شو تجربتكم للمستشفى

[الميزعه]

السلام عليكم
شخباركن خواتي

بغيتكم تشورن عليه شو أسوي

انا حامل ف نهاية الشهر الثالث وللشهر الخامس لازم يكون عندي ملف فالمستشفى عشان اربي فيه

ف بنتي ماكان عندي مشكله الحمدلله وربيت ف دبي علما أني ساكنه فالشارجه والحين متوهقه ماعرف شو أسوي ف بنتي يوم عندي مواعيد حمياتي كلهن يداومن وعمتي حرمه عوده وأميه ساكنه بعيد عني وماعندي خدامه عشان تمسك بنتي يوم أطلعها معاي للمواعيد

بغيت اسال حد ربى ف مستشفى القاسمي وكيف غرفهم وعنايتهم ونظافتهم

المزيد من آخر المواضيع من نفس القسم:

• أسباب آلام الركبة بعد الولادة وكيفية علاجه
• ماهو الطلق البارد والطلق الحقيقي والفرق...
• اهم أسباب التهاب الجيوب الأنفية أثناء الحمل...
• افضل طرق الاستعداد لفترة النفاس
• اهم فوائد الحليب للمرأة الحامل
• افضل عشرة طرق طبيبعه لتسريع الولاده خاص...
• اهم نصائح للحامل البكر في الشهور الأولى
• اهم أسباب الجوع المستمر عند الحامل وطرق...
• افضل مسكنات طبيعية تخلصك من الألم أثناء الحمل
• طرق للتخفيف من آلام الظهر بعد الحمل حصري

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[عنودان]

خلي مواعيدج العصر وخلي حد يمسك بنتج

- - - Updated - - -

ما جربت القاسمي
بس احس من تجربة بنات عيلتنا دبي افضل

[احتاجك..]

شوفي مستشفى الجامعه ممتاااااز عن تجربة

[bnooota]

القاسمي حسبي الله و نعم الوكيل فيهم
تجربتي وايد زفتة معاهم

[munamoor]

لو انج من أبوظبي جان من عيوني أفزع لج ،،، يا غير انج بعيدة عني ...
إن شاء الله حريم هالمنتدى الطيب يساعدنج ،،، و مبروك و عساه / عساها من الذرية الصالحة

[الميزعه]

مشكورين ع ردودكم خواتي 

والله اني محتاره ماعرف شو اسوي، و الله يسامح السبب ف تأخير تأمين  شرطة الشارجه والله وايد نعاني ‏

[عنودان]

اختي جوازج من وين؟؟
اذا من الشارجة يكون عندج خصم في مستشفى الجامعة٥٠٪

[عنودان]

اختي عندج بعض المستشفيات الخاصة تسوي باجيكت خاص للي ما عندهم تامين

ربيعتي العام ربت كانت مسوية باجيكت للمراجعات ودخلة الدكتورة والسونار والتحاليل من اول الحمل لين اخره ع ٤٠٠٠ درهم
( مستشفى الزهراء)
انتي شوفي واسإليهم

[Cobon]

توكلي و ربي في القاسمي مع اني اميل لمستشفيات دبي
و دام ما عندج تامين لا تربي في خاص ابدا
اما عن مستشفى الجامعة ما يسون خصم للولادة حتى لو جوازج من الشارجة
مريت بسوي باكج عندهم و قالوا سعر الباكج ثابت ما عليه خصم للولادة
بس اللهم مراجعات الحمل عليها خصم بس اور ردي المستشفى سعره اعلى من العيادات ؟؟

يعني لو تمرين ع عيادة عادية شرات سني و رياض ارخص من الجامعة لو عندج خصم
و ما شاء الله زحمة و امة محمد و يوم اسير رياض او سني
اتريى بالساعات بسبب الزحمة
و الدكاترة هناك وايد شطار و صارت وياي كذا حالة وانا حامل و يخبروني الجنين كذا و كذا


و بيكون تعب عليج تروحين دبي و بنتج روحها و تتلعوزين حزة الولادة
ربي جريب من بيتج و عيالج في القاسمي دامه حكومي
و شوي قرقشي جيب الممرضات و يحطونج ع راسج و يحجون فيج بعد خخخخخخخخخ

[المعآني]

حبيبتي استخيري
الولادة تساهيل من رب العالمين
ياما ناس بأحسن وأرقى المستشفيات وتعسرت ولادتهم
وناس كانت ولادتهم سهلة وفي مستشفيات تعبانة

ادعي الدعاء يغير القدر ويرد سوء القضاء
و حطي في بالج ان في الحكومي ماشي دلع واهتمام نفس الخاص
انا استخرت في حملي وما ارتحت للقاسمي
و في الاخير ربيت في الزهرا والحمدلله ربي سهل لي
وتيسرت
و من ييج الطلق ادعي ربج يسهل كل الامور
الدعاء بيكون مستجاب وثقي بربج

[المعآني]

بالنسبة للي بيقول قرقشي جيبج للممرضات
حبيبتي هاي تدخل في الرشوة وترومين تسألين شيخ
لاتدخلين فيما حرم الله لعن الله الراشي والمرتشي
وتبتغين بعد ذلك التوفيق ؟

[بريد الذكريات]

مقصبه القاسمي من استوينا ونحن نعرف انهم يعذبون فقط وﻻ غير وكله يذمونه
دوري لج غيره عن تتبهدلين فيه

[عود منثور]

انا بعد مثلج ما عندنا تأمين وفي بنتي الاولي كنت أراجع وولدت في الزهراء ،، تعرفين الحل انج تراجعين في القاسمي لانه تقريبا المراجعات فالخاص والحكومة نفس الشيء أصلا الزهراء من كثر الزحمه احس ما كنت أخذ حقي فالاسئله ويا الدكتورة،، ويوم بيج الم الولادة روحي مستشفي دبي او خليفه في ام قيوين نحن فالامارات مب دوله ثانيه عشان يرفضون يستقبلونج فأمريكا شفت فيلم وثائقي انه مستشفي معين فر المرضي فالشارع يوم تأمينهم خلص ! انا اشوف انه خليفه في ام القيوين احسن أقرب وماشي زحمه لو حملت مرة ثانيه اكيد بربي فيه