الأمثال الشعبية ..

[hamoudmam]

السلام عليكم و رحمة الله تعالى و بركاته



موضوعنا واضح من عنوانه ...عن الأمثال الشعبية ..الي هي حكم ...ورثوها الأجداد عن أجدادهم ..و وصلت النا ..فيها عبرة ..


و موعظة و دروس حياتية ..لمن يفهم أبعاد هالأمثال ...









هي خلاصة توصل الها الأجداد ..بعد تجارب في كل مجالات الحياة .






عرفناها ...و فيه منا الي طبقها بدون الخوض بتجارب و بدون ضياع جهد و وقت ...بل يكفي يسمع المثل و يطبقه ...


و فيه الي يبغي يعيش التجربة و يتجاهل الأمثال .. .. يحصد ما جنته يداه ..(سواءا النتيجة زينة و لا شينة ) ..عقب يقول صدق


الأجداد ...قالوها بالمثل .....







نحن بموضوعنا ..نبغي نعرض أمثال شعبية ...من مختلف الدول ..حتى لو المثل باللغة الأجنبية ...


كل عضوة ..تجود علينا بمثل و أمثال ..و تشرح النا ..معنى المثل ..و يحث على شو بالضبط ...


أتمنى يعجبكن الموضوع و تتفاعلن ويا مضمونه ...

المزيد من آخر المواضيع من نفس القسم:

• الحكاية إنك أجمل من تفاصيل الحكاية
• مجموعة كتب لعميد الادب العربي : طه حسين
• سلسلة مؤلفات الروائية احلام مستغانمي
• لا يهمّ من لا يُذنب...
• أنا تراب...
• فالكاذب يكُنْ ما يريد ..!لعبدالحليم الطيطي
• هاتي جمالك...........لعبدالحليم الطيطي
• يممت الفؤاد
• الحُبّ ترينه إذا نزل...
• طريق طويلة جميلة،،لعبدالحليم الطيطي

[hamoudmam]

بابتدي : أول مثل بقوله :

اللي ما يعرفك ما يثمنك

يعني الي ما يعاشر الشخص و يقرب منه و يتعرف على طباعه و اخلاقه ..ما يعطيه حق قدره ..

[ياقوتةخضرا]

من الأمثال المحلية اللي أحبها :

(عندك تاكل ؟ قال لا ! ، عندك تغرم ؟ قال هيه!)


تغرم : يعني تدفع غرامة على فعل غير مسؤول فعلته بسبب التهور مثلا أو بسبب اللا مبالاه

ويضرب هذا المثل على الناس اللي على قد حالها
لكن بسبب الفشخرة أو التصرفات المبالغ فيها تدفع فلوس على الفاضي بسبب سوء التصرف لا أكثر

[hamoudmam]

هلا ياقوتة شكرا عالمثل و عالمشاركة


امزاح و دز ارماح


بمعنى أنه ممكن ننبه شخص عن شئ معين بطريقة لبقة و بدون تجريح ...

[عساك تبقى لي]

وعليكم السلام ورحمة الله وبركاته. .

هلا وغلا بأختي أم حمود. .
موضوع وايد حلو ..وأنا عن نفسي وايد أحب الأمثال الشعبيه. .وإن شاء الله ف هالموضوع بتعرف عليها أكثر وأكثر. .

انا المثل اللي قابضتنه ع الكل ..
(اللي مايعرف لصقر يشويه )
وينطبق ع الناس اللي ماتعرف قيمة الشي إلا بعد ماتفقده. .

واحب بعد مثل أختي ياقوته. .دوم أيار في ريلي. . ..عاد أمثال ولا إم نطبقها فحياتي اليوميه. .

أم حمود ..
كل الشكر ع الموضوع الجميل. .

[ثريا 2014]

مساء الورد
ام حمود
حبيبتي انتي ماشاء الله عليج دوم متفوقة في اختيار مراضيعج
الله يوفقج
،،،،،،
المثل يقول
( يد وحدة ماتصفق )
معناه اننا مانقدر نصفق بيد وحدة نحتاج ايد تانية عشان نصفق
هالمثل يحث عن التعاون بين الناس

[malak nour]

هلا وغلا حبيت الموضوع مشكورة ام حمود عالفكره هذه، انا وااايد احب هالمثل هذا {اللي في الجذر يطلعه الملاس}
يعني انه اي اخبار و وقائع حصلت او اشخاص قاموا بافعال معينة وماظهرت وماعرفناها سوف تخرجها لنا الايام اجلا ام عاجلا

[hamoudmam]

عساك تبقى لي و ثو ثو و ملاك : مشكووورات عالمشاركة الطيبة و أباها دوم بإذن الله ...أي مثل يي على بال أي غالية منكن تسدحه هني على طووول ...


البعد بعد القلوب مب بعد الدروب



بمعنى لا حد يتحجج ببعد المسافة لعدم السؤال عن من يحبونه ...لأنهم لو بقلبه ما تمنعه المسافات و البعد عن السؤال ..

[��@ سوما@��]

وايييييد حلو دائما مبدعه ام حمود حبيبتي

[Yazi.90]

شاكره لج ام حمود على موضوعج الحلو شراتج ،،

" اللي يبا الصلاه ماتفوته "

بمعنى : الشخص لو يبا الشي ويسعى له بيحصله ،،

[Yazi.90]

" باب اييك منه الريح سدّه واستريح "

بمعنى : الشي اللي منه مشاكل وعوار راس
تجنبه واقطعه من البدايه ،،


< شرايكم فيني وانا اشرح !
عموماً طوفو لي ،،

[hamoudmam]

هلا سوما ..الله ينور أيامج اختي ..نبا عاد أمثال شعبية عراقية ...

أم فهودي : العفو اختي ...بعض مما لديكم ..

إذا ما طاعك زمانك طيعه و خلك ربيعه


بمعنى الشخص لازم يتماشى مع ظروفه و يتأقلم معاها ...و يكيف عمره على أحداث الزمان و مستجداته ...

[شعاع امل]

قال له : مافيك خير ولامهب الطير ...

مثل امي .... هي عمانيه فيمكن عندهم ههههههههههه

في كتاب عن الامثال الشعبيه الامارتيه شفته مره ... لو رحت اليوم المكتبه بدور عليه وبخبركم .... بس زمان ماعرف اذا بحصله

[Yazi.90]

" لبقره ماتشوف ذيلها تشوف ذيل ربيعتها "

بمعنى : الانسان مايشوف عيوبه ، يشوف عيوب غيره !

[شعاع امل]

" لبقره ماتشوف ذيلها تشوف ذيل ربيعتها "
بمعنى : الانسان مايشوف عيوبه ، يشوف عيوب غيره !

هذا المثل اختي مفروض يحطوه على كتب المدرسه على طبعة الغلاف .....