وش اسوي المشكلة فيني ولا فالشغالات الحين

[كركر]

السلام عليكم
انا من طبعي ما أحب الخدم أحب اشتغل بروحي بس الظروف وبسبب المرض اضطر اييب شغالات وللحين هذي الخامسة وحدة كانت مسترجعة وتمت عندي 10 ايام ووحدة مسترجعة بعد يالله تحملتها 10 شهور والثالثة يديدة بس ما كانت تسمع فرجعتها والرابعة شردت والخامسة اليوم تصيح وبرجع المكتب وما بشغتل شو اسوي تعبت منهن ومن بلاويهن وريلي معصب علي غيري اسلوبج معهن

المزيد من آخر المواضيع من نفس القسم:

• طلبات تمريض وعماله منزلية
• طريقة تدريب الخادمة على الطبخ
• كيفية السيطرة على غضب الخدمات
• نصائح لتعليم الاطفال كيفية التعامل مع الخدم
• للي محتاجة خدامة
• إتيكيت وفن التعامل مع خادمة المنزل ‏
• خادمة اثيوبية ممتازة جدا للتنازل
• نصائح للتعامل مع الخادمة
• دريول الموظفات وسيدات الأعمال مميز
• افضل طرق التعامل مع غضب الخادمات

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[كتكوتة حبيبي]

انتي كيف تعاملينهم؟؟؟

[كركر]

انا طبعي عصبي وأعصب بسرعه واصرخ عليهم

- - - Updated - - -

فالبداية أكون معهم زينة بعدين ما اعرف شو يصير فيني ما اتحملهن

[أم عذور]

حاولي تمسكين أعصابج أختي

تفاهمي وياهم باللين

[كركر]

والله أني توني رحت اعتذرت منها وقلتلها شوفي شغلج اكثر من مرة المشكلة محتاجة لهن الله لا يذلني لأحد وريلي ما يبغي يساعدني بالبيت وأتعب وياهن واعلمهن وبعدين يقولن لي ما بشتغل بسبب موقف عصبت عليهن فيه

[ميميه88]

والله انا كننت شراتج بالجنسيه الفلبينيه الا شاله واالا راده
بس انا ما اعصب عليهن ولا اصارخ اعصب بس مابين لهن
وكل مره سبب يستوي ويزولن
انتي من جنسيه معينه تاخذين؟
يمكن مالج حظ فيهن غيري جنسية ثانيه

[لحنْ #]

الخدامه اختي مب مجبوره تشتغل عندج .. ودامج ماتحترمينهن ك " انسانه "
ف انصحج تنسين الخدم وتشتغلين بنفسج بالبيت .

[seemaa2022]

الشغالة تعلميها و تتعبي لتتعلم بعدين تتركيها تشتغل تجلس تشتغل على كيفها و يوم تصارخي عليها تزعل .

[صاحبة السمو85]

وعليكم السلام ورحمة الله وبركاته


غاليتي الخدم يبون معامله زينه واذا غلطت مره ومرتين وثلاث مب مشكله تحمليهن ونفس الوقت خبريهن ينتبهن ويجوفن شغلهن قولي لهن عشان ما ازعل ولا انتي تزعلين

بعد هن وحليلهن هادات بلادهن وعيالهن وكل شي عشان هاللقمه ...والله يكون في عونهن وعونا يارب


ويقدرنا ربي نعاملهن المعامله الحسنه وهن يكونن زينات ويعرفن انهن يايات يشتغلن مب سياحه

[امراه]

نفس مشكلتي يبت 7اندونيسيات ورجعتهن وحده ورا وحده لاني اوقات اعصب منهن واكرههن مول مااطيقهن يوم اشوف البيت متلعوز وهي يالسه والحين يبت اندونيسيه كبيره فالعمر وحاولت اعدل اسلوبي معها واكسبها وطبعا ها الازم لانه في ناس وايد ايسون لشغالاتهم فقلت ملفي الاانه اغريها اشوي وادرايها والحمدلله لحد الان يالسه وشغلها عدل والله ايتتم عليه ههههه

[الاحلام العظيمه]

الخدامه اختي مب مجبوره تشتغل عندج .. ودامج ماتحترمينهن ك " انسانه "
ف انصحج تنسين الخدم وتشتغلين بنفسج بالبيت .

[بنت الملحم]

المشكلة فيج اختي ولا تزعلين من كلامي
لازم تسايريهن ولا تعصبين عليهن على كل شي
مب معقولة كل الخدم اللي يو عندج مب زينات
انتي بروحج تقولين اعصب عليهن ف اكيد بيزعلن وبيردن المكتب
حطي نفسج مكانها هل ترضين ان حد يصارخ عليج وبدون سبب مقنع
بالتوفيق

[ورقة ناعمة]

السلام عليكم
انا من طبعي ما أحب الخدم أحب اشتغل بروحي بس الظروف وبسبب المرض اضطر اييب شغالات وللحين هذي الخامسة وحدة كانت مسترجعة وتمت عندي 10 ايام ووحدة مسترجعة بعد يالله تحملتها 10 شهور والثالثة يديدة بس ما كانت تسمع فرجعتها والرابعة شردت والخامسة اليوم تصيح وبرجع المكتب وما بشغتل شو اسوي تعبت منهن ومن بلاويهن وريلي معصب علي غيري اسلوبج معهن

الانسان يغير من طبعه قولي الحمدلله انها يت عالخدم مب الناس ,,,ولا محد بيتم عندج بعد هذيلا لهم حقوق

والمفروض نعامل بالاحسان حتى لو اساؤوو لنا

[كركر]

وش فيكم هبيتوا علي هبة والله أني اشتريلهم وأكلمهم بالحسنا حتا اسولف معاهم واضحك واوديهم الطبيب اذا مرضوا وأساعدهم بشغل البيت وأعلمهم شوي شوي شو اسوي اكثر من هذا الشي بس انا ما أحب أنهن يكونن مقصرات في شغلهن لأَنِّي اعلمهم واسويلهن جدول ويوم اي اشيك علا المطبخ كله وساخة والكلام ينعاد مية مرة ويتعبولي أعصابي وانا مريضة وعندي ياهل كم بتحمل يعني كل ما اسألها عن شي تقولي ما اعرف وين حطيتوا
يعني وكيف وهي اللي مرتبة ومنظفة بالاضافة للكذب انا ما يعجني اللي يكذب
الجنسية اللي ايبهن إندونيسيات
انا اهتم بعيالي بروحي وعندي ولد وبنتي تروح الحضانة محد بالبيت وشقة صغيرة وملحق بنهاية الأسبوع عند أهل ريلي حتا الطبخ اطبخ بروحي بس يساعدوني بالتقطيع بس المشكلة مو فيني كل ما اروح عند الأهل يسوولها أهل ريلي وخداماتهم ما اعرف شو المشكلة تي لسانها طويل وتقول رجعيني المكتب تعبت والله من هالموضوع انا ريلي قال خلاص ما بييب شغالات مرة ثانية واللي تقولي اشتغلي بروحج عادي من قبل اشتغل بروحي بس الحاجة لهن
ومشكلتي اذا عصبت من موقف أتم كارهتنها ما اطيقها لان السبب انه أغراضي قامت تضيع بنتي الله يحفظها تفرها كل مكان وكل ما اقولها وينهن قالت ما اعرف وامس تقولي انا مب حرامية وتمت تصارخ علي وقلتلها خلاص شوفي شغلج وتمت محتشرة وعورتلي راسي وفالنهاية لمت أغراضها وقالت رجعيني المكتب
سرت الها وكلمتها باللين واستسمحت منها والله يستر بتشرد ولا أتم وبحاول اشغل نفسي بشي لأَنِّي أقول يمكن لأَنِّي كله مجابلتنها ما اطلع يمكن هالشي يصير
مشكورات حبيباتي وما قصرتن

[حياتي توأمي]

الله يعينيج والله
بس غصبن عناااا نستحملهن دام هم قايمين بالبيت مانروم نشتغل والله مافي صحة وعاافيه بالهزمن استغفر لله
وخاصة اذا موظفة فلاااااازم نستحملهم غصبن عناااا
طولي بالج عليهاااااا ياينج رمضان بتكرفين كراااف
الله يعين بس