مشكلتي فالدوام

[رسايل غلا]

السلام عليكم ورحمة الله وبركاته
مساكمـ/صباحكمـ ورد

ع كثر ما احل مشاكل خلق الله يوم ايي عند مشكلة تخصني عقلي ما يشتغل هههههههه
المهم بخبركم مشكلتي فالدوام وابا اقتراحات او حلول

مشكلتي هي مسئولتي الأجنبية فالدوام الله يفكني منها, طفرت منها ومن اسلوبها ومهما اشتكيت انا وربيعتي عليها
ماشي فايدة كله يقولون صبروا وبتنطرد, السنة بتخلص ونحن عن نفس الموال كل يوم في مشاكل وياها
كله تتأمر علينا يا تيينا لين مكاتبنا ولا اطرش ايميلات واذا خاطرها تتكلم باسلوب مش حلو بتحط كل الموظفين
اللي تعرفهم في الايميل.
وصلنا لين المدير العود وماشي فايدة والحين انا تعبت نفسيا من الضغط ومن الاسلوب, بروحها نفسيتي مب ذاك الزود
وهي كل شوي تسير وتقول حق الناس هاذيلا ما يشتغلن وكله يحوطن ومادري شو مع انه محد كثرنا منكرف فالقسم
خلت كل الموظفين اللي نتعامل وياهم يتأمرون علينا ونحن بنات البلاد والمكان مكاننا!!!

شو الحل وياها حد عنده اي اقتراح عشان نوقفها عند حدها؟ ابا اشتغل بهدوء مابا كل يوم اييلس بس احل مشاكل هي السبب
فيها, لاعت جبدي واستويت مالي خاطر اداوم.

ومشكورات مقدما

المزيد من آخر المواضيع من نفس القسم:

• حساااب لبيع الانتيك الاشيا الاثريه القديمه
• ساعدوني .. محتاجة لدكتور قلب اطفال في دبي
• السلام عليكم
• المانيكير الاسلامي
• ترتيب ادوات المنزل
• أبا هالبرقر
• عجبني هالفستان من موقع فلوري داي
• عجبني هالفستان من موقع فلوري داي
• علاج ادمان المخدرات
• ديجي فاضل في أبوظبي

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[قطعة توفي]

يوم كنت موظفه كانن الاجنبيات يعرفن ان المجلس موظفنهن عشان المواطنات يتعلمن منهن و هالشي كبر لهن روسهن
و مش الكل بالعكس الاغلب كانن يقولن ماندري ليش المجلس يابنا وانتن كفاءاتكن احسن منا!

هالفتره صارت المقارنه بين المواطن و الاجنبي من حيث الخبره و اثبات مكان اكثر من سابق عهدها مع العماله العربيه

جربي كلميها مباشره.. و فهميها انها يالسه تخلق جو سلبي في الدوام و هالشي مؤثر على اداءكم و نظرتكم لها .. موضوع انهم يصبروكم و هيه غلطانه شفناه عندنا ههه

للاسف عندهم سياسة الاجنبي "لا تزعلوه"

[شعاع امل]

!!!!! هم أصلا الأجانب المستقدمين ذيله عندهم خبره! أتصور ان أمريكا ماتصدر خبراتها بسهوله!!! مثل الوافد اغلب اليشتغلون يكونون

فاشلين في بلدهم ... عشان مااظلم مب الكل .. بس لاحظت هذا الشي ... في ناس مايحصلون وظائف في بلدهم يحصلون هني .....

ومرات يمكن المواطن ارحم .... عشان على الأقل متفهم ويريد مصلحته ... الثانين يريدون فلوس ويشاتمون عشانها .. واذا حصل تطور

بيكون بعط بغض في النفوس!

فالاحسن اختي مادام عليها شكاوي ومب بس انتي ... تواجهينها بس مع احترام منصبها عشان مايصير زعل ... ساليها ليش اسلوبها معهم جي

وسوي عريضه ... بكل الموظفين المشتكين عليها ... وارفعوها ورفضوا العمل الا في حال طارت

في ناس يفكرون الأجنبي احسن .. بس مب صحيح مب كلهم متفهم ومثل الاعلام مايصور ...

في منهم عاديين.... مثلهم مثل غيرهم

في لي ربيعه تمدح مديرتها الاجنبيه اكثر من المواطنه عشان المواطنه ماعملتها بعدل حسب كلامها مثل الاجنبيه

ولكن هذا الشي بالصدفه يصير ... مب الكل واحد ...

[زم_قمر_ان]

الله يكون في عونج

[غرووب 22]

سيِّدُ الاسْتِغْفار أَنْ يقُول الْعبْدُ : اللَّهُمَّ أَنْتَ رَبِّي ، لا إِلَه إِلاَّ أَنْتَ خَلَقْتَني وأَنَا عَبْدُكَ ، وأَنَا على عهْدِكَ ووعْدِكَ ما اسْتَطَعْتُ ، أَعُوذُ بِكَ مِنْ شَرِّ ما صنَعْتُ ، أَبوءُ لَكَ بِنِعْمتِكَ علَيَ ، وأَبُوءُ بذَنْبي فَاغْفِرْ لي ، فَإِنَّهُ لا يغْفِرُ الذُّنُوبِ إِلاَّ أَنْتَ .

[ورقة ناعمة]

المسئولة المباشرة ان كانت مواطنة او اجنبية خلي اسلوبج وتعاملج معها راقي وحتى لو في تجمعات بنات ماله داعي تتكلمون من وراها

لانها لو ماتعرف تحس وصدقيني التربية والأخلاق تصنع الانسان قبل العمل حتى لو الموظف مهمل وظيفيا يكفي ادب الحوار والأخلاق لهم دور

بالتعامل ,,, ونصيحة لج لاتدوريين حل ولاتشتكين وهي اذا تكلمت خلوها تتكلم دام واثقة من نفسج خلاص ليش تدورين حل ,,,,

[ماسه حساسه]

طرشيلها بالايميل اغنية اديل
there is a fire starting in my heart
هههه
امزح
خل تولي هي الي بتتعب

[Cobon]

اكسبيها حتى ترتاحين صدقيني لو تميتي جي اخر شي انتي بتطلعين

[ماحد شراتي]

تقدرين تكسبينها بكذا طريقه
بالعكس اثبتي لها العكس مستحيل مستحيل تتصرف هالتصرفات الا اذا صدر من صوبج شي !

[ميميه88]

عاد الاجنبيات سولفي وياهن وقردنيهن وكوني زينه وياهن بيكونن زينات
اكسبيها باسلوبج ولا صدقيني مايفيد اتمين تشتكين

[رسايل غلا]

مرحبا بنات وحريم
مشكورات وايد على ردودكن ما قصرتن
الصراحة انا وربيعتي يربنا كل شي
حاولنا نسايرها ونضحك وياها رغم كثر مشاكلها
اتفقت انا وربيعتي وقلنا بنسير في نهاية الدوام
نيلس نكلمها ونعتذر ونفتح صفحة يديدة
وسرنا وهالشي كان بدايات السنة اللي طافت
واعتذرنا منها وهي اعتذرت, عساس خلاص
بتنتهي كل المشاكل ونبدا من يديد ونكون متعاونين
تخيلوا ثاني يوم الصبح ما امدانا نتصالح وندش الدوام الا
يقولون والله مسئولتكم ترمس عليكم تحت ويا الموظفين
ويالسة تتشكى منكم وتقول انتوا ما تشتغلون وكل تحوطون تحت!!!

مع العلم نحن ابدا ما تصرفنا وياها تصرف سيء او سوينا شي
عسب هي تنتقم ولا تسوي مشاكل هي اللي كل يوم تعقنا
في مشكلة ورى الثانية وتسوي عمرها بريئة
من جي انا يالسة أدور حل وحاليا كثر ما اقدر اتجنبها
بس ارد عالرسايل حسب المطلوب واسكت, بس صعب
الواحد يتحمل فوق طاقته.

[شعاع امل]

غلط المسؤول يتحكى عن الموظفين امام زملائهم ... عنده شي يكلمهم على طول سيده عندهم ....

من اصعب المواقف ..... بهذه الطريقه الزملاء مايحترمون بعض ....

انا اتذكرت صارت معاي .. كان المسؤول مالتنا يتكلم علي امام الموظفين من وراي وقدامي وفي بيته بعد .... يمكن اكثر وحده انا يتكلم علي!!

شي حسسني اخر شي في موظفين يكونون منافقين يستغلون هذا الشي او يستهزؤون بك .... هذا عيب كبير

اذا الموظف مقصر او ماتحبه كلمه سيده ..... ولا تحرجه امام الموظفين الا في حال كان هو فعلا مقصر تقصير عميق ... بس تشد عليه

ولكن عيب مسؤول يتكلم وينم بهذه الصوره


انا شغلي الأول طلعت منه وسبب هذا الشي اخر شي يتحولون الموظفين هم مسؤولين ويتناقلون الاخبار عنك...

وفي حال لا سمح الله في حد يكرهك او منافقك ... بستخدم هذا الشي ضدك ... شو فايدة الشغل بعدين!

[أم عذور]

أختي سؤال انتو سمعتوها تقول لكم هالرمسه منها نفسها؟؟؟

ولا زملائكم خبروكم؟؟

تأكدي قبل لا تحكمين والأفضل تواجهينها باللي وصل لكم

والله يوفقكم

[مهاوي الغوى]

!!!!! هم أصلا الأجانب المستقدمين ذيله عندهم خبره! أتصور ان أمريكا ماتصدر خبراتها بسهوله!!! مثل الوافد اغلب اليشتغلون يكونون

فاشلين في بلدهم ... عشان مااظلم مب الكل .. بس لاحظت هذا الشي ... في ناس مايحصلون وظائف في بلدهم يحصلون هني .....

ومرات يمكن المواطن ارحم .... عشان على الأقل متفهم ويريد مصلحته ... الثانين يريدون فلوس ويشاتمون عشانها .. واذا حصل تطور

بيكون بعط بغض في النفوس!

فالاحسن اختي مادام عليها شكاوي ومب بس انتي ... تواجهينها بس مع احترام منصبها عشان مايصير زعل ... ساليها ليش اسلوبها معهم جي

وسوي عريضه ... بكل الموظفين المشتكين عليها ... وارفعوها ورفضوا العمل الا في حال طارت

في ناس يفكرون الأجنبي احسن .. بس مب صحيح مب كلهم متفهم ومثل الاعلام مايصور ...

في منهم عاديين.... مثلهم مثل غيرهم

في لي ربيعه تمدح مديرتها الاجنبيه اكثر من المواطنه عشان المواطنه ماعملتها بعدل حسب كلامها مثل الاجنبيه

ولكن هذا الشي بالصدفه يصير ... مب الكل واحد ...

صدقج حبيبتي مشكلتنا الاساسية في عقدة الخواجه

[nooraaaa]

المسئولة المباشرة ان كانت مواطنة او اجنبية خلي اسلوبج وتعاملج معها راقي وحتى لو في تجمعات بنات ماله داعي تتكلمون من وراها

لانها لو ماتعرف تحس وصدقيني التربية والأخلاق تصنع الانسان قبل العمل حتى لو الموظف مهمل وظيفيا يكفي ادب الحوار والأخلاق لهم دور

بالتعامل ,,, ونصيحة لج لاتدوريين حل ولاتشتكين وهي اذا تكلمت خلوها تتكلم دام واثقة من نفسج خلاص ليش تدورين حل ,,,,

نفس رأيي بالضبط .. و هذا الشي تعرضت له و وقفت الكل عند حده بأخلاقي و تعاملي الراقي