شــــكـــيــــت

[البشاشة]

السلام عليكم ورحمة الله وبركاته


خواتي يوم الخميس وأنا بالسيارة اشوف تليفون ريلي يرن أكثر من 3-4 مرات (أكثر) ويجلب الفون ويحطه صامت بحضنه

أثار فيني الشك لكني قلت لا ما اعتقد هو مو مقصر وياي وطنششششششششششت

الصدمة الكبرى يوم الجمعة وصلني بيت أهلي اشيل عيالي طبعا نص الليل الساعة 2 الفير ( كنا طالعين أنا وريلي دبي وتلاقيت مع خواتي وهو طلع مع ربيعه وبعد ماخلصت من خواتي شلني من عندهم ورجعت بيت أبوي أخذ العيال ونرجع البيت)

المهم بعد مانزلني بيت أبوي رحت لسيارة أختي اخذ كيستي واحطها بسيارة ريلي وافتح الباب الخلفي تفاجىء فيني ريلي كان يتصل
( نص الليل بمنو يتصل ....أثار فيني الشك أكثر ... طنشت وانا بداخلي متحرقصة )

شليت العيال ورجعنا لبيت وحطيت راسي ورقدت وع الفير وعيته للصلاة واستغليت الوقت انبش الفون
وشفت إن هو المتصل وعدة مكالمات من الطرفين ... ماعرف المكالمة لمنو .... خذت الرقم واتصلت محد يرد ...وصليت الاستخاره واتصلت الساعة 12:30 لظهر بعد محد يرد )

الحين انا متحرقصة منو صاحب الرقم

للعلم ريلي اذا يكلم ربعه يكلمهم جدامي وبكل شفافية وما يحط الفون سايلنت او يخشه اني اشوف المتصل ... الحركة غريبة أثارت فيني الشك )


بشو تنصحوني خواتي اتصل ع الرقم ... وكيف أعرف هو واحد ولا وحده

شوركن وهداية الله

المزيد من آخر المواضيع من نفس القسم:

• طرق تجنب الزوجة تدمير حياتها الزوجية
• افضل الطرق للتعبير عن حبكِ لزوجكِ
• جارتهم فرقت بين اخي وبين زوجته
• طرق التعامل مع الزوج الذي يتجاهل زوجته
• افضل طرق التعامل مع الزوج الذي يهين زوجته
• افضل طرق التعامل مع غضب الزوج بذكاء
• اجمل افكار لاستقبال زوجك من السفر
• اهم العادات التي تؤدي الى تدمير الحياة...
• افضل طرق التعامل مع الزوج المستفز
• نصائح مفيدة لنجاح العلاقة الزوجية

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[ريم العسووله]

لا حول و لا قوة الا بالله
أخاف أقول لج حاولي تتصلين و تصير لج مشكلة أكبر
و ما أقدر أقول لج لا تتصلين لأن الموقف صعب و الوسواس و الشك يذبح

دامج أستخرتي و أتصلتي و محد رد عليج هاي أشارة من الله سبحان الله ، فلا تتصلين أكثر و أنسي الرقم
الله كاتب محد يرد عليج عشان ما تصير لج مشاكل سبحان الله أو يمكن هاي رقم واحد مب وحدة
المهم قعدي مع زوجج و سألي بكل هدوء من الي يتصل فيك و كنت تكلم منو ،،، مالج الا المواجهه و السؤال لكي ترتاحي
و أختاري الوقت و المكان و الأسلوب المناسب .. موفقة

[jameela200]

انا كنت بسوي نفس تصرفج.. بس احس تواجهينه افضل

[khaleejiya]

تعوذي من الشيطان ولا تدورين وراه اذا في شي بينكشف عاجلا ام اجلا واذا فعلا كان في شي اتمنى انه ينتهي قبل مايوصلج ويكبر الموضوع

[{ آحلى دلع ..]

يا أيها اللذين آمنو لا تسالوا عن أشياء ان تُبْد لكم تسؤكم

لا تتصلين ولاتفتشين ولو شآكه بشي ادعي ادعي الله

الله وحده القآدر يربط قلبه ويعمي عينه عن الحرآم ..

[البشاشة]

بنات دقيت ع الرقم بعد محد يرد ... المشكلة محد يرد

سبحان الله من سكرت اتصل فيني ريلي ؟؟؟؟؟؟؟؟؟؟؟

[بنت الملحم]

يا كثرها الارقام اللي تتصل بريلي واحيانا يرد واحيانا ما يرد بس عادي ما انبش ولا اعور راسي
واذا كان فيه شي الله بيحاسبه مب انا
على فكرة يعني عادي الربع يتصلون لبعض نص الليل والله احيانا يتصلون الساعة اربع وخمس الفير ويتكلم قدامي وياهم
انتي لا تحطين ببالج ولا تفكرين بشي وتعوذي من ابليس
والله يخليكم لبعض

[bnooota]

الله المستعان

[خوخة سمسم]

حبيبتي انا لو مكانج مابقعد لين اعرف السالفه
لكن دام انج صليتي استخاره ومحد رد فهذا خيرة لج



ومابا ازيدج لكن بقولج
دام انه اتصل لج من سكرتي
يعني صاحب الرقم اللي انتي اتصلتي عليه
خبر ريلج ان في حد يتصل له
وريلج خلاص عرف انج عرفتي

باقي تواجهينه بكل هدوء واذا في شي اتوقع بيقولج

المهم لا تتعبين بالج بالشك واحسن تقطعين الشك باليقين
من خلال المواجهه

مشكلتنا نحن الحريم وايد نشك وبسرعه
وانا ما ألومج لاني مثلج
بس لو فكرنا شوي
يمكن السالفه مافيها وحده ثانيه
يمكن شغل
يمكن مشكله تخص ربيعه
يمكن يمكن يمكن ...
فالافضل تكلمينه وهو بيخبرج السالفه شو بالضبط
واخير لج ان محد رد عليج
عشان ما تتعبين نفسج ويألف لج ابليس الف سالفه

الله يجمعكم على خير ..

[البشاشة]

يا كثرها الارقام اللي تتصل بريلي واحيانا يرد واحيانا ما يرد بس عادي ما انبش ولا اعور راسي
واذا كان فيه شي الله بيحاسبه مب انا
على فكرة يعني عادي الربع يتصلون لبعض نص الليل والله احيانا يتصلون الساعة اربع وخمس الفير ويتكلم قدامي وياهم
انتي لا تحطين ببالج ولا تفكرين بشي وتعوذي من ابليس
والله يخليكم لبعض

صح اختي انا وياج الربع ممكن يتصلون نص الليل لكن يجلب الفون ويتوتر ويتكلم بالخفاء هذا يثير الشك .....أنا التصرف اثار فيني الشك

[البشاشة]

انزين ليش مايرجع الرقم يتصل فيني البارحة اتصلت مرتين واليوم مره ... جاوبوووووني ؟؟؟؟؟؟؟؟


لا بعد رنة الفون أغنية عن الحب؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

[حمده الفلاحي]

راسليني ع الخاص

[احلى بعفويتي]

كل شكينا و انصدمنا و بعدين شو سوينا ولا شي


انتي اذا متحرقصه جوفي منو الي متصل
عادي واذا بنت العني بو خامسه وطلعي حرتج فيها بس لا تقولين انتي منو

وسوي عمرج كوووووووووووووووووووووووووووووول وياه

هههههههههههه بتادبينها

[مغليك]

والله موضوعج محير الله يكون فعونج ويهدي ريلج ..دوم ادعي بصلاتج الله يسخره لج ويقر عينج فهدايته

[ماحد شراتي]

انا برايي دقين من رقم ارضي اعطي الرقم لحد تثقين فيه وشوفي منو يرد