زوجة ثانية

[كيكه 2015]

اولها انه عنده عيال
وهاي نقطة ضعف له

بيكون عندي عيال انا بعد ماظنتي بيعاملهم غير لاني مايبتهم من جيرانا تراه اهو ابوهم

حرمته مثل ماقال ممكن تزعل
وتسويلج مشاكل وتتبلى عليج
تسوي اي شي بس ماتخليج تتهنين فيه

الريال اللي قد كلمته مايخلي حرمته تطاول على حد .. واللي واثق من نفسه ودخل من الباب ومستعد ايي ويا رجال العيلة كلهم ماظنتي زوجته مخرعته .. وبخبرج شي ترى مافي اطول من لساني ولاحد يقدر على وحده متفتحه وفاهمه فالدنيا انا ماتزوجت صغيرة عشان حد ايي يحتال علي بهالحيل .. بس نحن قلنا بنقدّر وبنحترم مشاعرها واحاسيسها اللي بسبتي انكسرت .. وكل شي له حد

والفلوس مو كل شي
في وايد ناس عايشه في غرفه وحمام لكن عايشه سعيده
وفي ناس عايشه بقصور والله لا يوريج عيشتهم

انا ماقلت الفلوس هي كل شي .. انا اقول اللي يقدر يتزوج ويتحمل مسؤوليتها ومصاريفها يتزوج .. انا مابتزوج وبنقعد عالحديدة .. انا أؤمن بأن اللي تبا تتزوج لازم تعيش بمستوى يوازي المستوى اللي هي كانت عايشته عند اهلها .. وترضى بالمستوى المتوسط وليس الأقل .. وان ماكان قادر على هالشي معناتها يسمح لزوجته بالعمل ومايرفض ..


ل

ان حرمته بتعصب وتزعل وماتدرين شو بتقول لعيالها عنج
وغير ها لا تتوقعينها تخلي عيالها يقعدون مع عيالج اذا الله كتبلج نصيب معاه
ولا يختلطون فيهم يعني بيعيشون في جو من التفكك الاسري

الراي مب راي حرمته .. انا لو ابا اخلي زوجها يقلب عليها ربي عطاني القدرة على هالشي واسهل شي تلعبين بعقل رجال خاصة لو كنتي صغيرة وناضجة وفاهمة الحياة والدنيا لاعبة فيج .. لكن مهما كانت عندنا القدرة على الخراب نحن نتبع الجانب الديني ونطالع الله .. ويوم تتزوجين نيتج تكون صافية صوبه وصوب اهله وصوب عيالة وامه وابوي .. لانج ماتبين تصغرين امج وابوج .. التربية اللي تعبو عليها اهلنا مانبا نضيعها عسب حرمة عصبت ..

وانا مابتم طول عمري اشتغل واضيع شبابي بالشغل والمدير قال وسوا .. الزواج امر لابد منه وانا تمتعت بشبابي الحمدلله

وعلى فكرة غاليتي والله والله اني اناقش معاكم الفكرة فقط ولكن في قرارة نفسي الرفض دائما اسهل بالنسبة لنا جميعا

المزيد من آخر المواضيع من نفس القسم:

• طرق تجنب الزوجة تدمير حياتها الزوجية
• افضل الطرق للتعبير عن حبكِ لزوجكِ
• جارتهم فرقت بين اخي وبين زوجته
• طرق التعامل مع الزوج الذي يتجاهل زوجته
• افضل طرق التعامل مع الزوج الذي يهين زوجته
• افضل طرق التعامل مع غضب الزوج بذكاء
• اجمل افكار لاستقبال زوجك من السفر
• اهم العادات التي تؤدي الى تدمير الحياة...
• افضل طرق التعامل مع الزوج المستفز
• نصائح مفيدة لنجاح العلاقة الزوجية

[Ward-uae]

اسألي عن السبب ليش يبي يعدد ؟ اذا بسبب انه حرمته تييب بنات ويبي ولد فاسمحيلي هذا مب سبب واسألي عن الريال عدل وخلي اهلج بعد يسألون عنه
صح انه أبوي معرس وخذ الثانية لكن ضد سوالف الحب والخرابيط ويختار وحده من مقهى وغيره لكن هالريال ياج من الباب وطلب ابوج وهنيه يبالج تستخيرين
اما عن الكلام الباقي عن الحريم وسوالفهم اصابع ايدج مب سوا وإذا تبين الريال يتغير بيتغير مب عشان يرضيج اذا شاف شي يحبه فيج لو شو ما بيتخلى عنج وعن سوالف أهل الريل هذي سوالف حريم وإذا من البداية تشرط تبي سكن خاص تتجنب القيل والقال

[كيكه 2015]

اسألي عن السبب ليش يبي يعدد ؟ اذا بسبب انه حرمته تييب بنات ويبي ولد

انا بكون صريحة معاج لاني اباكم تقيمون الوضع مثل ماهو بدون ما أبيض وأمسح في حقيقة الأمور
الريال عنده بنات وأولاد ربي يحفظهم ويحميهم من الشر ان شاء الله
و جاء عندنا كم مرة ومافتح حلجه بكلمه يمين ولا يسار .. ولا لمح لي ولا قال شي كان جدا طبيعي وانا اللي كنت ابدأ اتكلم معاه عساس اخلص معاه اوراقه
الريال قال لمديري انا البنت شفتها كم مره وحبيتها وأنا سألت عنها وعن اهلها ولكن هي رافضه اتواصل مع والدها .. ومب حاب ادخل فيها عرض واضايقها دامها رافضه لكن ابا فرصة اتناقش ويا والدها وبالآخر قرارها هو بيمشي

[Ward-uae]

انا بكون صريحة معاج لاني اباكم تقيمون الوضع مثل ماهو بدون ما أبيض وأمسح في حقيقة الأمور
الريال عنده بنات وأولاد ربي يحفظهم ويحميهم من الشر ان شاء الله
و جاء عندنا كم مرة ومافتح حلجه بكلمه يمين ولا يسار .. ولا لمح لي ولا قال شي كان جدا طبيعي وانا اللي كنت ابدأ اتكلم معاه عساس اخلص معاه اوراقه
الريال قال لمديري انا البنت شفتها كم مره وحبيتها وأنا سألت عنها وعن اهلها ولكن هي رافضه اتواصل مع والدها .. ومب حاب ادخل فيها عرض واضايقها دامها رافضه لكن ابا فرصة اتناقش ويا والدها وبالآخر قرارها هو بيمشي

استغربت انج شفتي بناته ووصفتيهم انهم امورات
استخيري اذا تيسرت امورج الله كاتب لج تكونين زوجته ما تيسرت هذي حكمة الله
اما عن الحب وتقولين انج ملوله هذي كلها خرابيط
احد يمل من اهله؟ الريال ما يربطج بعده باي شي فعادي الإحساس هذا لكن من يكون قربج وأبو لعيالج غير حتى العيال فيه ام تمل من عيالها؟ شفتي كيف الحياة سهل نتكلم لكن صعب التطبيق لأنهم يصيرون جزء من الشخص

[كيكه 2015]

استغربت انج شفتي بناته ووصفتيهم انهم امورات
استخيري اذا تيسرت امورج الله كاتب لج تكونين زوجته ما تيسرت هذي حكمة الله
اما عن الحب وتقولين انج ملوله هذي كلها خرابيط ، احد يمل من اهله؟ الريال ما يربطج بعده باي شي فعادي الإحساس هذا لكن من يكون قربج وأبو لعيالج غير حتى العيال فيه ام تمل من عيالها؟ شفتي كيف الحياة سهل نتكلم لكن صعب التطبيق لأنهم يصيرون جزء من الشخص

( الملل )
طيب انتي سألتي في حد يمل من أهله !! هيه في وايد حولي يملون من اهلهم وازواجهم وزوجاتهم وحياتهم ، وكل خواتي وربيعاتي ملانين من عيالهم ويفرونهم عند اهلهم عشان يقدرون يعيشون كم يوم بدونهم

( جزء من الشخص )
الكلام سهل والتطبيق صعب .. انا جزء من امي وجزء من ابي وجزء من خواتي واخواني ومع هذا استطيع فصل نفسي عنهم ، انا جزء من شخص عشقته بجنون في يوم من الأيام ولكني استطعت فصل نفسي منه بكل سهوله ، الزوج حاله ليس اكبر من حال كل الاشخاص اللي ذكرتهم سابقا هو مجرد ( جزء) صغير او كبير كان هذا الجزء ولكنه بالاخر هو جزء ، الفكره لو كبرت بالراس تكبر بالحقيقه في الواقع ، والعكس صحيح .. واتوقع ان الشخص الحقيقي اللي لن يكونو جزء بل كلي هم ( أطفالي ) وهالشي ماعتقد اقدر افصل نفسي منهم ..

[dxb_love]

دام انه مقتدر وقادر يوفرلج على كلامه بدل بيت 10 , وقادر انه يصرف عليج وتقولين انه ريال جنتل واخلاق وين المشكله؟

بتقولين متزوج وزوجته بتنجرح . زوجته عارفه انه التعدد بعايلتهم شي طبيعي وعادي

بتقولين ماتحمله وكيف , بقولج نظرتج للريال بتتغير عقب الزواج يمكن تحبينه وتبين تجابلينه طول الوكت

اما التواصل وياحرمته فهالشي اكبر غلط , لان جي مابتحطلين للريال اعتبار وبيزعل يمكن , دام انه قال بيكلم حرمته خلاص

توكلي على الله واستخيري وان شاء الله ماتحصلين الا كل خير

وانتي فاهمه وواعيه , وتشوفين المشاكل بنفسج ربيعاتج والي من اهلج , الي مديون والي متسلف وهلزمن الصراحه مو زمن واحد يعيش بهم ونكد واخر شي طلاق لاسامح الله بسبه ديون وانه مايقدر يصرف ولا يقدر يوفر مسكن

[بسمة أمـل]

السلام عليكم ورحمة الله وبركاته

حبيبتي بعد ما تصلين استخارة لو قلبج مب مرتاح للإرتباط بهذا الإنسان خبريه بكل صراحة انه مافي نصيب بينا خصوصاً انه السالفة انه متزوج وعنده بيت بالنهاية ربي بكتب لج الي فيه خير وبعدين الزواج سنة الحياة يعني ما تبين تكونين ام ؟ بغض النظر انج كنتي تفكرين بعمرج وما تبين ترتبطين بريال ومب كل الرياييل مب زينين مثل ما في الشين في الزين بالنهاية كل شخص يآخذ نصيبه في الدنيا وكلي امرج لله وهو بختار لج الشيء الزين والي مكتوب لج بصير سواء تزوجتي بهذا الريال او لا كل شيء مكتوب

[كيكه 2015]

السلام عليكم ورحمة الله وبركاته

حبيبتي بعد ما تصلين استخارة لو قلبج مب مرتاح للإرتباط بهذا الإنسان خبريه بكل صراحة انه مافي نصيب بينا خصوصاً انه السالفة انه متزوج وعنده بيت بالنهاية ربي بكتب لج الي فيه خير وبعدين الزواج سنة الحياة يعني ما تبين تكونين ام ؟ بغض النظر انج كنتي تفكرين بعمرج وما تبين ترتبطين بريال ومب كل الرياييل مب زينين مثل ما في الشين في الزين بالنهاية كل شخص يآخذ نصيبه في الدنيا وكلي امرج لله وهو بختار لج الشيء الزين والي مكتوب لج بصير سواء تزوجتي بهذا الريال او لا كل شيء مكتوب

حسبي الله لا اله الا هو عليه توكلت وهو رب العرش العظيم .. هو حسبي ووكيلي .. لا اله الا الله اللهم اني فوضت امري اليك وراضي بحكمك انت حسبنا وناصرنا وحامينا وراحمنا سبحانك يالله

[أنسه زيتونه]

أستخيري فديتج مره واثنين وثلاثه
وإذا ارتحتي تأكدي أنه زوجته موافقه وماشي مشاكل

وان شاء الله ما بيتغير تفكيرج وتغارين وتفكرين ب أنانية لأنج عارفه الوضع قبل لا ترتبطين وتعرفين انه مرتبط بزوجه وعيال ومسؤوليات وراضيه وهالوضع يناسب نمط حياتج ..

صح ف البدايه ب تتعبين بس لا تظلمين حد وان شاء الله مع الوقت بتتعودين وتتكيفين

والله يوفقج ويهنيج يارب .

[كيكه 2015]

أستخيري فديتج مره واثنين وثلاثه
وإذا ارتحتي تأكدي أنه زوجته موافقه وماشي مشاكل

وان شاء الله ما بيتغير تفكيرج وتغارين وتفكرين ب أنانية لأنج عارفه الوضع قبل لا ترتبطين وتعرفين انه مرتبط بزوجه وعيال ومسؤوليات وراضيه وهالوضع يناسب نمط حياتج ..

صح ف البدايه ب تتعبين بس لا تظلمين حد وان شاء الله مع الوقت بتتعودين وتتكيفين

والله يوفقج ويهنيج يارب .

كلامج والله عين العقل .. انا قاعدة افكر بنفس ماقلتي .. لكن تعرفين شو اللي يخوف .. اقول لنفسي نحن افكارنا تتغير مع مرور السنوات
وتخيلي الفكرة كلها تغيرت
لان 95 بالمية يرفضون فكرتي
انا طبيعية ولا عندي حالة نفسية !!!!!!!!!!! انا فكرتي تقول ان الزواج مو كل حياتي حتى لو فشل
انا حياتي هي عجينتي احط فيها اللي اباه ولو دخل فيها شي غلط اقدر اعيد الخلطة من جديد واغير المكونات

[أم زمرده]

اللهم صل وسلم على سيدنا محمد في الأولين وفي الآخرين، وفي كل وقت وحين، وفي الملأ الأعلى إلى يوم الدين

[كيكه 2015]

اللهم صل وسلم على سيدنا محمد في الأولين وفي الآخرين، وفي كل وقت وحين، وفي الملأ الأعلى إلى يوم الدين

اللهم صلي وسلم وبارك على سيدي وسيد الخلق اجمعين
صلاة تنجينا بها من كل سوء
صلاة ترشدنا الى الحوض فنشرب شربة هنيئة من يدي سيدنا محمد فلا نظمأ بعدها ابدا
صلاة تدخلنا الجنة وتنجينا من النار
صلاة ترشدنا الى الجنة
صلاة تقودنا فوق الصراط
صلاة عدد ما خلق الله
صلاة بعدد ما سبح المسبحون وذكرة الذاكرون
صلاة بعدد ملائكة السماء و الارض
صلاة بعدد الاشجار و عدد الرمال
وعدد ما غردت الطيور
صلى الله عليه وعلي آله وصحبه و سلم

[Cobon]

هاي حياتج الخاصة و انتي براحتج
كل شي له ايجابيات و سلبيات
و مو شرط اللي تتزوج عزابي ولا متزوج تستانس او تكون تعيسة ع حسب الريال



لكن بالذات دايما اقول للي تبغي تتزوج حرمة ثانية تتزوج برضى الاولى ؟؟؟؟؟؟؟؟
لان الاغلبية اللي اجوفهم من الحرمة الاولى تدري ، الريال ع طول يطلق الثانية
و ياما صارت لبنات ما كلموا اسبوع او شهر والله و تطلقوا و عادي جدا ولا يهمهم
ما عليج من رمسة حرمتي بترضى و و و ................الخ
الكلام سهل لكن عقب الزواج محد بيخسر غير الزوجة الثانية لو صارت مشكلة او طلاق


تأكدي و اسألي عنه و عن اخلاقه
و استخيري و ولو وافقتي
تاخذين كل حقوقج الزوجية من مسكن و اشهار و كل شي

[كيكه 2015]

هاي حياتج الخاصة و انتي براحتج
كل شي له ايجابيات و سلبيات
و مو شرط اللي تتزوج عزابي ولا متزوج تستانس او تكون تعيسة ع حسب الريال



لكن بالذات دايما اقول للي تبغي تتزوج حرمة ثانية تتزوج برضى الاولى ؟؟؟؟؟؟؟؟
لان الاغلبية اللي اجوفهم من الحرمة الاولى تدري ، الريال ع طول يطلق الثانية
و ياما صارت لبنات ما كلموا اسبوع او شهر والله و تطلقوا و عادي جدا ولا يهمهم
ما عليج من رمسة حرمتي بترضى و و و ................الخ
الكلام سهل لكن عقب الزواج محد بيخسر غير الزوجة الثانية لو صارت مشكلة او طلاق


تأكدي و اسألي عنه و عن اخلاقه
و استخيري و ولو وافقتي
تاخذين كل حقوقج الزوجية من مسكن و اشهار و كل شي

مثل ماقلتي غاليتي اصابع ايدينج مب سوا
ولكن هل هذولا اللي تطلقو .. رب العالمين مايبالهم الخير ؟
هذي حكمة الله ان الحرمة تتزوج ويطلقها زوجها
اختيار رب العالمين تقتنعين فيه بحلوه ومره . تقتنعين وتؤمنين باختيار الله
هذا الرجل اللي تزوجج وطلقج أو ظلمج مب كبير على الله .. ولا هذا الرجل هو بيدبر حياتج وسعادتج ومستقبلج

- - - Updated - - -

الله يوفقج في كل خطوة تخطينهــا..

اعرف شريكات.. ما شاء الله عسسسل و دايم ويا بعض..
و يسكنون بنفس البيت بعد، و لا في قلوبهم شي ع الثانية..
و كل وحده تربي عيال الثانية ،

ان ربي رزقج هالزووج، الله يسخره لج و تعيشين هيك مرتاحة وياه و ويا زوجته الاولى
\
امين يا رب..

اللهم امين

ربي يحفظج الغاليه ويرزقج بكل ماتتمنينه

[sa7el]

ها كلامج اليوم يوم أنتي بنت
باجر بتتزوجين كلامج هذا بيتغير 180 درجة

اولا لا تتواصلين مع حرمته،، مب من حقج ومب حلوة في حق الريال، هي من حقها تعرف بس مب من صوبج انتي،،، انتي عليج بنفسج فقط،،،

ثانياُ: لا تقولين ماحب كل يوم الريال يي البيت وجي هالكلام باجر من تعرسين بيتغير تبينه كل يوم وكل ساعة بعد،، اسألي عمرج حزتها عادي عندج ياخذ وحدة عليج؟؟؟
دامه يقدر يفتح بدال البيت عشرة،، ليش ما بياخذ عليج؟

ثالثا: اشرطي عليه في حال وافقتي واهم الشروط
يشتري لج بيت،، مب ايجار لا بيت ملك باسمج ومن حقج دامه عنده حرمة غيرج

اشرطي ان لازم حرمته تعرف مب شرط هي توافق وللا لا، لان ماشي حرمة توافق ان ريلها يتزوج عليها بس من حقها تعرف ان شي حرمة غيرها في حياتها وبس
واشرطي عليه ان ما يقصر على حرمته وعياله وهو ملزوم فيهم،، هالشي بيخليج تكبرين في عينه

الشروط هاي قولي لاهلج ان يقولون له ان هاي شروطج انتي مب شروطهم هم عشان يحترم اهلج ويكبرون في عينه ويحترمهم دايما في المستقبل لان لو اهلج قالوا ان هاي شروطهم ما بيحترمهم وبيقول في خاطره انهم بايعين بنتهم وبيسكت لانه يبا ياخذج وعقب ما ياخذج ما بيحترمهم اما لو قالوا ان هاي شروطج انتي بالعكس عادي عنده لانه مع العشرة الطيبة بيحبج وبيتفهم بعد
وهم شرطهم ان ما يقصر فيج ويحترمج ويقدرج واي غلط منج ما يزعل منج ويكلمهم هم وهم بيكلمونج هني هو بيحترم اهلج،، بس نفس الوقت انتي شروطج لازم تتنفذ،،
بس هالكلام بعدنا عليه،، الاول انتي استخيري وشوفي عمرج وشاوري اهلج وبعدين هالكلام