عمرها 22 سنه ، وتقول صرت عانس !

[لحنْ #]

السلام عليكم ورحمه الله وبركاته
شحالكن خواتي ؟ ان شاءالله بخير ،
لاحظت شي ف بعض البنآت وصراحه واييد مضايقني واحس وايد مبالغين بالموضوع
كثرت مواضيع البنات اللي تقولج ادور خطابات ابا اعرس بموت طفشت من يلسه البيت مليت
لين متى وانا تعبت وابا عيال وماظن تقدملي حد ، وانا اصيح كل يوم وبعنس وو ..
نحس من الاسلوب ان خلاص شوي والبنت بتنتحر !
تسالينها جم عمرج ؟ تقولج 22 !!! اي عنوسه هاي اللي تكون بسن العشرينات ؟!
يعني المفروض تعرسون يوم اعماركن 17 و 18 ولا شو ؟
هيه صح شي بنات يعرسون من عمر الـ 18 والـ 19 .. لكن نصيب ترا
ومن اول الـ 18 لين 35 سنه .. ها كله سن زواج ، يعني مايحتاج انج تصيحين كل يوم لان عمرج 22 وبعدج ماعرستي !
عيل اللي عمرها 45 و 50 شو تقول ؟
احيانآ احس انها مستعده تعرس ع اي حد المهم ريال " ظل راجل ولا ظل الحيطه " .. وحتى مستعده تتنازل عن العرس وكل شي
المهم ينكتب كتابها ويقولون الناس ان فلانه " عرست " او تحس نفسها ان عروس
مانقدر ننكر ان كل بنت تحلم بالزواج والعرس وتحس بريال بحياتها والامومه ووو ، ها شي بالفطره
لكن بالعقل 22 23 24 25 وتقولين عنست ! عيشو حياتكن اضحكو اطلعو تمشو ، اخر شي تفكرون فيه العرس
وترا الشي اللي الانسان يفكر فيه دوم ويشيل همه ويحط كل تركيزه عليه ، يتاخر واييد او مايتحقق احيانآ .. وبالنهايه كله نصيب
وللاسف مهما نقول اسمحولي بس مثل اليهال " تبا تعرس " وبس

# انا حابه اعرف رايكن خواتي ب هالفئه .. وكيف ممكن ننصحهن ونخليهم يستوعبون ان ها سن الزواج مب سن العنوسه
واسمحولي ، حبيت اتكلم واخد ارائكم عن شي كثر هالايام ومضايقني شخصيآ .

المزيد من آخر المواضيع من نفس القسم:

• قرآن كريم
• هل هو شيء عاديٌّ ..أن نموت !!
• لكم وحشة يا عضوات المنتدي وين ايمكم
• عداوة اهلي لي
• محتاجة حليب الابل ضروري بنت تعبانة
• كيف تتحكم با بيتك عن بعد
• اعطوني نصيحتكم بنات
• وهُم قِطَعٌ في آلة الحياة
• اريد سائقة توصيل من ام القيوين لدبي
• السلام عليكم

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[ورقة ناعمة]

ترى تفكير البعض ان الزواج حياه مليئة بالحب والسعادة وووووو,,,,,,,,,,

نصيحة استمتعي بالمراحل ماقبل الزواج حتى شعرج كل يوم سويله تسريحة اذا فضيتي لان بعد الزواج لو ترومين تسحين شعرج وعندج وقت زين


ما اعرف ليش البنات بعدها 25 26 وتقول عنست ,,, عند الأجانب افضل عمر للزواج 35 او 30 ونحن عدنا ماكملت 28 وتقول عانس

الله يهدي البنات ,,,, الوقت والفراغ لو تشغل نفسها بشي ينفعها وتنسى موضوع بتشوف ركض وراها موضوع الزواج مب هي اللي تراكض







نسيت اشكر صاحبة الموضوع فديتها

[قصة]

أتوقع فيه عدة أسباب لهذا الأمر

أولا: خوف البنت إنها توصل مرحلة متقدمة من العمر وما تعرس
ثانيا: حلمها بالفستان الأبيض
ثالثا: البنات على بالهم الزواج عرس وفستان أبيض ودبلة ومغايض لربيعاتها ماعرف كيف يفكرون

بس الحقيقة إن كل هالأسباب مب منطقية بس المشكلة إن التفكير صاير محدود في الأجيال الجديدة، تفكيرهم ما يتعدى الأيام البسيطة والأولى من الزواج، وما في تخطيط للمستقبل ومافي توعية بصراحة

[Fa.R]

وعليكم السلام ورحمة الله وبركاته

،

يمكن هي تحس بالوحدة ودها حياتها تتغير
ودها تحس بالمسؤولية وحلو هالشيء وشيء منهن كفو
تشوفينهن ماسكات خوانها الصغار وتدرسهم وتراعيهم أكثر
عن الأم

بس سبحان الله كل شيء فالنهاية نصيب
شيء بنات اهاليهم كاتمينهم كتمة ف تجوفين البنت
تقول ابا اعرس وكل أنسان وده يكون له شريك ماظني حد يعارض هالفكرة

العرس حلال وأحل للبنات والشباب هالزمن
فليش لو ياها ريال زين ترفض ؟ أول تشوفه لو إنسان طيب ومش متحجر
وقادر يشل مسؤولية ويخاف الله وسمعته زينة هني توافق

الريال مب دوم يدق باب البيت


نقول لو البنت مليارديرة وراعية سفر كل شهر وكل يوم طلعات
مع ربيعاتها وحفلات وأي شيء تباه سواء تسوق ولا تشتغل ولا
لها الحرية في كل شيء بنقول خلها تعيش حياتها
بس بعض البنات المساكين اللي مبهدلينهم اهاليهم أو تشوفينهم كارفينها كراف
ويعاملونها جنها ياهل أكيييد بتفكر أنها ودها تعرس وتفرح

ويكونون مانعينها من وايد أشياء .. وأي شيء ودها تسويه يقولون " يوم بتعرسين "
إذا الأهل هم نفسهم سبب حب البنت للزواج عن طريق هالعبارة ^ .. طبعاً مب الكل

وشيء بنات عادي سعيدات مع اهاليهن لو عايشات في بساطة
ممكن هذيلا أهاليهم ناس مقدرين بناتهم وعاطينهم العيشة العدلة
عندها ربيعاتها وقرايب ونسايب و إلخ . . وتحس بالأمان وحب أهلها إتجاهها
بتقول فديت أهلي معززيني !!

وشيء بنات مايخصهم لا فالاول ولا الثاني من اللي ذكرتهم
بس تشوفينها تحب اليهال وصدق ودها تكون أم مثالية وزوجة مثالية
وغير متكلة ومعتمدة ع نفسها هاي بعد تستاهل تعرس


العمر ما يحدد تعيش حياتها وبعدها صغيرة
حالتها الإجتماعية والنفسية هي اللي تحرض البنت للزواج وليس عمر
هذا من مفهومي

ترا عادي يرومن يعيشن حياتهن وهن في اخر العشرين وبداية الثلاثين الى الاربعين والخ . .

فالسعادة ما تنحصر على عمر معين

وفالنهاية البنت دوم تحس أنها ثقيلة على أهلها في هالعمر اللي هو بداية العشرين او اكثر شوي
وسمعت هالجملة من كذا بنت وأكيد شيء بنات يوافقووني الراي

بس اللي تقول عشان تلبس فستان أبيض أحس غلط هذا مش سبب رئيسي
ونادر البنت الحينة تفكر في هالشيء

[يسوووورة]

,,, عند الأجانب افضل عمر للزواج 35 او 30

صحيح

ولكن تعرفي ليش ؟


لأنها من عمر 14-15 يكون عندهم صديق

وبعضهم يعيشون مع صديقهم بالسنوات ثم يقررون الزواج

وبعضهم ينجبون أطفال ويقررون البقاء مع بعض بدون زواج

مافي وحدة منهم تبقى للثلاثين بل للعشرين
بدون وجود رجل في حياتها

.....

الرغبة
بوجود
رجل في حياة المرأة
وامرأة في حياة الرجل

حاجة ورغبة فطرية لدى الانسان

منذ ان يبلغ

وبما ان العلاقة خارج الزواج محرمة شرعا

لذلك تتمنى البنت الزواج ولو كانت بنت ال 16 وال17

فقط لأن

هذه فطرة لدى الانسان سبحان الله

ولكن طبعا الزواج قسمة ونصيب
ولا يصل الأمر انه البنت بهذا العمر تنعت نفسها بالعنوسة وتدور خطابات

[ام ينوله]

بسم الله ...



مشكورة اختي على الموضوع النقاشي الرائع


اخواتي

أيهما أفضل للفتاة والأسرة والمجتمع

زواج مبكر .. ثم طلاق سريع ....؟؟

أم زواج مستقر .. في عمر متأخر ....؟؟




لماذا اخوف من بعبع ( العنوسه ) .. لماذا نجعل العنوسه مصطلح مؤلم يصنف في قائمة

العنف ضدنا نحن الفتيات ...


بإعتقادي ورأي المتواضع انه لا يوجد حافة لعمر المرأة يتوقف عندها قطار الزواج .. لأن الفتاة

في أي سن ممكن جداً إن تتزوج .. عندما يأتي نصيبها .. هكذا تعلمنا ..!! كل شئ بإرادة الله

وتقديره أما فرصة الحصول على زوج مناسب فهذه لا تتحقق حسب العمر .. أقصد انه كل ما كان

سن الفتاة صغيرة كانت فرصتها أكبر في الحصول على زوج يتمتع بكل مواصفات فتى الأحلام

و ربما الخوف من ما يسمى ( العنوسه ) يوقع في أخطاء جسيمة بـ يكون

نهايتها ( الطلاق ) بعد أشهر قليلة .. لماذا ..؟؟

فتيات صغيرات جميلات يعيشون حياة البين وبين .. لا هي فتاة تنطلق مغردة خالية القلب بصفحة

بيضاء لم يخدشها ويلطخها عقد زواج وقسيمة طلاق فتنكسر وتنطفئ شمعة شبابها قبل إن تشتعل ...!!

ولا هيا زوجة سعيدة مقبلة على حياتها بشغف ... (ذبول)


بل أنواع المشاكل والنكد والمأسي .. تبدأ أحياناً من شهر العسل ولا تنتهي الا بالمحاكم ..!!


إذن .... بعد كل ما ذكر أعلاه ..أرى انه لا داعي لأرهابنا نحن الفتيات بـ بعبع ( العنوسه )

لأنه لا يمثل علينا ذلك الخطر .. فنحن الفتيات .. ندرس .. ونعمل .. ومشغولات بالعلم والعمل .. ونكتسب

المزيد من النضج والقدرة على التأقلم مع الظروف .. والقدرة أيضاً على الأختيار الصحيح الواعي

دون خوف من فوات القطار الأخير ... ونحن على رصيف الإنتظار ..!!




إذن غاليتي الفتاة .. إختاري لنفسك ما ترينه مناسباً


تسرع وخوف .. وزواج مبكر .. ثم طلاق سريع .....؟؟

أم تأني وحكمة في الإختيار .. وزواج مستقر .. ولو في عمر متأخر .....؟؟
وحديثي هذا لم يكن من فراغ أبداً .. إنما من ألم وتعجب لما أرى و أسمع يومياً .

[ماحد شراتي]

وييييييييييييه يا كثرهن

اكيد فيه سبب لهالشي

يمكن البيئة ويمكن الاهل ويمكن ظروفها ويمكن ويمكن

فالنهايه ما نقدر نلوم اي وحده لانه ما نعرف شو سبب انها تقول انها عانس وهيه فالعمر

يبيلهم توعيه

[مراسيل الوفاآ]

هالموضوع مرتبط بنفسيه البنت والبيئه اللي هي فيها

قريت بحث يقولون فيه انه البنت نفسيا ما تفكر بالزواج
الا اذا اللي حولها من خوات او صديقات او قريبات عرسن
وبالتالي تشوف نفسها عانس او غير مرغوب فيها وهالشي
ماله علاقه ابدا بالعمر وبالتالي تبدا تفكر بالزواج وممكن مثل
ما تقولين عادي عندها ترتبط بأي ريال المهم انها تعيش هالجو،
غير اللي تكون مثلا ف سن زواج اما باقي بنات العايله بعدهن
صغار او تكون وحيده ما عندها خوات هني الضغط يكون عليها اقل
ما عندها حد يلمح وما تتحسس بأنه اللي اصغر منها فالعمر يعرسن
قبلها

ف يعتمد ع كل وحده وبيئتها شي بنات مراهقات اسمعهن يبن يعرسن
ف عمر ال15 وشي فال20 وشي فال30 لكن فالنهايه ها كله نصيب
ف حلو لو الوحده ترضى بحياتها وتعيشها مثل ما هي وتستانس بكل
لحظه فيها لين ما ييها نصيبها وعقبها تبدا حياه المسؤوليه

[شعاع امل]

ههههههههههههههههههه وحليلي انا ثلاثين !!

المهم ماشاء الله على شاكيرا شك شك تعرفونها ... عمرها فوق 35 ومتزوجه لاعب كوره ... 25 سنه!! ومب عشان هو فقير عشان يتقضى ملايين

تعرفون لاعبين البرازيل واسبانيا كيف....

بس هم تفكيرهم جي ... ياخذون الحرمه لو عوده اذا كانت زينه ... ماحد بيقول لهم ... عيب ولا ابني دكتور كبير ولا مهندس ولا شي


بس سن الزواج بنظري المناسب 25 وطلعي لين 35 يتناقص الوضع .. والله كريم ....

بس في بنات احم احم .. يريدن يتزوجن يعني نداء الطبيعه.... فحرام يمكن كثرت الزواج وفي نسوان الله يهديهن ... يفتحن مواضيع الزواج امامهن

وهن بنات ييصير عندهن تفكير ورغبه ... مره كانت وحده تكلمني عنها وعن زوجها وتتكلم عن أشياء مالي خص فيها!! وتشتكي ...

امي يوم سمعت عصبت علي .. وقالت عيب ... فعلا غلط ... وأسلوب تعامل المجتمع مع بناته غلط .. مفروض يوعونهن .. وحسب كل وحده

وميولها يخلقون لها حياه ... والزواج مكمل

[مالتيزرس]

الله يهديهن وكل حد بياخذ رزقه

[ورقة ناعمة]

ههههههههههههههههههه وحليلي انا ثلاثين !!

المهم ماشاء الله على شاكيرا شك شك تعرفونها ... عمرها فوق 35 ومتزوجه لاعب كوره ... 25 سنه!! ومب عشان هو فقير عشان يتقضى ملايين

تعرفون لاعبين البرازيل واسبانيا كيف....

بس هم تفكيرهم جي ... ياخذون الحرمه لو عوده اذا كانت زينه ... ماحد بيقول لهم ... عيب ولا ابني دكتور كبير ولا مهندس ولا شي


بس سن الزواج بنظري المناسب 25 وطلعي لين 35 يتناقص الوضع .. والله كريم ....

بس في بنات احم احم .. يريدن يتزوجن يعني نداء الطبيعه.... فحرام يمكن كثرت الزواج وفي نسوان الله يهديهن ... يفتحن مواضيع الزواج امامهن

وهن بنات ييصير عندهن تفكير ورغبه ... مره كانت وحده تكلمني عنها وعن زوجها وتتكلم عن أشياء مالي خص فيها!! وتشتكي ...

امي يوم سمعت عصبت علي .. وقالت عيب ... فعلا غلط ... وأسلوب تعامل المجتمع مع بناته غلط .. مفروض يوعونهن .. وحسب كل وحده

وميولها يخلقون لها حياه ... والزواج مكمل

ههههههههههههههه شاكيرا شك شك ,,,, حلو اسلوبج وروحج الرياضيه اختى شعولة

[شعاع امل]

ههههههههههههههه شاكيرا شك شك ,,,, حلو اسلوبج وروحج الرياضيه اختى شعولة

ثانكس رورو النعومه

[غرووب 22]

سيِّدُ الاسْتِغْفار أَنْ يقُول الْعبْدُ : اللَّهُمَّ أَنْتَ رَبِّي ، لا إِلَه إِلاَّ أَنْتَ خَلَقْتَني وأَنَا عَبْدُكَ ، وأَنَا على عهْدِكَ ووعْدِكَ ما اسْتَطَعْتُ ، أَعُوذُ بِكَ مِنْ شَرِّ ما صنَعْتُ ، أَبوءُ لَكَ بِنِعْمتِكَ علَيَ ، وأَبُوءُ بذَنْبي فَاغْفِرْ لي ، فَإِنَّهُ لا يغْفِرُ الذُّنُوبِ إِلاَّ أَنْتَ .

[رباب حمدان]

هالبنااااااات مستخفااااااااااات

[Cobon]

حلاته البنت تدرس و تمسك شهادتها و تشتغل
و مثل الغزالة تمشي و تمرح في البساتين
الله يذكر ايام عزوبتي ما خليت مكان ما سرت له
اظني قاصر لي اروح المريخ
ما شاء الله علي تف تف عن تحسدوني



ما خليت لا مركز تحفيظ قران ولا جم ولا اعمال تطوعية
ولا مشي ولا رجيم ولا بحر في الامارات الا و مشيت فيه
ولا مناسبة اجتماعية ولا عرس ولا عمرة ولا سفرة ولا وناسة ولا عبادة ولاشي
حتى الصوالين و السبا ختمت عليها بالشمع الاحمر


و يا حلاة رمضان في العزوبية بتاكلين اي شي ما تفرق وياج
تقعدين و تاكلين و تصلين و تروحين التراويح و القيام والله كنت ارد البيت بعد القيام
عادي اوصل البيت الساعه 1:30 الفير و مستانسة اصلي و انا مرتاحة و المسيد حذال بيتي

اما المتزوجة الا الياهل راكب ع ظهرج و انتي تسجدين
لا يخلونج تصلين و يركضون وراج مثل الاباليس
و الريل يبغي اكل محترم للفطور مب سمبوسة و بتسوين له شوربة
اطبخي ثريد و عيوش و مجبابيس و هريس
و عاد لو تبغين تصلين في المسيد كل يوم ما ترومين


الزواج مو كوشة و لعب يهال
الزواج صبر و مسؤولية
انا ما ادري ها الجيل شو فيهم؟؟؟؟
صغار ما خلصوا النيدو و يبغون يعرسون
و عقب ما يكملون سنة يطلقون


والله العزوبية حلوة و فيها اشياء حلوة استغلوها بشي ايجابي و مفيد
هذا ما يعني ان الزواج تعاسة
الزواج مثل اللعبة لازم الوحدة تكون ذكية
و صبورة مب 24 ساعه انتي في شهر عسل

انا عرست عقب ما خلصت دراستي
بس و الله اني ما شبعت من العزوبية ههههههه