بخاخ اتروفين .. وخشمي المسدود ..

**ليدي بيرد** · 2015-05-13, 06:42

السلام عليكم ورحمة الله وبركاته .. شحالكم سيدات الإمارات الجميلات

بنات أبا حد يفيدني .. انا حامل في الاسبوع ال 11 يعني في الشهر الثالث .. وخشمي مول مسدود .. مب قادرة اتنصخ خير شر .. جربت ماي وملح ما فاد معاي مب عارفة كيف أتصرف

مريت الحوادث عطاني الدكتور بخاخ اتروفين وفي بعد دوا

شكيت في الأدوية وسويت سيرج ف النت وفيه وايد مخاطر خصه اني في االشهور الأولى

سألت كذا دكتورة عن البخاخ لأنه اعرفه وايد فادني قبل .. و 2 قالولي عادي .. ووحدة قالت لا
وسألت دكتور أنف وأذن وحنجرة وقالي بالكثير 5 أيام

حاليا انا كملت 5 أيام بس بعدني موسوسة .. أبا حد كان مجرب فترة الحمل وما أثر أن شاء الله فيها ولا في الجنين

وابا حل ثاني جذري يريحني لاني جد مب قادرة ارقد

وجزاكم الله خير

المزيد من آخر المواضيع من نفس القسم:

**Um Sha5bo6** · 2015-05-13, 07:24

وعليكم السلام ورحمة الله وبركاته..
انسداد الخشم مع الحمل شي يصير لوايد حريم ويروح بعد الربا..
بس انتي توج بالثالث الله يكون في عونج ويشفيج من عوقج..
للأسف ما عندي فكره عن الدوا.. بس حبيت ادعي لج..

**نبض الشارقة** · 2015-05-13, 07:34

رررررررررررررفع

**ليدي بيرد** · 2015-05-13, 08:43

المشاركة الأصلية كتبت بواسطة Um Sha5bo6

وعليكم السلام ورحمة الله وبركاته..
انسداد الخشم مع الحمل شي يصير لوايد حريم ويروح بعد الربا..
بس انتي توج بالثالث الله يكون في عونج ويشفيج من عوقج..
للأسف ما عندي فكره عن الدوا.. بس حبيت ادعي لج..

أرجوج لا تصدميني 😭😭😭😭

أن شاء الله يكون في حل جذري لاني خير شر مب قادرة انام

ع العموم أسعدني مرورج والله أيسر لج حملج أن شاء الله وتقر عيونج بشوفة البيبي بالسلامة

**ابداااع للتصميم** · 2015-05-13, 11:32

الله يسهلج

**ftat** · 2015-05-13, 13:54

أختي بخاخ اتروفين يستخدم ثلاثة ايام بس واكثر شيء خمسة ايام لانه بعد هذي المدة بروحه يسوي احتقان وانسداد في الانف.وهذي معلومة للاسف ما يقولونها لج الصيادلة والدكاترة.
تركيه واستخدمي اوشن سبراي او اي نوع ثاني يكون ماي وملح بس مب دوا...يمكن يكون الحتقات حاليا من الاتروفين..بعد لوتأخذين الماي والملح الكبير الغسول يكون افضل..

**مس.مريوم** · 2015-05-13, 15:19

اختي نصيحه لا تاخذينه مب لانه مضر للجنين مضر لج انتي وراح يصير شرات الادمان انا استعملته مره و المصيبه زاد خشمي وظليت استعمله وما اقدر ارقد بدونه ل سبع سنين وعقب تزوجت انصدمت انه ريلي شراتي ونفس موضوعي و لما حملت ماقدرت اقطعه وكنت استعمله وانا حامل ف عيالي وتاثروا بنتي كله حساسيه ف خشمها و ولدي يقعد عالليل مب قادر يتنفس. سبحان الله عقب اصريت اقطعه وقمت كل ما ابي استعمله استنشق ماي دافي و انظف خشمي ظليت عالحاله اسبوع وشوي و اليوم خلاص ما احتاج له الحمدالله وانا الحين حامل فالله يسهل علي وماصرت استعمله ومرتاحه حتى ريلي تشجعع وقام يسوي شراتي كمل اسبوع وقطعه. انصحج اختي لاتستعملينه نهااااىيا

**شهرزاد30** · 2015-05-13, 15:25

عزيزتي جربي البخار ,, نفس مال تنظيف البشره ينباع في الصيدليات بس حاسبي المكيف لازم يكون مبند خلال الوقت اللي تكونين حاطه ويهج فوقه و بعد ما تحطيته بنص ساعه عالأقل عسب ما تزكمين
انا صار لي جيه قبل و راح بروحه بعدين, بدون دوا
و شربي ماي كثر ما تقدرين

**ليدي بيرد** · 2015-05-13, 16:29

ان شاء الله ويزاكم الله خير .. أهم شي انه الجنين ما بينظر وانا بقطعه أن شاء الله .. روحي وايد خايفة لاني خذته 5 أيام مع أنه مفعوله كان وايد مريحني .. بس بحاول أخذ بالنصايح اللي قلتوها لي وان شاء الله خير .. الله يسهل علينا وايسر انا ويرزق كل محروم أن شاء الله

**غرورعبدالله** · 2015-05-14, 03:57

انا بصراحه ما استغنى عنه.. ثجل وحموضه وخشم مسدود.. ما اقدر، عقب الربا بودره

**ليدي بيرد** · 2015-05-14, 10:15

المشاركة الأصلية كتبت بواسطة غرورعبدالله

انا بصراحه ما استغنى عنه.. ثجل وحموضه وخشم مسدود.. ما اقدر، عقب الربا بودره

بس تأكدي .. انا والله سألت ففوق دكاترة وكمن صيدلاني محد نصحني .. بس اتوقع يعتمد ع الشهر .. انا في المرحلة الأولى يعني الشهور الأولى .. والله أيسر لج وان شاء الله ماله أعراض جانبية

**غرورعبدالله** · 2015-05-15, 13:03

المشاركة الأصلية كتبت بواسطة ليدي بيرد

بس تأكدي .. انا والله سألت ففوق دكاترة وكمن صيدلاني محد نصحني .. بس اتوقع يعتمد ع الشهر .. انا في المرحلة الأولى يعني الشهور الأولى .. والله أيسر لج وان شاء الله ماله أعراض جانبية

صح هو مب زين موول حتى حق فترة الرضاعه ويسبب ادمان.. يوم ازجم قبل الحمل صعب اودره.. فالحمل اصعب، الله يساعدنا وان شاء الله نربي بالسلامه وبصحه وعافيه لنا وللكتاكيت

**احتاجك..** · 2015-05-15, 22:58

ابببببببببببب
سبحان الله وبحمده

الموضوع: بخاخ اتروفين .. وخشمي المسدود ..

أدوات الموضوع

عرض

بخاخ اتروفين .. وخشمي المسدود ..

المزيد من آخر المواضيع من نفس القسم:

رد: بخاخ اتروفين .. وخشمي المسدود ..

رد: بخاخ اتروفين .. وخشمي المسدود ..

رد: بخاخ اتروفين .. وخشمي المسدود ..

رد: بخاخ اتروفين .. وخشمي المسدود ..

رد: بخاخ اتروفين .. وخشمي المسدود ..

رد: بخاخ اتروفين .. وخشمي المسدود ..

رد: بخاخ اتروفين .. وخشمي المسدود ..

رد: بخاخ اتروفين .. وخشمي المسدود ..

رد: بخاخ اتروفين .. وخشمي المسدود ..

رد: بخاخ اتروفين .. وخشمي المسدود ..

رد: بخاخ اتروفين .. وخشمي المسدود ..

رد: بخاخ اتروفين .. وخشمي المسدود ..

المواضيع المتشابهه

أبا كريم BB الآسيوي

عطر الزعيم الآسيوي

الأرز المقلي الآسيوي

بخاخ السيقان يخلي الساق روعه + بخاخ الوجه