راتبي واسألته

[ليندااااا]

عزيزتي المفروض تقعدين معه في قعدة رواق وتخبرينه ان راتبج لج وبتساعدينه كرم منج
وهو طبعا الريال المفروض يصرف ويتحمل المسؤلية كاملة وحتى مصروفج
كل الي اقصده انج ما تعودينه يسحب منج يوميا والريال اذا تعود ياخذ فلوس حرمته يستوي ما يميز من الواجبات والحقوق
حددي وياه المبلغ الي بتدفعينه للبيت وخلي الباقي لج

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[Satay]

أنا بعد أقول ايلسي وياه يلسه رايقه و تفاهموا و ان شاء الله الأمور بتنحل .. احس مب حلوه تقولين انه ما يخصه ف فلوسج .. هو صح ما يخصه شرعا بس مو حلوه تقولينها كاش ف ويهه لان بعد الريال ما يقصر ف حرمته اذا طلبت منه شي ( البعض منهم )

[m3andah]

استغفر الله بس رفعلي ضغطي ههههه
الحين انتي تشاركينه بالبيت بس البيت باسمه هو بس ؟؟ ولا باسمكم اثنينكم ؟؟ لا تقولون مشاركة وماعرف شو .. اضمني حقج لان الريال ما ينضمن مهما كان اوك .. وادفعي نفس المبلغ اللي هو يدفعه ويكون البيت باسمج واسمه نص بالنص

وبعدين انتي غلطتي ليش تعطينه اصلا ؟؟ هو شو خانته بالضبط؟؟
قوليله انا ما بعطيك وها تعبي وانتي مجبور تصرف علي وخلاص خير يعني .. فوق ما تدفعين هالمبلغ وبعد يتكلم .. طمع اعوذ بالله

[منيكان رشيقة]

25 شهريا ومب عايبنه،،،؟؟!!

لا يكون ماخذنج بنك عشان تبنين له البيت،، وعقب ييب لج حرمة ثانية وتيلس معززة في بيتج اللي انتي بنيتيه

اول شي اختبريه وشوفي ردة فعله؟؟؟

1- قولي له تبين يكتب لج شيك أبيض عشان تضمنين حقوقج في البيت
أو
2- يكتب البيت باسمج واسمه،،،

واحد من الاثنين وشوفي ردة فعله؟؟؟ اذا طاع اوكي اذا ما طاع
قولي له امج او اخوج او اي حد طالبين منج سلف ولازم تساعدينهم،، واستسمحي منه انج ما تقدرين تساعدينه في البيت اكثر،، قولي له الحمدلله ساعدتك كثر ما الله قدرني،، اكثر عن جي ماقدر وعندي ظروف،،، وخلاص ،، شلي ايدج من الموضوع

ولا تنسين تطلبين لج مصروف شهري حتى لو بسيط، لان الريال هو ملزوم يصرف عليج ويوفر لج بيت مب العكس اختي

واذا ما طاع وحب يعلي صوته ويضارب،، هدي على راحته وكلمي ابوج او اخوج يكلمونه وتنتهي السالفة

الله يوفقج،، طمنينا شو بيصير معاج

الله.
يوفقج يارب

[ام مصطفى..]

لا تبنين البيت بفلوسج و ما يكتب لج نصيب فيه لا تغلطين هالغلطه لو ريلج يحبج ويموت فيج نصيحه لوجهه الله نص البيت باسمج ونص الثاني باسمه !!! ،،

[مون 55]

الله كريم

[احلى بعفويتي]

اكيد راتبج موب سر حربي .. لازم بيعرفه موب مشكله عادي خله يعرف كم معاشج


قوليله البيت تراه انا اوفر مبلغ كل شهر له .. وهالي بقدر عليه بعطيك

وغير جي مالك حق تسال اعذرني

[jumana]

المفروض من البدايه تكلمينه وتفهمينه من استوينا ومعروف الريال هوملزوم بالحرمه حتلى لو تشتغل بعد لازم يصرف عليها ...وإذا انتي حابه تصرفين من طيب خاطرج ها منج انتي بس هو مايقدر يجبرج بشي


وصراحه من اللي أشوفه واللي مرن عليه من الحالات الوحده تقصر على عمرها وتشارك في بنا البيت واخر شي يطلقون والريال اللي ياخذ البيت طبعا أكيد باسمه

ونفس الوقت ما ننكر في رياييل والنعم فيهم يخافون الله ...والحرمه من نفسها تساعد

[ريم العسووله]

موضوع راتب الزوجة يثير الحساسية بين الزوجة و زوجها
مالج الا حد من أهله و قريب منه يكلمه و يفهمه بأن لا الشرع و لا القانون يلزمج على المصاريف و ينصحه يخفف عليج تصرفه

وفقك الله عزيزتي

[AL_REEM]

اختي ليتج ما كتبتي كل تفاصيل مشكلتج ...

مابا جواب حد من الخوات يأثر من نفسيتج او نظرتج لزوجج ...

[Amaaaal]

مشكورات بنات ع الردود والحلول ويعطيكم العافية ف ميزان حسناتكم ان شاء الله بس مستحيل ادخل اهلي في الموضوع بالذات في موضوع فلوس احس ريلي بيحس بالاهانة وبطيح من عينه

للحين ما كلمته الا بخصوص الارض ووعدني انه بيسجل الارض باسمي بعد ما ينبني البيت يقول لان الارض منحة وما يصير يسجلها باسمي الا بعد ما نبني فيها ؟؟

حبيت أتأكد منكم

منو طلعت لهم ارض في جنوب الشامخة ؟؟ أنا مبدئيا صدقته بس شكيت في كلامه بعد

شو رايكم انتوو ؟؟؟؟

[المغتربة]

مشكورات بنات ع الردود والحلول ويعطيكم العافية ف ميزان حسناتكم ان شاء الله بس مستحيل ادخل اهلي في الموضوع بالذات في موضوع فلوس احس ريلي بيحس بالاهانة وبطيح من عينه

للحين ما كلمته الا بخصوص الارض ووعدني انه بيسجل الارض باسمي بعد ما ينبني البيت يقول لان الارض منحة وما يصير يسجلها باسمي الا بعد ما نبني فيها ؟؟

حبيت أتأكد منكم

منو طلعت لهم ارض في جنوب الشامخة ؟؟ أنا مبدئيا صدقته بس شكيت في كلامه بعد

شو رايكم انتوو ؟؟؟؟

اختي كلامه غير صحيح سوري يعني
حتى لو بنيتي الارض
الارض اتم منحة للحكومة لفترة زمنية معينة ع حسب قانون كل امارة
مثلا في الشارجة 7 سنوات ملك للحكومة بعد البناء
في عجمان 5 سنوات ملك للحكومة
و بوظبي ما عندي فكرة بس هي ملك للحكومة كذا سنة حتى لو بنيتي

انا اقولج اكتبي حقج عند كاتب العدل و تكون مثل ورقة رسمية يثبت حقج في البيت بنسبة معينة
يعني لو ساعدتي بنسبة 50 % او 60 % ع حسب مساهمتج في البيت

اختي نحن ما نقصد نجرجج ع ريلج
بس خلج حكيمة و عاقل بدون ما تخسرينه او تسوين حساسية بينكم
سوي سيرج عن الموضوع و تأكدي من حد معين

و انتي براحتج دامج واثقة فيه و مرتاحة مب لازم تسوين ها الحركة

[رباب حمدان]

هالرياييل طماعين

[Cobon]

الريال شرات الياهل
يوم تفتحين ايدج يبغي بعد
و يوم تصكرين ايدج مرة مرتين عشر مرات خلاص ما بيطلب

مساعدة البيت عادي جدا في ها الزمن الصعب مع حفظ الحقوق
بس شي ثاني حطي اشارة حمراء و alarm حتى ينتبه

[Ward-uae]

هو يعطيج مصروف فوق راتبج؟
عن تجميع البيت انتي 25 اكيد هو بعد 25 فأنتي ادرى بالتوزيع بينكم ويمكن يبيج توفرين لنفسج
وعن الطلاق السالفة مول ما تستاهل