بركب لولب

[سنفورهه]

خواتي بغيتكم تفيدوني
بااجر ان شاء الله عندي موعد عند الدكتوره وناويه اركب لولب بإذن الله اللي بغيت اعرفه..
1-متى يتم تركيب اللولب قبل والا بعد الدوره لان دورتي باقي عليها 5 ايام
2- شو احسن نوع لولب اركبه
واي شي ثاني تقدرو تفيدوني فيه لاني وايد قريت عن اللولب وبعدني ما عارفه وخاايفه شوي

المزيد من آخر المواضيع من نفس القسم:

• أسباب آلام الركبة بعد الولادة وكيفية علاجه
• ماهو الطلق البارد والطلق الحقيقي والفرق...
• اهم أسباب التهاب الجيوب الأنفية أثناء الحمل...
• افضل طرق الاستعداد لفترة النفاس
• اهم فوائد الحليب للمرأة الحامل
• افضل عشرة طرق طبيبعه لتسريع الولاده خاص...
• اهم نصائح للحامل البكر في الشهور الأولى
• اهم أسباب الجوع المستمر عند الحامل وطرق...
• افضل مسكنات طبيعية تخلصك من الألم أثناء الحمل
• طرق للتخفيف من آلام الظهر بعد الحمل حصري

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[لحنْ #]

اللولب بجميع انواعه ماينفع ، عادي تحملين عليه
وعادي يتحرك من مكانه ويسبب لج مشاكل وعمليات وبلاوي ^^ " عن تجربه اقارب "

[الورقا]

انا متعقدة من اللولب من كثر ماسمعت عن بلاويه .. اذا قدرتي دوري لج طريقة أأمن لمنع الحمل ما اشجعج اتحطينه ابد .. ومن اهم مشاكله النزييييف داايما اللي يحطونه يشتكون من هالمشكلة نزيف مع كل دورة والدورة اطول وااايد معاهم .. ومرة قريت ان وحدة اخترق اللولب عندها الامعاء وبعملية لين لقوه وطلعوه واللي يختفي وما ايحصلونه واللي تحمل عليه بس يكون لاصق في احد اعضاء الجنين وامشوهنه .. ما بقول لج ما بزيغج لا بالعكس بقول لج البلاوي اللي ايسويه عسب اتعيدين النظر فيه واتفكرين الف مرة قبل لا اتركبينه

[سنفورهه]

ليش عيل الدكتوره نصحتني فيه وقالت انه وايدات يركبن لولب واحسن عن الابر والحبوب ..انا عشان جي قلت بركبه بعد ما سمعت كلامها عنه

[عنودان]

انا بعد اخاف من اللولب

[ام فطامي_]

انا بعد سمعت بلاوي عن اللولب صراحه
ويخوف الشي

[الورقا]

اختي حاااااسبي الابر ادهى وامر اتخرب التبويض سنواااات واذا صار حمل وايدات يكون الجنين مشوه كله ابسبة هالابر اللهم ياكافي امنعي طلبعي احسن

[مييثاني]

ماعليج شر ان شاءالله أنا ركبته وكنت شراتج متردده من كثر ما اسمع عنه انه مب زين
بس توكلت على الله وركبته كان فيه الدوره عسب أتأكد اني مب حامل صح خربط الدوره اول الشهور خلاف الدكتوره عطتني حبوب تعدل الدوره وماشي حالي تميت عليه سنه ونص ونزلته

[ام فــطــامي]

حبيبتي اللولب يتركب خامس يوم الدوره اول شي عشان اضمن انج مش حامل
ثاني شي عشان يكون الرحم شوي نازل ويتركب بسسهوله
انا ركبت العادي مش الهرموني ركبت قبل واحين من اسبوع مركبه ولا مره حملت عليه
اللولب ارحم من الحبوب والابر جربت الحبوب تما يطلعلي تجلطات في الدم في الريول والايدين
والابر تمتن وتقطعلج الدوره
عن نفسسي ركبي لولب ابركلج وعند ذكتوره مضمونه
د ناديه في بوظبي
د فوفو في العين
د كاميليا في الشارجه 
انا مركبه عند فوفو وكل حد يمدح اللولب عندها
توكلي حبيبتي

[سنفورهه]

انا سرت اليوم وقالتلي الدكتوره تعالي بعد ما تخلص الدوره ..لان اليوم كانت فيني وقالت ما يستوي عشان ما ينزل اللولب ..بصراحه بركبه ف مستشفى حكومي وما ادري عن الدكتوره شي واذا شاطره ف تركيب اللولب او لا ..والله يعين

[ام فــطــامي]

خامس يوم الدوره حبيبتي بتكون شبه مخلصه
واذا خلصت الدوره رحمج بيرتفع وبتتبهدلين في التركيب ما بتروم تسسحبلج عنق الرحم
شووفيلج حد غيرها حبيبتي

[ام قلبين انا]

صح سيري وقت الدوره الظاهر هاي مو دكتوره تدلع ما تبا تشوف دم خت ولي يلا سيري حق وحده غيرها

[ام حمده 77]

افضل وسيلة لمنع الحمل هو اللولب

وانا الحين رابع مرة اركب

والحمدلله ما استوى حمل

اهم شي المتابعة كل ست اشهر

[ليندااااا]

وانا بعد نفس الشي محتارة باللولب
احس ان اللولب افضل من الابر والحبوب
لكن له سلبياته طبعا
الدكتورة ما بتقولج سلبيات اللولب لانها تبي تشتغل
اللولب يا عزيزتي يزيد الدورة يسوي نزيف ويعور الظهر وتزيد ايام الدورة عندج
واعرف حريم حطن اللولب وعانن تاخر الحمل بعد ما شالنه
لاجل هالشي انا وايد مترددة بمسالة اللولب

[elshog 87]

والله احترت الصراحه
الردود بين هيه او لا !
وانا ناويه نيه اني اركبه و ريلي مصر الا عليه ما يباني اخذ حبوب و ابر !

الله المستعان بس