آم ريلي :28:

[رنج 2013]

السلام عليكم والرحمة



ام ريلي ماعرفتلها

طبعاً جدامي الطيبة الحنونه اللي بتموووت عليه .. وانا ماقصر معاها ف شي أي مكان اسيرله اخذلها حايه عشان افرحها


* يوم حملت كل مانصور الياهل راح وخبرها ريلي طبعاً من الفرحة .. و اخو ريلي يقولي ان شاءالله يطلع يشبهج
قالت الام : لا ان شاءالله .. ان شاءالله يشبهه ولديه .. حسستني انا عاهه استغفرالله ..
وتقوول ياويلج اتيبين حق ولديه بنات
هاتيله كله أولاد استغفرالله العظيم هذا الشي من الله بس ماعرف ليش هالنغزات

* ومن شهر سرت ويلست يومين عند هليه .. واتصلي ريلي وقالي اسكتي بشبك امي .. وسكت و شباكها ..
الصصصصدمة : قالت هاذي بنت بليس دووم اتسير واتخلييك بروحك ؟ ....... هو على طول بدل السالفة

* ريلي فالخدمة الوطنية محجوز و طلع الويكند اللي فات .. وقالي بنبات عند هليه .. طبعاً اول مره ابات عند هله
الويكند اللي فات ( لأن بعد مايطلع من التجنيد بنكنسل الشقة وبنسكن عند اهله ) .. يوم السبت الظهر راح للمعسكر وانا بعده
بنص الساعة جهزت اغراضي عشان ارجع بيت هليه .. ( طبعاً انا معودتنها فالطلعة والدخله اسلم عليها وأسألها اذا محتاجه شي !)
و سرت أبا اسلم عليها .. لقيتها راقدة .. قلت مابزعجها وطلعت ~

ف امس كلمها ريلي .. وتمت تتشكاله: حرمتك ماتتصلي وطلعت من البيت وماسلمت عليه .. ليش هي ماتتصلي ؟!
للعلم ( ام ريلي ماتتصلي الا اذا مارد عليها ريلي عشان اتعرف اهو وين مب عشاني ) وانا ماتعودت اكلمها
واتصلي ريلي و هزبني : انتي ماسلمتي على امي قبل ماتطلعين وماتتصليلها وماعرف شو ... وقلتله انها راقدة
قالي عادي المرة اليايه دقي الباب ووعيها وسلمي عليها


المشكلة انها جدامي الطيبة الحنونة اللي اتحبني وانها مالها خص ف حياتنا .. بس احس العكس
وبعد شهر بسكن معاهم فالبيت شو بتسوي فيني عيل ....و الحل معاها ؟!!

المزيد من آخر المواضيع من نفس القسم:

• طرق تجنب الزوجة تدمير حياتها الزوجية
• افضل الطرق للتعبير عن حبكِ لزوجكِ
• جارتهم فرقت بين اخي وبين زوجته
• طرق التعامل مع الزوج الذي يتجاهل زوجته
• افضل طرق التعامل مع الزوج الذي يهين زوجته
• افضل طرق التعامل مع غضب الزوج بذكاء
• اجمل افكار لاستقبال زوجك من السفر
• اهم العادات التي تؤدي الى تدمير الحياة...
• افضل طرق التعامل مع الزوج المستفز
• نصائح مفيدة لنجاح العلاقة الزوجية

[فلاسيه114]

عشان تتجنبين المشاكل سايريها في كل شي حتى لو كلامها ما عيبج عشان ريلج ما يقولج انه الغلط منج. انتي عليج انج تكونين وياها طيبه بغض النظر عن الأشياء الي تقولها لانها في النهايه هي أمه وما يقدر يقولها اي شي يزعلها. انتي أكسبيها بالعماله الطبيه ولت ما بيعبج من رمستها اجاهليه. وبهاي الطريقة بكسبين ريلج لانه اذا عاندتي الام اكيد بتخبره وبتزيد المشاكل.

الله يوفقج عزيزتي

[ريم العسووله]

عشان تتجنبين المشاكل سايريها في كل شي حتى لو كلامها ما عيبج عشان ريلج ما يقولج انه الغلط منج. انتي عليج انج تكونين وياها طيبه بغض النظر عن الأشياء الي تقولها لانها في النهايه هي أمه وما يقدر يقولها اي شي يزعلها. انتي أكسبيها بالعماله الطبيه ولت ما بيعبج من رمستها اجاهليه. وبهاي الطريقة بكسبين ريلج لانه اذا عاندتي الام اكيد بتخبره وبتزيد المشاكل.

الله يوفقج عزيزتي

هذا هو التصرف الصحيح
الغيرة موجودة بين أم الزوج و كنتها
و الغيرة درجات تختلف من حماة لين حماة
في حموات ما يغارون أبدا و هالنوعية المفضلة من الحموات ^^
و في حموات الغيرة توصل فيهم إنهم يقذفون في عرض زوجة الولد !!!! الله يهيدهم
فالحل بيدج لا تخلينها تغار منج و سايريها حسسيها انج بنتها و تفاهمي مع زوجج بهالموضوع و قولي له مب كل شيء نقول لها و اذا سألج ليش قولي له الغيرة موجودة و انا مابيها تغار و يصير مشاكل نبي نعيش في هدوء و سلام و بروحه زوجج بيتفهم الوضع ...

[الجوري1991]

الله يعييينج .. دام مرتاحه وريلج زين طنشيها وسوي اللي تباه سلمي واسالي واتجاهلي الي يزعجج منها .. والله اييسر اموركم ويسعدكم ❤️

[حرم الحوسني]

الله يعينج يا اختيه لازم تتحملين عشان خاطر ريلج

[��@ سوما@��]

لا اله الا انت سبحانك اني كنت من الظالمين

[رسايل غلا]

حبيبتي دوم حطي في بالج أو عالأقل اعتبري ام ريلج هي امج
وفكري ان تصرفاتها هاي عادية جدا مهما كان هالتصرف
نحن مرات امهاتنا ينازعونا فالطلعة والدخلة ومرات على اتفه سبب
ونزعل شوي وعقب نسكت, فانتي لا تحطين في خاطرج
وفكري انه اهم شي في حياتج ريلج وعيالج, ممكن تخلينها تنحرج
في خاطرها اذا قلتي جدامها او جدام اي حد ( هاي مثل امي ما ازعل منها )
صدقيني بعض هالكلام يأثر ويلين الصخر بعد, وانتي جربي مب خسرانة
والله يوفقج في حياتج ان شاء الله

[جنان الفجيره]

اعتبريها شرات امج حتى شو ما تقول قولي هاي امي

وحاولي قعدي وياها قولي لها عموه يلا نطلع انا و انتي نتمشي

حاولي اشتري لها هديه ووديها لها وادعي لها انه يحنن قلبها عليج

سوي ريوق وودي لها قولي هذا الريوق مخصوص حق الغاليه وبوسيها على راسها

ودوم امدحيها جدام ريلج بين فتره وفتره طلعيها وياج قولي لها عموه سمعت انه ذوقج غاوي خليها تختار شيئ

ويوم بتختاره عاد لمن بيكونوا اعيالها موجودين وريلج قولي ما شاء الله عليج عموه ذوقج وايد عيبني وحلو

عسى ربي يحنن قلبها عليج و يسعدكم ان شاء الله


ودعواتج لي

[~شوق~]

اللهم ألف بين قلوبهم واسعدهم يارب

[rahel]

اكبر غلطه انج بتروحين تسكنين معاها وبتجوفين المشاكل صح البنات يقولون اعتبريها شرات امج بس هل اهي بتعتبرج بنتها ؟ انا اقولج احترميها وطنشي كل النغزات بس لاتسكنين في بيتها لانه النغزات بتتحول لمشادات وبتعق كاش رمسات ولو تتكلمين ويا ريلج مابسوي شي وبقول امي وجوفي اغلب مشاكل الحريم الي ماتنحل الي يسكنون بيت اهل ريلهم والمشكله انه الريل يخلي اهله يكرهون حرمته وحرمته تكره اهله والسبب موضوع السكن والله يوفقج

[(خيماويه)]

اكبر غلطه انج بتروحين تسكنين معاها وبتجوفين المشاكل صح البنات يقولون اعتبريها شرات امج بس هل اهي بتعتبرج بنتها ؟ انا اقولج احترميها وطنشي كل النغزات بس لاتسكنين في بيتها لانه النغزات بتتحول لمشادات وبتعق كاش رمسات ولو تتكلمين ويا ريلج مابسوي شي وبقول امي وجوفي اغلب مشاكل الحريم الي ماتنحل الي يسكنون بيت اهل ريلهم والمشكله انه الريل يخلي اهله يكرهون حرمته وحرمته تكره اهله والسبب موضوع السكن والله يوفقج

[أم حور26]

صدقهم البنات العمه تعتبر بمثابة امج حاولي تمشين الامور عشان ريلج

الله يوفقج حبيبتي

[سلامة الهاملي]

الله يعينج و يعينا

[سلامة الهاملي]

تعالي شوفي خبث اللي عندي بتبوسين ريل عمتج انها اهووووون بوااااايد .. اتصابري و المصيبة انكم بتعيشون عندهااااااا الله يعينج عاللي ياي ..

[khaleejiya]

ماقول الا الله يكون بعونج
السكن مع اهل الريل اكبر مصيبه سألي مجرب