كيف اراضيه واقنعه،، ابا احضر العرس

[Amaaaal]

السلام عليكم


اشحالكم حبيباتي بغيت اخذ رايكم في موضوع

انا متعودة اخبر ريلي كل مكان اسير له حتى لو كنت بيت اهلي اذا بغيت اودي اليهال البقالة اكلمه اقول بودي الصغارية الدكان وبرجع ..
المهم البارحة طلعت من عند ابوه كنت زايرتنه وزوجي كان عنده بعد قلت له بسير البيت يايه م الدوام وتعبانة قال اوكي انتبهي وكانت الساعه ثمان فليل ..

ويوم وصلت عند البيت تحت بنايتنا بالضبط في الطابق الارضي شي محل ذهب .. وانا اربيعتي بتعرس اخر الشهر مب ماخذتلها شي المهم وانا خاطفة من عند المحل تذكرت اربيعتي ووقفت سبحان الله تم يتصل حرق تلفوني واخترت الطقم وعطيت بطاقة الفيزا للبايع ورديت عليه قال وينج قلت له ف محل الذهب اللي تحت بيتنا وهو يعرفه ندخل احيانا مع بعض جان يعصب ويسكر ف ويهي وسبحان الله خبرني البايع ان البيزات ما طاعت تنسحب وسالني لو عندي بطاقة ثانية بس توترت وخفت يوم ريلي عصب قلت له خلاص ماريده وطلعت واتصلت له عطاني محااضرة وعصب وحلفني اخر مرة ويقول لي والله بتنضربين ان عدتيها والله يعلم وين تسيرين وما تخبريني وان يولي بنات وسوو سواتج بضربكم كلكم هههههه وشايفتني طرطور ماتحترميني والعرس ما بتسيرينه ويا ويلج ان قلتي بسير لا تفتحين الموضوع وياي مول وسيارتج باخذها عنج وبخليج تسيرين الدوام في تكسي وانا اهدي فيه اقول له محشووم سامحني اسفة اخر مرة وووووالخ انا ادري اني غلطت المفروض اخبره بس خطافي يعني ما كنت مخططة اسير محل الذهب من مريت عداله وتذكرت عرس اربيعتي ع فكرة صار لنا معرسين خمس سنوات وعندنا عيال والحين حامل ..


المهم تضايقت اخر شي لا خذت الطقم ولا ريلي رضى

تحسون الموقف يستاهل كل هالعصبية ؟؟
من كثر ما اربيعاتي يحنون علي ويضحكون علي يوم يتم يتصل فيني صاروا يوم يطلعون ما يخبروني يقولون ريلج بيحشرنا لا اتين معانا احس مالي شور في طلعاتي ابد

الحين افكر كيف اخذ لربيعتي هدية ما بيخليني اطلع ادري ولا بيخليني احضر العرس هههههههه

المزيد من آخر المواضيع من نفس القسم:

• طرق تجنب الزوجة تدمير حياتها الزوجية
• افضل الطرق للتعبير عن حبكِ لزوجكِ
• جارتهم فرقت بين اخي وبين زوجته
• طرق التعامل مع الزوج الذي يتجاهل زوجته
• افضل طرق التعامل مع الزوج الذي يهين زوجته
• افضل طرق التعامل مع غضب الزوج بذكاء
• اجمل افكار لاستقبال زوجك من السفر
• اهم العادات التي تؤدي الى تدمير الحياة...
• افضل طرق التعامل مع الزوج المستفز
• نصائح مفيدة لنجاح العلاقة الزوجية

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[sama DXB]

سوري بس ماداني هالصنف من الرياييل

الله يعينج عليه

المفروض بداية زواجج ترسمين حدود لاوامره
لازم يثق فيج انتي عاقل

دوم اقول لريلي انت لك حريتك وانا لي
مب شرط اعطيه تقرير وين سرت ووين ييت
الحمدلله اخاف من ربي قبل ماخاف منه
وهو خذاج والمفروض سائل عن تربيتج واطباعج ومايخاف عليج

[ميثه زايد]

حبيبتي أنا أشوف ان من حق الزوج يعرف وين حرمته سايرة لو حتى البقالة ،،،، هو مب عدم ثقه هو حرص زائد ،،، يختي ما تعرفين يستوي عليج شيء على الأقل يعرف انتي وين كنتي ويقدر يتصرف ،،، العضوات اللي يشوفونه تدخل زائد اسمحولي الريال هو مأخذ الحرمة من بيت أهلها ومسؤول عنها لا صار عليها شيء أهلها مابيرحمونه ،،،،
المهم ترومين تخلين اختج وإلا وحده من ربايعج تاخذلج هديه وقدميها للعروس ويوم العرس طرشيلها مسج اعتذار ان صار عليج ظرف ،،،
وعقب العرس بفتره زوريها واستسمحي منها ،،،، وعاتبي ريلج ان حرمج من عرس ربيعتج بطريقه لطيفة ،،،،

[Cobon]

بقولج شي
من حق الزوج يعرف حرمته وين تسير شبر شبر
بس سوري ما يحق له يشكك في نزاهة حرمته ؟؟

لكن في نوعية منهم ما يحتاي تخبرينهم بكل التفاصيل
و تعطينهم رؤووس اقلام
مب كل شي ينقال للريل بصراحة ؟؟؟ و خلاص تغيري و عوديه ع ها الطبع
و ردي ع تلفوناته يوم يتصل ولا تتورين خلج كول

لان انا لاحظت ع عمري يوم اقول مثلا ت
رى انا بروح السبا و عقب الصالون و عقب الخياط و عقب بمر اخذ لي اسكريم و عقب بتعشى برى
او اقول حبيبي انا بروح الصالون و عقب الخياط و بتعشى برى


جوفي الفرق بين الجملتين ؟
مب لازم تقولين كل شي بالتفصيل الممل
طبيعة الرياييل ما يحبون كثرة الاماكن و كثرة الطلعات
فأنا احب اخلص مشاويري في يوم واحد
لا تكثرين كلام دام المكان واحد خلاص بعد
لا تعطينه التفاصيل شريت و سويت و رحت و بلعت و سرت الحمام


و كل ريال له ستايل معين و كل وحدة تعرف ستايل ريلها و طبيعته
و الحرمة طبيبعتها تفتح ع نفسها باب ان قرقرت و سولفت بتفاصيل حياتها بيتغير طبيعة زوجها


ولو تلاحظون هل عمره الريال يقول لحرمته و هو راد
ترى انا سرت عند ربيعي و عقب سرت الحلاق و تناقشون ف ها المواضيع .....
و عقب سرنا القهوة و عقب تعشينا ؟؟؟
معظمهم لا ما يعطونج تفاصيل طلعتهم هههههههههههه اظن اللي يعطيج التفاصيل هذا غير و سبشل


اما بالنسبة للعرس
ردي ع تلفونج يدامه و سوي نفسج تسولفين لو مع اختج
و قولي حبيبتي اسمحي لي ف خاطري ايى
بس ما اقدر ايى لظرف خاص و ارمسي يدامه مباشرة
و هو ان شاء الله بيسمعج و يمكن يحن قلبه و يغير رايه
انا احب اسوي ها الحركة خاصة يوم ابغي اطلع و اعتذر
ولو ما رضى بعد شو بتسوين مب بايدج
و شكرا هههههههههههه وايد قرقرت ادري

[بنت الملحم]

الزوج له حق يعرف وين تروح زوجته حتى لو كانت خطوة برى البيت
مش مسألة عدم ثقة لكن الدين امرنا بهالشي
استغرب من اللي تقول له حريته ولي حريتي
ليش حبيبتي احنا اجانب ولا وين عايشين

[مغربية بدبي]

الحين لااااا تجيبين له سيرة العرس مووول لانه رح يحس انك تعانديه خلاص انسي العرس وهدي وبعدين عطي فلوس لوحدة من اهلك او خواتك تاخد لها هدية .
مو مستاهلة حبيبتي تسوي مشاكل مع زوجك عشان العرس وياريت رح تستانسين رح يظل بالك مشغول .
روحي لشيخ الشباب بوسي راسه وقولي له خلي يولي العرس ما ابيه ابي افرح بشوفت ضحكتك على محياك ههههه

[ريم العسووله]

المشكلة انج عودتي ريلج من البداية تقولين له الصغيرة و الكبيرة
لهالسبب شب عليج لما درى انج في محل الذهب من غير ما تخبرينه
و نحن معاج أن الموضوع ما يستاهل كل هالعصبية و انه يحرمج حتى من السيارة و يشك فيج !!!

ما أقول الا الله يعينج بصراحة و مالج غير رضاه ، أنتي أعتذرتي و خلاص خلي الأمور تمشي مثل ما هو يبي و لا تفتحين معاه سيرة العرس أبد أكسبي رضى زوجج و فوضي أمرج لله ... لا تكبرين الموضوع لا تنسين عندج عيال و هو أدعي له بالهداية ... الله يوفقج

[ورقة ناعمة]

انتي غلطانه وهو بعد مصخها باسلوبه ماله داعي يسوي محاضرة بخصوص موضوعج انتي خبرتيه يوم اتصل ماجذبتي عليه فليش هالتحقيقات

بس صدق في رياييل وايد مايحبون ان حريمهم ياخذون حريتهم بزيادة ,,, انتي حاولي تتمين ساكته هاكمن يوم وخبريه انج انتي متضايقة من أسلوبه

قوليله عادي مابروح العرس ولا حتى بطلع من البيت بس ياليت تغير من تفكيرك ومن هالكلام اللي تقوله عني عيب انا زوجتك وانا ظني انك ماراح تضايق

ما كنت اعرف انك بتسرح بالتفكير وبتعصب ,,,,

[ورود الثلج]

انتي عودتيه


ولا يعصب لانج دخلتي محل وبياخذ السيارة وتروحين وتردين بتكاسي يعني ريال غريب يوديج
لاتقولون لي حرص هاي يسمونها عدم ثقه .....

[احلى بعفويتي]

ليش عاطتنه الخيط و المخيط

احس موليه موب مستاهله

لازم الريال يعرف بس موب لهدرجه

[ftat]

خخخخخخخخخخخخخخخخخخخ ذكرتيني بايام أول

فترة حبوبة تحمليها بتعدي.... بعدين لا بيسال وين رايحة او من وين ياية بس في البداية يبين عمره ...بعدين بتتعودون على بعض ةبيصير الموضوع عادي...خلج كول ولا تزيدين اهتمامج بالاعتذار لانج اعتذرتي وخلاص حاولي بطرق ثانية .. واهمها الليل والقمرة....وتجنبي تعيدين نفس الموضوع لحد ما تعدين السنة ويكون عندكم اعيال...

[زينب الطيبة]

السلام عليكم

والله يا اختي مب قصدي اني اكبر المشكلة بينكم

بس ريلج كبر المشكلة واااااايد

بس انا ما أعرف شو ظروفكم , كم عمركم , كم صارلكم متزوجين ؟؟؟؟

كل هالأشياء كلها تأثر يوم يكون الزوج صغير جدا في العمر {على سبيل المثال لا الحصر } ممكن يطلق زوجتة بسبت وجبة ماكدونالز بس طبعا مب الكل في صغار و عقلهم كبير ....

وفي رياييل لو يكون كبير في العمر بس أول فترة الزواج يكون دايما متشكك و أفكار توديه و تييبه حتى لو كانت زوجته محترمة بس ياخذ فترة لين يثق فيها و يعرف طبعها عدل و يطمنلها ....

في موضوعج انا وااااااايد استغربت من كلمة انه ياخذ السيارة كعقااااااب و بتسير الدوام في تكسي
ليش ما يكون العقاب انج ما تسيرين الدوام أصلا ( مستفيد من دوامج ) أقل شي شاله عنه حملج , اذا ما كنتي بعد تصرفين في البيت وتساعدينه ؟؟؟؟

المهم

أنا رايي انج تقوليلة عن كل مكان بتروحي بس لا تسمحين له يهددج بسحب السيارة مرة ثانية ( كيف ؟ )

اذا عاد هالجملة قوليله خلاص أطلع من الدوام ولا أروح بتكسي ~~~~

ومن بعدها أنا متأكدة ما بيعيدها

إسمحيلي إذا طولت عليج ولا تزعلين من كلامي

موفقه الغالية

[elshog 87]

بقولج شي
من حق الزوج يعرف حرمته وين تسير شبر شبر
بس سوري ما يحق له يشكك في نزاهة حرمته ؟؟

لكن في نوعية منهم ما يحتاي تخبرينهم بكل التفاصيل
و تعطينهم رؤووس اقلام
مب كل شي ينقال للريل بصراحة ؟؟؟ و خلاص تغيري و عوديه ع ها الطبع
و ردي ع تلفوناته يوم يتصل ولا تتورين خلج كول

لان انا لاحظت ع عمري يوم اقول مثلا ت
رى انا بروح السبا و عقب الصالون و عقب الخياط و عقب بمر اخذ لي اسكريم و عقب بتعشى برى
او اقول حبيبي انا بروح الصالون و عقب الخياط و بتعشى برى


جوفي الفرق بين الجملتين ؟
مب لازم تقولين كل شي بالتفصيل الممل
طبيعة الرياييل ما يحبون كثرة الاماكن و كثرة الطلعات
فأنا احب اخلص مشاويري في يوم واحد
لا تكثرين كلام دام المكان واحد خلاص بعد
لا تعطينه التفاصيل شريت و سويت و رحت و بلعت و سرت الحمام


و كل ريال له ستايل معين و كل وحدة تعرف ستايل ريلها و طبيعته
و الحرمة طبيبعتها تفتح ع نفسها باب ان قرقرت و سولفت بتفاصيل حياتها بيتغير طبيعة زوجها


ولو تلاحظون هل عمره الريال يقول لحرمته و هو راد
ترى انا سرت عند ربيعي و عقب سرت الحلاق و تناقشون ف ها المواضيع .....
و عقب سرنا القهوة و عقب تعشينا ؟؟؟
معظمهم لا ما يعطونج تفاصيل طلعتهم هههههههههههه اظن اللي يعطيج التفاصيل هذا غير و سبشل


اما بالنسبة للعرس
ردي ع تلفونج يدامه و سوي نفسج تسولفين لو مع اختج
و قولي حبيبتي اسمحي لي ف خاطري ايى
بس ما اقدر ايى لظرف خاص و ارمسي يدامه مباشرة
و هو ان شاء الله بيسمعج و يمكن يحن قلبه و يغير رايه
انا احب اسوي ها الحركة خاصة يوم ابغي اطلع و اعتذر
ولو ما رضى بعد شو بتسوين مب بايدج
و شكرا هههههههههههه وايد قرقرت ادري

انا مع هذه المخلوقه 100% صح الله لسااانج اختي كوبون

[Honey Mona]

شكلج جرحتي كرامته و حسستيه انه ماله شور
الحين لا تزنين و تصرين انج تحضرين
علشان يبرد الموقف قوليله خلاص ما بحضر
وطرشي حد يشتري هدية لها، عطي البيزات حق اختج و خل تشتري والهدية عطيها لها يوم بتشوفينها وقوليلها سامحيني حامل وتعبانة عسب جي ما قدرت احضر
ويمكن ههو لو شافج تخيليتي عن حضور العرس يمكن ضميره يأنبه ويقولج خلاص روووحي

[مراسيل الوفاآ]

احب الحرمه اللي تعطي ريلها خبر وين تسير وتخليه يحس بأنه له دور ف حياتها
عكس اللي تحوم من مكان لمكان وريلها مب داري عنها، تمي ع عادتج هاي لا
تغيرينها دام ريلج عايبنه هالشي

بالنسبه لموضوعج هو ما يحتاي انه المشكله تكبر لـ هالدرجه بس كل ريال له شخصيته
واسلوبه ف الكلام ويمكن هو يعبر عن عصبيته بـ هالطريقه ف لا تحاتين من يرضى
بينسى كل اللي صار، انسي العرس وهديه ربيعتج الحينه وراضيه ويوم بيرضى هني دورج
تمثلين شويه انج زعلانه منه بسبة اسلوبه واذا حاول يراضيج هني تكلمينه انه ما يعيبج
هالاسلوب وانتي عارفه انج غلطتي لكنج خبرتيه من اتصل انتي وين وشو تسوين ف ما
كان له داعي يقولج كل هالرمسه جي بيتلوم فيج وما بيعيدها بس اول شي راضيه وعقب
دوره يراضيج وعقبها خبريه انج تبين تسيرين عرس ربيعتج وبيقتنع ان شاء الله