بفتح ملفين ..ولكن

[مالتيزرس]

مرحبا ..
خواتي للي جربت تفتح ملفين فامارتين ..لاني انا اتنقل بين امارة وامارة ..وان شاءالله راح افتح ملف فالكورنيش وصقر احتياط ..لكن الترتيب مب عارفة ..

هل ضروري اسوي تحليل السكر فالامارتين وللا عادي اشل التقرير من المستشفى اللي سويته يعطوني نسخة ..لانه عارفين خواتي هالتحليل كيف كريه وماينطاق وما ينبلع الميرندا ما اقدر اسويه مرتين ..

اللي جربت كيف سوت لاتحرمونا ..

المزيد من آخر المواضيع من نفس القسم:

• أسباب آلام الركبة بعد الولادة وكيفية علاجه
• ماهو الطلق البارد والطلق الحقيقي والفرق...
• اهم أسباب التهاب الجيوب الأنفية أثناء الحمل...
• افضل طرق الاستعداد لفترة النفاس
• اهم فوائد الحليب للمرأة الحامل
• افضل عشرة طرق طبيبعه لتسريع الولاده خاص...
• اهم نصائح للحامل البكر في الشهور الأولى
• اهم أسباب الجوع المستمر عند الحامل وطرق...
• افضل مسكنات طبيعية تخلصك من الألم أثناء الحمل
• طرق للتخفيف من آلام الظهر بعد الحمل حصري

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[أم جسوووم]

انا بعد ابي اعرف 

[بريد الذكريات]

هيه عادي انا كنت فاتحه في العين ودبي

[ام عنوده]

بالتوفيق

[ام فــطــامي]

عادي حبيبتي خذي نسخه من الملف انا كنت فاجه ملف في مستشفى وحزت الولاده ربيت في مستسفى ثاني بس الي فجيت الملف عندهم طلبت اوردي فحوصاتي وجي
فعادي يعني
الله يقومج بسلامه

[ام قلبين انا]

انا كنت فاتحه ف دبي وأبوظبي ولا واحد فيهم سويت فيهم سويت الفحص. عادي طاف

[ورقة ناعمة]

انا كنت فاتحه ف دبي وأبوظبي ولا واحد فيهم سويت فيهم سويت الفحص. عادي طاف

انا بعد سيم سيم هههههههههههههه حتى مواعيد الشهر التاسع مااروح

[البدوااوية]

عادي حبيبتي انا كل حمل افتح ف امارتين و اسوي الفحوصات ف مستسفى و اطلب نسخه منهن واعطيهم المستسفى الثاني
بس اسوي فالحكومي واعطي الخاص
لان عندنا الحكومي ما يقبل فحوصات الخاص

[çϋтê мéмë]

عادي تفتحين حتى ٣ ملفات لو تبين
و تسوين الفحص ف مكان و تشلين نسخه من التقرير حق العياده الثانيه
و ضروري تسوين فحص السكر لسلامتج و سلامه البيبي

[مالتيزرس]

الله يبارك فيكن خواتي ماقصرتن يعطيكن العافية

[أم سلمة]

اللي ما سووا الفحص وخلوه طاف
كيف يعني مايهاوشونكم في الموعد اللي بعده؟

[أم زمرده]

اللهم فرج كروبنا، يسر حسابنا، يمن كتابنا .. اللهم انظر إلينا بعين الرضا والرحمة فلا نشقى وأنت رجاؤنا

[مالتيزرس]

اللي ما سووا الفحص وخلوه طاف
كيف يعني مايهاوشونكم في الموعد اللي بعده؟

نفس سؤالي ابا اعرف ..
لاني اريد اطنش وما اسويه لانه يلوع الجبد

[ام فــطــامي]

انا في حملي الاول لوووعة جبد كل مره اسسوي لان تعرفون اول حمل
الثاني سسويت طاف لين الخامس ييتهم وسوولي مره وماكنت مواضبه ع الفحص
كارهه الجلكوز وعادي ماقالولي شي ييتهم
اخر الثامن سسويت فحص سكري العادي مش جلكوز وماطلع فيني شي وعطوني كرت الولاده وطبيتهم لين وقت الولاده انا اربي في مستشفى الواحة في العين
عاد المستشفيات الثانيه مادري

[الــــدبـــــه]

انا فجيت حاليا في كروموويل اللي فالعين
وان شاء الله بفج فالكورنيش
بس هل عادي الكورنيش يقبلون فحوصات كروموويل؟؟؟
لأن مافيني على مواعيد الكورنيش لوعة جبد تييب اليهد فقدتهم