تضمنينه والا لا

[Amaaaal]

سلام عليكم صباحكم بركة ان شاء الله

البارحة وانا ياية بطلع م الدوام زقرتني وحدة م البنات قالت بسألج سؤال بما انج متزوجة للعلم البنت (مش متزوجة لكن مرت في تجربة طلاق) قالت لي خاطبني واحد غريب يعني مش من اهلها وانا وايد محتارة اوافق والا لا قلت لها ليش محتارة اذا سالتوا عنه وطلع ريال زين وعاقل ويصلي ويصوم ليش محتارة ؟؟

قالت ما اضمن انه بعد مثلا خمس سنين يتم وياي اخاف يهدني مثل ما هدني اللي قبله ولا حاول يرجعني واول ما طلبت الطلاق طلق ولا حتى تعب نفسه وحاول يعرف السبب..

قالت لي تحسين بالأمان في حياتج ويا ريلج والا لا صراحة ما فهمت عليها قلت لها كيف يعني من اي ناحية قالت لي ان اي مشكله تصير بينج وبينه مستحيل يطلقج او يستغنى عن ام عياله ويحاول يحل المشاكل اليي تصير بينكم بس ما يستغنى عنج

صراحة بعد ما فهمتني قصدها قلت لها محد يضمن حد هالايام وانا مادري الله شو كاتب لي في الدنيا يمكن يصير شي قوي لا سمح الله يتطلب منا الانفصال حتى لو بيننا عيال ...

ع طول غيرت رايها قالت يمكن ما اوافق ابا اتزوج واحد يحسسني بالامان وان مهما يصير من بيننا من مشاكل ما يزعلني ولا يطلقني ولا الخ ويوقف وياي في الحلوة والمرة قلت لها مب شرط لازم تتنازلين عن شي (كنت اقصد طلعاتها ويا اربيعاتها) وقلت لها كل ريال ما يبغي حرمته تقضي وقت ويا اربيعاتها اكثر من الوقت اللي تقضيه ويا ريلها وانتي لازم تتنازلين عن شي لو تبين بالمقابل شي ( الأمان )


شو رايكم بنات... تحسون بالامان وتضمنين ريلج والا لا ؟؟ انا صراحة دوم افكر اقول واثقة في ريلي بس مش واثقة في الزمن تعرفون الشباب يأثرون على بعض وايد وشي بنات الله يهداهم يدورون الرياييل المتزوجين ..

المزيد من آخر المواضيع من نفس القسم:

• طرق تجنب الزوجة تدمير حياتها الزوجية
• افضل الطرق للتعبير عن حبكِ لزوجكِ
• جارتهم فرقت بين اخي وبين زوجته
• طرق التعامل مع الزوج الذي يتجاهل زوجته
• افضل طرق التعامل مع الزوج الذي يهين زوجته
• افضل طرق التعامل مع غضب الزوج بذكاء
• اجمل افكار لاستقبال زوجك من السفر
• اهم العادات التي تؤدي الى تدمير الحياة...
• افضل طرق التعامل مع الزوج المستفز
• نصائح مفيدة لنجاح العلاقة الزوجية

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[دنيا غدارة]

عن نفسي اضمن وجود ريلي معاي لكن ما اضمن تصرفاته تعرفي تأثير الكل عليه هو قالي مره لو شو ما صار ما أتخلى عنج لانج وقفتي معاي لو حصل وصار تغير في حياتنا وبدت مشاكلنا اعرف ان محد ليكون معاي غيرج ومستحيل ما يفرقنا غير الموت تغير حب تجاهج ولا تزوجت عليج ولا خنتج ولا مديت يدي عليج ما رح اتركج الحمدالله صارت مواقف اثبت فيها انه مستحيل يتخلى عني والحياة بعدها جدامنا بنشوف جدية كلام لان نحن نعتبر بأول حياتنا وتونا داخلين سنه ثالثه

[ريم العسووله]

قل لن يصيبنا الا ما كتبه الله لنا
تذكري هالآية و ريحي بالج أختي العزيزة ...
مب كل سؤال له إجابة ، و مب كل سؤال يخطر عالبال لازم نجاوبه ...
دام الوحدة مرتاحة مع زوجها ، و ما في مشاكل بينهم الأفضل إنها تتهنى بحياتها و تقضي وقتها بسعادة بدال ما تقعد تسأل نفسها هالأسألة المزعجة !!!

و ربيعتج الله يهديها من حقها تخاف و تتأنى في الزواج و خصوصا انها مرت بتجربة طلاق سابقة ...
و لكن مو لدرجة الخوف و تصعيب الأمور على نفسها !!!
لأن الحذر و التأني له حدود مب لدرجة أني أعقد الموضوع كله و أستصعبه على نفسي ...
الأفضل لها و لكل شخص يتمنى الزواج السعيد هو عقد النية و التوكل التام على الله ...

[بدوية والنعم]

ماشي ضماااااااااان على أي شي.....بس تظل الثقة بالله كبيييرة.....لو الاهل يتغيرووون علييج فمابالج بغريب وصار ريالج


الله يعينها ويصبرها ويعوض عليها اخيير عنه ....لو علمتم مافي الغيب لذبتم من رحمة الله

[jameela200]

قولي لها عيشي حياتج وياه بعد الإستخارة طبعا .. ولا اتمين توسوسين والرياييل مب نفس الشي .. ان شاء الله هذا يكون وياج وما يتركج لأي سبب كان ..
اذا حطت في راسها هالشي بيستوي ..

[ماحد شراتي]

مسكينه ما تنلام شكله تجربه طلاقها كانت صعبه وماثره في نفسيتها وان شاءالله رب العالمين بعوضها باللي احسن عنه
واكيد الواحد ما يضمن شي فهالدنيا لكن حسن الظن والثقه بالله تغنينا عنكلشي ونعرف كله خير دام انه مقدر ومكتوب

[um fay]

كسرت خاطري البنت..
شكلها تأثرت بتجربتهــا واااايد..

انصحيهــا وخلها توافق اذا الريال زين.. و ترا ما كل الرياييل نفس الشي ..

ومحد ضامن شي بهالدنيـــا

[مناية النعيمي]

محد يعلم ياختي بس انتبهي منها مارتحت لها ولكلامها ليش تسال عنج وعن ريلج وهل ممكن يفرط فيج لو زعلتي عليه

[ام مصطفى..]

لا تحكمووون ع كل الشباب في شباب والنعم فيهم وفيهم الخير و ليش ماتحطططون اللوم ع الحرمه يمكن مقصره وياه ،،

[أم جسوووم]

لا تحكمووون ع كل الشباب في شباب والنعم فيهم وفيهم الخير و ليش ماتحطططون اللوم ع الحرمه يمكن مقصره وياه ،،

[khaleejiya]

مافي شي مضمون بالدنيا لازم كل وحده تحط هالشي فبالها عشان ما ايي يوم تنصدم باللي وثقت فيه وحطت كل املها فيه يتركها بكل بساطه

[رنج 2013]

ماعندها سالفة .. لو كل وحدة بتفكر نفس تفكيرها محد بيعرس
صح الوحدة ماتضمن الدنيا شو مخبية !! بس تتوكل الله

[جنان الفجيره]

خلي ثقتج بالله كبيره ووتوكل على الله ولين باجر و السنين اللي قدام يحلها الف حلال

[(خيماويه)]

الله يوفقها

[khaleejiya]

اخاف ربيعتج من النوع اللي على كل تكه قالت طلقني وتتوقع منه يقول لها لاا ما بخيلج
خليها تصحصح من احلام اليقظه وتعقل انا اقول لو تستخير واذا ارتاحت توافق وتعيش حياتها مع ريلها بدون ما تكرر اخطائها السابقه