يومياتي و تجاربي مع جهاز ديرمابن .. بديل للديرمارولر

**Cobon** · 2015-03-19, 09:54

السلام عليكم

قررت انزل موضوع عسب اوثق الاحداث هههههههههههه

امسات خذت لي باكج 6 جلسات لتقنية الديرمابن
هدفي : اخفف من المسام في البشرة و اوحد لونها

يفصل اسبوع بين كل جلسة و الثانية
السستر قررت تضيف لي التقشير الماسي 3 جلسات فقط مع الديرمابن

يعني اسبوع الماسي و ديرمابن
و اسبوع ديرمابن فقط و هكزاااا

سعره 250 للجلسة الوحدة

حبيت انبه اني حامل يعني الحمد الله ما تضرها التقنية ابدا
(خاصة ان التقشير يضر الجنين
و ليزر البشرة لتوحيد اللون ممكن يضر مع ان ما في اي دراسة تدعم الموضوع المهم انا حابة ابتعد عن التقشير )

يفيد للي :
- يعالج للي عندهم عيوب بسيطة في البشرة ( مسامات كلف بقع )
- للحوامل لانها امنة و غير ضارة ابدا
- كفيشل للبشرة
- يجدد الدورة الدموية و الكولاجين في البشرة
- بديل للديرمارولر نظراً لان الديرمارولر يجرح الويه بشكل اكبر
و ممكن يترك ندوب او بقع بسيطة اما الديرمابن اقل تأثيراً

نبدأ بتفاصيل الجلسات في ها الموضوع

الجلسة الأولى
- بدت لي النيرس تنظف ويهي بغسول
- اقترحت علي اجرب تنقية التقشير الماسي
ميزته ان ينظف الويه و يهيئه للخطوة الثانية
و ميزته الثانية انه ما يحوي ع اي مقشر او كرستالات يعني ما يضر الحوامل
- خلصت الجلسة و حطت لي كريم املا لمدة ربع ساعه
- بديت بجهاز الديرمابن مع سيروم للنضارة
-بعد ما خلصنا من الديرمابن رجعت حطت لي من سيروم النضارة ع كامل الوجه
- بعدين حطت لي اكسجين ( هواء بارد )
- بعدها مرطب و سن بلوك

بعد الجلسة :
الويه بدى يحمر تدريجيا
شغلت لكم مكيف الموتر ع full cold air
و بدى ويهي يستجيب لهواء الموتر البادر و يخف الاحمرار
لان كنت بروح الدوام

ومو ناقصة فزززايح

بعد يوم من الجلسة :
ويهي ناعممممم فقط و البلاوي شرات ما هي

و إلى هنا
خلصت الجلسة الاولى
و ببدأ في الجلسة الثانية في الاسبوع القادم

اللي مجربة التقنية تقول لنا تجربتها
ع فكرة الجهاز ينباع بأمازون بس تراني متعايزة اسوي لنفسي هههههههههه

المزيد من آخر المواضيع من نفس القسم:

**mrs.abk** · 2015-03-19, 09:57

هلا الغالية

ربي يوصلج للنتيجة اللي تبينها

ممكن أعرف معلومات اضافية عن هالجهاز .. ووين سويتيه ..

وكم التكلفة الاجمالية

ومتابعينج

**كشيخه بوظبي** · 2015-03-19, 12:51

ماشاء الله عليج ان شاء الله تحصلين نتيجه

ممكن اعرف في اي عيادة سويتيه

متابعه .....^^

**mischocolat** · 2015-03-19, 19:36

هلا والله بالشجيعه
انا اتريا اكمل 6 شهور عقب الروكوتان عسب ابدا في اي علاجات مركزه لبشرتي
بتابع وصفج للجلسات وان شاءالله توصلين للنتيجه المطلوبه

يللا البنات اللي جربن علاجات للبشره حطولنا تجاربكم

**كتكوتة حبيبي** · 2015-03-19, 21:51

بشرتي مدمره يبالها علاج افكر اسير عند اليسار خوري او بو شريعه

**الساحرة** · 2015-03-20, 03:45

مجربتنه ،
الويه عقب الجلسه رح يبدا يتقشر ، فتعاملين بشرتج معاملة التقشيير بالضبط

يعني مرطبات و سن بلوك ، و تبتعدين عن الصابون القوي لأنه رح يحرق لج ويهج

طبعا هذا اذا كانوا مسوينه لج على رقم ثنين ، لأنهم يقدرون يتحكمون بحجم الابره

لكن اتوقع انهم مسويلج رقم واحد او نص

**munamoor** · 2015-03-20, 05:34

متابعين عن قرب

**منى السويدي** · 2015-03-21, 12:24

متاااابعه وبقوووه

**Cobon** · 2015-03-22, 13:41

ان شاء الله بنات برد على الاستفسارات
نزلت موضوع منفصل عن تفاصيل الديرمابن سابقا و برد ارفعه لكم

شرات ما قلت لكم جلسة كل اسبوع

الجلسة الاولى : كانت يوم الاربعاء 18/3 ( تقشير الماسي + ديرمابن )
الجلسة الثانية : يوم الثلاثاء الياي 24/3 ( فقط ديرمابن)
الجلسة الثالثة: بحددها لاحقا تقريبا 31/3 ( بتكون تقشير الماسي + ديرمابن )

و لي عودة بإذن الله

**m3andah** · 2015-03-25, 21:28

تقدرين تستخدمين جل الصبار بعد الجلسات لانه يخفف التهيج .. وبتحصلين وايد من كل الشركات الكورية ...

**Cobon** · 2015-04-01, 08:28

خلصت حاليا 3 جلسات
كل اسبوع اسوي جلسة
و النتيجة اقدر اقول ان 20 % من المسامات خفت .. البقع شرات ما هي

لكن حبيت اذكر اني استخدم غسول للبشرة الدهنية الصبح و قابض للمسام و بحط لكم التفاصيل لاحقا
و عندي جلسة الاسبوع القادم بتكون رابع جلسة

ان شاء الله القى نتايج حلوة بعد ما اخلص باكج ال 6 جلسات

**mischocolat** · 2015-04-04, 22:47

ان شاءالله

**"زوزو1"** · 2015-04-06, 08:18

موفقات اخواتي بس متابعه

**ورقة ناعمة** · 2015-04-06, 08:54

ماشاء الله عليج ان شاء الله تحصلين نتيجه

**انا و الشوق** · 2015-04-06, 09:11

ما جربته بس ان شاء الله تحصلين نتيجة و لا اروع

الموضوع: يومياتي و تجاربي مع جهاز ديرمابن .. بديل للديرمارولر

أدوات الموضوع

عرض