اكتشف إن خدامتي تسرق، كيف أتصرف

**قصة** · 2015-03-09, 07:17

السلام عليكم جميعا
بطرح موضوع خدامتي اللي اكتشفت بالأدلة انها تسرق، وساعدوني كيف أتصرف

الخدامة عندي صار لها 8 شهرو، مؤخرا يتني تشتكي محتاجة أصرف لها راتب 3 شهور وأنا كسرت خاطري وعطيتها راتب آخر شهر اشتغله وراتب شهرين طبعا وقعتها على استلامهم،
المهم أنا من فترة وأنا أكتشف أن فلوس حصالات عيالي تنقص، ما حبيت أظلمها، وقلت يمكن أنا مب منتبهه، المهم باختصار إن اكتشفت سرقتها وبعد البحث حصلت الفواتير التحويل اللي ريلي يطرشهم حقها حسب طلبها لأهلها، لكني اكتشف وجود فواتير غير باسم شخص غير ريلي ومشخبطة على الاسم والمبالغ المرسلة اتعدت 5000 درهم هذا غير راتبها المستحق وغير اللي ما اكتشفته،
المهم هي باقي لها شهرين خذت راتبهم وما اشتغلتهم، غير الفلوس اللي انسرقت، واأنا مب عارفة كيف أتصرف، هل أبلغ الشرطة؟؟ وشو بيكون اجرائهم، وكيف عن فلوس التذكرة، لازم نحن ندفعها؟؟؟

المزيد من آخر المواضيع من نفس القسم:

**mrs.abk** · 2015-03-09, 08:45

سوي نفسج ما تدرين .. ولمي كل غالي وثمين خشيه .. وخليها تكرف هالشهرين عدل ..

بس ترا لعلمج ممكن تشرد .. سوتها بشكارة يات عندي وسوت فيلم إن ابوها مات ومحتاجة راتب 3 شهور وأنا ما طعت بس ريلي عطاها .. خذتهم وعقب اسبوع شردت

**Diana Sy** · 2015-03-09, 09:06

أيوة أختي لما يطلبون فلوس مقدما يشردون بعدها
خطورة الوضع تتعدى السرقة هي ترسل فلوس بإسم رجل ثاني مين هو وكيف تتواصل معه قد يكون من المكتب يلي تعاملتي معه

**انا و الشوق** · 2015-03-09, 09:00

ذكرتني بشغالة كانت عندنا و نحن بس كانت تسرق ذهب طبعا شوي شوي
و لعبت بأعصابنا لعب .. اندور في الغرفة ما نلقى و تجلب البيت
و الوالدة اتظن ان نحن الي انضيع...
اول ما خذنا خزنة ...شردت الصبح
المهم عزيزتي اتحذري منها ولا اتناقشينها بأي شي
بس اذا لقيتي البديل غيريها ...
لأنها لو ما لقت فلوس ممكن اتسوي اي شي ثاني
و انتي ما بتكونين مرتاحة و لا مأمنة عالبيت و العيال

**شهرزاد30** · 2015-03-09, 09:14

نفس الحكايه تقريبا حصلت معاي. خلال 6 اشهر جمعت مبالغ و أغراض وايده و أنا ما أدري بعدين قالت لازم اسافر ريلي مريض و حالته خطره. الحمدلله أنا ما انسرق مني شي. اللي انسرق كان من أمي و خواتي و بيت أهل ريلي. سفرناها لأنه ما حصلنا دليل بس كلام الشغالات الثانيات و هي الظاهر كانت تحول أول بأول و يزورونها ناس من أهلها تعطيهم الأغراض لما ما نكون في البيت

**قصة** · 2015-03-09, 12:05

شكرا جميع اللي ردوا

تنصحوني أشتكس في الشرطة؟؟ مب عوار راس يعني الموضوع؟؟ وكيف عن تسفيرها لو بلغت عنها؟؟ بيكون على حسابنا؟؟
ما أعرف في هالأمور الصراحه

**قصة** · 2015-03-09, 12:15

زين لو بلغت الشرطة كيف بيكون الاجراء؟
هل بسفرها على حسابي في هالحالة؟؟
مااعرف الاجراءات في مثل هالحلات

**[..دانــة..]** · 2015-03-09, 13:25

والله بتعورين راسج ع الفاضي
الشرطة ما بيسوون لج شي
وفوق هذا بتدفعين لها تذكرتها وبتسفرينها

ف اذا انتي جايفة موضوع السرقة كبير وعايفتها
ف سفريها أو بيعيها ع المكتب مره ثانيه

**..وسآبقىّ** · 2015-03-09, 14:29

نحن كانت شغالتنا الاندونيسيه تسرق الذهب وتحطه في قوطي أبو قوس
وفي الحصاله مع صور شخصيه لأخواني!!!!
طبعا بعد ما كسرنا الحصاله جفنا الصور وإلا لما تخضينها ما تدرين شو داخلها!

الله يكفينا ويكفيكم شرهم

**لولو12** · 2015-03-09, 17:44

اختي الغالية الشرطة ما ظنتي بيسوون لج شي بس دام الخدامة طرشت بيزاتها خلاص واسمحيلي المال السايب يعلم السرقة شلي بيزات عيالج اللي امفرفرينها ف كل مكان أحفظيه ف مكان ما تشوفه ولا تحطين أي شي ثمين جدامها وإذا عندج إمكانيات تبدلينها بدليها بس ترى التذكرة وكل شي عليج وإذا ترومين اطلعينها من البيت وتودينها بيت اختج نبشيها عدل وركبي كاميرات ف كل البيت

**ميميه88** · 2015-03-09, 19:14

كيف تعطينها راتب لشهريين جدام؟
ااساسا
لازم تكونين ماسكه راتب شهر ماتعطينها لين ماتخلص السنتين ضمان لو شردت او بغت تسافر قبلهن تاخذين التذاكر منهن
خليها تخلص هالشهرين وتحذي لاتخلين لها شي
وخلاف سفريها

**ملكة الاحاسيس** · 2015-03-11, 04:56

خدامتي الفلبينيه اقبلية سوت نفس الفلم ولكن عقل ماحولنا بيزاتها جلبت شخص ثاني لكن كرفناها وعقب عطيناها و ديناها المكتب

**قصة** · 2015-03-11, 08:14

أنا بصراحة محتارة شو أسوي
المكتب ما بيردونها لانها خلصت مدة ضمانها
وغير الفلوس المسروقة أنا عاطتنها راتب شهرين جدام يعني لو سفرتها الحين الخسارة بتكون دبل، بدفع تذكرة وبخسر هالشهرين غير انها ما بترد سرقته لأنه كله طرشته
وبعد في نفس الوقت أنا أداوم وما يمديني أسوي شغل البيت ولين ما أقدم على وحدة يديدة الموضوع بياخذ وقت لين توصل
وفي نفس الوقت مب طايقة أخليها عندي،،

أفيدوني

**انا و الشوق** · 2015-03-11, 08:57

معناته اكرفيها شهرين و بنفس الوقت اتحذري اتخلين اي شي جدامها لحد ما تلقين غيرها

**احلى بعفويتي** · 2015-03-11, 10:27

خشي فلووووسج واغراضج ما بتحصل شي تسرقه
لان صدق لو يجوفون ريال بيشولونه
وانتي راويها امج تابعين لو ترد نص من الدكان شلي عنها خلها تعرف ان المدام تنتبه اكيييد بتزيغ

الموضوع: اكتشف إن خدامتي تسرق، كيف أتصرف

أدوات الموضوع

عرض

العرض المتطور

اكتشف إن خدامتي تسرق، كيف أتصرف

المزيد من آخر المواضيع من نفس القسم:

رد: اكتشف إن خدامتي تسرق، كيف أتصرف

رد: اكتشف إن خدامتي تسرق، كيف أتصرف

رد: اكتشف إن خدامتي تسرق، كيف أتصرف

رد: اكتشف إن خدامتي تسرق، كيف أتصرف

رد: اكتشف إن خدامتي تسرق، كيف أتصرف

رد: اكتشف إن خدامتي تسرق، كيف أتصرف

رد: اكتشف إن خدامتي تسرق، كيف أتصرف

رد: اكتشف إن خدامتي تسرق، كيف أتصرف

رد: اكتشف إن خدامتي تسرق، كيف أتصرف

رد: اكتشف إن خدامتي تسرق، كيف أتصرف

رد: اكتشف إن خدامتي تسرق، كيف أتصرف

رد: اكتشف إن خدامتي تسرق، كيف أتصرف

رد: اكتشف إن خدامتي تسرق، كيف أتصرف

رد: اكتشف إن خدامتي تسرق، كيف أتصرف

المواضيع المتشابهه

بنات كيف أتصرف مع خدامتي

خدامتي تسرق

كيف أتصرف ؟

خدامتي سرقت مني 2000درهم كيف أتصرف معاها بليييييييييز ساعدوني ..