تغيري نحو الأفضل

[Satay]

السلام عليكم و رحمة الله و بركاته

موضوعي فرفوشي و بسيط و مفيد .. موضوعي عن الإهمال بحق أنفسنا من كل النواحي .. ساعات يكون ف بالنا وايد أشياء نغيرها ف نفسنا بس مع الظروف و الوقت نهملها و نأجلها إلا ما لا نهاية .. و التغيير ممكن يكون خارجي و ممكن يكون داخلي .. ف شوه رايكم نكتب شوه الأشياء اللي نبا انسويها بس إلا الآن و مع الأسف ما بدينا فيها او ما استمرينا فيها ؟! انا عن نفسي موضوع الخلطات للشعر و البشرة استمر لفترة قصيرة عقب اتعايز أكمل و طبعا ما حصلت نتايج لانه يبالها وقت لين تبان النتيجة ؟! و ثاني شي اللي هو الدايت مش مستمره فيه للأسف يوم اسوي و يومين لا .. الله المستعان .. ف هالموضوع بنستفيد كلنا و نشجع بعض و نستفيد من خبرات بعض و اهم شي انج كل ما بتدخلين الموضوع بتذكرين المهام اللي تبين اتسوينها بتكون تحت نظر عينج و بتستمرين فيها و بتحصلين تشجيع و مساعده مني و من الخوات ..
ملاحظة : اللي تبا تغير من نفسها بواايد أشياء لازم تبدأ ب ستيب بأي ستيب و من تبدين المهمة الأولى و تخلصينها ابدي ب الثانية لان يقولج سبحان الله المخ ما راح يستوعب كميه المهام اللي عليه و بتمين تفكرين و أخرتها ما بتنجزين منهم أي شي .. فلا تستعيلون و ابدؤوا خطوة بخطوة ..

و يلا نبي تفاعل كبير و لا تراني بزعل منكم .. ترا أسولف

المزيد من آخر المواضيع من نفس القسم:

• حساااب لبيع الانتيك الاشيا الاثريه القديمه
• ساعدوني .. محتاجة لدكتور قلب اطفال في دبي
• السلام عليكم
• المانيكير الاسلامي
• ترتيب ادوات المنزل
• أبا هالبرقر
• عجبني هالفستان من موقع فلوري داي
• عجبني هالفستان من موقع فلوري داي
• علاج ادمان المخدرات
• ديجي فاضل في أبوظبي

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[جنان الفجيره]

انا الصراحه خاطري اغير من نفسي وايد اشياء

[بيذامة]

كلنا نبغي نغيّر أمور وايد لكن أحس الوقت قصير أو يمكن ما نحط خطط واقعية للتنفيذ..
أنا ودي أكون ست بيت من الدرجة الأولى وأحس عندي أشيا وايد لازم أتقنها ,,لكن بعدني أتعلّم

[ام_البدر]

موضوعح جمييييل جداا ....والله ودي اغير وايد اشياء بس مادري ليش كله ااجل لين انسى وكله اشغل وقتي باشيا تطير الوقت بدون فايدع اكثر شي...خاطري اغير من شكلي وسلوكي واسلوبي للافضل طبعاا وبنفس الوقت اعلم عيالي عالايتيكيت واللياقه والنظافه بس كيييييف علما اني دايما فلبيت بروحي

[بسمة أمـل]

أنا عن نفسي بديت اهتم بنفسي شوي يعني اهتم أكثر ببشرتي الي اعاني من مشاكلها وان شاء الله بحاول أحرص عليها أكثر

[ماحد شراتي]

الواحد من يقرر انه خلاص لازم يتغير لازم يلتزم بقراره
صح يكسل بس اللي عنده اراده بيستمر

يعطيج العافيه

[غرووب 22]

سيِّدُ الاسْتِغْفار أَنْ يقُول الْعبْدُ : اللَّهُمَّ أَنْتَ رَبِّي ، لا إِلَه إِلاَّ أَنْتَ خَلَقْتَني وأَنَا عَبْدُكَ ، وأَنَا على عهْدِكَ ووعْدِكَ ما اسْتَطَعْتُ ، أَعُوذُ بِكَ مِنْ شَرِّ ما صنَعْتُ ، أَبوءُ لَكَ بِنِعْمتِكَ علَيَ ، وأَبُوءُ بذَنْبي فَاغْفِرْ لي ، فَإِنَّهُ لا يغْفِرُ الذُّنُوبِ إِلاَّ أَنْتَ .

[سحر الغموض]

انزين ليش ما نكتب عن خططنا بعد فالتغيير .. اوكي الكلام سهل ،بغير جي وجي بس وين الخطة ؟وين الفعل ؟

ابا اعيش حياه صحيه ،،فأول ستيب سويتها اليوم وان شاء الله استمر عليها هي 10 دقايق الصبح عالاوربتراك +دخلت الفواكه فالريوق

☆☆☆

ثاني شي ابا اغيره _عدم تنظيم الوقت ،،والحين بمسك ورقه وقلم بحط خطه واضحه للاجازة

♡♡♡♡

[مجروحة وأكابر]

يجنن موضوعج لي عوده اكتب على رواق

[Satay]

انا الصراحه خاطري اغير من نفسي وايد اشياء

انزين يا زهور شاركينا و اكتبي شوه الأشياء اللي تبين تغييرينها في نفسج ؟!

[Satay]

كلنا نبغي نغيّر أمور وايد لكن أحس الوقت قصير أو يمكن ما نحط خطط واقعية للتنفيذ..
أنا ودي أكون ست بيت من الدرجة الأولى وأحس عندي أشيا وايد لازم أتقنها ,,لكن بعدني أتعلّم

ترا لازم كل شخص يكون له دفتر خاص و يكتب فيه خططه المستقبلية و طموحه و شوه يبدأ يغير في نفسه صح كلامج الوقت قصير بس لازم نرتب وقتنا على حسب الأولوية .. و ان شاء الله تكونين أحسن ست بيت و تتعلمين اللي ف خاطرج

[Satay]

موضوعح جمييييل جداا ....والله ودي اغير وايد اشياء بس مادري ليش كله ااجل لين انسى وكله اشغل وقتي باشيا تطير الوقت بدون فايدع اكثر شي...خاطري اغير من شكلي وسلوكي واسلوبي للافضل طبعاا وبنفس الوقت اعلم عيالي عالايتيكيت واللياقه والنظافه بس كيييييف علما اني دايما فلبيت بروحي

ابدي خطوة خطوة عشان ما تملين .. ابدي بالشكل عندج النت و مليون أكانت ف الآنستا تخص المرأه و الجمال .. و اذا عن السلوك و الأسلوب اقري كتب و تعلمي و دشي مواقع و منتديات و اقري و اتثقفي .. انا صراحه ما عندي عيال بس بعد بقولج أشغلي وقتهم بالشي النافع و قسمي لهم وقتهم بحيث وقت النوم و وقت اللعب و وقت التعليم و بعد خذيلهم كتب الاطفال و قصص و تلوين و هالسوالف و الالعاب التعليمية من التعليم المبكر و ان شاء الله أكون أفدتج و حاولي تبعدينهم عن الايباد و التلفزيون بس ساعه ف اليوم تكفي

[Satay]

أنا عن نفسي بديت اهتم بنفسي شوي يعني اهتم أكثر ببشرتي الي اعاني من مشاكلها وان شاء الله بحاول أحرص عليها أكثر

عفيه ع الشاطره .. حلو مدام انج بديتي شدي حيلج و استمري

[Satay]

الواحد من يقرر انه خلاص لازم يتغير لازم يلتزم بقراره
صح يكسل بس اللي عنده اراده بيستمر

يعطيج العافيه

صح كلامج و مع المسؤوليات الوحده ما تفضى او تنسا بس لازم تذكر نفسها دوم و تعطي نفسها حقها
الله يعافيج يالغاليه

[Satay]

انزين ليش ما نكتب عن خططنا بعد فالتغيير .. اوكي الكلام سهل ،بغير جي وجي بس وين الخطة ؟وين الفعل ؟

ابا اعيش حياه صحيه ،،فأول ستيب سويتها اليوم وان شاء الله استمر عليها هي 10 دقايق الصبح عالاوربتراك +دخلت الفواكه فالريوق

☆☆☆

ثاني شي ابا اغيره _عدم تنظيم الوقت ،،والحين بمسك ورقه وقلم بحط خطه واضحه للاجازة

♡♡♡♡

سحر الغموض ترا هذا اللي انا اقصده تكتبين الخطط اللي تبين تمشين عليها مع الطرق جذه بيكون أسهل علينا .. حلو الستيب اللي بديتي فيها اليوم و استمري على النظام الصحي و اذا عن تنظيم الوقت انا بعد أعاني من هالشي و نظام نومي مخربط من جذه أيامي معفوسه .. الله كريم

- - - Updated - - -

يجنن موضوعج لي عوده اكتب على رواق

يلا نترياج يا مجروحه ..