تعالن اباكن اشوي

[elshog 87]

مرحببااا حريمااات مربيات و حوامل

امس كان عندي موعد و قالت لي البيبي صغير كيلوين و 200 جرام خفت انا الصراحه هل هالشي طبيعي ؟
انا الحين في الاسبوع 35 قالت لي دشيتي التاسع ؟
انا اللي اعرفه التاسع يكون من الاسبوع 36 صح ولا انا غلطانه ؟؟

بليززز جاوبوني

المزيد من آخر المواضيع من نفس القسم:

• روتين العناية بالبشرة بعد الولادة
• افضل خضروات مفيده للحامل
• اسباب تغير لون البول اثناء الحمل
• كل ما تحتاجين لمعرفته عن اكتئاب بعد الولادة
• افضل طرق علاج حرقة المعدة اثناء الحمل
• اسباب وطرق علاج الامساك اثناء الحمل
• ابرز اعراض الحمل في اول اسبوع
• افضل طرق علاج غثيان الصباح اثناء الحمل
• اهم اعراض نقص الحديد اثناء الحمل وافضل طرق...
• تقرير شامل عن ارتفاع ضغط الدم اثناء الحمل

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[شهرزاد30]

عندج 5 اسابيع لنهاية الحمل ان شاء الله
و وزن البيبي يزيد بسرعه في الشهرين الاخيرين لا تخافين اشوف الوزن عادي

[لحنْ #]

شي طبيعي حبيبتي عادي ، لا تركزين واييد

[مس.مريوم]

عادي فديتج لا اخافين انا عيالي ربيت فيهم واحد كيلو ونص والثانيه كيلووين وفالولادتين ولدوني ف طلق قبل الموعد اونه الوزن وايد وخايفين من السكر.

[إكلير]

لا تشيلين هم عادي الموضوع
أختي جابت ولدها كيلوين و400 صحيح كان صغير ومافي ملابس على مقاسه كلها كبيره
بس الحمدلله الحين عمره شهرين وتحسنت صحته ما شاء الله
برضو وحده من معارفي جابت بنتها من اسبوعين نفس الوزن والامور ماشيه تمام الحمدلله
الحين عندك مجال يزيد وزن البيبي ان شاء الله
الامور طبيعيه ان شاء الله

[Honey Mona]

تو الناس الاسابيع الاخيرة بيزيد الوزن بشكل سريع
انا بشهري الأخير كل مرة احمل في االاسبوع الواحد يزين وزن البيبي بحدود 200 او 300 جرام يعني لو كل اسبوع يزيد 200 احسبي بالشهر كم بيطلع زايد
بس يعتمد على جسمج
وبعدين انتي باسبوع 35 ووزنه 2 وشي وهالشي بالعكس زين، في ناس يخلصون التاسع وعيالهم وزنهم 2 أو اقل وانتي تو الناس جدامش شهر ليما تربين
وبصراحة يكون البيبي صغير شوي احسن من انه يكون كبير عسب ما تتعسر الولادة

[عواش2015]

الله يسهل عليج اختي لاتحاتين

[ورق عنب ~]

الشوق حبيبتي وزن البيبي طبيعي لا تحاتين ، جدامج وقت وان شاء الله وزنه بيزيد ، انا بنتي يبتها ٢ و ٣٠٠ والحمدلله أمورها طيبه اللحينه ف لا تخافين امورج طيبه ان شاء الله

الله يسهل عليج يارب ويقومج إنتي والبيبي بالسلامه يارب

[عنودان]

اختي عادي وزنه البيبي
لا تحاتين
الله يسهل عليج يا رب

[الــــدبـــــه]

ياربي ولد اخويه مولود كيلو ونص بعد ماخف عنه ماي البطن مع النفخه كان كيلو و700 جرام
تقولين فار صغيروني يخوووف من صغره
بس الحمدلله هاذوه بصحه وعافيه
لاتخافين انتي بعدج الغاليه
والله يسهل عليج

[أم زمرده]

اللهم فرج كروبنا، يسر حسابنا، يمن كتابنا .. اللهم انظر إلينا بعين الرضا والرحمة فلا نشقى وأنت رجاؤنا

[misspretty]

الوزن طبيعي

[Cobon]

هاي الدكتورة ما عندها سالفة تخرعج
انا ربيت و الجنين 2.2 و عادي ما فيه الا العافية

بالعكس تكون الولادة اسهل عليج هههههههههههههه
و عقب الحليب الطبيعي و الصناعي و الاكل يمتنون الياهل


عندج كذا اسبوع الحين
و الياهل في نهاية الاسابيع يزيد وزنه تلقائيا
مول لا تحاتين ولا تفكرين
و اكلي اكل صحي
عادي تربين و يكون الياهل وزنه 2.5 و فوق لين عندج وقت

[elshog 87]

فدددديتكم كلكم ما قصرتوا يوم رديتو علي و طمنتوني ربي يجزيكم الجنه
ريحتوووني يعطيكم العافيه خواتي

[happy.face]

استودعيه الله و الله خير الحافظين
لاتحاتين كلام الدكاتره وايد وفلسفتهم وايده
الوزن اللي يطلع في السونار مب أكيد 100%