العضوة موجوع قلبي على كرسي الاعتراف ...

[عساك تبقى لي]

رجعت لج عزيزتي رسايل غلا .. كرسي الإعتراف خلانا نتعرف عليج أكثر وحبيناج أكثر بعد..

1..أكثر داعيه إسلامي تحبينه. .؟
2..كتب إسلاميه استمتعتي بقرائتها. .؟
3..أكثر شيء تحبينه فالمرأه..؟


وأسئله من نوع ثاني. .

1..شو دور الرياضه فحياتج. .؟
2.. تمارسين الرياضه بصوره دايمه. .؟
3.. تحبي تكوني رشيقه دايما. .؟

ولي عوده بإذن الله. .أستمتعت جدا بردودج. .

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[الوردة الجورية]

الله يسلمج..


تقبلي مني المزيد من الأسئلة.. حبيت شخصيتج


متى تعبّر رسايل غلا عن مشاعرها و افكارها شفوياً؟؟!!



ما الذي يثير سعادة رسايل غلا؟




ما الذي يثير غضب رسايل غلا؟

[رسايل غلا]

السلام عليكم ورحمة الله و بركاته

ياهلا والله بالمس الغاليييه على قلوبنا ،،
اسعدتينا وامتعتينا بردودج اللطيفه شراتج والله

هلا والله حبيبتي وعليكم السلام والرحمة
اسعدتيني والله بكلامج الطيب يالغالية
تسلمين لي
سؤالي ؛


منو الانسان اللي خذل رسايل غلا ؟
اللي خذلني هو كان شخص قريب مني لدرجة اكبر من تصور اي شخص.

شو اللي اكثر شي ودج تغيرينه فهالزمن ؟

نظرة الناس للبنت اللي تأخرت في الزواج, صراحة في ناس يرفعون الضغط ويحسسون البنت ان عدم زواجها ذنب او جريمة تتحاسب عليها طول العمر.

كلمة او رسالة شكر توجهينها لشخص غير مجرى حياتج ؟

اوجهها لشخص هو مثل اخوي بالضبط تعلمت منه اشياء وايد رغم انه اصغر مني بـ 8 سنوات تقريبا.

عاد الحين سؤال فضولي شوي ،،
ولج الحق فعدم الرد عليه لو ماحبيتيه

هل سبق وتزوجتي ؟؟

هههههههههههه عادي السؤال حلو
وبعدني ما تزوجت ولا مرة لين الحين بنوته

تسلمين يالغالية عالاسئلة الحلوة

[رسايل غلا]

رجعت لج عزيزتي رسايل غلا .. كرسي الإعتراف خلانا نتعرف عليج أكثر وحبيناج أكثر بعد..

هلا وغلا فديتج وحبتج العافية

1..أكثر داعيه إسلامي تحبينه. .؟

والله تبين الصراحة كنت احب وايد دعاة واقرا لهم بس من كثر ما انصدمت فيهم قلت الثقة والحين بعيدة شوي عنهم لاني مابا انصدم فحد ثاني بعد.

2..كتب إسلاميه استمتعتي بقرائتها. .؟

قريت شوي من كتاب رجال حول الرسول وبعدني ما كملته للاسف.

3..أكثر شيء تحبينه فالمرأه..؟

شخصيتها ورزانتها واناقة البعض منهن بدون تكلف.

وأسئله من نوع ثاني. .

1..شو دور الرياضه فحياتج. .؟

مرات اهتم فيها ومرات لاء.

2.. تمارسين الرياضه بصوره دايمه. .؟

الصراحة لا لأنه هالشي صعب علي بسبب اصابتي بالأنيميا فـ بسرعة اتعب وادوخ.

3.. تحبي تكوني رشيقه دايما. .؟

هيه والله ويالسة احاول بكل جهدي وان شاء الله اكون رشيقة صدق ههههههههههه

ولي عوده بإذن الله. .أستمتعت جدا بردودج. .

حياج الله في اي وقت وسعيدة ان اجاباتي امتعتج يالغالية

[رسايل غلا]

الله يسلمج..


تقبلي مني المزيد من الأسئلة.. حبيت شخصيتج

حبتج العافية يالغلا

متى تعبّر رسايل غلا عن مشاعرها و افكارها شفوياً؟؟!!

يوم اكون ويا اقرب ربيعاتي لأنها تفهمني وتحس فيني.


ما الذي يثير سعادة رسايل غلا؟

شوفة ابتسامة امي, واكون وايد مستانسة وفرحانة بعد ما اخلص صلاة العشاء واقرا قرآن وانا ابكي بين يدي الرحمن.



ما الذي يثير غضب رسايل غلا؟

وايد اشياء لو اعددها ما بخلص بس بقولج البعض منه واللي فعلا يخليني في قمة الغضب:

يوم اجوف بنت تتعمد الدلع وترقيق الصوت والاستظراف جدام الشباب وفي وقت غلط بعد.
يوم اجوف وحدة لابسة عباة قصيرة ومفتوحة وتحت العباة دريس قصير وريولها طالعة وايد اعصب وانقهر.
ويوم اجوف رياييل يغازلون وحريمهم وياهم بدون مراعاة لشعورهن.

تسلمين الغالية عالاسئلة الحلوة

[Yazi.90]

تسلمين يالغالية عالاسئلة الحلوة

حبيبتي والله

ما شاءالله عليج انا كنت اشوف ردودج فقسم الحياه الزوجية
صراحه وكلمة حق ردودج تبين مدى نضجج وخبرتج
شرات اختنا الورده الجوريه الله يحفظها ،،
الظاهر كثر المشاكل فالقسم خلتج تكتسبين خبره

الله يكتب لج النصيب اللي فيه الخير يارب ،،
و تصير عندج عايله مميزه مثل ماتمنيتي ^^

[عساك تبقى لي]

حبيبتي رسايل غلا ..الله يشفيج ويرزقج الصحه والعافيه..

شو أكثر شي يضعف ويكسر رسايل غلا..؟

[الوردة الجورية]

حبيبتي والله

ما شاءالله عليج انا كنت اشوف ردودج فقسم الحياه الزوجية
صراحه وكلمة حق ردودج تبين مدى نضجج وخبرتج
شرات اختنا الورده الجوريه الله يحفظها ،،
الظاهر كثر المشاكل فالقسم خلتج تكتسبين خبره

الله يكتب لج النصيب اللي فيه الخير يارب ،،
و تصير عندج عايله مميزه مثل ماتمنيتي ^^

الله يحفظج ام فهودي وكل خواتنا في المنتدى

[رسايل غلا]

حبيبتي والله

ما شاءالله عليج انا كنت اشوف ردودج فقسم الحياه الزوجية
صراحه وكلمة حق ردودج تبين مدى نضجج وخبرتج
شرات اختنا الورده الجوريه الله يحفظها ،،
الظاهر كثر المشاكل فالقسم خلتج تكتسبين خبره

الله يكتب لج النصيب اللي فيه الخير يارب ،،
و تصير عندج عايله مميزه مثل ماتمنيتي ^^

تسلمين يالغالية من ذوقج والله
والله يسمع منج

[رسايل غلا]

حبيبتي رسايل غلا ..الله يشفيج ويرزقج الصحه والعافيه..

شو أكثر شي يضعف ويكسر رسايل غلا..؟

آمين يارب تسلمين يالغالية

اكثر شي يضعفني ويكسرني هو دمعة أمي وأخوي الصغير اتعب وايد لو نزلت دموعهم

تسلمين عالسؤال الحلو

[hamoudmam]

السلام عليكم و رحمة الله تعالى و بركاته

العفو أختي بخصوص شكرج لي على آخر أسئلة طرحتهم ..

و الله يحفظ لج الوالدة و يطول بعمرها ...

عندي أسئلة ترجعج لمرحلة أكيد تحبينها :
- أكثر لعبة كنتي تحبين تلعبينها ويا بنات العايلة ..
- هل تذكرين أول يوم دراسي ؟ و اذا الجواب نعم هل تذكرين مشاعرج بهذاك اليوم ؟

- هل تذكرين موقف مضحك حصل بأيام الطفولة ؟ و إذا الجواب نعم ممكن تذكرينه النا ؟

و مشكووورة على ردودج الراقية ..

[رسايل غلا]

السلام عليكم و رحمة الله تعالى و بركاته

العفو أختي بخصوص شكرج لي على آخر أسئلة طرحتهم ..

و الله يحفظ لج الوالدة و يطول بعمرها ...

تسلمين ويحفظج ويحفظ كل غالي عليج.

عندي أسئلة ترجعج لمرحلة أكيد تحبينها :

- أكثر لعبة كنتي تحبين تلعبينها ويا بنات العايلة ..

كنت احب لعبة عكر بكر اذا تحيدونها او اسمها جذي عندكم هههههههههه

- هل تذكرين أول يوم دراسي ؟ و اذا الجواب نعم هل تذكرين مشاعرج بهذاك اليوم ؟
اول يوم دراسي بالضبط ما اذكر شو صار لكن اللي امي كانت تقوله اني كنت وايد هادية وصياحي خفيف مب شرات اليهال الحين
ووايد استوت مواقف يوم كنت فالروضة اهم موقف اتذكره يوم لعبت بشعري وخربته بالمقص واضطرت امي تقصه كامل لانه ما يتعدل واستويت
شرات الولد وكانوا يضحكون علي هههههههه.

- هل تذكرين موقف مضحك حصل بأيام الطفولة ؟ و إذا الجواب نعم ممكن تذكرينه النا ؟
موقف مضحك وايد ما اتذكر بس اذكر موقف واحد
انا يوم كنت صغيرة كنت وايد احب اقلد امي, فـ اتذكر كنت اجوفها كل يوم تحط كريمات وتتدهن
وانا ما اعرف هي شو تحط بالضبط وخاطري احط, فـ شفت في الثلاجة الجبن السايل شرات كرافت وهالانواع
وابطل القوطي واشل منه وادهن ريولي وايدي وهي ما تدري وكانت تنصدم وين يروح الجبن وليش يخلص بسرعة
وآخر شي كشفتني وانا يالسة في المطبخ ومشغولة اتدهن وكانت اختي الصغيرة هاك الوقت حارقة عمرها بدلة القهوة
واحيدها قالت انا بلاقيها منج ولا من اختج هههههههههههههه.
و مشكووورة على ردودج الراقية ..

تسلمين الغالية على كلامج الطيب وذوقج

[hamoudmam]

بعض مما لديكم يا راقية ..

- ما هو رايج بمجال التعليم حاليا ؟

- شخصية معروفة تتمنين مقابلتها و شو خاطرج تقولين لهالشخصية ..؟

[رسايل غلا]

بعض مما لديكم يا راقية ..

- ما هو رايج بمجال التعليم حاليا ؟
والله تبين الصراحة مجال التعليم حلو مع اني ما احب شغل المدرسات مثلا ههههههههه
وطول عمري اتمنى لو يكون التعليم كله تطبيقي مب نظري بيكون وايد احلى حتى الامتحانات لازم تتطور لطرق افضل.

- شخصية معروفة تتمنين مقابلتها و شو خاطرج تقولين لهالشخصية ..؟

خاطري اقابل الشيخ محمد بن زايد واقوله الله يحفظك ويقويك وينصرك وين ما تكون

تسلمين الغالية عالتواصل والاسئلة

[Yazi.90]

ههههههههههه يالله عاد مالقيتي غير الجبن ، موتيني ضحك
امانه ماماتج ماطاحت فيج ضرب ؟

امممم فبالي الحينه كمن سؤال خفيف
كلمة توجهينها لبنات المنتدى عند اختلاف الآراء ؟

شخص تحسين انه مجرد وجوده يسعدج ؟

لو خيروج بين حياتج الحين وحياة الطفوله شو تختارين ؟