ربيعيتي محتاجه نصيحه

[مناية النعيمي]

مرحبا بنات

عندي ربيعه بالدوام شاورتني بشي وماعرف وش ارد عليها

الله يسلمكم هيه لها علاقة بشخص من 6 شهور ها الشخص محترم وماعمره طلب شي منها بينهم ود وعاطفه وهيه ترتاح وتامن له وايد المهم هم كانوا ناوين على زواج وخطبه بس صارت مشكله الي هيه
تقريبا شهر هو حاله متغير ودومه تعبان وضايق يوم تساله مايجاوب يقول لها ظروف ربيعتي قامت رمست ولد خاله كونه اقرب شخص له وربيعه وتساله عن احواله وشو في متغير
هو يوم عرف زعل وايد وتضايق وردة فعله كانت وايد قوية وماتوقعت انه بيكون موقفه جيه حسته وايد انصدم وانجرح وقال انتوا خليتوني ارجوز ومصخره بينكم مع انها نيته بس تعرف وش ظروفه وليش تعبان الحين ها الشي صار له كم اسبوع وهيه مخلتنه وشرحت له شو مقصدها وتعذرت منه..
المصيبه امس كلمها قال لها مش قارد اتقبل الموظوع ومش قادر ينسى وقال لها لازم اتنازل عن حد منكم ماقدر خلاص قالت له خلاص هيه بتنسحب والد خاله ابدا بينهم عشرة وربع من زمان قال لهاعلى كيفج تقررين وتاخذين الشور...
هيه ماتبا تسوي مشاكل بينهم ونفس الوقت له مكانه في قلبها وتتمناه لها شو تسوي الحينه تتركه قبل لا يقرر ولا شو بالظبط
بنات بليز بدون تجريح واهانات الي بينهم نظيف وعمرهم ماغلطوا حتا طلعه مايطلعون ويا بعض والريال كان محافظ عليها وايد وصاينها.

المزيد من آخر المواضيع من نفس القسم:

• طرق تجنب الزوجة تدمير حياتها الزوجية
• افضل الطرق للتعبير عن حبكِ لزوجكِ
• جارتهم فرقت بين اخي وبين زوجته
• طرق التعامل مع الزوج الذي يتجاهل زوجته
• افضل طرق التعامل مع الزوج الذي يهين زوجته
• افضل طرق التعامل مع غضب الزوج بذكاء
• اجمل افكار لاستقبال زوجك من السفر
• اهم العادات التي تؤدي الى تدمير الحياة...
• افضل طرق التعامل مع الزوج المستفز
• نصائح مفيدة لنجاح العلاقة الزوجية

[Cobon]

جوفي اختي
نحن كبار و عاقلات و متزوجات

صدقيني هاي كلها خرابيط
ترمسه و تسأل عنه عن طريق ولد خاله شو ها الحب العبيط ؟؟؟
نصيحة انا ادري انها مشكلتج انتي
و الريال لو يبغي وحدة بيخطبها ع طول بدون اي تردد لو ع قص رقبته


اتركي الريال في حاله ولا تتصلين
لو هو يباج بيخطبج ، لا تخربين قلبج و مستقبلج و تنتظرينه سنين



الريال يوم يحب وحدة بيخطبها مب بس لان نحن مسلمين بس و عرب و عاداتنا جي
لان اللي يحب وحدة يبغي يعيش معاها طول العمر و تكون شريكة حياته و ام اطفاله
وما يتمنى ان يقص عليها او يكسر قلبها

الكتاب باين من عنوانه
يا تكملين حياتج و انتي تتريين سنين من عمرج تمر و قلبج ينكسر
يا تقولين ستوب ما بتريى و بقطع علاقتي و لو يبغي الباب مفتوح

[مناية النعيمي]

حبيبتي كوبون المشكله مش لي انااصلا ماؤمن بها الامور احسها تضيعة وقت بس ربيعيتي تعرف اني ادخل منتدى قالت حطي مشكلتي وشوفي الاراء ..
مشكورة على نصايحج فعلا صحيح كلامج..

[A+k]

انا مع الاخت كوبون كلامها صحيح

لاتتريا انسان قام يطلع لها حجج يوم صار وقت الجد من خطبه

نحن مرت علينا مثل هالاشكال ف حياتنا

والله اييسر لها اموورها

[غلآ نفسي]

طبيعه الريال اذا يحب وحده ووصل الموضوع انه ناوي يتزوجها والله انه بيتخلى عن ولد خاله عشانها لانه عنده خط احمر هاي حقي وبس ولو سمحت لا تكلمها

بس هذا باين ما يباها اصلا ومسوي فلم هندي عليها

يبا يخليها باحترام بدون تجريح

ف خلها تتركه واذا هو صج يباها بيركض وراها

بالتوفيق

[مناية النعيمي]

بنات فهمن السالفه ربيعيتي لي رمست في البدايه مش ولد خاله هيه لي غلطت ومعترفه بغلطها....كان اول واخر تواصل.. مرة وحده... بس ...ولد خاله ماله ذنب...هيه دخلته بالموظوع...

[munamoor]

اسمحي لي غناتي
مثل هال مواضيع ما أعتقد مكانها هنا في المنتدى
ولا هو من الشرع و الدين

العلاقة السليمة بين أي رجل و امرأة هو الزواج

يغلق