السلام عليكم

[alsnafia]

خوواتي حبيباتي انا حامل بنص الثامن وبكريه وبطني مرهه لفوق مرتفعه لصدري مب نازلهه وشافني حريم كبار واستغربن وتمن يقولن الله يسهل عليش ،،،سؤالي هل هالشي يصعب الولاده؟؟الي تعرف لاتبخل بالرد وجزاكن الله خير

المزيد من آخر المواضيع من نفس القسم:

• أسباب آلام الركبة بعد الولادة وكيفية علاجه
• ماهو الطلق البارد والطلق الحقيقي والفرق...
• اهم أسباب التهاب الجيوب الأنفية أثناء الحمل...
• افضل طرق الاستعداد لفترة النفاس
• اهم فوائد الحليب للمرأة الحامل
• افضل عشرة طرق طبيبعه لتسريع الولاده خاص...
• اهم نصائح للحامل البكر في الشهور الأولى
• اهم أسباب الجوع المستمر عند الحامل وطرق...
• افضل مسكنات طبيعية تخلصك من الألم أثناء الحمل
• طرق للتخفيف من آلام الظهر بعد الحمل حصري

[mahhani]

مرحبا اختي ،،، انا مااعرف اذا هالشي بيصعب عليج او لا ،،
بس انتي سمعي من كلام الدكتوره بس ،، ولا تقعدين تفكرين اذا الولاده بتكون صعبه او لا
انتي احين بعدج ماجربتي ويع الولاده وان شاء الله ماتكون عسيره عليج ، خليج ايجابيه ومتفائله ،،
ان ربج بييسر لج ولادتج وحتى لو صعبت عليج فالنهايه ان شاء الله ربج بيقر عينج بمولودج بصحه وعافيه
وهذا اهم شي ،، لاتقعدين تحاتين دام الدكتوره ماقالت شي وانتي دايما ادعي ربي يسهل عليج حملج وولادتج..
وترى حتى انا بكريه ،، احاول افكر فاشياء حلوه وواثقه انه بعد العسر يسر ، هالشي بنمر فيه وبننساه مع الايام ان شاء الله
الله يسهل عليج وعلى كل حامل ويرزق كل محرومه ،

[ليمونة حلوة]

حبيبتي لا تحاتين وايد نسمع كلام
والبطن بينزل في التاسع ومرات ما ينزل لين الولاده

وكل الي تفكرين فيه وسواس
ادعي ربج انه يسهل علينا وعليج

[game over77]

في التاسع وعند حزة الولادة بينزل ماعليج لاتحاتين عليج بكلام دكتورتج وان شالله كل خير .. الله يسهل عليج ويرزقج الولادة الطبيعية السهلة

[أم حور26]

الله يسهل عليج حبيبتي لا تحاتين

[دبي]

امشي كل يوم نص ساعة

[شهرزاد30]

عادي ما خصه

[alsnafia]

امين الله يسهل عليناا جميعع
مااقصرتن فديتكن

[reem.m]

امشي يوميا بدي اسبوع نص ساعه وعقب زيدي المده لين الساعه
وبعدج بعيد عن الولاده انتي باقي لج ست اسابيع
والله ييسر لج ولي و لكل حامل الولاده الطبيعيه
ويرزقنا الذريه الصالحه

[أم حمامه]

لا تحاتين ما يخصه
الله يسهل عليج يا رب

[sarah161]

حبيبتي لا تخافين توكلي على الله وكل شي بكيون سهالات. ترى التفكير والخوف يتعب خليج متفائله والله بيعطيج مرادج ولا تسمعين لكلام الحريم الكبار ترى صدقيني ما يعرفون .