها
غلط انج لا تتعدلين له ولا تخدمينه
ومن واجبج تلبسين له وتتعدلين عشان ترضي ربج قبل زوجج 
ونفس ماقالو الخوات عندج زوج وبيت وعيال والصحة الحمد لله هاي نعم كثيرة لازم تسجدي لربج شكر عليه ترا النعم تزول بعدم الشكر والحفاظ عليها
لا تقارني حياتج بالناس لا تكون اولوياتج اللبس والذهب والشكليات 
خليج قنوعة بالي رزقج اياه رب العالمين
حاولي تصبرين عليه وتساعدينه
داومي وادا رافض اشتغلي بالبيت ويسري امورج ولا تعقيدنها
الله يوفقج

[m3andah]

اذا ما يضرب بنقول اتحملي واسكتي
بس يضرب ها انا ما اعتقد بصبر عليه .. وان شاء الله ما اجرب هالشي واكيد اللي عايشه هالوضع وعندها عيال ممكن تفكيرها غير ..

اما موضوع ان يتم من راتبه ترا هو ما يحاسب يعني شو مخالفات ليش ما يمشي نظامي؟؟ مب انتوا اولى بهالفلوس؟؟ .. واذا امه حالتها زينه ومب محتاجة ف ليش يعطيها؟؟ اما اذا محتاجة ف لها حق عليه
واذا هذي ديون العرس ف حرام عليج .. يعني انسان ضيع حياته عشان العرس والامور التافهه واخرتها تقولين تعبت .. هذي غلطتج ان تبين تسوين وتسوين بفلوس من البنك والريال ما عنده قدرة عهالمبلغ ..يعني حطي نفسج مكانه .. ضيع حياته واخرتها حرمته تكون جذة .. هو بعد كاره نفسه وهالشي مخليه مب اوك .. الا لو كان من البداية يعاملج بهالاسلوب ف ها طبعه

وابكل الاحوال ما يمنعكم هالشي من الطلعه .. اطلعوا كل اسبوع مرة .. والذهب والفلوس مب كل شي .. قولي الحمد لله انج بصحة وعافيه انتي وعيالج ..
انا انصحج تسمعين لوحدة عاليتيوب اسمها ( سماح حوباني ) تتكلم عن كيف تقدرين ذاتج وكيف تحسين بالنعم اللي انتي غرقانه فيها .. وكيف تزيدين من الاشيا اللي تبينها .. وان شاء الله تستفيدين ...
اما موضوع ان تطلقين بسبب الفقر ف لا .. لو قلتي بسبب الضرب كنت بقولج هيه .. ترا كل حد وعنده مشاكله لكن الواحد يقول الحمد لله دايما .. شوفي الناحية الايجابية ف حياتج وتقربي لربنا اكثر وان شاء الله ربنا بيفرجها عليكم

[m3andah]

المصروف الشهري من حقج ومجبور يعطيج اياه لا وعندج عيال بعد

يعني مقصر وبعد يضضربج ليش ان شاءالله ؟؟

روحي قدمي ع شغل واشتغلي حتى لو راتبج 10 الاف احسن من المذله هاي

انا ضذ انها تشتغل .. بتكرف وبترد البيت هلكانه ومالها خلق لعيالها ولا لبيتها وريلها .. تعب الصراحة انا موظفة ومب معرسة واشوف المعرسات كيف حالتهم .. بس لو بتتحملين هالشي قدمي ع وظيفة واشتغلي واتاكدي ان عقب بتعتمدين ع هالراتب وما بتقدرين تتركين الشغل لين تتقاعدين