تغير فجأة

[Amaaaal]

صباح الخير

بنات انا صار من خمس ونص طالعة م البيت عساس بسير الدوام ما ياني ارقااد ابد
انا حامل في الشهر السادس وريلي من الاسبوع اللي طاف ملاحظة عليه حركات غريبة ما يرد البيت فليل ياخذ ملابس الدوام ويطلع من الساعه عشر فليل ما يرد الا الظهر ويوم واجهته قال كان عند شباب ومشيتها لكن امس مارد البيت بعد وطلعت عساس بسير الدوام لان ماياني ارقاد لقيت مفتاح سيارتي ماشي سرت الصالة لقيته راقد في الصالة ولابس جلابية النوم قلت له متى ييت ؟ جان يقول من زمان قلت كيف بدلت قال دخلت الغرفة بدلت وانا ادري ما دخل الغرفة لاني كنت واعية وابد ما رقدت وماشي كندورته اللي عقها ؟؟ ولا لقيتها في الصالة ولا الغسالة ..

حركاته غريبة صاير وايد يجذب انا عندي احساس ان في وحدة ف حياته المشكلة اني ما مسكت عليه دليل بس التفكير ذابحني الشيطان يقول لي خبري امه بس مابي اضايجها وادريبها بتوقف وياه مادري شو اسوي صراحة محتارة بس انا متأكدة عنده حد معقولة فجأة بدون سابق انذار يتغير جي ؟؟

شورن علي الله يجزيكم الجنة

المزيد من آخر المواضيع من نفس القسم:

• طرق تجنب الزوجة تدمير حياتها الزوجية
• افضل الطرق للتعبير عن حبكِ لزوجكِ
• جارتهم فرقت بين اخي وبين زوجته
• طرق التعامل مع الزوج الذي يتجاهل زوجته
• افضل طرق التعامل مع الزوج الذي يهين زوجته
• افضل طرق التعامل مع غضب الزوج بذكاء
• اجمل افكار لاستقبال زوجك من السفر
• اهم العادات التي تؤدي الى تدمير الحياة...
• افضل طرق التعامل مع الزوج المستفز
• نصائح مفيدة لنجاح العلاقة الزوجية

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[ام يوسف ويس]

يعن انت لا تسبقي الاحداث بس لو متغير فعلا بشكل كبير انت واجهيه بس باسلوب عادي يعن اعتبي عليه التغيير وانك حاسه بس باسلوب العتب مو اسلوب الهجوم وخلي الموضوع بينكم انتو الاتنين فقط اما ان زاد عن حده وامه بتحبك فاحكيلها بس بعد ماتكوني استنفذتي كل الوسائل معاه وربنا يهدهولك ياااارب

[نبض الشارقة]

الله المستعان

[jameela200]

انا اقول اصبري لا تتهورين ... إذا في شي بيظهر وأن شالله ما في شي
فكري عدل وريحي بالج

[حبر المساء]

تحري اكثر ولا تتسرعين في الحكم عليه وان كانت الدلائل واضحة بعض الاحيان
قد تتشابهة التصرفات ولكن السبب يكون غير السبب اللي في بالج
طولي بالج عليه ولا تهملين الامر ولكن بالحكمة اتاكدي من كل شي قبل ما ترمسينه او ترمسين اي حد عشان ما تندمين على شي

واما مثل ما اقترحت الاخت التواصل مع اصحاب السحر والكهن فهذا امر غير مجدي بل هو دمار في دمار
المفرج رب العالمين

[خوخة سمسم]

حبيبتي مب ضروري شاغلتنه وحده
يمكن شي ثاني غير اللي فبالج تماما ..

كلميه واعتبي عليه بس بأسلوب طيب وبهدوء
واذا لا اراد الله في وحده
صدقيني مردج بتعرفين
لان اللي فالحرام ينكشف بسرعه
وان شاء الله ماشي

[khaleejiya]

تعوذي من الشيطان واطردي هالافكار من راسج ليش تستبقين الامور وماعندج عليه اي دليل
احسن شي تتكلمين وياه بصراحه و تسألينه هل في شي صاير ومضايقنه او في منج قصور؟

[احلى بعفويتي]

جوفي خله حد يراقبه كمن يوم
ترى واحد في دوام اختي طلع معرس على حرمته وماخذ حق مرته السوريا شقه
وبالصدفه انعرف يوم ودى مندوب الدوام الاوراق بيته بالغلط انكشف
وطبعا حرمته الاولى كل سنه نونو ... غرقانه ويا العيال و الحمل و الولاده وريلها لاعب بذيله

انتي عقب ما تربين تفرغي عدللللللللللللللللللللللل خليه يتادب شويه

[مغليك]

أدرري ان الحمل تعب ومعاناة لكن حاولي تتقربي منه وتحتوينه بعاطفتج وتتقربي منه اكثر واكثر ..

[ماحد شراتي]

الله يعينج اختي

حاولي انج تواجهينه او تكتشفين هالموضوع بنفسج

[Yazi.90]

تحري اكثر ولا تتسرعين في الحكم عليه وان كانت الدلائل واضحة بعض الاحيان
قد تتشابهة التصرفات ولكن السبب يكون غير السبب اللي في بالج
طولي بالج عليه ولا تهملين الامر ولكن بالحكمة اتاكدي من كل شي قبل ما ترمسينه او ترمسين اي حد عشان ما تندمين على شي

واما مثل ما اقترحت الاخت التواصل مع اصحاب السحر والكهن فهذا امر غير مجدي بل هو دمار في دمار
المفرج رب العالمين

[ورقة ناعمة]

انتي الحين حامل وراقبي حملج وفكري بصحتج والريال لو جذب او يلف ويدور مصيره ينكشف ليش تتعبين عمرج

وتراكضين وراه عشان تحاولين تمسكين شي عليه طنشي الدنيا وعادي بعد الولادة شوفي شو خططج الجديدة للمراقبة

الحين ركزي بصحتج ,,,, وتعرفين ان اغلبية الشباب يحبون السهر والله لين الصبح انا شايفة بعيني وانا رادة من درب راك اشوف شباب اشكثر حتى عوايل

تامين لين الساعة 3 وشي بعد الصبح

[شروقه]

هوه شي غريب بالنسبه لنا لكن انتي عايشه وياه وفجأه يسوي هالتصرفات
بدون سبب ما صار بينكم نقاش او سالفه خلته يبات برع البيت !!
لمبيت في الصاله عادي كم مرت علينا هالسوالف ههه
لكن يبات برع معناتها فيه شي قوي مضايجنه
وانتي حبوبه لا تترين نشديه شوفي شو سالفته
ترانا نحنا الحريم نرش علي ريايلنا بهارات حاره ماسالا وفلفل احمر ههه وعقب نقول شو فيهم متغيرين
والله يريح قلبج ولا تشلين هموم انتي حامل فكري في الجنين قبل أي شي

والله يهدي الرياييل كلهم

[Cobon]

في ها الامور الحرمة لازم تكون ذكية
احتمال كبير يكون ريلج متكدر يمكن عليه دين او التزامات او شي
او يمكن يكون بدون سبب
نفسنا نحن الحريم دومنا نفسيات ههههههههههههههههه
اكبر غلط تواجهينه الحين ؟
تحملي


اللي شاكة في ريلها شك اليقين و فيه تحركات غريبة مب شك عادي
تفتش وراه بدون لا يحس
بالعكس مب عيب ،،
ع الاقل تكتشف الحين بعيد الشر ولا عقب سنين و يخترب بيتها


و خلج متفاءلة بكلا الحالتين و دبلوماسية و ذكية
و الله يسعدج ولا تعورين قلبج ع شي لان الدنيا ما تسوى

[Amaaaal]

حبيباتي مشكورات ع النصايح والله يجزيكم الجنة ان شاء الله

انا ما كلمته صح كنت افكر بس ما كلمته في الموضوع يكلمني ع الوتساب مارد عليه لاني صدق متضايجة من حركاته
بس يوم يكلمني جدام اهله ارد عليه عشان محد يحس المهم اشوف ولدي عمره ثلاث سنوات ياييني الغرفة يقول بابا يقول ليش ما تكلمينه وتيلسين وياه وليش ماتحبينه ضحكت على ولدي ههههه وسرت كلمته وقال لي انهم شباب في الدوام يقعدون فليل يلعبون ورقة ف مزرعه واحد ومرتبين الوقت من بينهم يعني نصهم يداومون عشان هذيلاك يرقدوون والعكس قلت له انزين ليش ماتخبرني عادي قول لي لا تجذب علي قال ما اقدر اخاف تقولين لامي والا ابوي ويزعلون بيقولون ما ييلس ويانا لان هم عندي في الشقة وصدق هم زعلوا لاحظوا انه ما يقعد معاهم ابد المهم اني صدقته الحين ما يندرى بعد هالرياييل في هالزمن مانروم نصدقهم الله يسخره لي ويسخر كل زوج لزوجته وكل زوجه لزوجها يا رب