التاجرات والأنستغرام

[قصة]

السلام عليكم ورحمة الله

شخباركم جميعا

أنا صراحة حبيت أفتح هالموضوع للمناقشة وما أعرف إذا هذا هو الموقع الأنسب أو لا،، عموما،،
أنا حابة أتكلم عن التاجرات اللي اللي يستخدمون الانستغرام لعرض وبيع منتجاتهم،،
الفكرة حلوة وسهل الواحد يوصل لهم عن طريق الانستغرام،، لكن في شيين مو قادرة أفهم ليش هم جي يسوون،،

أولا: ليش التاجرة اللي تعرض بضاعتها ــ طبعا البعض ــ يكون حسابها مغلق ولازم أطلب اني اتابعها وهي توافق أو لا؟؟ الموضوع انتشر،، يعني أنا صرت صرت أي تاجرة حسبها مغلق ما أدخل،، لأني كم بتابع؟؟؟ وأشوف هالشي مب من صالحهم وما له أي داعي كون الحساب هذا مب حساب خاص بالعكس هاي تجارة والمفروض اتكون متاحة للجميع،، عن نفسي حاليا موووووول ما أتباع تاجرة حسابها مغلق.

ثانيا: ليش بعض التاجرات ما يحطن أسعار منتجاتهم، وإذا تسألهم على الانستغرام تطلب منك تسألها غالواتساب،، زين أنا كم بضيف عندي عسب بس أسأل عن سعر منتج؟؟ وشو هو الهدف من هالتصرف،، يعني لو كل تاجرة تعرض المنتجج وعليه السعر أسهل لها وللزيابين، بدل ما كل يوم وحدة تضيفها بس لمجرد الاستفسار عن الأسعار،،

عن نفسي وايد أستاء من هالشي،،

انتوا شو رايكم؟؟؟

المزيد من آخر المواضيع من نفس القسم:

• قرآن كريم
• هل هو شيء عاديٌّ ..أن نموت !!
• لكم وحشة يا عضوات المنتدي وين ايمكم
• عداوة اهلي لي
• محتاجة حليب الابل ضروري بنت تعبانة
• كيف تتحكم با بيتك عن بعد
• اعطوني نصيحتكم بنات
• وهُم قِطَعٌ في آلة الحياة
• اريد سائقة توصيل من ام القيوين لدبي
• السلام عليكم

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[ماحد شراتي]

صباح الخير

انا بعد لاحظت هالشي وما اعرف شو الغايه انه اكاونتها يكون مغلق؟! انتي تاجره ولازم يكون اكاونتج مفتوح
وبالنسبه للاسعار حطي سعرج عالصورة ليش تواصل واتساب وبي بي وسناب وما اعرف شو

معاج حق وعني انا ما اسوي لها فلو لانه 100 تاجره تبيع نفس بضاعتها واللي ما تحط اسعارها اسالها على صفحتها لا واتس اب ولا غيره

يعطيج العافيه

[ورقة ناعمة]

التاجرة اللي واثقة من تجارتها ومن بضاعتها مابتخاف لامن عرض سعر ولا من عرض بضاعتها وكل شي مفتوح

بس المشكله العقليات اللي ماتعرف التمييز بالسعر

[قصة]

التاجرة اللي واثقة من تجارتها ومن بضاعتها مابتخاف لامن عرض سعر ولا من عرض بضاعتها وكل شي مفتوح

بس المشكله العقليات اللي ماتعرف التمييز بالسعر

إذا على التعليقات السلبية هي مب مضطرة اتحط بالها إذا هي واثقة إن منتجاتها تستحق سعرها، يعني اللي تبغي تشتري بتابعها وتتواصل معها عالواتساب،، غير جدي اتطنش التعليقات وخلاص،، هي شو خسرانه

[رسايل غلا]

صدق لاحظت هالشي وما اعرف شو الهدف
المشكلة لا انه حد بيسرقها ولا انه حد بيقلد
انا يوم أجوف حساب مغلق ما اتابع وحتى عن
السعر يعني شو بيستوي لو قالته غصب لازم
واتس آب

شكرا عزيزتي

[مون 55]

سبحان الله ..............

[ميميه88]

هيه والله انا هالحركه تنرفزني بعد
صاير الكل يحطه مغلق
يعني الاكاونتات التجارية واللي للطبخ او للاشيا الثانيه المفروض ماتحطونها مغلقه
بنحط بنحط فولو
لانه اتوقع البعض يخحط ملق عشان نسوي فولو وبهالطريقه يكسبون عدد اكبر من الفلورز
لكن انا من اشوف الاكاونت مغلق
اطلع على طول ما احط ريكوست
وايضا النقطه الثانيه اللي ذكرتيها فعلا انا مستغربه ليش اتحط عالعام؟
يا انها اسعارها مش ثابته ويمكن تنزل من السعر او ماعرف شو يعني ليش هالحركه

شكرا عيني على الموضوع الجميل

[ملاآك قلبكـ،،]

انا مريحه راسي
اي تاجره اكاونتها برايفت
او ماتحط الاسعار تقول تواصلو عالواتساب
مرات بلوك مرات اسحب عليهم
في غيرها بعد يبيعون نفس الشي

[لحنْ #]

صحيح ، بعد صارت فيني .. اضايق بعد من حركه ان يكون الحساب مغلق
واحيانآ اسكر ع طول حتى مارمسها ولا اقولها اقبلي . يعني هالنقطه ضدهن صراحه وتضيع عليهن ناس وايد
اما بخصوص الاسعار ف صارت معاي بعد وبرايي السبب
مايكتبون الاسعار لان ف تلاعب " مب الكل اكيد " .. لكن الاغلبيه لهالسبب
لان شي وحده ماتكتب الاسعار خذيت الواتس مالها وضفتها اسالها عن فستان بجم جان تقولي بـ 900 درهم
وماكان هالمبلغ متوفر عندي .. بعد تقريبآ اسبوع رمستها اونه بطلب
حتى ماسالتها ع السعر لان متاكده كاتبه عندي انا ! ، فجاه تقولي سعره 1500 !!! خير ؟ قلتلها خلاص مابا
حتى لو عندي هالمبلغ مابطلبه لان مفروض اهم شي بالتجاره هو الصدق والمعامله الزينه ..
وبعد ف نقطه بتكلم عنها انتي ماتكلمتي عنها وهي ان بعض التاجرات مايعرفون ان ترا شي شروط معينه عشان تجارتج ماتكون " حرام "
ومن ضمنها نسبتج .. للمعلوميه ي تاجرات ترا النسبه الواايييد اللي تضيفونها ع الاغراض هاي " حرام " ماتجوز
ماتعتبر فلوس حلال ، مثلج مثل اللي تاخذ فلوس من زبونه وماتعطيها الغرض ، ولو بتقولين الزبونه راضيه بهالسعر .. هيه فعلا راضيه
لانها ماتدري السعر الحقيقي جم ! لو تدري كان انشلت مسكينه .. وطبعآ كلامي للبعض مب الكل
والله وربي شاهد علي امس اسأل مندوبه تاجره عن فستان تقولي سعره 1700 .. وتاجره ثانيه ، واهي ربيعتي بنفس الوقت تقولي نصابه بعطيج لو تبين بـ 150 درهم !! ع طول سويت لها حذف .. وللمعلوميه " نفس القماش " لان نفس المواقع ^^
ماقول غير الله يهديهن هالنوعيات .

[كراميلا1]

التاجرات الي حسابهم برايفت ما أضيفها
الصراحه كنت أضيف واكتشف صور مب حلوة أو إعلان عن ملابس وبالاخر حاطه صور لانجري من غير تظليل
والي تقول على الخاص السعر ما اكلمها اسوي لها طااااااف

[أم زمرده]

بكل أمانه وصدق أنا كنت أخلي حساب شغلي على الانستغرام برايفت علشان أغلبية زبوناتي حريم ،،، أما السبب الثاني السرقات اللي كانت تصير ،، كنت وايد أحزن يوم تنسرق أفكاري وشغلي وتعبي والاقيه عند تاجرة ثانية مسوية نفس الشيء، الأرزاق عند الله سبحانه وتعالى وما أنظر للغير شو عندهم وكثير شفت شغل تاجرات وما سرقت ولا فكرت إني أسرق أفكارهم، ،،، بس من فترة طويلة خليت حسابي مفتوح للجميع وأهلا وسهلا بأي أختي تشرفني وتنور انستغرامي،،،،ولا عدت أهتم باللي تسرق ولا ما تسرق ، لان الارزاق عند الله سبحانه وتعالى ،،،

[قصة]

صح كلامج اختي mayar95
المشكلة اللي خلا بعض التاجرات يتمادن في عملية الرفع الجنوني للأسعار هو إن بعض الحريم الله يهديهن ما يشترن إلا الغالي على أساس إن نوعية جيدة في حين إن نفس المنتج ممكن انحصله من مكانه الأصلي أو عند تجار غير بنص أو أقل من نص السعر

ما أقول إلا الله يهدي الجميع ويبعدهم عن الحرام يا رب

الكلام عزيزاتي مب للكل ونعرف إن فيه الزين وفيه الشين والله يرزقه الجميع من حلاله ويغنيهم عن الحرام يا رب

[قصة]

بكل أمانه وصدق أنا كنت أخلي حساب شغلي على الانستغرام برايفت علشان أغلبية زبوناتي حريم ،،، أما السبب الثاني السرقات اللي كانت تصير ،، كنت وايد أحزن يوم تنسرق أفكاري وشغلي وتعبي والاقيه عند تاجرة ثانية مسوية نفس الشيء، الأرزاق عند الله سبحانه وتعالى وما أنظر للغير شو عندهم وكثير شفت شغل تاجرات وما سرقت ولا فكرت إني أسرق أفكارهم، ،،، بس من فترة طويلة خليت حسابي مفتوح للجميع وأهلا وسهلا بأي أختي تشرفني وتنور انستغرامي،،،،ولا عدت أهتم باللي تسرق ولا ما تسرق ، لان الارزاق عند الله سبحانه وتعالى ،،،

يزاج الله خير اختي والله يغنيج ويرزقج من حلاله
الأرزاق بيد الله سبحانه، ورزق كل واحد مقسوم له، يعني سواء قلدوج أو ما قلدوج اللي الله كاتبه لج إنتي ما بياخذه غيرج، واللي الله مب كاتبه فاعرفني ان مب من نصيبج،

بالتوفيق الغالية

[mouzan7mod]

ان اعن نفسي تاجرة ،، احب احط السعر مع الصوره و اكون واضحة مع الزباين لكن البعض يلعبون بالاسعار ماشاء الله عليهن يعني لكل زبونه سعر و علشان جي لازم يكون التواصل على الخاص ،، اتمنى التوفيق للكل

[احلى بعفويتي]

ما اتباع تاجرات الانستقرام
استغلال وعدم مصداقيه همهم كم اعلان ينزلونه على صفحتها من عدد الفلورزس