شو تأكلون عيالكم؟

[N.A.L]

السسلام عليكم ورحمة الله وبركاته

شحالكم امهات ؟

ولدي عمره 6 شهور الله يحفظه وبديت اعطيه سيريلاك بالقمح / الارز

سويت له جزر وبطاط بس مول ماعيبه يتهاوع يوم اعطيه ههههه

اما التفاح الحمدلله مشى الحال

شو من الاكلات اللي تعطون عيالكم ف هالعمر وتقبلوها من الخضار بالذات
؟

المزيد من آخر المواضيع من نفس القسم:

• اجمل اسماء مواليد جديدة بحرف الراء ومعانيها
• افضل الطرق البسيطة التي تساعد على تنويم...
• متى يسمع الطفل وطرق التعامل معه خلال هذه...
• اهم فوائد الحفاضات القماش وانواعها
• هل يمكن ان ينتقل فيروس كورونا خلال الرضاعة...
• افضل طرق علاج نزلات البرد عند الاطفال
• وصفة التوت والشوفان والكوسة للاطفال الرضع...
• وصفة التفاح المهروس والذرة وقرع الجوز...
• وصفة الجزر والذرة واليقطين للاطفال الرضع حصري
• افضل طرق التعامل مع المولود الجديد

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[المعآني]

- - - Updated - - -

[المعآني]

- - - Updated - - -

بدل الحليب في الصور ينفع تحطي ماي عادي

[أم محمد1988]

انا كنت أسوي ل بنتي مجموعه خضار أطبخه لها عالبخار وبعدين أخلطه بالخلاط الكهربائي
بصراحه كنت أحطه لها بالمرضعه الكبيرة وأسوي فتحه بالمصاصه شوي كبيره وأعطيها .. ما شاء الله عليها كانت تأكله كامل .. حاولت أعطيها بالملعقة بس ما نفع وياها ما تاكل .. عشان جي اتبعت وياها طريقة المرضعه

١- جزر + كوسه + بطاط + عيش + مع ربع مكعب ماجي أو حسب الكميه



٢- عدس + مجموعة خضار + عيش

٣- لسان العصفور + شوي ماجي وتخلينه يطبخ واايد حوالي نصف ساعة أو أكثر شوي لين يلين وتعطينها إياه

[احلى بعفويتي]

عن تجربة
روب
شوربا بالشوفان
عيش ويا روب
عرسيه
موز

[.Noura.]

بس لو تبدين وياه حبه حبه مش خلط !
احسن .. والسيريلاك احس بس ينفخ الياهل ف تسوين له في البيت بروحج افضل
^^
جزر
قرع
بطاطا
الشوفان تحطينه وياهم او حليب وشوفان
ماذكر عدل بس انا عندي كتاب احنبي اخذ منه الوصفات ع عمر الياهل بحط منه لج

[N.A.L]

- - - Updated - - -

بدل الحليب في الصور ينفع تحطي ماي عادي

تسسسلمين المعاني
وصفات حلوه وسهله
ان شاء الله بجربها

- - - Updated - - -

بس لو تبدين وياه حبه حبه مش خلط !
احسن .. والسيريلاك احس بس ينفخ الياهل ف تسوين له في البيت بروحج افضل
^^
جزر
قرع
بطاطا
الشوفان تحطينه وياهم او حليب وشوفان
ماذكر عدل بس انا عندي كتاب احنبي اخذ منه الوصفات ع عمر الياهل بحط منه لج

لا ما خلطتهم كل شي بروحه
ان شاء الله
تسسلمين اختي

[N.A.L]

انا كنت أسوي ل بنتي مجموعه خضار أطبخه لها عالبخار وبعدين أخلطه بالخلاط الكهربائي
بصراحه كنت أحطه لها بالمرضعه الكبيرة وأسوي فتحه بالمصاصه شوي كبيره وأعطيها .. ما شاء الله عليها كانت تأكله كامل .. حاولت أعطيها بالملعقة بس ما نفع وياها ما تاكل .. عشان جي اتبعت وياها طريقة المرضعه

١- جزر + كوسه + بطاط + عيش + مع ربع مكعب ماجي أو حسب الكميه



٢- عدس + مجموعة خضار + عيش

٣- لسان العصفور + شوي ماجي وتخلينه يطبخ واايد حوالي نصف ساعة أو أكثر شوي لين يلين وتعطينها إياه

ماشاء الله عليها ربي يحفظها لج
ينفع شي ثاني بدل مكعب ماجي !
مثل نص ملعقه ملح ولا!

- - - Updated - - -

عن تجربة
روب
شوربا بالشوفان
عيش ويا روب
عرسيه
موز

يمممي اشتهيت عرسيه
يعطييج العافييه ع الافاده

[قلبي بزي]

أنا الي أعرفه ممنوع السكر والملح الي أقل من عمر سنة!!!!

[~شوق~]

اهم شي الحليب لهم لين يكملون سنه

يحتاجون فقط حديد هالفتره لانه حليب الام فيه حديد لكن مايكفيهم

يعني لازم تراعين حساسيه الطفل من الاكل لا تستعيلين عليه

عندج روب ممنوع لين سنه بالاضافه العسل بعد ممنوع يسبب تسسمم
والحمضيات تسبب حساسيه الحفاظ
لانه معدتهم ماتتحمل البكتريا لي فيه شرات الروب


يعني معدة الطفل صغيره بعده حبه حبه ندخل الاكل

عندج التفاح والكثرى افكادو

جزر بطاط قرع بروكلي ارز كوسا

هالاشياءحاليا اعطي بنتي منهم انوع
بدايه كل نوع بروحه بعدها اخلط نوع او اكثر

وشوفي طفلج شو يحب
ترى من طفل لطفل يختلف
اضافه لاتجبريه ع الاكل ترى مرات مايطيعون ياكلو ن هاه طبيعي عقب عادي بياكل

لانه هالفتره مجرد تمرين للمعده لين يتعود ع الاكل وطعمهم

ولملح وسكر وبياض البيض بعد ممنوعات هالفتره


وصح القمح لاتستعيلين فيه لانه يمكن سوي حساسيه وربو خليه ع الشهر الثامن احسن سيريلاك الارز احسن سهل الهضم لهم
وإن شاء الله إفدتج بشي

بهناء والعافيه

[Ward-uae]

جربي كل نوع بروحه وشوفيه
سوالف المعلبات اتجنبها
اسوي جزر بالبخار او بطاطس او كوسى واهرسه عدل ومن يكبرون شوي عطيتهم بأيدهم 
حاولي تخفي من الملح والسكر ولا تستخدمي مكعبات ماجي فيه جلومنتين على ما اظن جيه اسمها مب زين لليهال
وغير العيش بالتدريج دخلي له الاكل لكن لا تكثرين الياهل من يشبع ما يشرب حليب

[.Noura.]

حوبي هذا من زمااااان كاتبتنه

بتدي اندخل الاكل على الطفل من الشهر الرابع في حالة كان يشرب حليب صناعي .. اما في حالة الرضاعه الطبيعيه نبتدي من 6 شهور

- من شهر 4 الى الشهر 5

نبدا بالبطاطس عشان مايكون حلو المذاق ويكره حليب الام والاكل ( عشان ما يتعود على الحلو )
ويكون بطريقتين يامسلوق بالماي او على البخار .. ممكن نحط البطاطس بقشرها عشان تكون غنيه بقيمتها الغذائيه وعقب نقشرها ونقدمها لطفل ومانحط الاكل داخل الحلج دايركت .. نحطه على طراف اللسان واذا الطفل تم يتفتف او رفض الطعام مب معناته انه ما يحب لا .. نجرب وياه كذا مره يمكن يكون وقتنا غلط او الكميه ونعطي البيبي بطاطس لمدة 4 الى 7 ايام وعقب اندخل عليه شي يديد كوسه او جزر ونكرر بالتدريج .. وبعد مايتقبل طعم الخضار نبدا اندخل له الفاكهه في نفس الوقت ويمكن نعطيه اياه يا عصير او مهروس او مسلوق وعقب نظيف مثلا الموز

- من 6 شهور

نبدا نعود الطفل على وجبة الفطور وتكون قبل الرضعه .. وتكون عباره عن صفار بيضه ويكون طري ( لا تخافون بما ان النار جاسته ماعليه خوف الياهل .. مال دقيقتين مب لين يستوي يابس ) وممكن انضيف عليه عيش بلدي .. وبعد ذالك ممكن نضيف الفول ( بسسس مع بعد عمل تحليل انيميا البقوليات بذات لذكور )

وجبة الفواكه
وممكن نعطيه الفواكه المعلبه مثل الاناناس والخوخ يفضل الطازج بس مافي مشكله اذا استخدمنا المعلب للاطفال بس في حالة فتحنها بس الاحتفاظ فيها لمدة 24 في الثلاجه .. وممكن نضيف البرتقال السكري ( مش البرتقال الخامض ) الجوافه و الكمثرى .. ولازم تتاكدون ان الفواكه تكون عضويه او مافيها كيماوي او مب مرشوشه بمبيد حشري

وجبة الغداء
ممكن نعطيه البروكلي والبطاطا الحلوه والخرشوف ونسوي هالخضار بمرقة الدجاج وقبل نزيل طبقة الدهن الموجوده فيها و نحتفظ فيها بالثلاجه ونحظر فيها الخضار عقب

وجبة العشاء
حبوب الارز المطحونه و حبوب القمح المطحونه

- الشهر السابع

نزود انواع ثانيه من الفواكه مثل الخوخ المعلبات او البرقرق او الافاكادو
وفي الخضار نزود الفاصوليا
ونبدا نعطي الياهل دجاج ويفضل الصدر او الدبوس مع نزع الجلد

والوجبه المسائيه نبتدي نعطي الطفل .. رز بالبن الاطفال ( من حليب الاطفال ) او مهلبيه من حليب الاطفال

- الشهر الثامن

نزود في وجبة الفاكهه الكانتلوب و الكيوي و البابايا

وفي فترة الظهر نزود الارانب و نزود الرز او المكرونه .. يكون مسلوق بدون اي اضافات من زيت او زبده .. مع عدم هرس الاكل

والخضروات .. السبانخ و القلقاس والكرنب وممكن تكون اضافته مع البيض او اومليت صفار البيض مع اي نوع من الخضروات او نضيفه مع البطاطس المهروسه

يفضل بهالعمر نعود الطفل ياكل بروحه بايده .. ونبدا باطاطس او البطاطا الحلوه او الموز لان يكون طري وسهل

- الشهر 9

نزود الحمام والبسلاء

- الشهر 10

بالنسبه للفاكهه نبدا انذوقه العنب والبلح في وجبة الفاكهه الصباحه
اما وجبة الظهر الرئيسيه نزود السمك والماكولات البحريه
وممكن انذوق الطفل طماطم او نضيفه على الخضار

- 12 شهر

نعطي الياهل جميع انواع الاكل اللي كان محروم منها ويفضل ياكل من اكل اهل البيت في حالة كان اكل صحي

بالنسبه للملح والسكر .. ممنوعه في السنه الاولى

الممنوعــــــــــــــــات في السنه الاولى .. والاسباب

- لبن الحليب ومنتجاته و الجبن ... الخ ماعدا حليب الاطفال ( الصناعي ) ..
لاحتوائه مجموعه من البروتينات والدهنيات والسكريات الغير مطلوبه لطفل لان امعائه لا تحتوي على الانزيمات المناسبه لهضمها وبالتالي بيكون حمل على الكلى وممكن يصل الى انه يسبب نقط نزفيه صغيره على جدار الامعاء

- عسل النحل
لاحتوائه نوع من البكتيريا المتحوصله ويتسبب في تسمم للاطفال

- عصير برتقال
لانه يحتوي على نسبه عاليه من الحموضه ويمكن يسبب التهاب في جدار المعده ممكن تؤدي على قرحه لكن بنفس الوقت مسموح نضيف نقطه او نقطين ليمون على الخضار لكن مانزود ابدا

- السكر والملح
لان ممكن التحليه الزايده تبعده عن لبن الام

- الخلاط .!
يفضل هرس الطعام بالشوكه .. لان تعود الطفل على البلع وبعد الاكل الناعم ما يتم في الفم لفتره طويله ومايساعد انزيم في الطفل على اكمال مهمته في بلع الطعام

- الطماطم
تحتوي على نسبة املاح عاليه فمسموح فقط نسبه صغيره هالاملاح اذا كثر الطفل من اكل الطماطم ممكن تودي الى حدوث دم في البول

- اللحم الاحمر