تعب فظيع

[MisS.Katkota]

السلام عليكم ورحمة الله وبركاته

ما عرف كيف ابدآ..هالشهر بالذات وايد احس بالتعب من اول ما دشينا الشهر وانا حاسه بارهاق وتعب وما ييني رقاد وتعودت عالسهر ..
المهم الطامة الكبرى اني وايد كنت ايوع فكنت اكل الأخضر واليابس واشرب الشااااي واااااااايد !! ومشتاق البيبيسي والسفن اب يعني مشروبات غازية ما خليت شي بخاطري !!! انتفخ بطني وزادت الدهون زعلت ..قلت بمارس الريااضه بس لااا استووب خفت اني اكوون حامل تمييت اتريا شووي لين موعد الدورة ..وطوووول الأيام بس احاتي جسمي وبطني المنتفخ ونفسيتي المنسده والتعب ما دري ليش جايسني..وخصوصا اني وايد اتعب لما اسهر وايد !!!

يت موعد الدورة ..بس ما نزلت !!! انصدمت قلت اكيد حامل سيده بعد الدورة بثلاث أيام سويت فحص الحمل المنزلي طلع سالب !! بس بعده عندي شكوك اني حامل ..لان آلام الظهر كانت فظيييييييييييييييييعه جدا !! الصراحه طول الوقت ونفسيتي ارف من الام الظهر !! لين كملت أسبوع وما نزلت الدورة ..سرت عند الدكتورة تفحص لي لاني وايد تعبانه ججسديا والكل يشوف ويهي يقوولي شو فيج مبين انج حيل تعبااااانة وانا ما عرف شو السالفه !! لين الله يسلمكم سوتلي الدكتورة فحص الدم وانا ع اعصابي واخر شي قالتلي للأسف مب حامل !!

زعلت والله وايد وريلي زعل بعد !! وهالشي وايد اثر على نفسيتي بزياده !!! والله تفكيري صار وايد سلبي ليش ما حملت شو فيني ..
وتميت اصيح عند الدكتورة واخر شي دخلت ريلي وقالت عن ابره تفجيرية ما دري شو ..بسم الله زغت قلت لا وابوووييه ما ابي بتريا !!

المشكلة اني هالايام وايد احس بالتعب والظهر وجسمي هلكان وما احس بالطعم ولا بشهية بالاكل ..والله ما دري شو فيني مووول !!! كله على صوب بس تعب الجسم ولوعه بس مشكلتي كملت 10 أيام وفحصت مرة ثانيه مال حمل المنزلي بعد طلع سالب !!!

وامس كلت بندول حبتين ولين الحينه احس بالتعب ما دري شو اسوي بحاااالي !!! وحتى شليت تفكير الحمل من بالي بس ما دري ليش هالتعب الجسم وعدم احسسساس بالشهية ملازمتني !! فاقوول بخاطري يمكن حامل ؟؟!!

فابغي اسالكم كم من سؤال اللي عندهم تجارب

هل ممكن أكون حامل مع اني فحصت لما ما يتني الدورة بعد ثمانيه أيام وطلعت النتيجه سالب؟
فرضا اذا طلعت حامل هل بيتآثر الجنين لاني كنت وايد اشرب بيبسي واشرب جاي يوميا لاني مدمنه عليهم وغير اني خذت بنادول اكسترا وبندول العادي وقت ما كنت تعبانه ؟
الدكتورة وصفتلي حبوب عسب الدورة تنزل وابتدي اخذها من أسبوع الياي فوايد موسوسه اني اخذ ولا اتريا تنزل طبيعي ؟ ولا ما اخذها بالمرة لين شهر الياي؟
وشي وايد احاتييه اني ابغي ارد امارس الرياضه اذا ما كنت حامل لان جسمي مستوي ارف بس بعد متردده أكون حامل ؟

بليز عطوني من نصايحكم لاني تعبت من الإرهاق والكسل والتعب الجسماني ..

المزيد من آخر المواضيع من نفس القسم:

• روتين العناية بالبشرة بعد الولادة
• افضل خضروات مفيده للحامل
• اسباب تغير لون البول اثناء الحمل
• كل ما تحتاجين لمعرفته عن اكتئاب بعد الولادة
• افضل طرق علاج حرقة المعدة اثناء الحمل
• اسباب وطرق علاج الامساك اثناء الحمل
• ابرز اعراض الحمل في اول اسبوع
• افضل طرق علاج غثيان الصباح اثناء الحمل
• اهم اعراض نقص الحديد اثناء الحمل وافضل طرق...
• تقرير شامل عن ارتفاع ضغط الدم اثناء الحمل

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[مس.مريوم]

حييبتي شو اسم الحبوب الي وصفتها لج الدكتوره

[قلبي بزي]

عليكم السلام
أنا نفسج كله تعبانة ومرهقة سويت فحوصات كلها سليمة عاد من سنين عندي هالمشكلة والحمدلله على كل حال

[MisS.Katkota]

حييبتي شو اسم الحبوب الي وصفتها لج الدكتوره

والله ما عرف شو اسم الدوا بالضبط لاني ما افهم من خط الدكاترة ..
عندي الورقة بس ما اشتريت الدوا للحينه لاني ما باخذه من الحينه ببتدي فيه من أسبوع الياي بس وايد متردده اني اخذه

[Ward-uae]

شوفي تغذيتج صحة لج وان شاء الله لما ربج بيكتب لج الذرية يكون بصحة هذا اهم شي
فأنتي لا تخافين انا كنت اشرب منبهات لكن ما اكثر لانه يصير فيني ارق
مادام طلع سالب شيكي على هرمون الحليب لانه الاكل اللي تأكلينه يرفع هذا الهرمون ويمنع الحمل والله يرزقج ان شاء الله

[بريد الذكريات]

اختي الي فيج كله بسبب السهر وقلة النوم والاكل الغير صحي وممكن انعزالج بعد والملل والنفسيه
اوﻻ السهر حاولي تعدلين نومج ﻻن اكثر شيء مرتبط بالنفسيه الزفته والكسل والتعب وتحسين بالمرض بعد بسببه
انا مريت بها الشيء تعب ونفسيه زفته وﻻ رياضه وكله خرابيط تاكلين وتاكلين تحسين بدل ما تخفف اتزيد
عليج بالرياضه روحي نادي غيري فيه نفسيج سوي رجيم معتدل كلي اكل صحي واقنعي نفسج بمضار الي تاكلينه
اطلعي مع خواتج زوري اهلج روحي عزايم وحتى طلعي لج هوايات روحي ندوات تعلمي شيء يديد غيري من نفسيج وزيدي تفاؤلج
وانسي سالفة الحمل ترا تتعبين وانتي تترين كل شهر وكلي امرج لله وصدقني عادي لو استوى حمل وانتي تسوين رياضه .....انا على فكرة مارسة الرياضه لفترة طويله ووووواه ماحلا الحياة مع الرياضه والاكل الصحي الحياة تستوي اجمل واجمل وصدقني بيعتدل جسمج وهرموناتج وبتحملين اما على الاكل الي انتي عليه حاليا بيعفس كل شيء فيج ﻻن اغلبه ضار وفيه الي معدل وراثيا

[مس.مريوم]

اذا كان الدوا دايفستون خذيه لانه لا سمح الله في حمل راح يثبت واذا مافيه بتتزل الدوره

[ShyneSS]

افحصي الهرمونات وحاولي تعدلين من اكلج وطبيعه يومج
والرياضة والحركة تنشط التبويض،
الله يرزقج الذرية الصالحة يا رب

[دبي]

أنا قبل لا أحمل بكم شهر كنت مثلج وايد تعبانه وجسمي يعورني وعظامي وما كنت أروم أرقد ، سويت تحليل دم وطلع عندي نقص فيتامين دال ، وسوولي تحليل الغدة الدرقية بس الحمدلله مشكلتي نقص الدال بس ، حللي وشوفي ، ربي يشفيج ويرزقج الذرية الصالحة ان شاءالله

[هيا88]

اصبري يمكن تطلعين حامل لا تاخذين ادوييه

[حرم النقبي]

حبوبه شيكي ع هرمون الحليب يمكن مرتفع عندج لأنه إذا ارتفع ياخر نزول الدوره وطبعا الإحساس اللي اتحسين فيه طبيعي بسبة انه الدوره مانزلت. .انا صارلي جيه وعالجت هرمون الحليب شهر والشهر الثاني طلعت حامل ولله الحمد واحين في التاسع. .ولا تحطين سالفة الحمل اف رأسج لأنه التفكير روحه يخربط هرمونات الجسم وياخر الحمل. .وأهم شي سوي فحوصات شامله انتي وريلج واتاكدي انه مافيكم شي يمنع الحمل..وإن شاء الله مايي الشهر الياي إلا وانتي حامل واتشاركينا يوميات حملج بإذن الله

[جوووري89]

الله يعينج حبيبتي .. والله انا مريت بنفس الحاله
انا اقووول اتريي الدوره احسن لاني ما افضل الادويه
وسوي تحاليل لج ولريلج .. وعن ابره التفجير تراها وااايد اووكي يعني اتفجر لج البويضه عشان تكون نسبه الحمل كبيييييره .. انا مجربتنها فولدي .. ومالها اي ضرر بالعكس
وان شاء الله تطلعين حاااامل

[عنودان]

اختي سيري المستشفى وسوي جيك اب كامل عشان تطمنين وترتاحين

والله يعطيج الصحة والعافية وتكونين حامل وتبشرينا ان شاء الله

[bnooota]

الله يعيينج

[اليزوي]

بيبسي وجاي اكيدددد نقص ف الحديد هو اللي يرهق الجسم وايد وفيتامينات وايد اكيد ناقصه والسهر ها بروحه مرض يقلل المناعه