زوجة ولكن

[رسايل غلا]

السلام عليكم ورحمة الله وبركاته

شحالكن حريم وبنات
من زمان ما طرحت موضوع واليوم خطر في بالي موضوع يديد طبعا استلهمته من واقع وحدة أعرفها

موضوعي هو الريل أو خل نقول الزوج, فيه حريم حياتهن كلها محورها الزوج فقط لدرجة انها تهمل نفسها وعيالها عشان هالزوج
كل شوي حامل ولا تتعدل ولا تتلبس ولا تسوي اي شي يخصها والعيال قمة في الإهمال حتى عقاب على الغلط ما فيه, بس همها الوحيد
ريلها عن يتزوج عليها ولا يسولف ويا بنات ....الخ
تراضيه بأي شكل بس ما تحاول تكون صاحبة كيان أو كلمة, ما تحاول تكون جميلة في عين ريلها وهني السؤال ليش كل هذا؟

ليش الريل هو كل شي وأكون انا ولا شي بس عشان ما يزعل ولا يتزوج؟!

شو رايكن فالموضوع؟

المزيد من آخر المواضيع من نفس القسم:

• طرق تجنب الزوجة تدمير حياتها الزوجية
• افضل الطرق للتعبير عن حبكِ لزوجكِ
• جارتهم فرقت بين اخي وبين زوجته
• طرق التعامل مع الزوج الذي يتجاهل زوجته
• افضل طرق التعامل مع الزوج الذي يهين زوجته
• افضل طرق التعامل مع غضب الزوج بذكاء
• اجمل افكار لاستقبال زوجك من السفر
• اهم العادات التي تؤدي الى تدمير الحياة...
• افضل طرق التعامل مع الزوج المستفز
• نصائح مفيدة لنجاح العلاقة الزوجية

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[فجر المعاني]

رايي الشخصي ان تبدين نقاش بعد ما تتزوجين ان شالله ...

لان كل شي باعتدال واللي تهمل جانب من جوانب الحياة ف تتأكد انها راح تخسر بلا شك

[رسايل غلا]

رايي الشخصي ان تبدين نقاش بعد ما تتزوجين ان شالله ...

لان كل شي باعتدال واللي تهمل جانب من جوانب الحياة ف تتأكد انها راح تخسر بلا شك

حبيبتي تسلمين على ردج
بس ارد واقول مثل كل مرة موضوع الزواج من عدمه ما له علاقة بفهمي في الحياة الزوجية
حتى سؤالي فيه نوع من طلب الفهم عشان يوم اتزوج اعرف كيف امشي حياتي بدون ما يأثر
علي ريلي ويحركني مثل ما يبا وكأني آلة عنده.

شكرا الغالية

[7ag0la]

مش غلط الوحده تهتم ب ريلها بس الغلط انها تهمل عمرها عشانه

[حياتي انجاز]

كيف يكون ريلها محور حياتها و هي ما تعدل و لا تهتم بنفسها ما تركب ابدا ما تباه يتزوج عليها كيف و هي ما تهتم بنفسها أحس السؤال مب مفهوم اختي اسمحيلي

[رسايل غلا]

مش غلط الوحده تهتم ب ريلها بس الغلط انها تهمل عمرها عشانه

تسلمين عالرد حبيبتي
وصح كلامج الاهمال شي غلط بس مب فاهمة ليش بعض الحريم جذي

شكرا

[رسايل غلا]

كيف يكون ريلها محور حياتها و هي ما تعدل و لا تهتم بنفسها ما تركب ابدا ما تباه يتزوج عليها كيف و هي ما تهتم بنفسها أحس السؤال مب مفهوم اختي اسمحيلي

هلا حبيبتي تسلمين عالرد
قصدي بمحور حياتها يعني تهتم بس باللي هو يباه يعني اكل وشرب مثلا, تسلمه بطاقة البنك مالتها ويحدد لها مصروفها منه
لاصقة فيه 24 ساعة جنها ظله وتحمل بس عشان ما يطير من ايديها كله ورى بعض ما ترتاح
بس اهتمامها فيه هو بدون ما تهتم في نفسها ولا تتعدل جدام ريلها يعني يوم تجوفينها تلقينها مهملة في شكلها ومنظرها حتى لبسها
تحاول بطرق ثانية انه يتم عدالها بس هو تكون عينه زايغة عالبنات من مناظرهن واشكالهن
وايد حريم بهالطريقة فاهمات الاهتمام بالزوج غلط يعني اهتمامها بزوجها على حساب نفسها وعيالها
يعني عادي ما تلبس كندورة حلوة وتتكشخ وعادي تحمل عقب الأربعين مرة ثانية وعادي ولدها ولا بنتها يسرقون بس ريلها ما يتزوج عليها!
هل هذا شي منطقي انه حرمة تعيش حياتها بهالطريقة؟!

شكرا

[حياتي انجاز]

هلا اختي دام انج تعرفين هالحرمة ليش ما تنصحينها بتاخدين فيها اجر

[مراسيل الوفاآ]

لابد انه الريال يكون محور حياه البنت لكن مب بالمعنى اللي اجمعوا عليه بعض الحريم
لا اللبس ولا الشكل ولا الحركات اللي بتمسك الريال اذا هو اخلاقه سيئه او الوازع الديني
عنده ضعيف، الوحده تكون حنونه وقلبها نظيف وتكون عندها شخصيتها وآراءها وتثقف نفسها
عشان تناقش ريلها بالمواضيع المفيده وجي هي تثبت وجودها ف حياه الريال ، غير هالكلام
عقيه فالبحر ولا تحاولين تجربينه بعد ف حياتج الزوجيه، وهني الريال يوم يبا يتزوج ما يبا
وحده تحاول قد ما تقدر انها تكون محور حياته كوني له زوجه واخت وصديقه وام وبتلقين
عمرج لا ارادي محور هالريال لانج الملجأ له ، عطي كل شي وقته، الزوج له وقته ف الاهتمام
وعيالج لهم نصيب من وقتج فالرعايه وبيتج عطيه من وقتج ف الترتيب والتنسيق فالنهايه هاي
مملكتج وانتي المسؤوله عنها وعن كل شي فيها ف اكيد بيكون كل شي فيها هو محور حياتج



حريم الحينه يبن الحريه من الزواج الا من رحم ربي، واللي فعلا حاسه بالمسؤوليه اللي عليها
هي اللي تلقينها مهتمه بكل تفاصيل حياتها مع الزوج والعيال فالبيت اما اللي تقولج البسي
واكشخي واتدلعي ف هاي وحده اهملت ريلها وهالاهمال نتج عنه شكها ف انه ريلها ممكن ف يوم
يروح لوحده ثانيه غيرها، اما اللي تعطي ريلها من وقتها وتهتم فيه كـ زوج ما بتعطي هالامور اهميه
لانه ماشي علاقه بين الاثنين، غير انه وحده عطت كل وقتها عشان تبني حياه مستقره ونجحت ووحده
عطت جزء من وقتها لزوجها وفشلت وبالتالي اتبعت كل اساليب جذب انتباه الزوج لها لكنها ما كلفت ع
نفسها تعرف شخصيه ريلها وشو اللي يباه منها



لكل وحده معرسه واللي بتعرس، انتي زوجه هالريال على سنه الله ورسوله مب وحده لقاها ف مكان وكوّن
وياها علاقه ممكن ف يوم يتركها ويسير لوحده ثانيه عشان يكون كل همج لبس ودلع، اذا هو اختارج من
بين كل البنات عشان تكونين ام عياله كوني قد هالمسؤوليه وخلي تفكيرج يكون اكبر واوسع من انه ينحصر
ع لبس وكشخه عشان تجذبين الريال، ما اقول انه جانب غير مهم، مهم ولكن مب اهم عن دورج ف حياه
هالريال وهل انتي تؤدينه بشكل صحيح او لا، هل انتي فعلا قد انج تكونين ام لعيال هالريال او لا، هل بتربينهم
ف الصغر بحيث انهم يكبرون والناس يرمسون عن عيال فلان بـ الخير ولا الشر ، مب اللبس والكشخه ولا كثره
العيال، اهتمام بالزوج وحفظ بيته وتربيه العيال تربيه صالحه ترضي الله ثم الزوج.

[حياتي انجاز]

مراسيل الوفا كلامج صحيح ما عليه غبار بس انا اقول بعد جانب الشكل مهم جدا جدا خاصة الفتن الحين و المغريات في كل مكان و بالنسبة لتربية العيال و البيت هدا حجر الأساس يطلع الريال من بيته مطمئن على بيته و عياله يعرف أن هالحرمة اللي في البيت أمينة على رعيته هاي كلها أمور المفروض انها مفروغ منها لكن ما ننكر أن الكثير اهملن في شكلهن تخيلي الريال يدش البيت يحصل الحرمة لا عطر و شعر مسحاي و لا لبس مرتب حتى لو جلابية بس تكون مرتبة و حلوة و الجسم من كثر الأكل غادي شمتنه قارنيها مع وحده العكس تماما ريحة عطر حلوة و لبس حلو و مرتبة مبتسمة أي وحدة بتكون أقرب لقلب الريال طبعا مع الأمور المهمة الثانية حتى الرسول صلى الله عليه و سلم قال  سئل:
أي النساء خير؟
قال: ((التي تسره إذا نظر..وتطيعه إذا أمر..ولا تخالفه في نفسها ولا ماله بما يكره و طبعا الجانب الديني مهم جدا يعني النظرة تكون متكاملة جمال و دين و أخلاق و حسن تبعل و في الختام الله ينعم عالجميع بحياة زوجية سعيدة

[شروقه]

موضوعج وايد حلو
لي عوده ان شاء الله

[um.khulood]

لابد انه الريال يكون محور حياه البنت لكن مب بالمعنى اللي اجمعوا عليه بعض الحريم
لا اللبس ولا الشكل ولا الحركات اللي بتمسك الريال اذا هو اخلاقه سيئه او الوازع الديني
عنده ضعيف، الوحده تكون حنونه وقلبها نظيف وتكون عندها شخصيتها وآراءها وتثقف نفسها
عشان تناقش ريلها بالمواضيع المفيده وجي هي تثبت وجودها ف حياه الريال ، غير هالكلام
عقيه فالبحر ولا تحاولين تجربينه بعد ف حياتج الزوجيه، وهني الريال يوم يبا يتزوج ما يبا
وحده تحاول قد ما تقدر انها تكون محور حياته كوني له زوجه واخت وصديقه وام وبتلقين
عمرج لا ارادي محور هالريال لانج الملجأ له ، عطي كل شي وقته، الزوج له وقته ف الاهتمام
وعيالج لهم نصيب من وقتج فالرعايه وبيتج عطيه من وقتج ف الترتيب والتنسيق فالنهايه هاي
مملكتج وانتي المسؤوله عنها وعن كل شي فيها ف اكيد بيكون كل شي فيها هو محور حياتج



حريم الحينه يبن الحريه من الزواج الا من رحم ربي، واللي فعلا حاسه بالمسؤوليه اللي عليها
هي اللي تلقينها مهتمه بكل تفاصيل حياتها مع الزوج والعيال فالبيت اما اللي تقولج البسي
واكشخي واتدلعي ف هاي وحده اهملت ريلها وهالاهمال نتج عنه شكها ف انه ريلها ممكن ف يوم
يروح لوحده ثانيه غيرها، اما اللي تعطي ريلها من وقتها وتهتم فيه كـ زوج ما بتعطي هالامور اهميه
لانه ماشي علاقه بين الاثنين، غير انه وحده عطت كل وقتها عشان تبني حياه مستقره ونجحت ووحده
عطت جزء من وقتها لزوجها وفشلت وبالتالي اتبعت كل اساليب جذب انتباه الزوج لها لكنها ما كلفت ع
نفسها تعرف شخصيه ريلها وشو اللي يباه منها



لكل وحده معرسه واللي بتعرس، انتي زوجه هالريال على سنه الله ورسوله مب وحده لقاها ف مكان وكوّن
وياها علاقه ممكن ف يوم يتركها ويسير لوحده ثانيه عشان يكون كل همج لبس ودلع، اذا هو اختارج من
بين كل البنات عشان تكونين ام عياله كوني قد هالمسؤوليه وخلي تفكيرج يكون اكبر واوسع من انه ينحصر
ع لبس وكشخه عشان تجذبين الريال، ما اقول انه جانب غير مهم، مهم ولكن مب اهم عن دورج ف حياه
هالريال وهل انتي تؤدينه بشكل صحيح او لا، هل انتي فعلا قد انج تكونين ام لعيال هالريال او لا، هل بتربينهم
ف الصغر بحيث انهم يكبرون والناس يرمسون عن عيال فلان بـ الخير ولا الشر ، مب اللبس والكشخه ولا كثره
العيال، اهتمام بالزوج وحفظ بيته وتربيه العيال تربيه صالحه ترضي الله ثم الزوج.

مع كلام الاخت ماشاء الله كفت ووفت

[امراه]

هههه صدقتي مب كاني اله عنده الزوج شريكج فالحياه اتشاركينه حياتج مب اتعيشين عشانه

[Ward-uae]

كل حرمة لها شخصيتها هالحرمة يحليلها شكلها كبيرة في العمر ويمكن ريلها يموت فيها ما يندرى ما اتوقع بعد هالعشرة ما يحبها وما شاء الله تحمل لو ما يبا منها عيال جان اول واحد بيخليها تاخذ حبوب منع او حتى بيهجرها فالبيوت اسرار واذا تبين نصيحة لما بتعرسين ان شاء الله
اهم شي تصارحين ريلج باللي في قلبج وهو بعد بتفهميه وهو بيفهمج حتى بدون لا ترمسين من نظرة العيون بيعرف شو تبين
واذا بعدتي عنه لا ارادي القلوب تكون عند بعضها

[Jawharah]

مش غلط الوحده تهتم ب ريلها بس الغلط انها تهمل عمرها عشانه