حركة ضايجتني

[مالتيزرس]

السلام عليكم ..
اشحالكن خوااتي ...
خواتي انا من فترة جريبة كنت ياية من دولة أوروبية طبعا كلها عرب سياحها واستغربت من موقف مر علي شوي غريب وضايجني ..
أنا وريلي كنا طالعين من السوق ورايحين سيارتنا الباركينات بس ريلي اتجدمني وأنا عاد شوي شوي امشي ع مهلي تعرفون عاد خلاص فاليل وعيزانة كنت ماروم امشي طول اليوم سياحة ومشي وريلي سبقني ..
اللي خوفني واحد وربيعه يمشون وااحد منهم يطالعني وانا ميتة خوف شو سالفته هذا وطبعا سويت طالف وماعطيته ويه الحمدلله مالي بالخرابيط ولله الحمد ومحتشمة فعباتي وشيلتي ونسيت موضوعه ..وعقب سبقني وراح عطا ريلي وردة أونه عطاها لحرمتكوهو شكله ماعرف المهم يتكلم نفس دول الخليج يعني مش أوروبي ..والحبيب ريلي بحسن نية خذها منه وعطاني اياها ..وانا تميت وياه جدال طول الدرب ليش تاخذ الوردة منه بامكانك ترفضهااحس الحركة مب حلوة .الصراحة ماحبيت الحركة ليش يعني يسوي هالحركة وقتله نحن مانعرفهم وما نعرف شو نيته ..انا ماحب هالحركات واللف والدوران أنا ماحبيت أكبر الموضوع وأقوله انه يطالع وجيه تعرفون ببلاد غربة وخفت يسوون شي بريلي وللا يضربونه اذا سوا لهم سالفة ونحن ماعدنا حد بس انا وريلي ..من بعد سالفة احداث لندن خفت الصراحة من نية الريال ان يلحقونا بمطرقة للفندق خخخ�� والله صدق الدنيا تخوف قلت بخاطري ماشي أمان فهالزمن ..
وريلي اونه قالي اسكتي ولاتكبري الموضوع عافانا الله منج والريال نيته حسنة ..
اقوله حبيبي هالزمن يخوف وهالبلاد غربة لا توثق فاي حد يمكن نيته مب زينة ..
فانتي اذا مر عليج نفس هالموقف شو بتسوين كيف رااح تتصرفين ..او يمكن يصادفج فيوم من الايام نفس ها الموقف شو راح تسوين ؟؟
يمكن حد منكن نيته نفس ريلي بتقول خذي الشي بحسن نية او شي ثاني وكل شخص له وجهة نظر مختلفة وأحترم رايكم ..
واذا وحدة مر عليها موقف أو شي ضايجها ياليت تذكره ممكن نستفيد ونعرف نتصرف بنفس هالمواقف المحرجة
واللي تحس عمرها بتغلط علي رجاء لا ترد .

سبحان الله وبحمده سبحان الله العظيم

المزيد من آخر المواضيع من نفس القسم:

• طرق تجنب الزوجة تدمير حياتها الزوجية
• افضل الطرق للتعبير عن حبكِ لزوجكِ
• جارتهم فرقت بين اخي وبين زوجته
• طرق التعامل مع الزوج الذي يتجاهل زوجته
• افضل طرق التعامل مع الزوج الذي يهين زوجته
• افضل طرق التعامل مع غضب الزوج بذكاء
• اجمل افكار لاستقبال زوجك من السفر
• اهم العادات التي تؤدي الى تدمير الحياة...
• افضل طرق التعامل مع الزوج المستفز
• نصائح مفيدة لنجاح العلاقة الزوجية

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[مراسيل الوفاآ]

محد له حق يغلط عليج اختي، عادي تصرفج ما فيه شي غلط
والحمدلله انها يت ع جي ، واعتبري الورده يتج من ريلج

اما عن نفسي لو مر عليه نفس هالموقف بطنش اول مره وبتعلم
اني ما امشي بروحي ، او انبه ريلي او اللي ويايه باللي يصير
مجرد "تخويف" بس ، لانه الضرابه بتي من وراها مشكله ثانيه

ونصيحه، وين ما كنتي سواء ف بلاد غربة او ف بلادج حطي ف
بالج انه ممكن فـ اي وقت تمرين ف نفس هالمواقف ف حاولي
قد ما تقدرين انج ما تكونين بروحج واذا كنتي مجبوره انج اتمين
بروحج ف كوني ف مكان فيه زحمه (حريم ورياييل)

[جنان الفجيره]

اول شيئ الحمدالله على سلامتكم

وثانيا لو خذها زوجي المستقبلي بسوي طاف وبشلها عنه وبعقه جدام الشخص اللي عطاه ويوم بروح الفندق بقوله ما ابيك تاخذ شيئ من حد وبفهمه يمكن نيتهم شينه ولا شيئ لا سمح الله

[ام مصطفى..]

اممممم مادري احس دام ريلي وياي بيكون موقفي عادي وبعقها ب اقرب زباله !

[مس جوتشي]

هلا أختي حمدلله على سلامتج
انا لو كنت منج بأخذ الورده وبعقها جدامه وإذا سألني ريلي ليش عقيدتيها بقوله مب متعوده أخذ ورده من حد

[ام_البدر]

موقف عادي جدا ومافيه اي شي

[لؤلؤه دانه]

عادي جدا

[munamoor]

حمدا لله على السلامة
بالنسبة للموضوع لا تعليق لان الي صار مب عادي

[ورقة ناعمة]

هذيلا شباب شوارع زين يوم اهدو ورده عادي تصرفات الشباب اللي بالشوارع وايد ودام ببلاد غريبه لاتستغربين

عاد ماسمعتي القصص الثانية ,,, قصة الوردة ارحم

[khaleejiya]

والله هالايام والاحداث اللي تصير الواحد مايعرف يثق بمنو والا منو
شدراه شو في الورده يمكن حاطين فيها مخدر والا شي

[كل الرقة]

مستحيل ريلي يشلها,,, عادي يصفعه خخخخ

[mrs.abk]

خخخخخخخخخخ

أنا ريلي بيتصرف .. عيل يعطيه وردة ويقول لحرمتك وياخذها

ريلي بيكوفنه وبيعقه في هو وورته ف الزبالة

[jumana]

من كثر البلاوي اللي تصير مانعرف منو اللي نيته زينه واللي نيته شينه


والله هالشي يعتمد على البيئة اللي عايشينها اذا الموقف عادي وإلا لا ....مثلا شوفي ريلج عادي بس إنتي لا
بس عادة في الدول الأوروبية عادي عندهم هالشي

ورددي اللهم اني استودعتك انفسنا في سفرنا هذا فحفظنا بحفظك..

[مالتيزرس]

خخخخخخخخخخ

أنا ريلي بيتصرف .. عيل يعطيه وردة ويقول لحرمتك وياخذها

ريلي بيكوفنه وبيعقه في هو وورته ف الزبالة

خخخ ضحكني ردج ..صدقج والله يستاهل

[مالتيزرس]

والله هالايام والاحداث اللي تصير الواحد مايعرف يثق بمنو والا منو
شدراه شو في الورده يمكن حاطين فيها مخدر والا شي

هيه والله انا فكرت الصراحة بنفس تفكيرج انه فالوردة شي ماشي امان