بكون زوجة ثانية ..!!

[قلب الذيب]

السلام عليكم ورحمة الله وبركاته

خواتي انا اذا ربي تمم لي على خير بكون زوجة ثانيه ..!!

طبعا انا مطلقة و عندي ولد ...واعرف ان كثير منكم بيهاجمني وان زواجي من ريال معرس وعنده بيت قبلي شي لا انساني في نظر كل معارضة لفكرة الزوجة الثانيه

انا اليوم مب يايه اخذ شوركم في كون اني بكون زوجة ثانيه ...انا ابا مساعدتكم لاني ما ابا اكرر غلطتي الاولى ولا اتخذ القرار بشكل عشوائي واعتباطي

الريال اللي خاطبني زميل معاي في العمل وطلبني للزواج وقالي ظروفه وهو متفهم ظروفي كوني مطلقة وام

واللهم لك الحمد انا انسانه جميلة ومتعلمه وعندي ماجستير و راقية ..طلبت منه ان ما يخصني مول بزوجته الاولى ولا في بيته هم لهم حياتهم وانا لي حياتي الخاصه

خواتي اباكم تساعدوني ...ابا اسمع تجارب الزوجات الثانيات ...و شو شرطن على رياييلهم؟؟ وكيف الحياه بتكون ..؟

وكيف اضمن حقي وانه ما رح يقصر معي ..؟

واتمنى منكم دعوة صادقة لي

ويسعدلي صباحكم

المزيد من آخر المواضيع من نفس القسم:

• طرق تجنب الزوجة تدمير حياتها الزوجية
• افضل الطرق للتعبير عن حبكِ لزوجكِ
• جارتهم فرقت بين اخي وبين زوجته
• طرق التعامل مع الزوج الذي يتجاهل زوجته
• افضل طرق التعامل مع الزوج الذي يهين زوجته
• افضل طرق التعامل مع غضب الزوج بذكاء
• اجمل افكار لاستقبال زوجك من السفر
• اهم العادات التي تؤدي الى تدمير الحياة...
• افضل طرق التعامل مع الزوج المستفز
• نصائح مفيدة لنجاح العلاقة الزوجية

[ورود الثلج]

الله يوفقج ويوفق جميع بنات المسلمين

[رباب حمدان]

اخاف تجلب عليج !! كلهن جي ف البدايه يطنشن وعادي بس وقت الجد بتشوفين ويهاا الثاني..

اذا المطلقه بس تسمع طليقها عرس تطلع مره وحده ف حياته وتسوي مشاكل ف ما بالج ع ذمته !

الله يوفقج حبيبتي وان شاء الله امورج تتيسر

[أم شيوومة]

انتي اتقولين ما يخصج فزوجته الاولى عقب ماتعرسين صعب عليج اتشوفينه مع زوجته يضحك يكلمها ولو بتلفون بتتضايقين الله يوفقج

[غزالة AD]

الله يوفقج حبيبتي..الله يسخره لج ويكون ولد حلال يخاف الله فيج وفولدج..يارب يكون هالزواج خير لج وترتاحين ويرتاح بالج.

[غنه]

الله يوفقج الغاليه و هذا شرع الله و لو ما خذج بياخذ غيرج

[elshog 87]

الله يسعدج حبيبتي بس استخري انا اقول وربي بيفتحها عليج

[Amaaaal]

الله يكتب لكم اللي فيه الخير

[khaleejiya]

سؤال هو شاورها وعطاها خبر؟ لازم تكون هي على علم بهالموضوع

[bnooota]

امممممممممم ما عرف صراحة شو ارد عليج
بس الخيرة في ما اختاره الله

[فجر المعاني]

خذي موافقة الاولى حتى تعيشي بسلام .

[قلب الذيب]

نعم هي موافقه ...وبعدين انا بتزوج الريال يعني موافقه الاولى ورضاها على زوجها مب علي

[حبيبة كلود]

نعم هي موافقه ...وبعدين انا بتزوج الريال يعني موافقه الاولى ورضاها على زوجها مب علي

دام تعرفية ومرتاحتله خلاص اهم شي رايج وصلي استخارة وشوفي ظروفج وعسى يكون لج خيرة وربي يوفقج يارب

[bnooota]

اختي اقري الموضوع
ريلي تغير علي فجأة وأشك أنه سحر من أهل زوجته الأولى

انصحج تقابلينها و تكلمينها إذا في مجال

[مالتيزرس]

جوفي اختي اذا انتي متحملة باجر اتصالات حرمته وعياله وساعات ترى عادي بيضطر يظهر عنج فاليوم المخصص لج اذا عياله طلبوه او صار شي ترى هذا ابوهم ومسؤول عنهم ومالهم غناة عنه فجوفي نفسج هل رااح تتحملين هالشي او لا ..ترا الغيرة تلعب دوور فهالشي ..واهم شي تخافي الله فبيته وعياله وتحثينه ع العدل وتخلينه يرضي حرمته الاولى ..
واذا كان لج خير الله بيجدمه ..الله يوفجج ويكتب لج الخير

- - - Updated - - -

جوفي اختي اذا انتي متحملة باجر اتصالات حرمته وعياله وساعات ترى عادي بيضطر يظهر عنج فاليوم المخصص لج اذا عياله طلبوه او صار شي ترى هذا ابوهم ومسؤول عنهم ومالهم غناة عنه فجوفي نفسج هل رااح تتحملين هالشي او لا ..ترا الغيرة تلعب دوور فهالشي ..واهم شي تخافي الله فبيته وعياله وتحثينه ع العدل وتخلينه يرضي حرمته الاولى ..
واذا كان لج هير الله بيجدمه ..الله يوفجج ويكتب لج الخير