المطاعم بالويكن ,,, ماشي مكان والناس ماخذه راحتها ...

[لمسات هادئه]

انا احب اطلع ف ايام العاديه ........

خصوصا الصبح مولات فاضيه .^^

تتمشين ع راحتج بدون زحمه وتتشرين كل الي فخاطرج ^ـ^

ولا ف ويكند اريح عمري وارقد في بيت اخر رااااااااااااااااااااااااااااااحه ^^

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[شعاع امل]

طيب الله يستر باجر اريد اروح سينما كله زحمه !

[ياقوتةخضرا]

في الويكاند كل الناس ييون دبي من الامارات الثانية ومن دول الخليج بعد بالاضافه الى انها عطلة القطاع الخاص فشي طبيعي هالزحمة وعشان جذيه ما اطلع الجمعة

[Cobon]

انا اجوف الموضوع عادي
لان ما شاء الله نحن المواطنين مسوين احتلال للمطاعم خخخخخخخخخخخخخخخ
قوم لا نشبع هههههههههههههههههه

وين بعد الاجانب يحليلهم مع ان من كثرهم
نحن اكثر منهم نحب يلسة المطاعم ؟؟


انا دايما من اروح مكان
اتصل و احجز لي طاولة بساعة معينه
او
اروح المطعم دايركت احط اسمي و احجز و ارجع مرة ثانية بعد فترة

و بها الطريقة بتكونين حليتي المشكلة

[ام اثنين]

وقتها اليوم 😖😖😖😖

[غرووب 22]

سيِّدُ الاسْتِغْفار أَنْ يقُول الْعبْدُ : اللَّهُمَّ أَنْتَ رَبِّي ، لا إِلَه إِلاَّ أَنْتَ خَلَقْتَني وأَنَا عَبْدُكَ ، وأَنَا على عهْدِكَ ووعْدِكَ ما اسْتَطَعْتُ ، أَعُوذُ بِكَ مِنْ شَرِّ ما صنَعْتُ ، أَبوءُ لَكَ بِنِعْمتِكَ علَيَ ، وأَبُوءُ بذَنْبي فَاغْفِرْ لي ، فَإِنَّهُ لا يغْفِرُ الذُّنُوبِ إِلاَّ أَنْتَ .

[احلى بعفويتي]

ما اطلع ويك اند

بس الايام العاديه
بس ترى عادي اليلسه في المطعم ساعه ساعتين لين ما اشبع

ممكن الواحد يكون له عده اختيارات ..

موب عزكم الله مثل الحمام .. دشين وتعرفين ان هالشي عام ولازم تخلصين بسرعه عشان غيرج

المطعم ع كيفج احس

انا عقب ما اكل واصور واخلص اطلع بس لو تميت وفي زحمه على الباب اتوقع موب مشكلتي
لان هالمكان استفيد منه لين ما احس خلاص ابا اطلع

[ورقة ناعمة]

ما اطلع ويك اند

بس الايام العاديه
بس ترى عادي اليلسه في المطعم ساعه ساعتين لين ما اشبع

ممكن الواحد يكون له عده اختيارات ..

موب عزكم الله مثل الحمام .. دشين وتعرفين ان هالشي عام ولازم تخلصين بسرعه عشان غيرج

المطعم ع كيفج احس

انا عقب ما اكل واصور واخلص اطلع بس لو تميت وفي زحمه على الباب اتوقع موب مشكلتي
لان هالمكان استفيد منه لين ما احس خلاص ابا اطلع

الأيام العادية عادي لوتتمين نص يوم محد بيقولج شي بس عاد بالويكن غير الواحد ياكل ويطلع يتمشى مب طلعتنا عشان الاكل ,,,

استغفر الله شو ياب الحمام للمطعم

[ورقة ناعمة]

صدقج وروقه

الواحد خلاص يتنرفز وما يصير له خاطر يدش المطعم من كثر ما تريا تفضى طاوله

هيه والله ,,,,,,,

انا اصلا ما اداني الزحمه

اذا شفت الكوفي ولا المطعم زحمه ناخذه تيك اواي .. لانه صدق فيه ناس تم يالسه تقرقر او عالتلفون وانتي تترين
وبالنسبة للسينما فانا افضل احجز اون لاين او اشوفه خلال الاسبوع .. ما اقدر اتريا فاللاين ساعه

يعطيج العافيه حبيبتي

افضلج ,,,,

يوم الجمعة بيكون زحمة لان اغلب الناس تخصصه للطلعات والمطاعم والمولات فشي طبيعي يكون زحمة لان هاليوم هو المتنفس الوحيد لهم بعد خمس ايام عمل
لكن مثل ما قلتي موضوع افساح المجال للغير من باب الذوق ومادام ما في شي يلزمهم الموضوع يرجع للاخلاق والانسانيه
واكثر شي ينرفزني هو البارك البعض يتعمد التأخير بدون سبب وكله يرجع للذوق بالنهاية

موضوع افساح المجال للغير من باب الذوق ومادام ما في شي يلزمهم الموضوع يرجع للاخلاق والانسانيه

انا احب اطلع ف ايام العاديه ........

خصوصا الصبح مولات فاضيه .^^

تتمشين ع راحتج بدون زحمه وتتشرين كل الي فخاطرج ^ـ^

ولا ف ويكند اريح عمري وارقد في بيت اخر رااااااااااااااااااااااااااااااحه ^^

انا بعد احب طلعات لصبح

طيب الله يستر باجر اريد اروح سينما كله زحمه !

خذيلج لفة عالمطاعم

في الويكاند كل الناس ييون دبي من الامارات الثانية ومن دول الخليج بعد بالاضافه الى انها عطلة القطاع الخاص فشي طبيعي هالزحمة وعشان جذيه ما اطلع الجمعة

صح دبي والشارجة الزحمة فيهن

انا اجوف الموضوع عادي
لان ما شاء الله نحن المواطنين مسوين احتلال للمطاعم خخخخخخخخخخخخخخخ
قوم لا نشبع هههههههههههههههههه

وين بعد الاجانب يحليلهم مع ان من كثرهم
نحن اكثر منهم نحب يلسة المطاعم ؟؟


انا دايما من اروح مكان
اتصل و احجز لي طاولة بساعة معينه
او
اروح المطعم دايركت احط اسمي و احجز و ارجع مرة ثانية بعد فترة

و بها الطريقة بتكونين حليتي المشكلة

وقتها اليوم 😖😖😖😖

سيِّدُ الاسْتِغْفار أَنْ يقُول الْعبْدُ : اللَّهُمَّ أَنْتَ رَبِّي ، لا إِلَه إِلاَّ أَنْتَ خَلَقْتَني وأَنَا عَبْدُكَ ، وأَنَا على عهْدِكَ ووعْدِكَ ما اسْتَطَعْتُ ، أَعُوذُ بِكَ مِنْ شَرِّ ما صنَعْتُ ، أَبوءُ لَكَ بِنِعْمتِكَ علَيَ ، وأَبُوءُ بذَنْبي فَاغْفِرْ لي ، فَإِنَّهُ لا يغْفِرُ الذُّنُوبِ إِلاَّ أَنْتَ .

استغفر الله

[قصة]

مع فصل الصيف الناس استوت طلعتها كلها المولات لأنها الخيار الأنسب للحرارة المرتفعة، وأنسب وقت هو الويكند بحكم الإجازة سواء للعيال أو أهلهم، وموضوع الناس اللي يطولون في المطاعم، والله لو اتكلمنا من اليوم لباجر النتيجة وحدة، لأنه كل واحدة يحكمه ذوقه، والحمدالله والشكر اللي فيهم قلة ذوق يا كثرهم

[ماما سلطان]

مرة في كوفي شوب واليلسه مطله على نافورة ومنظر خارجي .. وكان جمعه والناس زحمه ننتظر بالدور عشان نحصل طاوله... لفت نظري ثنتين ميلسات وطالبين واحد كوفي بس ... يمكن يلسن ساعتين أو أكثر ... نحن يلسنا وكلنا وقمنا وهن قبلنا وبعدهن يالسات ... والله قلة ذوق واستغلال وعدم احترام...

[Ward-uae]

ما شاء الله انتو هنيه وحلوة المواضيع المطروحة
ترييت يمكن مرتين في مطعم ستيك هاوس اللي في دبي مول وثاني مرة في مطعم قيصر في ابوظبي اظن في الواحة مول لكن عادي يعطون الجهاز لريلي وانا اتمشى اكمل مشترى لين يزقرني مع انه يقدر يطلب وناخذ الطلب للغرفة في الفندق لكني مب مخلصة مشترى
اللي اعرفه انه العاملين في المطعم هم يعرفون من اللي خلص يعني من يفضي الصحن شالوه وما غير الفاتورة يعطونج فبعدها اذا الشخص ما تحرك بيرمسونه تبون قهوة او شي بطريقة مأدبة لين الواحد يستحي ويقوم
ماما سلطان اللي اعرفه اذا مطعم برع صوب النافورة يخبرون الناس اذا خفايف وكوفي داخل والوجبات برع لكن اذا كوفي عادي لكن هم يلاحظون اذا خلص القهوة وييون يشلون الكوب ويعطوه الفاتورة تبين صراحتي ما احب ايلس صوب هذي المطاعم كلها ريحة زقاير فأحب اقعد في الفندق وناكل براحتنا او نغير المطعم ما اتريا

[ga6utah]

انا ماحب اطلع في الويكند الطلعه تعب اعصابي