نحن السبب

[bnooota]

هي خواتي انتوا السبب

من فترة قريت موضوع لاحد الخوات و معاناتها في إنها تحصل خدامة لان حاليا الرواتب اللي يطلبونها مش طبيعية


خواتي اللي تخلي خدامتها التليفون في ايدها 24 ساعة و تلبس الجينس و الضيج و تحط الروج و تسوي النسريحات عندي سوال؟ هاي خدامة و لا مينيكان يايبتنها غير إن كل ما يطلبو ن مبلغ زيادة راتب قلتوا السمع و الطاعة و عقب تشتكون ما تشتغل و الله يغربلها ول ا إن صرقت و لا شردت إلخ إلخ إلخ

شو السبب إنهم صاروا جي؟
السبب فئة في ها المجتمع وايد يهتم بالمظاهر يحب الناس تقول عليه جوفوا خدامتها كيف و تمدح فيها و هي اهناك مطلعة عينها. الحرمة تكرف في البيت و الخدامة يالسة (ياسلام انجلبت الاية)

البارحة رحت المول اودي عيالي الالعاب و الحمد لله الخدامة ما كانت معاي
حصلت فلبينية ماسكة تليفون اخر موضة انا نفسي مب عندي إياه و وحاطة هاي التوكة و ها الشعر المعدل و ها اللبس و الجوتي و انتوا بكرامة من احسن نوع يالسة ريل على ريل و اليهال داخ يتكافخون و هي ولا بالدنيا. حتى ما استحت تنزل ريلها يوم مريت حذالها احط اغراضي ع الكرسي و العب مع عيالي
شوي و اتي مدامتها تسالها وين اليهال فقالت لها (إن سايد) بس وعادي . تعالي يالام صارخي ع عيالج و ازجريهم إنزين و ست هانم هاي ليش ياية اصلا.!!!!!


حديقة ثانية فها بشاكير مع اليهال يلعبون من غير الامهات كالعادة (بعد فلبينيات) وكل وحدة ماسكة التليفون و اليهال عادي اللي يطيح من الزحلاقية و لا ينجلب من الميرحانة ( همود تعالي إهني) نقبق مبقق جود ديكا و تبدا سلسلة سوالف اخرى مع الخدامات الاخريات
كل وحدة تتفنن في شرح هي كيف تعامل مخدومتها و كيف تطلب راتب زيادة غير مبادلة ارقام الهواتف اللي عيني عينك. و اول ما إيي الاب و لا الم تركض تجمع ها اليهال و تسحبهم سحاب ( عادي يتم نعال مفرور أهني و لا أهناك)

الرسايل توصل للبلد الاخر إن الرواتب الحين أغلى و في بدلات و كثير من الكلام الزايف اللي يخلي الشركات و الخدامات يطلبون رواتب مبالغ فيها. غير التعرف إلى ناس يترسون رووسهم و ثاني يوم شاردة الخدامة و هي تحمل كل ما غلا ثمنه و خف وزنه.

الغلط من منو الحين خبروني؟
محد يقول فلانة زينة تستاهل نزيدها عشان تتم – لا مافي _ لان ها الشي يطمعها _ تبين ماما اتيني زيادة ما تبين ودي بلاد
خواتي الخدامة تاخذ راتب غير نحن نكسيها و نعطيها احتياجاتها من غير ظلم. فماله داعي تخربين على الناس الثانية
انا مالي شغل بغيري. اوكي ما قلنا شي بس تراها دنيا دوارة و لازم بييج يوم تحصلين فيه خدامة من هاي النوعية الطماعة الكسولة
مرة ثانية لا تدلعون البشاكير بزيادة


السموحة على الاطالة

المزيد من آخر المواضيع من نفس القسم:

• السلام عليكم
• فرق و اختلاف محتوى Netflix الامريكي و العربي
• عيدنا ليس هنا ................لعبدالحليم...
• مطلوب توظيف مندوبة تسويق في عجمان
• مطلوب توظيف سكرتيرة في العين
• مطلوب توظيف سكرتيرة في ابوظبي
• مقومات الدول الإسلامية في حالة ما إذا إتحدت
• حجامة
• الرقابة من الأهالي ضرورية قبل خوض مواقع...
• مجرمون بثياب كثيرة،،،،لعبدالحليم الطيطي

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[حبي 123]

هيه صدقج كل يوم نشوف العجب بالخدامات
والله يعينا على اسعار المكاتب كل يوم تزيد ما ادري لشو

[لحنْ #]

بالنهايه هم بشر ، من حقهن يعيشون ويلبسون ويتمشون ويرتاحون ووو
وترا بعد عيب ان البنت من اول يوم تعرس تبا خدامه ، عيل شو شغلتج انتي ؟! " طبعآ ماتكلم عنج "
لكن ف نقاط بموضوعج اوافقج الراي فيها .

[شروقه]

تصدقين

خدامة اختيه تبا تيب اختها ( كينيه ) اليوم رمسيتها قالت كم بتعطيني راتب
قلت لها كم كنتي تاخذين في السعوديه قالت 1200 !!
استغربت
الراتب عالي لو عندها خبره 3 سنوات
وقالت عندي شروط برمس اختيه وهيه بتخبرج
يا سلام عندها شروط
المهم انا سكت وقلت لها رمسي اختج وبنشوف شو تبين
طبعا من باب الفضول والا بصراحه ما ارتحت لاسلوبها
وشكلهم في السعوديه مسفرينها
وسارت عمان وسفروها عقب 5 أيام
واظني قالو اني محتاجه قبل رمضان يبون يستغلون الوضع
قريت موضوعج
وشجعني اني ارفضها
بس بشوف شو شروطها
تشكرات
موضوع

[munamoor]

خدامتي تلبس عباية و حجاب ،،، لأنها تعودت على طباعي ،،، و لازم عباية اسلامية
خدامتي اندونيسية ،،، صار لها ثلاث سنوات عندي ،،، كان راتبها ثمانمية زيدتها
من بعد التجديد ،،، و صار الف ،،، طبعا ادفع لها جيمة التذكرة و هالشي إلزامي ،،،
لانها ما بتروح بلادها لمدة اربع سنوات ،،،
جان بتم بعد سنتين يعني ست سنوات راح نزيدها لأن نادرا ما تحصلين
خادمة تشتغل لي و لغيري بدون ما تتشكى حليلها ،،،
الله لا يغير علينا ،،و يبعد عنها عيال الحرام
، الصراحة انسانه مسلمة و تخاف ربها ،،، و تخاف على بنتي
و تحاتينا يوم نمرض ،،، و تتم فوق رؤوسنا ،،،

[ميميه88]

شوفي
انا وياج فشي ومب وياج فشي
انه تروح مكان مرصصه وميكب لا طبعا
اليونيفورم وحجاب واليونيفورم مب راص بعد
بس بعد بنفس الوقت الرحمه زينه صح انها شغاله مب مب معناته انا بعد ماتحرك ولا عدل شي ولا اهتم فبيتي وعيالي واوقفلهم انا
سالفة الاختلاط بالخدم ما اايدها لانه صح يخربن بعض
اللي تقول انا دوم اطلع واللي راتبيه بها القيمه واللي اروح شهريا السوق وغيره من هالامور
واذا هيه زينه المعالمه زينه فيها تراها ترد عليج وعلى عيالج

[امراه]

هيه صح كلامج اختي لانه في بشاكير يغارون يوم ايشوفون البشاكير مع الناس الغيرغير عن حالتهم مع انه كل واحد وماديته وماعدنا بيزات انسوي لها ها كله والاغلبيه تقريبا ماايقصرون مع الخدم اصلن بس في ناس يبالغون وايد معهن

[ميميه88]

يفضل نقل الموضوع في ملتقى الحوار والمناقشات الجادة لاخذ احقيته في النقاش

[hind25]

صح كلامج اختى بكل كلمه قلتيها والله هالنوعيه يقهروون

[حياتي توأمي]

والله كل شيء له حد

هي يايه للشغل مب يايه حق الكشخة والرزه

وبعدين احنا موظفات يوم نروح دوامنا نروح بأدب ولبس محتشم

اقصد من هالكلام انه اللي عارف انه بالشغل لازم يكون محترم
ومافي داعي الخدامه تلبس المرصص وموبايل آخر موديل

وانا مع كلامج اختي مئه ٪
حتى لو هم بشر كفايه المعامله الزينه وتعطينها راتبها

مب عشانها بشر تروح تكشخ وتتزين وآخر شياكه منو قال !!! اساساً هذا حرام عند رب العالمين

هذا كله الله بيحاسبنا عليه يوم هي تطلع مفاتنها للرياييل بالشوارع انا ربي بيحاسبني لأني راعيتها


تحياااتي

[غرووب 22]

سيِّدُ الاسْتِغْفار أَنْ يقُول الْعبْدُ : اللَّهُمَّ أَنْتَ رَبِّي ، لا إِلَه إِلاَّ أَنْتَ خَلَقْتَني وأَنَا عَبْدُكَ ، وأَنَا على عهْدِكَ ووعْدِكَ ما اسْتَطَعْتُ ، أَعُوذُ بِكَ مِنْ شَرِّ ما صنَعْتُ ، أَبوءُ لَكَ بِنِعْمتِكَ علَيَ ، وأَبُوءُ بذَنْبي فَاغْفِرْ لي ، فَإِنَّهُ لا يغْفِرُ الذُّنُوبِ إِلاَّ أَنْتَ .

[يا معرفني]

بصراحة اوافقج بامور لكن بعد اشوف عوايل يلزمون الخدامة بيونيفورم اغبر ليش ! طيب هي انسانة تشتغل كل يوم بنفس اليونيفورم ممكن تخلينها تلبس طويل و بنطلون واسع مثل ما تحبين والوان فرحة ترا هالشي يلعب بالنفسيات !
يحليلها خدامتنا نعاملها مثل اخت حتى انها تشتري معانا من مانجو ومن راتبها . وصارلها سبع سنين معانا و معاها موبايل تكلم اهلها . بس ما نخليها تحتك بخدامات احد . واشوف ناس بالشارع تضحك لو شافوها يالسة جنبي بالسيارة !! انزين ليش لانها خدامة !! هذي وظيفة مثلها مثل اي وظيفة ثانية لازم نعطيهم قدر من الحرية بحدود وبرقابة مستمرة بدون ما تحس . هي بالول والاخير انساااااااان .
للاسف بتسافر بعد شهر عشان تتزوج ربي يوفقها ويسعدها .

[يا معرفني]

بصراحة في شي مصايقني من الامهات !!
اقدر انج مسغولة وحابة ترفهين عن نفسج لكن عيالج بليز مو وظيفة الخدم !! مو معقول اطالب الخدامة بشغل البيت وبشغل التربية و الاهتمام بالصغار . انتي شو وظيفتج كام ؟ انتي تشتغلين او او او بالاخير انتي مسؤؤؤؤؤؤولة . والله حرام ع الامهات اللي يخلون عيالهم مع السواق والخدامة مصايب تصير بعيالج وانتي ما تدرين عنهم . ربي بيحاسبج عليهم .

بس فيني قهر وطلعته ........ ��

[ماحد شراتي]

بصراحة اوافقج بامور لكن بعد اشوف عوايل يلزمون الخدامة بيونيفورم اغبر ليش ! طيب هي انسانة تشتغل كل يوم بنفس اليونيفورم ممكن تخلينها تلبس طويل و بنطلون واسع مثل ما تحبين والوان فرحة ترا هالشي يلعب بالنفسيات !
يحليلها خدامتنا نعاملها مثل اخت حتى انها تشتري معانا من مانجو ومن راتبها . وصارلها سبع سنين معانا و معاها موبايل تكلم اهلها . بس ما نخليها تحتك بخدامات احد . واشوف ناس بالشارع تضحك لو شافوها يالسة جنبي بالسيارة !! انزين ليش لانها خدامة !! هذي وظيفة مثلها مثل اي وظيفة ثانية لازم نعطيهم قدر من الحرية بحدود وبرقابة مستمرة بدون ما تحس . هي بالول والاخير انساااااااان .
للاسف بتسافر بعد شهر عشان تتزوج ربي يوفقها ويسعدها .

حبيت اسلوبج وطريقه تعاملج معاها
لكن بعض الخدامات ما ينعطن ويهه
مكارات وبالذات الفلبينيه ولا الاندونسيه لو ما كنتي حازمه من البدايه خلاص بتتمرد

[احلى بعفويتي]

حسبي الله عليهم بس