تعالوا خواتي بستشيركم

[دبي]

أشكركم على تفاعلكم قررت أعزم أهل زوجي ولا أعزم أهلي إذا بستضيف شخص ثجيل عليه مابستانس

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[m3andah]

اعزميها شو بتخسرين .. انتي يمكن ماخذة فكرة انها ما تدانيج وهي بعد.. ف ممكن بهالعزيمة تتغير الاوضاع

[غرووب 22]

سيِّدُ الاسْتِغْفار أَنْ يقُول الْعبْدُ : اللَّهُمَّ أَنْتَ رَبِّي ، لا إِلَه إِلاَّ أَنْتَ خَلَقْتَني وأَنَا عَبْدُكَ ، وأَنَا على عهْدِكَ ووعْدِكَ ما اسْتَطَعْتُ ، أَعُوذُ بِكَ مِنْ شَرِّ ما صنَعْتُ ، أَبوءُ لَكَ بِنِعْمتِكَ علَيَ ، وأَبُوءُ بذَنْبي فَاغْفِرْ لي ، فَإِنَّهُ لا يغْفِرُ الذُّنُوبِ إِلاَّ أَنْتَ .

[ام الغزلان]

الحشمة لاخوج مب لها واتصلي على اخوج وقوليله ترا حرمتك معزمة مب لازم تتصلي عليها حاسة فيج عندي حرمة اخ ما اكلمها بس هاي غير حتى لو ماعزمتها بروحها تعزم روحها واتفاجا فيها بس ما اعبرها خير شر لاسباب وايد

[أم لاكشمي]

من رايي تعزمينها عشان خاطر اخوج ...مش حلوه تعزمين وحده والثانيه والله يهديهاا يارب

[elshog 87]

{ وَلاَ تَسْتَوِي الْحَسَنَةُ وَلاَ السَّيِّئَةُ ادْفَعْ بِالَّتِي هِيَ أَحْسَنُ فَإِذَا الَّذِي بَيْنَكَ وَبَيْنَهُ عَدَاوَةٌ كَأَنَّهُ وَلِيٌّ حَمِيم }[فُصِّلَت:34]
مالي عقب كلام الله كلام

ربي يصفي النفوس عزيزتي

[ورقة ناعمة]

لاتعزمينها ,,, لو انا بمكانج بعزم اللي ارتاح لهم حتى لو مب من اقاربي ,,,, واخوج مب من يوم بيعرفج

[ماحد شراتي]

أشكركم على تفاعلكم قررت أعزم أهل زوجي ولا أعزم أهلي إذا بستضيف شخص ثجيل عليه مابستانس

تعتقدين انه هذا حل ؟
اهلج ماراح يزعلون يوم يدرون انج عزمتي اهل ريلج وما عزمتيهم ؟ بسبه شخص واحد ؟
يا تعزمين الكل او تكنسلين هالعزيمه
لانه راسج بعورج من العتاب والحنه

[بسمة فجر]

لو أنا مكانج بعزمها و بحاول أتقرب لها و اعتبرها مثل اختي
لأنها في النهاية وحدة من الأهل

[انا و الشوق]

انا مع راي الاخوات
عشان رب العالمين يرضى عليج ثم عشان خاطر أخوج.. و كوني دايما سباقة للخير
و لا تنتظري شي من حد ..
و يمكن سبحان الله تعزمينها و هي اتحس و ما تحضر
المهم انتي سوي الي عليج و اعزميها ..
و حتى لو حضرت شو بيصير ؟؟؟؟
تراج بتلتهين بواايد امور غيرها

[فتنة الكون@]

انتي اعزميها ويمكن هي اروحها متحضر

[مكيفة دبي]

وعليكم السلام ورحمة الله وبركاته
دامج عازمة خواتج ومرت أخوج الثاني
أعزميها عشان خاطر أخوج
وقولي فوضت أمري لك يارب لترضى عني
وإن شاء الله بتستانسين وبتشعرين بالرضى عن نفسج

[دبي]

لو أنا مكانج بعزمها و بحاول أتقرب لها و اعتبرها مثل اختي
لأنها في النهاية وحدة من الأهل

تعتقدون اني ما حاولت ، سويت وايد أشياء يوم كنا ساكنين في بيت واحد وشفتها سلبية ، أطبخ أطرشلها ، خدامتي تشتغل لها أكثر عني ، وتسوي نفسها انها في حالها واسمعها تتنشد عني من خدامتي مدام وين تروح وتستخبر بإذني أسمعها ، مره كنا بنروح زياره عائليه وانتظرتها عشان انسير ظربه وكل شوي اطرش اليهال عليها وتتعذر انها مب جاهزه وفي الأخير اتي اختي تشلها وكانوا متواعدين قبل بيوم وأنا مثل الأطرش في الزفه ، وايد مواقف وفي الأخير حبيت تعرفون اني فرحت بدخلتها يوم عرست ، بس هي فرحت بطلعتي من البيت ، تغيرت كأني كنت يالسه على كبدها ، أحسها أم ويهين عكس حرمة أخويه الثانيه

[طبعي جذيه]

عزميهاااااااااااا ولج الاجر من الله ولا تقطعين صلة الرحم ...وجودها ما بينقص اي شيء ،،ولا تخسرين اخوج،،،،

[ناروتا]

يا اختي هاي صغائر , اكبري عنها , واعملي الخير ولا تستنين مقابل , ولك ولها رب يحاسب ويجازي , ولو هي ما لها مكان عندك اكيد اخوك له