خدامتي وعيالي

[ام فــطــامي]

هلا خواتي
انا الله رزقتي بخدامه بلسم تنحط ع الجرح يبرا
يت وانا كنت مربيه تقريبا لي شهرين احين ولدي عمره ثمان شهور
من شافته وهي متعلقتنه
لين احين تحبه حب جنها هي امه وراقبتها وحطيت كاميرات وايد حنونه عليه
حتى بنتي الي عمرها سنه ونص تموت فيها
هي تحبهم وهم يحبونها ومش مخليتني ادخل في الولد من ناحية لبسه وتبديله اتقول هذا ولدي
انا خايفه لان تحبه وايد وهو يحبها لو تروح عنه شوي قعد يصيح
شو الراي انا ماريد احسسها ان ماريد العيال يتعلقون فيها او شي انا خايفه من جدام لو خلصت السنتين ويت تروح شو اسسوي بالعيال ههههههه
شورن علي

المزيد من آخر المواضيع من نفس القسم:

• نصائح لتعليم الاطفال كيفية التعامل مع الخدم
• للي محتاجة خدامة
• إتيكيت وفن التعامل مع خادمة المنزل ‏
• خادمة اثيوبية ممتازة جدا للتنازل
• نصائح للتعامل مع الخادمة
• دريول الموظفات وسيدات الأعمال مميز
• افضل طرق التعامل مع غضب الخادمات
• شورايكم بمركز تدبير
• خادمة فلبينية للتنازل
• نصائح هامة ومفيدة عند استقدام الخادمة

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[لحنْ #]

والله ي اختي دامج يبتي شغاله ب نيه " تربي عيالج " .. ف طبيعي هالشي يصير
تحملينه عاد
واسمحيلي بس شي غلط من اوله .. شلون تسمحين لوحده غيرج تربي عيالج ؟
ولا تقولين ماتربيهن ، ماتباج تدخلين ف لبسه وتبديله معناه انتي عطيتيها الضوء الاخضر ..
ودام ان البيبي يقعد يصيح يوم تروح عنه كانها امه ، ف الوضع متعدي الحدود بوايييد
برايي حاولي تكوني جاده شوي وربي عيالج
وعطيها شغل البيت فقط ، اما لو يايبها عشان العيال ف هالشي راد لج اكيد
ماقول غير الله يعينج .
اسمحيلي لو الاسلوب يضايق .. انتي ك اخت لي وهالشي مارضاه لاختي .

[ام بدور1]

خواتي بخبركم بتجاربي ويا بشاكيري وعيالي اغلب البشاكير اللي يبتهن كانن يساعدني بأمور عيالي فبنتي الثالثه جبرتني الظروف اني اسافر للعلاج خارج الدوله ويا ريلي واترك ولدي وبنتي الكبيره والضغيره كان عمرها حزتها سنتين بيوم عيد ميلادها سافرنا وتركتها عند امي والبشكاره وكل يوم اكلم امي وتخبري عن بنتي انها متعلقه وايد بالبشكاره ودايما بحضنها وماطيع تسير عند اي حد وان البشكاره مب مقصره وياها انها تحت مراقبة خواتي والولده كملت ست شهور خارج الدوله والله اني يوم رديت ماعرفتني وماطاعت اتي عندي وتمت اصيح اتناديها باسمها والله اني صحت بهالموقف لكن بعد فتره ردت تعودت علي والبشكاره بعدها بثلاث شهور صارت لها ظروف وطلبت انها تسافر والله ماأجذب عليكم انها تمت تقريبا شهر صياح تباها ويتها حاله عصبيه تضرب راسها بالارض وصابها امساك لفتره طويله ولكن الحمد لله الفتره على خير وتأقلمت عالوضع
وعيالي الثانيين بعد كانواالبشاكير يساعدوني بأمورهم الا اني كنت موجوده عندهم ووجودهم وياي اكثر عن البشكاره صح كانوا يهتمون فيهم والصغاريه يحبونهم بس ماكان ا يتأثرون بشكل كبير بسفرهم فتره بسيطه وينسونهم
انا كان نظامي من تنوي البشكاره السفر قبلها بشهرين ولا اقل شي شهر اييب وحده ثانيه ويا الاولى عشان يتعود عالثانيه ومايأثر سفر الاولى بشكل كبير على الصغاريه

[جنان الفجيره]

موقف صعب احس لكن بعد لا تخلوهم عند الشغالات وايد

وام بدور ما تجوفون شر

[امراه]

اممم هو غلط البشكاره تربي العيال لانه لازم بيتعلقون فيهم دام هم يربنوهم شي طبيعي اوك اتساعدج فاي شي خفيف فيهم عشان لوسمح الله صار لج ظرف بتنجبرين اتخلينهم معها ولازم هالشي يكون نادر ومن تجربه اخت ام بدور يبرهن صحه هالشي

[أم محمد1988]

خليهم على راحتهم .. أنا ولدي كنت أحطه عند الخدامه لأَنِّي كنت أدرس تعود عليها وايد لدرجه انه يطلب أحيانا ينام عندها صحت وحزنت على هالشي ونحن مجبورين أحيانا نخليهم عند الخدامه بس فالنهاية العيال بيرجعون لج لأنج إنتي أمهم موب الخدامه ومن تجربتي بعد السنتين ينسوهم والله ..

وحتى لاحظي اذا كانوا العيال مرضى ما يبون غير أمهم و انهم مهما سُوو وتعلقوا بيرجعون لج ..

نصيحتي لج والله الخدامات ما منهم أمان حاولي اذا انتي فاضيه وما تداومين تسوين كل شي ل عيالج

[جنان الفجيره]

و الله نصيحه حتى لو كانت طيبه بعد تحذري و استودعيهم عند الله

[ام فــطــامي]

انا حبايبي ادرس ودوامي طويل يعني اداوم الصبح وارجع تقريبا ع العصر فانجبر اخليهم عند الخدامه وعندي غيرها للبيت هي اوديها عند الوالده مع العيال بس انا مش فاره عيالي كل شي عليها في النهايه عيالي انا مش عيالها شو دوري كام عيل
هي تشوفهم اذا انا تعبانه اذا رايحه مثلا بيت الوالده انا اسد الولد هي تشوف بنتي تلعب مع الصغاريه في الحوش بس لان طيبه تعلقوا فيها تلعب
وياهم وكل شي انا موكله المهام حقها سبوح واكلهم انا اسويه وكله جدام
عيني بس انا قتلكم انا مادري شو اسسوي لو سافرت عقب لان يحبونها وما يتقبلون غيرها وياهم

[ميميه88]

هم من يكبرون بيفهمون بس انتي خليهم يعرفون انه انتي امهم حاولي اتمين وياهم اكثر عنها
وحمدي ربج دام انها زينه لاتمين تحسسينها او تفهمينها انج ماتبينها تتقرب منهم وايد
حريم ييبن شغالات زينات فعيالهن ومب محصلات

[ALL DESIGN]

الطفل عجينة تتشكل منذ الصغر علي يد ابويه فاذا ما امسك هذه العجيبة اي شخص اخر يستطيع ان يشكلها كما يشاء وعندما تجف العجينه. اي عندما يكبر الطفل هنا تظهر ابداعات الشخص الذي كان يمسك بالعجينه واي تغير لن ينفع وربما يؤدي الي كسر وضياع وتشوه العجينه .واذا ماحاول الاب الامساك بزمام الامور متاخر لن يستطيع تغير اي شي .ويكبر الطفل علي هذا النحو ويشيب عليه

[elshog 87]

حاولي تجذبين عيالج لج من اليوم عشان باجر ما تندمين

[ام الغزلان]

لا حول ولا قوة الا بالله اذكر مره كنت بالعياده ويالسه عدالي حرمة تنادي ولدها الولد ابدا مايرد بس يطالع امه واول مايت الشغاله ركض عليها وحضنها عورني قلبي لييييييييش منوو امه ليش نعيشهم في نفسيه وصدمه عقب ماترد الشغاله لبلادها انا انحرجت من هالموقف وعورني قلبي على الولد انتبهي اختي على بيتج وعيالج هي يايه لغرض للتنظيف او المساعده لا تخليها تااخذ دورج وتحس انها احق منج

[احلى بعفويتي]

نفس سالفتي ويا خدامتي
هي من ولد تشله وتجابله وهو كله يركض وراها يباها واايد
لو يطيح ع طول تركض هي قبلي تشله و تحنحن عليه

انا اضطريت لهالشي لان بنتي الي اكبر عنه كانت تغار وكله تصيح زمتشنجه من اخوها
فاضطريت اني اعطيها اهتمام زايد و الصغيروني هي تشله

مه ان ريلي يعصب يوم اكون بالصاله و الصغيروني في الحجرا وياها ..
يعني شاسوي

هي بتروح احينا ان شالله
والله يعين

[ليندااااا]

الحمد لله ربنا رزقج خدامة حنونة
يعني ما تحاتين عيالج وقت تسيرين الدوام
لكن خلج انتي الجزء المهم في البيت ولا تركني على الخدامة في كل شيء
احظنيهم والعبي معاهم خلهم يحسون انه تنتي الاساس في البيت

[#وجدان#]

احلى بعفويتي
صحيح انه البنت راح تغار من الولد لكن هذا ما يعني انه كل الاهتمام لها وتجاهل وجود الولد ...
وبعد لما يكون ريلج مب موجود خلي الخدامه تجلس في الصاله عند الولد مب غرفتها
لازم البنت تتقبل وجود الولد ف طلبي منها تساعدج ب امور اخوها ....



ام فطامي

حاولي تستغلين فترات الاجازه انه تطلعين انتي والعيال بدون الخدامه خاصه اذا ابوهم موجود راح يساعدج

مثلا طلعي لحدائق او زياره احد من ااهل بدون الخدامه .. عشان تحاولي تبعدين الخدامه عن الطفل بطريقه غير مباشره انتي عطيها مهمه في البيت