قانون التقاعد الخاص بالمرأة ؟؟

[ام لسانين!!!]

خواتي شحالكن

بغيت أسأل اذا في حد عنده خبر عن قانون التقاعد الخاص بالمرأة في المؤسسات الاتحادية يقولون بيغيرونه ولين اللحين ما شفنا شي

المشكلة ابغي اقدم استقالة بس خايفه استقيل ويعدلون القرار واندم بعدين

انا استخرت كم مره وحاسه بضيق اكثر واكثر خاطري استقيل وافتك من هالدوام اللي كله ضغط ومشاكل وبنفس الوقت بحاجة للوظيفة علي التزامات وايد ولا حصلت وظيفه ثانيه

نظام التقاعد عندنا لازم اخلص 20 سنه وسني يكون 50 !!!

انا اللحين بكمل 17 وعمري 40 يعني مستحيل يقاعدوني


اللي عندها خبر اكيد ياريت لو تفيدنا

وترا كل مره يناقشونه في المجلس بس ما يصير شي مادري اذا هالمره غير


وابغي اسأل اذا قدمت طلب رسمي للتقاعد ممكن يكون في استثناء ويقاعدوني ؟؟؟؟


الله كريم

المزيد من آخر المواضيع من نفس القسم:

• ممكن مساعدة عن تبيض
• أحتــاج معلمة في بوظبي
• خادمة للتنازل
• محتاجة خادمة اندونيسية بسعر رخيص
• لمن يبحث عن معلمة متميزة في اللغة العربية...
• ساعدوني لوجه الله ارجوكم
• أنا ارمله احتاج شغل
• بنات تجربتي في عمليات التجميل مع الدكتورة...
• رجاءا من تعرف راقي شرعي
• مساعدة جمعيات و مؤسسات خيرية

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[munamoor]

وأكد الهاملي أن بقاء الموظف في الخدمة 35 عاماً، يمكّنه من تقاضي
إجمالي راتبه الشهري، معاشاً تقاعدياً، مطالباً الموظفات اللاتي
لا تسمح ظروفهن بمتابعة العمل بتقديم طلبات تقاعد مبكر إلى
الهيئة لدراسة الأسباب، مؤكداً أن الهيئة تراعي ظروف المواطنات العاملات.وكان عدد من المواطنات تواصلن مع «الإمارات اليوم»، يطالبن
بتعديل سن تقاعد المرأة، مشيرات إلى أن المرأة تتحمل مسؤولية
الأسرة وتربية الأولاد، وبقاؤها بجانب أطفالها جزء من العمل الوطني وخدمة المجتمع.

[ام لسانين!!!]

جزاك الله خير

[ام عنوده]

الله يعينكم

[قصة]

مرحبا الغالية
أنا والله نفسج بس أعتقد هو يعتمد على كل جهة، كل مكان أظن والله أعلم يختلف عن الثاني
ترومين تتواصلين مع الموارد البشرية في جهة عملج، إسأليهم عن هالموضوع، واسأليهم بعد عن التقاعد المبكر، يمكن عندكم في جهة عملج قانون في هذا المجال (قصدي التقاعد المبكر) يعني قبل السن المطلوب وقبل أكمال عدد السنوات المطلوبة

الله يوفقج ويسسر لج ويسر للجميع
أنا والله ساعات أقول ان شالله يكرهوني في دوامي وهم يطلبون مني أطلع تقاعد مبكر ههههههههههه بس الله كريم،

موفقة

[عائشة السومحي]

الحال من بعضه صار الشغل في نفسيات وضغوضات ومشاكل
انتظري ماباقي لج وايد 3 سنوات وبتعدي صبرتي الكثير ماجاء على القليل اصبري واحتسبي ربك

[Cobon]

انتظري و الله كريم

الله يخليج ها الوزارات و المؤوسسات الاتحادية يطولون في القوانين
هم خلى يسوون تأمين صحي لموظفيهم و تذاكر و تعليم و حضانات و عقب تقاعد ههههههههههههه
اصبري بس و ربج يفرجها

[ام لسانين!!!]

يزاكن الله خير خواتي على التفاعل

بس انا سألت في دوامي قالولي اذا يوم واحد ناقص عن عشرين سنه ما يقاعدوني !!! واذا سني يوم بعد ناقص عن 50 ماشي تقاعد !!

واضني اذا بشتري سنوات مب مسموح الا اضني سنتين او ثلاث والمبلغ كبير صراحه ماقدر ادفع

واونه اذا ابا ممكن اقدم تقاعد ويقاعدوني بالاسم يعني لا راتب ولا شي لين اوصل السن والسنين اللي على القانون وبعدين يفعون لي راتب !!!

صراحه لازم يراعون الحريم بهاي الناحيه ويكون تقاعدها غير عن الريال
كم بنكرف ؟؟؟ وكم سنه من عمرنا بتضيع بعيد عن عيالنا كل عيالنا تربية خدامات ودوامنا طويل ومتعب غير النفسيات وبيئه قرف بصراحه !!!


الله يعين الجميع ويارب يقرون قانون تقاعد موحد حق الحريم حرام والله حرام مؤسسات يقاعدونهم من 15 سنه واقل ومؤسسات ثانيه التقاعد فيها يعتبر حلم بعيد المنال !!!!

[حياتي توأمي]

حسبيالله ونعم الوكيل على الدوام اللي فيه نفسياااات

الله يعينااا يا إختي

لولاااا الحاجه ماكناااا إنذليناااا

[البشاشة]

الله يعينا بس .... أقول مابي يوم يقولون لنا قعدوا في البيت و بينزل راتبكم كااااامل ( ياسلاااااااااااااااااااام أسميني بسهر كل ليلة وما بنام الا بعد ما يروحون العيال المدرسة)


احلام يقضة ....

[روح الخصيف]

انا الي اعرفه وقبل يومين تاكدت من صندوق المعاشات ان المراه اذا كملت 15 سنه عمل يمكنها التقاعد بشرط اتكون ام واذا عازبه لازم اتكون مكمله 30 سنه فالعمل ..

والله يوفقج ويكتب لج الي فيه الخير

والله يعينج ويعينا علي دواماتنا متحملين لانه مصدر رزقنا .. الحمد الله

[ام لسانين!!!]

يزاكن الله خير خواتي

نحن وايد قوانين ما تنطبق علينا لانا مؤسسة اتحادية مستقله مثل قانون التقاعد اللي 15 سنه واذا عندج عيال نحن هالشي ماينطبق

اذا وحده من الخوات عندها فكره عن تغيير قانون التقاعد في المؤسسات الاتحادية المستقله ياريت تفيدنا