وش اسوي المشكلة فيني ولا فالشغالات الحين

[مهرووووووه]

لا تزعلين من كلامي
انتي عصبيه هذي مب مشكلتهن.. المشكله فيج انتي
لازم ماتعصبين عليهن ولا تصارخين!!! لا تنسين انهن بشر فالنهايه ولازم تحترمينهن!!!
وانتي تراج محتاجتهن ف لازم تسوين كنترول ع اعصابج

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[كركر]

انزين انا ما اعصب علا الداخلة والطالعه يعني اي وحدة فيكم اذا تقولولهن عن الشغله اكثر من مرة وبعد نفس الشي شو بتسوا أكيد بتعصبي يعني كلامج ينعاد اكثر من مية مرة ومن هناك طاف او تسوي اللي براسها

[munamoor]

شوفي عزيزتي أنا الخدامات اول ما يوصلن عنديه البيت
أعرفها بأفراد العائلة ،،،،
و افهمها شغلها كالتالي

&عليج الغسيل و الكوي و ترتيب غرفة اليهال هالشي الصبح
&غسيل الصحون على خدامة اهل ريلي يعني ما يخصها بهالشي خير شر
الا اذا بتسوي اكل خاص في بنتي فالصحون الخاص فينا و الجدر هي تغسله
لأن هالشي لي مب لأهل زوجي ،،، دلة الشاي و القهوة و خلافه الخاص فيني تغسله
و يرجع لي نظيف فوق في ملحقي و اشوف نظفته عدل ولا لا
&المطبخ تدخلينه مع الحريم ( يعني تنسى كل شي هذيج الحزة و تتفرع لي
للمطبخ )
& من اتيي بنتي من المدرسة تنسى كل شي عسب تتفرغ لبنتي تحط لها الغدا و
تغسل ملابسها المدرسية
& اذا حابة أطلعها وياي اقول لها من الصبح خلصي كل شغلج لاني بطلع وياج الساعة الفلانية

على فكرة أنا عصبية لأبعد الحدود ،،،، بس عصبتي ما أطلعها على الخدم ،،،، لأن في النهاية
هييل حليلهم هادين عيالهم و محد لهم غير ربي العالمين و حنا ،،،،

أمسكي أعصابج و فهمينا من اليوم مثلا

الساعة الفلانية الى الساعة الفلانية عليج بتنظيف الغرف و الميلس و الحمامات و انتي بكرامة و المطبخ
و قولي لها ان هناك ( شي كاميرا تصورج )

الساعة مثلا ١١ يبدأ شغلج معاي في المطبخ لين الساعة الفلانية من بعد الطبخ
روحي و جهزي الغدا او العشاء و حطيهن في مكانهن

بعد ما تخلصون غدا و عشا عليها غسيل الصحون و ألجدور و ترتاح لمدة ساعة الى ساعتين

و بعدين تقوم باكمال شغلها ،،،،، قولي لها عيالي نفس عيالج ،،،، اهتمي بهم ،،،،

[وديمه]

شو تقصدون لاتاخذين وتعطين وَيَا الخدم يعني أوامر او اعلمها علا الصح يعني هالشي اتجنبه ؟

القصد فديتج ان الخدم ماينعطون ويه بالسوالف هنيه تطيح الميانه بين المدام والخدامه
لازم نعاملهم بحترام ونخليهم في حدود شغلهم
والرص الزايد هالايام ماينفع يعني حاولي اذا الشي بسيط تطوفينه
انا بعد والله ماحب الخدامه المهمله والي تبا الواحد وراها بس
احب الذكيه الي تتعلم بسرعه لاكن هذي عمله صعبه هالايام وماحب الي ينعتد عليها الكلام مليون مره بس شو نسوي اذا نباهن لازم نصبر عليهن

لاكن فيهن بعد الوفيات والي تأمنين عليهن

الله يريح بالج يعطيج وحده فيها خير وعندها ضمه

[سااجده]

اذا مثل الي عندي زمان كانت تسمع كلامي وتشتغل لكن تروح تسوي حركات مثل ضرب اطفال تكسير دواليب والخ حتى ترفع ضغطي
ورحت وجبت لها حرمه قويه تنهزرها واعترفت وقالت ان هناك من يقولهم في بلدهم الخليجية نظفي بيتها وارفعي ضغطها
حسبي الله عليها
وهالنوعيه مابهم طب ابد لو حاولتي ايش حميده هي حميده ماراح تتغير احسن اسفرها وبين فتره وفتره استاجر شغالة يوم
مافيه الا هالطريقة افضل من انها تعيش معي ع طول

[المصارعه]

اختي المشكله مب فيج المشكله في هاي الجنسيه على فكره انا يبت 7والله انه لسبب سخيف قولون رجعينا المكتب اول وخده راعيه شباب وبروحها مابغت وثانيه دلوعه ومعيبها بيتنا وراحت وثانبه تخرط اونه ابا ارد اندونيسيا عشان ولدي وثالثه تقول بس رجعيني بدون سبب انا ماصرخ عليهم واحاسب لاني محتاجاهم وفوق هذا ماقصر بس هالجنسيهدتبطرت وخلاص المفروض محد يقدم حتى جوفي اغلب تنازل اندونيسيات وقبل مكنا نحصل وحده تنازل ومب انتي ولا انا وايد اعرف بعد صح ومرت اخوي يابت 7نفسي يعني وكلهم اندونيسيات

[كركر]

مشكورات حبيباتي
صدق والله شغالة بيت اهلي اندونيسية كملت معنا 12 سنه صح السانها طويل بس زينة
انا خلاص تعبت من هالشغاله اقولها سوي هالشغله هالشكل تسويلي العكس وتتعمد تنرفزني وتسوي الشغله غلط
وكل يوم والثاني تستهبل مريضة وتعبانه وازوع وبطني يعورني والدورة من يت ما وقفت عنها وديتها دكتورة وعطتها دوا واحسها تتعمد تتميرض عشان أردها انا مب قاعده علا بنك كل يوم والثاني مستشفا
ما تركز أبدا بشغلها وضيعت أغراضي وأغراض البيت شغابي ضاعت هدية اختي وسلسله وخواتم وعطور بنتي الصغيره وكل ما نسألها وين حطيتي الشي تقول ما اعرف

[سلامة الهاملي]

شوفي اختي انا عصبيه بطبعي و فعلا الخدم بعد ما تعاشرينهم تكرهينهم .. انا عندي خدامه و هاي اول وحدة عندي بس ما عمري صارخت عليها الا مرة لما صارت مشكلة بيني و بين ام ريلي حسبي الله عليها و قامت ام ريلي خذت مفتاح غرفتي و قالت للخدامه دسيه ولا تخبرينها وينه و فعلاسألت الخدامه وين المفتاح قالت ما اعرف و فنفس الوقت ام ريلي قالت حقها عطيها قمت لعنت ابو اللي يابها .. بس انا كنت في حالة مشاكل بين ريلي و امه و كنت مب ناقصه هالحقيرة تتملعن علي .. المهم و مره رايحه تتشكى حق ام ريلي اللي هي مسويه معاي مشكلة قبلها بيوم و اتقوله ان المدام ما تميك عيالها و انا شغلي يبدا فالليل اه يالخرط قمت هزأت اللي يابها قلتها رايجه تتشكين ما عيبج النار اللي زدتيها حطب .. و العن اللي يابها بالهواش ..
بس هاذي حالة استثنائبة للصريخ عالخدم و هي اعترفت بخطأها و هالاهم .. ثانيا و الاهم ان لما اشوف غلطة عليها اتكلم معاها بجدية بدون صراخ ترا الصراخ يولد حقد و انا مابا خدامه تأذيني او تأذي عيالي عشان جي دايما اعاملها بجدية فالشغل .. و اذا ما عيبج شي سويته ترا الكامل الله و كلنا نغلط بس اكتفي بتنبيهها سوي كذا باسلوب جدي و مافي مزح .. بيوفي بالغرض بتكونين صححتي غلطها بصواب مب تغلطين مقابل الغلطه .. انتبهي من حقدهم يا اختي انتتتتبهي .. و مجبورين عليهم اللي لا يحيجنا لأحد .. بالتوفيق

[سلامة الهاملي]

شوفي اختي انا عصبيه بطبعي و فعلا الخدم بعد ما تعاشرينهم تكرهينهم .. انا عندي خدامه و هاي اول وحدة عندي بس ما عمري صارخت عليها الا مرة لما صارت مشكلة بيني و بين ام ريلي حسبي الله عليها و قامت ام ريلي خذت مفتاح غرفتي و قالت للخدامه دسيه ولا تخبرينها وينه و فعلاسألت الخدامه وين المفتاح قالت ما اعرف و فنفس الوقت ام ريلي قالت حقها عطيها قمت لعنت ابو اللي يابها .. بس انا كنت في حالة مشاكل بين ريلي و امه و كنت مب ناقصه هالحقيرة تتملعن علي .. المهم و مره رايحه تتشكى حق ام ريلي اللي هي مسويه معاي مشكلة قبلها بيوم و اتقوله ان المدام ما تميك عيالها و انا شغلي يبدا فالليل اه يالخرط قمت هزأت اللي يابها قلتها رايجه تتشكين ما عيبج النار اللي زدتيها حطب .. و العن اللي يابها بالهواش ..
بس هاذي حالة استثنائبة للصريخ عالخدم و هي اعترفت بخطأها و هالاهم .. ثانيا و الاهم ان لما اشوف غلطة عليها اتكلم معاها بجدية بدون صراخ ترا الصراخ يولد حقد و انا مابا خدامه تأذيني او تأذي عيالي عشان جي دايما اعاملها بجدية فالشغل .. و اذا ما عيبج شي سويته ترا الكامل الله و كلنا نغلط بس اكتفي بتنبيهها سوي كذا باسلوب جدي و مافي مزح .. بيوفي بالغرض بتكونين صححتي غلطها بصواب مب تغلطين مقابل الغلطه .. انتبهي من حقدهم يا اختي انتتتتبهي .. و مجبورين عليهم اللي لا يحيجنا لأحد .. بالتوفيق

[كركر]

خلاص ريلي كنسلها اليوم ولا شاورني اليوم من الصبح تلف وادور عشان تعرف انه باحر نهاية الاسبوع ومروحين وريلي هزبها وعصب وراح كنسلها وتميت انا منهارة واصيح وصارت مشكلة بيني وبين ريلي تعبت من هالشي خلاص شو الحل واليوم ذكرى زواجنا وصارت هالمشكله
خلاص ما بييب اندونيسيات كرهتم الله لا يردهن دلوني علا جنسية زينه

[elshog 87]

حبيبتي لو تيبين مليوون خدامه و اسلووبج جي ما بيتمن عندج !
هااايل ياياات يسترزقن و مجبورات امنو يحب انه يشتغل حق احد غير المحتاي !
لا اتصيرين انتي و الزمن عليهم

[عيون_الكون]

هالخدامات ملعن اصلن مايعجبهن شي سوا صارختي ولا سكتي . اللي تبا لعبه بتلعب بالمدام واللي تبا شغل بتشوفينها تفرفر فالبيت ومخلصه كل شي .... الاندونيسيات خراااااااااب ومزاجيات علي قولت اختيه برمائيات . فجاه تنجلب عليج وحتي لو ماصارختي او قلتي شي ..... وانا ماشوف فيج شي والصراحه الواحد اذا بيعلم ويعيد مليون مره اكيد بتعصب وحتي لو كانت اختج ولا بنتج بعصبين عليها . مب حكم ....... انتي جربي البنقاليات يمدحونهن بس يبالهن صبر وطولت بال لان هم غير في بلادهن ومب مطورات . جنقل يعني . بس شغولات

[أم محمد بلال]

الله يعيينج يختي
والله نفس المعاناة بس شو نسوي محتاجين لهم
انا نفس الشي لو وضعي الصحي يساعدني كان ماطبت بيتي شغالة
انا كنت تعبانة و زوجي قال لو سافرت ماشي غيرها
و كنت اسكت عنها و اطنش بمزاجي مافيني ع الحنة و الرنة
بس اهم شي عندي تخلص شغل البيت من كنس و تنظيف و غسل

و انا اقابل عيالي
يعني مافي تواصل بيني و بينها بس اعطيها اوامر و ما اروح اتابع وراها
و اذا خربت شي هي اللي بتتحمل يعني خريت المكتسة الكهربائية اخليها تكنس بالعسو او البرش
و اذا خربت الغدا مثلا اخليها تطبخ من اول و يديد
ااعرفها هالرحكات علشان تطفش المدام و تسفرها
انا مخليه اعصابي ف ماي بارد
و اذا صار موقف و ضحكت ع عيالي او شي اطنش كاني ماسمعتها
الله يعطينا خيرهم و يكفينا شرهم

[ام عسس]

تنازلي عنها أباها 5000

[احلى بعفويتي]

حبيتي وسعي قلبج عشان راحتج
خولكم اخوانكم .. ها كلام الرسول

انتي تبينها تساعدج وهي تبا فلوس وبعد تبا مدام زينه

انا اسلوبي فيه تطنيش و غير ان تنبيه و غير ان تحذير بس كل مره شي ومشيه الحال عليهم
لو وقفت على الضحكه ولا على الجدر و لا الملاس ترى محد بيعيبني
وليش تكرهينها ما يباله هالحمل النفسي و العصبي
ماعرفت ترد تسوي مره ثانيا

ولا تسولفي وياها خلي علاقتج عمل فقط الا في حال اعياد مناسبات عيدي عليها
مثلا تين البيت ها سلام اخبار
انا اسلم عليهم بايد الصراحه عشان يحسون بالالفه
بس عموما ولا اخذ واعطي وايد في البدايه عشان اعرف هي تفهم هي كيف بئتهم هي كيف كان شغلها ..
هل من نوع تودي وتيب اخبار ولا لاء في بدايه بعدين تبدا الجديه


وعن سالف بنتج .. ترى في خدم سخيفين مثل ما في ناس سخفاء . .. قوليلها نونو نايمه روحي لحفيها وردي علميها ما يبالها تنتنرفزين والله نرفزه بتخليج دووووم مضايقه لو ما سو شي


انا مع انج تاخذين بريك شويه وتردين وتغير من طبعج وحديتج وياهم