london برنامج سياحي

[امونه و محمد]

بنات انا سايرة لندن اذا الله راد عقب العيد اتمنى من خبيرات لندن برنامج لاسبوع بسير انا وخواتي وبنسير لاول مرة ونبى سياحة اكثر عن شوبنج عطوني جدول مناسب

المزيد من آخر المواضيع من نفس القسم:

• اهم المعلومات عن وسائل المواصلات والتنقل في...
• ألينتيخو البرتغالية اجمل الوجهات السياحية...
• جزيرة بالاوان اجمل الجزر الطبيعية في الفلبين...
• كانازي قرية إيطالية خيالية بأجواء لامثيل لها...
• اجمل الأماكن السياحية في كوتور
• جولة سياحية لاجمل المعالم في ألبانيا
• بولندا تفتتح أعمق مسبح في العالم
• اجمل اماكن سياحية من العصور الوسطى في كوينكا
• طيران الإمارات و«فلاي دبي» تستعيدان 70 و50%...
• لقطات مثيرة من جودبور المدينة الهندية...

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[احتاجك..]

أنا ماعرف فديتج

[^الدماني^]

أنا بأحط لج الرد اللي رديته على عضوة كان سؤالها مشابه لسؤالج :

بريطانيا ، لندن :

أهم الأماكن السياحية :


حديقة الهايدبارك
حديقة كنزغتون (فيها قصر الأميرة ديانا وتنفصل عن جديقة الهايد بارك بنهر))
حديقة ريجنت
شارع كارنابي
http://www.carnaby.co.uk/
ليستر سكوير

منطقة البيكاديللي :"وبالقرب من ميدان بيكاديللي يوجد منطقة المسرح في شارع شافتسبري أفنيو وعند تقاطع ميدان بيكاديللي هناك متحف ريبلي للعجائب والذي يضم مجموعة من القطع الأثرية من مختلف أنحاء العالم.
لقد اصبح هذا المكان شهيراً في لندن ويتميز بلوحاته وبأجهزة العرض الرقمية المضيئة ليلاً.

ترافلجر سكوير
حدائق الملكه ماري وحدائق الازهار وفيها لندن zoo

دخول قصر باكينغهام
+ (مشاهدة تتبديل الحرس اليومي)
http://changing-the-guard.com/dates-times.html

Holland Park (حديقة مهداة من الشعب الياباني )
منطقة ساوث كنزغتون فيها اشهر متحفين : البرت هول ومتحف الطبيعه بتلقون فراشات وجذيه
و المتحف العلمي عدال متحف البرت
شارع اكسفورد ستريت كله محلات حلوة
منطقه كنزغتون فيها مجمع ويستفيلد
كنزغتون هاي ستريت نفس الاكسفورد
سفاري بارك
اكواريوم لندن (خمس طوابق)
شارع camden town كله مطاعم ومحلات
London Eye
ساعة بيج بن

وفي أوتلت مول برع لندن اسمه Bicester Village كله ماركات بأسعار مخفضة
http://www.bicestervillage.com/
يبالكم يوم كامل فيه


وهذا رد وحدة من الخوات بخصوص جدول زيارة للندن يمكن يفيدج :

"بستر فيليج يباله يوم من الصبح وردي العصر وتمشي في الاكسفورد
وفي يوم سيري ساعه البق بن ولندن اي ونهر التايمز والاكواريوم لانهن كلهم عدال بعض بس لندن اي بتركبينها المده 45 دقيقه والاكواريوم يبابه ساعه وجوله في النهر بعد 45 دقيقه وساعه البق بن بس تصورينها يعني ها كله خليه من الصبح للعصر وع المغرب روحو تمشو في البيكادلي لان وايد قريب
وفي يوم طلعو للهايد بارك من الصبح وبعدين روحو مشي لين قصر الباكنجهام والساعه 11 ونص يبدا عرض تبديل الحرس بتستانسون وسيرو عقب الهارودز وتغدو وتمشو في منطقه الهارودز
وفي يوم روحو متحف مدام تيسو يباله ساعتين فيه وعقب طلعو حديقه الريجنت بارك وانا افضل لكم ها اليوم يكون يوم الجمعه يعني من 10 لين 12 في متحف مدام تيسو وعقب طلعو حديقه الريجنت ستريت وصلو صلاه الجمعه في المسيد في الحديقه وبعد ماتخلصون تمشو في شوارع لندن الريجنت ستريت والاجوار رود والاكسفورد والبيكادلي احلى شي في لندن المشي

وسووو يوم طلعو سفاري بارك تبعد ساعه اظن عن لندن حديقه حيوان مكشوفه روووعه او سيرو حديقه ثوربارك بعد روعه يعني طلعو من لندن شوي لان في اماكن روووعه "






الفنادق :

عندي اقتراحين :

1 The Langham Hotel 5 نجوم بجانب اوكسفورد ستريت



2 Lancaster Hotel 4 نجوم
http://www.tripadvisor.com/Hotel_Rev...n_England.html

ميزته ملاصق الهايدبارك





أشهر المطاعم :

Sofra مطعم تركي
http://www.sofra.co.uk/sofra_mayfair.htm
Meat Liquor
Café Colbert
C London
Hush Mayfair
Mad Hatter Hotel
Godiva Café At Harrods
Harrods Food Court
Roka
Patty & Bun
Chapati & Karak at Harrods
Veeraswamy
La Porte Des Indes مطعم هندي
La Tasca James ST
Marroush لبناني
Novikov
Burger & Lobster
http://www.burgerandlobster.com/home/

[السنع و الزين]

واخيرا فيه حد يبا يروح لندن بدون ما يضيع وقته بالشوبينج. لندن فيها اماكن وايد حلوه وحرام الواحد يضيع كل وقته في الشوبينج. النظام السياحي يعتمد ع شو طبيعتج انتي وخواتج وشو تحبون. انا لما خواتي يزوروني كل وحده اوديها اماكن مختلفه. هل تحبين الاماكن الحضريه؟ الحدايق؟ المطاعم؟ هل تحبين المشي؟
فيه اماكن لندن وايد معروفه فيها مثل لندن اي وساعة بيج بين والساحات والحدايق مثل هايدبارك. شخصيا اشوف اغلبها ما تستاهل الزياره ومجرد خدع للسياح. غير جي اغلب السياح الخليجيين يروحون اماكن معينه مافيها اي شي مجرد تسوق وكم مطعم عاديين وسياح خليجيين ثانيين
الاماكن اللي تستاهل برايي:
١- تقدرين تروحين london eye لو حابة من هناك تقطعين الجسر وبتوصلين charing cross فيها مطاعم روعه
٢- London bridge ومن هناك تروحين في اماكن جدا جدا روعه ما وصلها السياح فيها مشي ع النهر او مطاعم او بنايات روعه.
٣- لو تحبين الفن انصحج تروين Tate modern لوحات بيكاسو والمنطقة اللي حواليها southwark منطقة جدا تريندي وكلها ابداع، انا ساكنه هني صارلي فتره
٤- لو مهتمه بالتاريخ ممكن تزورين المتحف البريطاني، انا لو مافيه "حجر رشيد" كنت ما زرته
٥- لو تبين توقفين ع خط جرينتش ممكن تزورين منطقة جرينتش مب بعيده من وسط لندن
٦- بيكاديلي سيركس و ليسستر سكوير برايي من الاماكن الوحيده السياحيه اللي تستاهل، تناسب تروحينهم بالليل وجراب من بعض، وترومين تروحين ترافلجار سكوير. في هاجن داز هناك لو تحبين ايسكريماتهم انصحج فيه.
٧- سوق كامدن اللي السياح العرب ابدا ما يروحون له جدا روعه ومن احلى اماكن لندن، حتى لو ما تتسوقين بس تتمشين في كامدن وتاكلين من الشارع. روعه..

الاماكن طبعا ما تخلص ولو حبيتي ممكن ارتب لكم جدول كامل، وبالتوفيق.

[ام عنوده]

بالتوفيق وتتهنون انشاء الله

[امونه و محمد]

أنا بأحط لج الرد اللي رديته على عضوة كان سؤالها مشابه لسؤالج :

حبيبتي تسلمين يالغلا

[امونه و محمد]

تسلمين على المرور حبيبتي

[امونه و محمد]

واخيرا فيه حد يبا يروح لندن بدون ما يضيع وقته بالشوبينج. لندن فيها اماكن وايد حلوه وحرام الواحد يضيع كل وقته في الشوبينج. النظام السياحي يعتمد ع شو طبيعتج انتي وخواتج وشو تحبون. انا لما خواتي يزوروني كل وحده اوديها اماكن مختلفه. هل تحبين الاماكن الحضريه؟ الحدايق؟ المطاعم؟ هل تحبين المشي؟
فيه اماكن لندن وايد معروفه فيها مثل لندن اي وساعة بيج بين والساحات والحدايق مثل هايدبارك. شخصيا اشوف اغلبها ما تستاهل الزياره ومجرد خدع للسياح. غير جي اغلب السياح الخليجيين يروحون اماكن معينه مافيها اي شي مجرد تسوق وكم مطعم عاديين وسياح خليجيين ثانيين
الاماكن اللي تستاهل برايي:
١- تقدرين تروحين london eye لو حابة من هناك تقطعين الجسر وبتوصلين charing cross فيها مطاعم روعه
٢- London bridge ومن هناك تروحين في اماكن جدا جدا روعه ما وصلها السياح فيها مشي ع النهر او مطاعم او بنايات روعه.
٣- لو تحبين الفن انصحج تروين Tate modern لوحات بيكاسو والمنطقة اللي حواليها southwark منطقة جدا تريندي وكلها ابداع، انا ساكنه هني صارلي فتره
٤- لو مهتمه بالتاريخ ممكن تزورين المتحف البريطاني، انا لو مافيه "حجر رشيد" كنت ما زرته
٥- لو تبين توقفين ع خط جرينتش ممكن تزورين منطقة جرينتش مب بعيده من وسط لندن
٦- بيكاديلي سيركس و ليسستر سكوير برايي من الاماكن الوحيده السياحيه اللي تستاهل، تناسب تروحينهم بالليل وجراب من بعض، وترومين تروحين ترافلجار سكوير. في هاجن داز هناك لو تحبين ايسكريماتهم انصحج فيه.
٧- سوق كامدن اللي السياح العرب ابدا ما يروحون له جدا روعه ومن احلى اماكن لندن، حتى لو ما تتسوقين بس تتمشين في كامدن وتاكلين من الشارع. روعه..

الاماكن طبعا ما تخلص ولو حبيتي ممكن ارتب لكم جدول كامل، وبالتوفيق.

ماشاء الله عليج لو دريت حجزنا منكم بس خلاص ان شاء اليايات غناتي

[امونه و محمد]

بالتوفيق وتتهنون انشاء الله

وياج غناتي