فترة الظهيرة وين أخلي بنيتي فديتها

[لياالينا]

خواتي حبيباتي

قلت مالي غيركن فديتكن ألاقي جواب لسؤالي الله يحفظكم
بنتي الحين الله يحفظها عمرها خمس سنوات وترد من المدرسة الساعة وحدة ، وأنا في الشغل لين الساعة خمسة ، ولأني ما اثق في الخدم مووووولية مابا اتركها ويا الخدامة بروحهم في البيت. في العادة أوديها عند أمي لكن الغالية أمي بتسافر شهر الله يردها لنا بالسلامة . يمكن تقولون بنتتش كبيرة ، هيه أدري لكن بعد ما اثق بالخدامة بغيابي.

الحضانات ياخذون اعمار صغيرة وأنا ودي أعرف هل في أماكن لأعمار بنيتي تسوي نشاطات مثلا .

بانتظار ردودكم على أحر من الجمر

المزيد من آخر المواضيع من نفس القسم:

• اجمل تسريحات اطفال ينات بمناسبة عيد الفطر
• اجمل موديلات فساتين اطفال بمناسبة عيد الفطر
• اسباب قضم الأظافر عند الأطفال
• احدث موديلات فساتين اطفال للأعراس
• اجمل تسريحات اطفال انيقة للمدرسة
• اجمل موديلات قفطان مغربي للاطفال بمناسبة...
• طريقة تظيف انف الطفل الرضيع من المخاط
• العناية بالمولود الجديد
• اسباب واعراض وطرق علاج فقر الدم عند الاطفال
• اجمل موديلات فساتين اطفال شتوية انيقة وناعمة

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[banota.a7]

انتي من اي اماره

[لياالينا]

بوظبي الغالية

[قلب بنتها]

هلا حبيبتي ماعندي فكره اتمنى حد يفيدنا لانه انا نفس الشي اوصل البيت 5

الله يعينا ويعينج

[لياالينا]

الحمدلله رب العالمين

[Cobon]

احسها بتكون تعبانة يعني لو تودينها مكان ثاني
حطي كيمرات في البيت و راقبي من فونج و هي من ترجع خليها تتغدى و ترقد

[الــــدبـــــه]

صعبه اصلا الحضانات لها وقت معيّن مش لين خمس العصر !!
انتي توكلي على الله وحطي كميرات مثل ماقالت الاخت كوبون
وراقبي بنتج من تلفونج وخلج متواصله مع بنتج
اتصلي على رقم الخدامه او تلفون البيت ورمسي بنتج
لين ترجعين وتقدرين تجابلين بنتج

[مالتيزرس]

بنتج الله يحفظها كبيرة يعني فحال سوت بها شي الشغالة تقدر تخبرج وبها الشكل رااح تاخذين حذرج ..بس انتي سوي كاميرات وتمي ع تواصل مع بنتج بين فترة وفترة ع الفون اطمني عليها واستودعيها ربج ..ولاتخلينها تدخل معاها غرفتها عطيها تنبيهات .

[ايليت]

سجليها بنادي او معهد او اي شي مفيد ياخدها بالباص من مدرستها ويردها للبيت بعد ما توصلين
او تقدرين تركبي كاميرات داخل البيت وتراقبي الخدم من على الموبايل

[المعآني]

مراكز التحفيظ او معاهد التقوية

[لياالينا]

مشكورات خواتي حبيباتي على النصيحة
الصراحة موضوع الكاميرات ما ينفع لسببين ، الاول البيت 3 طوابق وبنتي تتم تطلع وتنزل ، وين ولا وين بحط كاميرات ، واحس بنتي ما تقوللي كل شي كونها طفلة وما تعطي للمواضيع هاذي اهمية ، يعني دوم اسألها ترد اجوبة لا مبالية ، مثلا : أمي حبيبتي الخدامة زينة وياكي تحبك ؟ يوم ترد تقوللي هيه ماما وايد ، ويوم تقوللي ما حبها رديها الفلبين ! يوم تقوللي تصارخ علي ، ويوم تقوللي لا ما تصارخ ، بيصيبني انفصام في الشخصية سبة هالموضوع، وأحيانا كثيرة أسأل بنتي وما تعير لأسئلتي أي اهتمام شنا الموضوع ما عيبها يعني تشوفو تافه ههه . فديتها الحبوبة
والسبب الثاني الخدامات يوم يشوفون الكاميرات عموما يتهربون من الغرف ذيك اللي فيها كاميرات .
وبالنسبة للتعب ، بالعكس بنتي أشوف انها تمل في البيت وتتم مجابلة الاي باد طوووول الوقت لين أرد ، طبعا لأن الخدامة مالها خلق تلعبها، فأشوف اي نشاطات اضافية بتخلي البنت تطلع الطاقة والملل اللي فيها.

- - - Updated - - -

مراكز التحفيظ او معاهد التقوية

صدق؟ يقبلون عمر خمس سنوات ؟ وبوقت الظهر خلال أيام الأسبوع؟

[سلامة الهاملي]

لولا المسؤولية كنت قلتلج هاتيها عندي ..
لو عندج خوات او اهل ريل ما يقدرون يشوفونها ..
يعني عشان ما حد يتضايج منها طرشي معاها الخدامه اتجابلها بس تحت عيون اهل ريلج او خواتج لاني شراااتج مستحيييييل اخلي بناتي مع الخدامه بروحهم ..
ما يرتاح قلبي .. الله يعينج
..و اذا ما لقيتي حل حاولي تاخذين اجازة من شغلج لين اترد امج عزيزتي ..

[سلامة الهاملي]

احسن فكرة فكرة الاخت اللي قالت مراكز تجفيظ القران بس اعتقد ساعه بس فاليوم اسألي و الله يوفقج

[المغتربة]

حبيبي
مري السوق الصيني عندهم كيمرات
و ركبي من مدخل الصالة لفوق وهم يركبون لج كل شي
لا تقولين شكثر بركب لازم تركبين

و اقفلي الحجر اللي مب محتاجينهم الصبح
يعني مثلا انا من اطلع الصبح اخلي كل الحجر مقفلة
و الميلس و كل شي الا حجرة عيالي و المطبخ و الصالة

[قوطي فيمتو]

انا حصلت اخت ريلي بتشوف بنتي واعطيها مبلغ بسيط وهي طيبه وأحيانا شي حريم يحطون عيالهم عندها