أماكن يديدة في الامارات ... تعالوا

[Cobon]

السلام عليكم

انا متمللة من عمري
مولات سينما مطاعم بانواعها خلصنا جميرا و المارينا و الستي ووك
اظني وصلت القطب الشمالي

خاصة عاد الاغلبية من العوايل و الحريم يسيرون دبي


نبغي شي يديد يونس لل couples
عاد لا تعطونا سوالف لليهال
نبغي حقنا نحن الحريم او حتى المتزوجين


عندكم اقتراحات لاماكن يديدة و حلوة
مثلا مطاعم يديدة فكرتها غريبة
حدايق غير شكل <<< حدايق الزهور
مولات او محلات او شي
فعاليات حلوة

اانا متاكدة كلكم جي تقعدون في السيارة و تفكرون وين بتسيرون؟؟
لو انقز من فوق الجبل بحبل ما عندي مشكلة هههههههههههههههه

المزيد من آخر المواضيع من نفس القسم:

• شتاء دبي غير مع كنوزها التاريخية والتراثية...
• دبي تستعد لليلة رأس السنة بعروضٍ مبهرة
• اجمل الأماكن السياحية في جميرا دبي
• حوض الحجرات المفقودة في دبي
• اهم المعالم السياحية الجذابة في دبي
• جولة في فندق والدورف أستوريا دبي بالم جميرا
• منتجع وسبا دبل تري من هيلتون جزيرة المرجان
• جزيرة ياس افضل الوجهات الترفيهية للعائلات
• اجمل اماكن السياحة الشتوية في الامارات
• اقوى عروض فنادق ريكسوس لعيد الأضحى

[ام مثون]

انا بخبرج عن مكان شفته هالأسبوع كنت رايحه صالون ومريت عليه شفته في ففندق الهلتون مسبح حلو للحريم بس وسونا ومساج روووعه المكان وحمام مغربي نفس المسلسلات والافلام كبيير تقدرين اتمين فيه طول اليوم وبسعر حلو وممنوع الأطفال لانه الهم مسبح خاص عيبني

[çϋтê мéмë]

انا بخبرج عن مكان شفته هالأسبوع كنت رايحه صالون ومريت عليه شفته في ففندق الهلتون مسبح حلو للحريم بس وسونا ومساج روووعه المكان وحمام مغربي نفس المسلسلات والافلام كبيير تقدرين اتمين فيه طول اليوم وبسعر حلو وممنوع الأطفال لانه الهم مسبح خاص عيبني

الهيلتون اللي فشارع المطار ؟؟

[كتكوتة حبيبي]

انا مثلج مليت من نفس الاماكن الي اسير لها

[Satay]

والله يا كوبون أتصدقين من كم يوم كان ف بالي هالموضوع couples activities .. صدق ملينا من المولات و السينما .. نبأ نروح أماكن يديده و نجرب أشياء يديده ..

[وكفى بالله]

جبتوا ع الجرح انا بالعكس بعدني ماشبعت من دبي ياحلاتها بس نفسي اطلع وانا زوجي سينما ولا مطعم ولا اي مكان لحالنا بس العيال وين احطهم علما انا صار لي ف دبي ٦ اشهر فيها وخلاص باذن الله راح نستقر فيها

[Cobon]

للرفع
وين المشاركات يا جماعة الخير

كلهم ستايل مطاعم و سينما

يالله شاركوا

[munamoor]

حديقة الزهــور مع الزوج حــلاته


أحــب اســير بوتيــك مع ريلي ( مول صغيــر ) نتريق أو نتعشــا مع بعض مكانه ( جــزيرة الريـــم )
الصراحة ما اجـذب عليكن أول مـرة كنت خايـــفة و حسيت بـإحســاس غـريب
بــــس بعديـن تعــودت خلاص ... كل يوم في كافيـــه ،،،

أحــب في أبـــوظـــبي أســـير الشـــاطــى المغـــلق مع زوجـــي و بنتــــي لازم

و وايد أمــاكــن في أبــوظـــبي

[Cobon]

حديقة الزهــور مع الزوج حــلاته


أحــب اســير بوتيــك مع ريلي ( مول صغيــر ) نتريق أو نتعشــا مع بعض مكانه ( جــزيرة الريـــم )
الصراحة ما اجـذب عليكن أول مـرة كنت خايـــفة و حسيت بـإحســاس غـريب
بــــس بعديـن تعــودت خلاص ... كل يوم في كافيـــه ،،،

أحــب في أبـــوظـــبي أســـير الشـــاطــى المغـــلق مع زوجـــي و بنتــــي لازم

و وايد أمــاكــن في أبــوظـــبي

صدقج حديقة الزهور من ضمن لستتي وايد حلوة و افكر اروح لها

تسلمين

[بسمة فجر]

مب لازم كل ويكند طلعة
ممكن تكون السهرة في البيت بأجواء حلوة او في حديقة البيت
ممكن تروحون فنادق تُتمشون في الفندق و بعدين تُتعشون في اي مطعم في الفندق و اللي يحبون الاكل يجربون البوفيه
ممكن تشترون عشاء و تروحون على البحر و تفرشون و تتعشون على ضوء القمر و صوت البحر
او تحجزون يخت و تأخذون جولة مع عشاء
و اذا كان الجو ما يساعد و الميزانية بعد ما تساعد الخيار يكون المول و كل مرة مكان غير

[شروقه]

هالاسبوع مسرحية طارق العلي خاطري اسير
من باب التغيير

[Cobon]

- - - Updated - - -

هالاسبوع مسرحية طارق العلي خاطري اسير
من باب التغيير

يقولون المسرحية حلوة
بس الله ما كتب لي اروح لها كان عندي عرس

فعلا التغيير حلو و ان شاء الله المرة الياية بروح عاد بيكون حزة العيد

[dena22]

فى مراكز تحفيظ القران ودروس التفسير ومراكز تعليم الخياطه وغيره مثل مركز الهدي والخليه ومراكز الاميره هيا وصالات الرياضه زياره دار العجزه في اولاد لقطاء فى المستشفيات محد يسال عنهم زوروهم

[تناهيد جرح]

جزيره نوراي في بوظبي عجيبه
عالم فيراري يصلح بس اذا حامل مايصلح هههه
عندج رييل سينما في دبي مول بصراحه حلوه المكان مريح تقدرين تسدحين الكرسي معاه مخاد كانه فندق وغير الخدمه واي شي تبينه تضربين زر فالكرسي واييونج يعني مطعم خاص بالسينما فيه كل شي ووممنوع اليهال بس من 18 وفوق مسموح لهم

[Cobon]

جزيره نوراي في بوظبي عجيبه
عالم فيراري يصلح بس اذا حامل مايصلح هههه
عندج رييل سينما في دبي مول بصراحه حلوه المكان مريح تقدرين تسدحين الكرسي معاه مخاد كانه فندق وغير الخدمه واي شي تبينه تضربين زر فالكرسي واييونج يعني مطعم خاص بالسينما فيه كل شي ووممنوع اليهال بس من 18 وفوق مسموح لهم

انا حاليا حامل
جربت السينما هاي مليون مرة

ابغي شي يديد هههههههههههههههههههههههههه