بكون زوجة ثانية ..!!

[aljood.20]

والله أنا لو مكانج ، وما شاء الله عندي شهادة وأشتغل ، معناته قادرة أصرف علي وعلى ولدي ، وولدي يوم بيكبر وبيروح لحرمته مثل ماتقول الأخت »مابينكر جميل أمه ، انها ظلت تشتغل وتهتم فيه لين ماكبر ،يمكن إذا تزوج الثالثه بتحسين بحرقة قلب الأولى ، ولا تتوقعين منه بيعامل ولدج معاملة أب و وابن 100 % .. استخيري واستشيري والله يكتب لج اللي فيه الخير

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[um.khulood]

الله يوفقج
أي تعليق أو نصيحه مابتفيدج شيء .
بس استخيري ربج

وفكري هل طلقيج بيخلي ولدج عندج . لأنه بزواج الأم تسقط عنها الحضانة إلا إذا أبو ولدج وافق انه يعيش عندج .

وأتمنى لج حياة سعيدة

[مكلارين]

بالتوفيق حبيبتي وماعليج من حد الحرمه بنفسها في فالمجتمع تناقض عمرها يعني يوم هي متزوجه ترفض رفض قاطع وبتقولج خذي راي اﻻولى واﻻسﻻم ومدري شو ومابتخلي حديث مابتحفظه لصالحها بس لو ﻻ قدر الله وتطلقت يوم من اﻻيام بتشوفين تسوي عكس كﻻمها وماعندها مانع تتزوج متزوج وتكون زوجه ثانيه وبتقول حلال فاستخيري وتوكلي على الله دام الريال شارنج وبالحﻻل احسن مم بعض الرياييل المتزوجين يفضلون المغازل على الزواج وبالتوفيق

وليش نروح بعيد وكل هاللف والدوران خلنا نقول لو انتي الزوجه الأولى واكتشفت أن راعيه هالموضوع هي ضرتج والريال هو ريلج يا ترى ردج بيكون جيه وبتقولون لها ما عليج من الأولى واكسبي ريلج ووووووالخ انتي صدقتي بشي واحد أن الحرمه تناقض عمرها..
وراعيه الموضوع ما تبا تسالكم عن الجواب لانها موافقه وانتهت السالفه تبا تجارب ..الله يعين الأولى ويصبرها

[مكلارين]

السموحه عهالكلام

بس اللي تعودت عحضن ريال ( زوجها ) صعب تتم طول العمر بدون ريال و ليش اتمين بدون ريال مصير اليهال يكبرون و كلن ينشغل بحياته

انتي صغيره و دامنه شي بالحلال ليش لا

عيل الوحده تروح للحرام !!

ممكن هالمتزوج يحطج بعيونه و صح بتستوي بعض البهارات و هالشي طبيعي و لا يخلو من كل بيت

و اتوقع انج جربتي العزابي و شفتي شو طلع ( ما اعمم لكل الرياييل )


دام شايفه راحتج معاه توكلي عالله


و حطي شروط عدله


و اللي تقول ان الريال ياخذ فلوس حرمته ( ريلج عما تعودينه ) يعني انتي لو حد يابلج بطاقه بنكه بتستخدمينه و لا بعد ببتعودين عالبطاقه و نفس الشي


دام تبينه توكلي عالله

ههههههههههه يعني يا سحج يا محج يا أتزوج يا اروح للحرام هذا تشجيع مبطن عالغلط بعض ضعاف النفوس بياخذن بكلامج بتقولج انا معذوره مطلقه ومتعوده والعياذ بالله ..وكلام الله يوم قال بمعنى ولا يلقاها إلا الذين صبروا ولا يلقاها إلا ذو حظ عظيم ..بشد القاف

[لحنْ #]

الله يوفقج
أي تعليق أو نصيحه مابتفيدج شيء .
بس استخيري ربج

وفكري هل طلقيج بيخلي ولدج عندج . لأنه بزواج الأم تسقط عنها الحضانة إلا إذا أبو ولدج وافق انه يعيش عندج .

وأتمنى لج حياة سعيدة

[madameamira]

اتقي الله في كل اقوالك وافعالك عن زوجته وعياله
والله يهدي سركم

[شعاع امل]

مااعرف اختي بس اتصور الزواج الثاني صعب وانتي مريتي بطلاق اختي ... ولكن في حال هو عنده النيه يتزوج بيتزوج انتي او غيرك ... بس بيكون صعب عليك

فانا اتصور انك تستنين يمكن تحصلين شخص ياخذك مثلا مطلق او تاخر لين ماتزوج وتكونين زوجته ... بس شخص متزوج يمكن تصير عندك مشاكل وانتي اصلا قادره تصرفين على نفسك

ويمكن يمكن الولد يتاذى خاصه بيصر له اخوان من اب ... ويمكن الزوجه ثانيه ماتعرفينها وتصير مشاكل بينهم يوم يكبر ...........

[angel.heart]

مثل ما قالن بعض الخوات

سواء كنتي الثانية والا الثالثة والا الرابعه

هذي حياتج وحياته لا تخربين عحد ولا تاخذين شي مب لج

وهذا حلال وشرع الله التعدد

اكيد كل اللي هاجمو هالفكرة زوجات لا يرغبن بالتعدد

نصحوج تربين ولدج وتظلين عزبا ؟؟ باجر يكبر وتظلين وحيده وفرصه الزواج تكون معدومه

توكلي على الله واستمتعي بالحياه اختي اللي شرعها رب العباد

وارضي بنصيبج اللي ياج


والله يسعدج ويوفقج يااارب

[Jawharah]

اختي زوجة ثانية ماشاء الله تعيش سعادة ولا جنه معرس قبلها يعدل بينهم وهي تساعده ماتبا يدخل نار جهنم ويوم يزعل من عياله تخليه يصالحم وحطت شرط انه مايطلق حرمته الأولى

جوفي أختي إذا تدورين راحتج مع ريلج لاتزعلي لما يتصلون فيه أو يسير عندهم خليج الجانب الهادئ والحلو بحياته وربي يسعدج

[مالتيزرس]

بخبرج لا تاخذين تجارب غيرج لانه تجربة عن تجربة تفرق ..فيه اللي بتذم لج الزواج لانه ريلها مايعدل واللي بتمدح لج فيختلف الشي ..انتي لج من نفسج وفالنهاية هاي حياتج وانتي اللي راح تعيشي الحياة اليدية وتجربي مب غيرج ..وادعي ان الله يهدي لج خرمته الاولى ويربط ع قلبها ويصبرها وتكونن خوات واكثر تتزاورن وتشلن بعض وقت حايتكن ..والله يتمم لج ع خير ..

[jameela200]

كفوو ووفو البنات

[fajoor]

والله أنا لو مكانج ، وما شاء الله عندي شهادة وأشتغل ، معناته قادرة أصرف علي وعلى ولدي ، وولدي يوم بيكبر وبيروح لحرمته مثل ماتقول الأخت »مابينكر جميل أمه ، انها ظلت تشتغل وتهتم فيه لين ماكبر ،يمكن إذا تزوج الثالثه بتحسين بحرقة قلب الأولى ، ولا تتوقعين منه بيعامل ولدج معاملة أب و وابن 100 % .. استخيري واستشيري والله يكتب لج اللي فيه الخير

صح و الدليل أبدا مافيه ف هالزمن عقوق الوالدين

الواحد يفكر بالمنطق الدنيا اتغيرت ولدها بيهتم فيها يوم بيكبر

بس مش مثل ريلها يوم يكون وياها دوووم فالحلوة و المرة

ولدها بينشغل يوم بيكبر بإذن الله و بيعرس ووووووو

وهي اتحط ايدها على خدها تتريا ولدها لين اييها ؟؟؟؟

[سار90]

حبيبتي توكلي ع الله وعرسي الله يتمم لج على خير

[um fay]

توكلي و عرسي و الله يتمم لج ع خير..