آم ريلي :28:

[um fay]

انا ما كنت اعامل ام زوجي معاملة سبيشل .. عادي يعني
لا عشان خاطر زوجي و لاغيره.

بس بعد مرض امي، حسيت الام غيييير و وجودها شمعه بالبيت سبحان الله
صرت اكرم ام زووجي اكثر،
اعتبريها امج و اللي يجي منها زي العسسسل

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[ماحد شراتي]

هل في اسباب تجبركم انكم تكنسلون الشقه ؟
احس صعبه تعيشين ويا اهل ريلج لانج بتكونين متعوده عالاستقلاليه
الله يعينج الغلا

[Cobon]

قالت و سوت و راحت و ردت .............الخ

شعليج انتي برمسة الناس
انتي و ريلج مرتاحين و ما شاء الله هو عادي وياج و متفهم الوضع ومب من النوع اللي يزعل و يسمع رمسة حد
و هي حرررررررررمة عودة
وكل الحريم الكبار جي يرمسون

اسمعي من هني و طلعي من الاذن الثانية
وما عليج سيري بيت اهلج و باتي و استانسي
توج ما ربيتي ولا شي و ريلج في الخدمة الحين يعني مب فاضي لج
باجر بتنزرعين زراعة في بيتج ههههههههههههههههههههههههه

[فلاسيه114]

انا ما كنت اعامل ام زوجي معاملة سبيشل .. عادي يعني
لا عشان خاطر زوجي و لاغيره.

بس بعد مرض امي، حسيت الام غيييير و وجودها شمعه بالبيت سبحان الله
صرت اكرم ام زووجي اكثر،
اعتبريها امج و اللي يجي منها زي العسسسل

ليش الكره حبيبتي ،، ترا ام الزوج بالكلام الطيب تكسبينها والي ما يعيبج تجاهليه

الصراحه قلبي عورني يوم قلتي بديت اكرها اكثر ،، تخيلت عمري في المستقبل ماعرف كيف موقفي اذا مرت ولدي تكرهني

الله يوفقج غاليتي ..

[المغتربة]

عيل ما جفتي اللي جافوه غيرج

كل يوم في شهر العسل تتصل مثل الضرة
لا تسفرها لا توديها لا تخسر فلوسك و بناتها يتفرفرون في كل دولة
كل يوم الصبح ادقدق الباب في الويك اند من 7 الصبح
غصب طيب نتريق و نتغدى و نتعشى عندهم
نرجع من الدوام في رمضان من العصر لين المساء في المطبخ
و بدل البشكارة 2
لو نبغي نروح اي مكان لازم نشاورهم و نستأذن
حتى الزيارات لبيت الاهل تدخل فيه ؟
و ما يعجبها نروح بيت اهلنا لو مرة في الاسبوع
نسافر نروح نرجع تتغصص و بتموت و تتحسر
باخذ موتر بتموت عبالها من جيب ولدها ؟
لين ما وصلت حدي و قلت خلاص بيت بروحي و بس
هني ماتت زيادة ولدها بيدفع ايجار شقة
وكل بناتها في بيوت الله الواسعه و بروحهم و بشكارة



ومع كل هذا اتصل فيها كل مرة و اروح لها و ازورها و اهديها
بس بعض العمات و حريم العيال ما ينفعون يعيشون في بيت واحد
مرات البعيد عن العين يكون قريب من القلب و هذا اللي صار لي فعلا
و هي من وراي كله تقول اعزها و احبها بس من يدامي عادي جدا
يحليلها اقول صدق الحريم الكبار ما تفهمين لهم
هم طبيعتهم جي هاي فطرة فيهم و يعقون كلمة و خلاص و ينسون


انتي ام ريلج والله فردوس و جنه في الارض
ما ادري ليش زعلانه منها
لو انا منج بوسة ع راسها قبل ما اطلع اي مكان
و اكود الهدايا عندها

انا الحين ريلي يغار مني ليش تحبني اكثر
سبحان اللي يغير الناس ولا يتغير

[سامية22]

للرفع

[(خيماويه)]

الله يعين كل وحده ساكنه ويا عمتها عالمجاملات شو الله كالف تمي بشقتج احسلج ابعد عن الشر وغنيله مجرد راي والله يوفقج

[(خيماويه)]

اكبر غلطه انج بتروحين تسكنين معاها وبتجوفين المشاكل صح البنات يقولون اعتبريها شرات امج بس هل اهي بتعتبرج بنتها ؟ انا اقولج احترميها وطنشي كل النغزات بس لاتسكنين في بيتها لانه النغزات بتتحول لمشادات وبتعق كاش رمسات ولو تتكلمين ويا ريلج مابسوي شي وبقول امي وجوفي اغلب مشاكل الحريم الي ماتنحل الي يسكنون بيت اهل ريلهم والمشكله انه الريل يخلي اهله يكرهون حرمته وحرمته تكره اهله والسبب موضوع السكن والله يوفقج

[Yazi.90]

شوفي بقولج شي ،،
دام انها بس تتكلم بدون لا تسوي لج شي وتأذيج ،، الحمدلله
سايريها ولو سمعتي كلام ماعجبج طنشي ولا جنج سمعتي شي
عادي هم جي الكبار ما شاءالله مايعجبهم شي ،،
ولازم تراعين كبر سنها وانها الحين بمثابة امج
جاملي شوي وطوفي ماعليه عشان علاقتج مع ريلج !

بس شوفي انتي اذا في مجال انكم تسكنون بروحكم
لان صراحه صعبه وحده كانت مستقله ترد عند اهل ريلها ،،
ماقولج عارضي لا بس حاولي انج تطلعين بيت روحج
ولو صعبه عالاقل ملحق خاص فيج ،،
الله يسهل امرج يارب

[بنت_دبي_وبس]

نصيحه لا تطلعين من الشقه

بييييج الشقى اذا سكنتي وياها

[Ward-uae]

أجروا لكم شقة ومن يسير الخدمة سيري بيت اهلج وعن عمتج مادام انها ماضرتج بس رمسة لا تتحسسي وتحطي بخاطرج وشكلج مأخذه بكرها

[ميميه88]

نصيحه
لاتمين عالسايره واراده تربعيلها
وعلى ادنات الدون تخبرونها
وعوديه مب كل شي يربع يقوللها
وبعدين ماله لزمه يوم تبين تطلعين تربعين تخبرينها
ماعليه بيعصب مره مرتين وهيه نفس الشي وبيتعودون بعدين
ترا اذنج عند ريلج مب عندها
وتسكنون بروحكم احسن بعد

[غرووب 22]

سيِّدُ الاسْتِغْفار أَنْ يقُول الْعبْدُ : اللَّهُمَّ أَنْتَ رَبِّي ، لا إِلَه إِلاَّ أَنْتَ خَلَقْتَني وأَنَا عَبْدُكَ ، وأَنَا على عهْدِكَ ووعْدِكَ ما اسْتَطَعْتُ ، أَعُوذُ بِكَ مِنْ شَرِّ ما صنَعْتُ ، أَبوءُ لَكَ بِنِعْمتِكَ علَيَ ، وأَبُوءُ بذَنْبي فَاغْفِرْ لي ، فَإِنَّهُ لا يغْفِرُ الذُّنُوبِ إِلاَّ أَنْتَ .

[مكيفة دبي]

حبيبتي ليش مكبرة السالفة هونيها وتهون أعتبريها أمج يوم تزعل عليج .. وتنازعج.. الأوليين أكثريهم عاشوا في بيت أهل الزوج وأتشاركوا في المشاكل وفي الأحزان والأفراح وأستوو حبايب
الحياة حلوة وهوني كل شيء يا الغالية أحرصي على رضى الله منج فيحبك الله ويحبب خلقه فيك
وأكثري من قول اللهم أجعل همي الآخرة ودايما فكري أن أختيار الله لج هو الأفضل ألحين الله سبحانه وتعالى يختار لج أن تعيشين مع أهل ريلج لتفوزي بالأجر العظيم
دمتي في حفظ الله ورعايته

[مكلارين]

اللي مستصغرين الموضوع احب اقول لهم اللي يده بالماي مو نفس اللي يده بالنار والكلام سهل يمكن تطنش مره بس دووم صعب صعب صعب وبعدين. المشاكل ما راح تنتهي هنيه بتزيد والتدخلات بتزيد وخصوصا السكن معها انا والله والله والله لو اقول لكم اللي عندي بتتحمدون على اللي عندكم ترى العمات ما استون اقسم بالله لو وحده غيري جان طفرت من بيت ريلها من زمااااااااااان بس انا ربي عطاني صبر عل وعسى يتغير الحااال وادري ان لصبري هذا حدووود وبجي يوم بيخلص وبنفجر ..اللي يبسطون السالفه انا متاكده لو انحطوا بهالموقف يمكن يجاملون فتره بس ما راااح بتمون جيه....نصيحتي لا تسكنين عندها ودامج اصلا للحين مب عندها طنشييييييييييي