مشكلتي

[جنان الفجيره]

مشكلتي انه ولا مره بحياتي انخطبت خاطري اتزوج واستقر معنى طلباتي وايد سهله لكن للاسف من اللي يقدر اللي اصغر عني واكبر ما شاء الله عندهم اعيال ومن غير خواتي الصغار اللي نخطبن ليش
انا لا انا خاطريي اعرف شو اللي ناقصني عسب محد يخطبني لكن الله المستعان قولوا لي الحل وريحوني .....

المزيد من آخر المواضيع من نفس القسم:

• اهم النصائح التى تساعد المطلقة على إعادة...
• نصائح هامه للفتيات المتاخرات عن الزواج
• نصائح للمرأة المطلقة لتبدأ حياتها من جديد
• رسالة هامة إلى حاملة لقب مطلقة
• اهم نصائح لحل مشكلة المتأخرات عن الزواج
• نصائح هامة لكل مطلقة كوني منطلقة لا مقيدة
• الزواج الثاني للمطلقة وطرق التعامل معه
• اجمل دعاء لتيسير الزواج
• نصائح ذهبية لكل متأخرة فى الزواج
• هل يمكن البدء من جديد بعد الطلاق

[نبض الشارقة]

الله يرزقج بالزوج الصالح
دعوة حلوه من الخاطر باول الصبح موفقه للخير حبيبتي

[حبيبة كلود]

امين الله يرزق يارب بالزوج الصالح لاتفكرين وايد كل تاخيره فيها خيره وعسى الله يلبي الي بخاطرج ويرزق بنات المسلمين بالزوج الصالح

[ماحد شراتي]

كله نصيب الغاليه وان شاءالله نفرح فيج قريب وربي يرزقج بالزوج الصالح

[ورقة ناعمة]

ليت مواضيعج تختلف كلها نفس المعنى ,,, الزواج مب معناته ترميم او تعديل او ترفيه ,,,

يمكن الله كاتب لج ,,, ماتعرفين شو مكتوب لج ,,, المفروض مانعارض قدر الله ونرضى باللي كاتب لنا ,,,

عليج بالدعاء والاستمراء باطالة السجود والتقرب لله

[Miss PiXy]

ليت مواضيعج تختلف كلها نفس المعنى ,,, الزواج مب معناته ترميم او تعديل او ترفيه ,,,

يمكن الله كاتب لج ,,, ماتعرفين شو مكتوب لج ,,, المفروض مانعارض قدر الله ونرضى باللي كاتب لنا ,,,

عليج بالدعاء والاستمراء باطالة السجود والتقرب لله

[مجروحة وأكابر]

صباح الخير يا حلوه حبيبتي الزواج قسمه ونصيب نحن نقدر نشتري وايد اشياء بس الريل نصيب الوظيفه رزق و الراحه والأمان نعمه وايد اشياء حولنا ليش مركزه على الزواج ترى لكل شي حكمه من الله انا عمري 35 سنه والحمد لله عايشه حياتي عادي متى ما ياني النصيب بسير مع اني اسمع وايد تنغيزات بس واكبر طاف اسير وارد استانس بحياتي الحياة مب ريل وبس بالعكس في كثير اشياء لا ترخصين بعمرج فديتج ارفعي قدرج وثقتج بنفسج و خلي الموضوع هذا يسير كيف ما يشاء الله .... والمعرسات حليلهن مب كلهن مرتاحات بعضهن عرسن بلى ودهم ما شافن العرس شكلج صغيره من جي مستعيله وخايفه لا تخافين بتعرسين وبتترسين البيت عيال ان شاء الله

[أم عبـد الرحمن]

هو هذا

عليج بالدعاء والاستمراء باطالة السجود والتقرب لله

[بسمة أمـل]

حبيبتي تقربي من الله وادعي له انه يسر لج أمورج عسى ربي يرزقج بولد الحلال الي يصونج ويحطج في عيونه صدقيني في وايد بنات ما نخطبن ولا ياهن نصيبهن لين الحين ومع ذلك صابرين ومتناسين الموضوع لين يي وقته فكري فيها شو بيدج تسوين أو اي بنت ما انخطبت شو بيدها تسوي طبعاً مب معقولة دور على الريل بنفسها الريل هو الي يي لين عندها وصدقيني كله بوقته والتأخير فيه خير بإذن الله ذكري انه في وايد بنات ما انخطبن والسيدة خديجة رضي الله عنها تزوجت وعمرها 40 بنبينا محمد صلى الله عليه وسلم اصبري على رزقج وبيي ولد الحلال الي يسعدج وقلبج يرتاح له ثقي بالله واشغلي نفسج مثل ما قلت لج وادخلي مركز تحفيظ قرآن بتنشغلين وما بتيلسين تفكري بهذا الموضوع

[MiSs MiMi]

يمكن نصيبج بعده ما يا بمعنى الريال يكون موجود بس مب مستعد يدق بابكم
بمعنى الي لاحظته والي قريته عن البنات وبنات أعرفهم
تفكير بشيء ليش مايستوي أيا كان
هذا هو عامل الي يخلي أشياء تتأخر " الحنة"
لو بتمين 24 ساعة تفكرين بنفس موضوع
صدقيني ما بيي
حاولي تنسين موضوع زواج واشغلي وقتج عندج هواية سويها
شي كتب حلوة ^^ في مكاتب
استعدي من الحين خلج واثقة برب العالمين
الحياة مب ريل ولا زواج ولا عيال
الله ما خلقنا بس عشان جي
تراها الحياة بعدها حلوة
شوفي منظور مشرق لا السلبي
ربي يوفقج^^

[ريم العسووله]

الله يرزقج بولد الحلال اختي زهور
و لا تخلين هالشيء يأثر في نفسيتج بعدج صغيرة والله العظيم
وايد شايله هم الله يهديج

[جنان الفجيره]

مشكورين على ردودكم اللي تشرح الصدر ولكم بالمثل يا رب

[حور الشارجة]

اختي ما ناقصنج شيء انتِ أرضى بما قسمه الله لج وخلج قنوعةولا تشوفين النقص فيج ماتدرين وين نصيبج أرضى ربج وربج بيرضيج وأبدأ لا تحزنين لقدر كتبه الله لج قولي دايما الحمدلله فبالحمد تزيد النع..... الله يزقج الزوج اللي تقر عينج فيه ويكون معين لج ع الطاعة والعبادة وتعيشين في سعادة

[��@ سوما@��]

حبيبتي الله يرزقج وانا بعد الزوج لنشاء الله بس اقري سورة المزمل كل يوم الفجر قبل لا تطلع الشمس والله يسرر ويفرجها علي وعليج

[ام راشدد]

ربي يرزقج الزوج الصالح .. الي يريحك لان اهم شي الراحة النفسية اهم من زواج نفسة شو فايدة تزوجين وزوجج يتعبج ...