بنات مب قد الزواج

[future dreams]

انتشر هل الشي بكثره
الطلاق والانفصال
بس الي انا مستغربه منه
بنات مب قد العرس
تتزوج وثاني اسبوع بيت اهلها بدون سبب
وكم قصص سمعتها مشابهه ومن ناس اعرفهم
انصدمت ليش البنت يوم هي مب خاطرها تتزوج تخلي الريال يصرف
وتكاليف وغيره واخر شي ماتكمل شهر وتطلب طلاق بدون سبب !
وغالبا هذيل مب اختيار الزوج ودايما تكون مجبورة ..
ما احب ادافع لكن صدق في ريايل ينظلمون ونحن لازم نعترف بشي
في بنات مب قد الزواج
وبنات يتمنون هل الزواج ومب محصلينه
سبحان الله واحد منهم كنت اتمناه لي ودعيت ربي انه يعيش بسعادة حتى لو ما افتكر فيني سبحان الله هو واحد من الي استوى له هل الموقف في حياته تصدقون كان اختيار امه زوجته وحده من قبيلتهم وانا اصلا مب موجوده بس اعرفه من بعيد هو ما يعرفني .. اليوم سمعت خبر طلاق زوجته منه حسيت بفرحه مب لانه انفصل بس خيره له وهو يستاهل كل خير
من خبر خطبته لين زواج وانفصاله انا نسيته بس اليوم ذكرته وفي قلبي تمنيت له الخير والسعادة وهي الخسرانه .. الي بتقول يمكن هو غلط
اصلا الحرمه ما كملت اسبوع عنده وبعد شهور انفصلت ..
وغيرها قصص مشابهه
فالي تحس نفسها مب قد العرس مب عيب تقول لا من البدايه اذا بنات الناس مب لعبه ترى حتى عيال الناس مب لعبه تاخذين شبكه ومهر وذهب وحفله دافعين دم قلبهم ع المصاريف ..

المزيد من آخر المواضيع من نفس القسم:

• اهم النصائح التى تساعد المطلقة على إعادة...
• نصائح هامه للفتيات المتاخرات عن الزواج
• نصائح للمرأة المطلقة لتبدأ حياتها من جديد
• رسالة هامة إلى حاملة لقب مطلقة
• اهم نصائح لحل مشكلة المتأخرات عن الزواج
• نصائح هامة لكل مطلقة كوني منطلقة لا مقيدة
• الزواج الثاني للمطلقة وطرق التعامل معه
• اجمل دعاء لتيسير الزواج
• نصائح ذهبية لكل متأخرة فى الزواج
• هل يمكن البدء من جديد بعد الطلاق

[غلايوووه]

حبيبتي
شدراج ان الغلط مب من الريال؟.

انا صار ل ٣ من معارفي انفصلو خلال شهر او اقل من العرس

بس لكل وحده وسببها المقنع لحد كبير للطلاق

في اشيا البنات مايتحملنها
والريال عادي يطوف عشان المخاسير مب عشان سواد عين عروسته

وماظن في وحده تفكر بالزواج عشان تتطلق بدون سبب ولا يكون سببها سخيف

و في حالات طلاق من الريل بعد ماقول لا بس مب نقول بنات مب قد زواج ولا جان ماتزوجن

[لحنْ #]

انا اتفق معاج ب شي وهو فعلا " ف بنات مب قد الزواج "

[ميثه زايد]

عيل تصدقين أنا كل اللي اعرفهم تطلقوا عقب الزواج مباشرة زواجاتهم كانت عن تعارف مب عن طريق الاهل

بعدين حتى بعض الررياييل مب مال عرس ولا يتحملون المسؤوليه وكل شيء قسمة ونصيب

[قلبي الوله]

مب السالفة البنات مب قد العرس.
ماشي توعية لا للشباب ولا للبنات رغم تطورنا
المفروض يسون حل للحد من حالات الطلاق
الله يرحم ايام اول فعلا كانو يتحملو من ريايلهم كل شي حتى الريايل كانو فعلا ريايل ما عليهم قصور.

[ريم العسووله]

اختي العزيزة

بنات و شباب هالوقت مب قد المسؤولية لهالسبب يصير الطلاق
مب بس البنات هم سبب الطلاق الحاصل هالوقت


كلاهما مسؤولين و محاسبين ... البنت و الشاب ...


و في النهاية الطلاق مب امر سهل بالنسبة للطرفين .... سواء الرجل او المراة ...

و ياما صارت طلاقات بسبب امور تافهه و سخيفة بين الطرفين و هالكلام باعتراف المطلقين انفسهم ...


الله يرجع كل مطلقة لبيت زوجها و يبعد عنهم الخلافات التافهه و الي ماله معنی ...

[امونه و محمد]

اختي العزيزة

بنات و شباب هالوقت مب قد المسؤولية لهالسبب يصير الطلاق
مب بس البنات هم سبب الطلاق الحاصل هالوقت


كلاهما مسؤولين و محاسبين ... البنت و الشاب ...


و في النهاية الطلاق مب امر سهل بالنسبة للطرفين .... سواء الرجل او المراة ...

و ياما صارت طلاقات بسبب امور تافهه و سخيفة بين الطرفين و هالكلام باعتراف المطلقين انفسهم ...


الله يرجع كل مطلقة لبيت زوجها و يبعد عنهم الخلافات التافهه و الي ماله معنی ...

[أم زمرده]

يا رب متعنا بحفظ القرآن، متعنا بفهم القرآن، متعنا بأخلاق القرآن .. آمين

[Miss PiXy]

انا اشوف العكس الشباب الي مب قد الزواج

صح في بين وبين لكن الاهم الريال يكون قد المسؤوليه

[مس جوتشي]

انا أشوف البنات الي مب قد الزواج دلوعات مايتحملن اي مسوليه بس يفكرون ان الزواج لعبه
عن تجربه

[التورمالين]

صح إللي مب قد الزواج لا تتزوج

[munamoor]

بقول لج شي ،،، مب دائماََ البنت مب قد الزواج أوقاتا الشاب مب قد الزواج
حتى بعد الزواج يتم عايش في فترة المراهقة من مغازل و غيره ،،،
نعم ما اقول لج البنت كاملة و الكمال لله ،،،
بس بعد في شباب ابد لا يعتمد عليه و ولد أمه ،،،
البنت لما تتزوج تتمنى تعيش حياة مستقلة و يديدة تماما ََ ،،،،

و عندج بنات ما شاء الله قدها و قدود شالة البيت كله على رأسها من ريل و اهل
ريل ،،، و تخدم الكل بدون كلل او ملل

[انا و الشوق]

انا اتفق و بشدة.. في بنات مب قد الزواج
أعرف وحدة اتزوجت عسب تاخذ حريتها في بيت ريلها ..
ما خلت مول ما دخلته .. ماعندها وقت لبيتها و عيالها
و في النهاية الأطفال يزقرون الشغالة ... ماما

[Dont_Care]

لا ما فيه وحده ترضى انها تطلق مب لهدرجة اكيد فيه سبب مقنع! الزواج مب لعبه يعني كذا يوم وعقب يطلبون الطلاق
الحين الشباب يتزوجون علشان يكلمون نص دينهم بس بعد على حركاتهم يعني الزواج الحين صاير بس جذيه تكملت دين
وعلشان ما يروح ف الحرام ما يفكر انه الزواج اكثر واكبر عن جذيه

الله يهدي الكل او ايسر الامور

[mrs.abk]

الزواج نصيب .. الانفصال قرار

لا تتدخلون في قرارات الناس أو نصيبهم اللي يكتبه رب العالمين ..

اللي لها نصيب في شيء بتاخذه .. وأختي راعية الموضوع احمدي الله ان موب انتي اللي مريتي بموقف الطلاق وادعي الله له ولغيرج بالستر والصلاح