خاطري اتزوج

**جنان الفجيره** · 2015-03-02, 12:00

انا عضوة يديده بالمنتدى

السلام عليكم ورحمه الله و بركاته

مشكلتي اتمنى اتزوج و يكون عندي طفل بحضني اللي كبري تزوجن اغلب اللي بالعيله و اصغر عني تزوجن و الله ساعات اقعد اصيح و انا عمري 23 سنه

ساعات ادعي اقول لو معاق حركيا يعني على الكرسي باخذ اجره و بفرح قلبه

تكفون ادعوا لي اتزوج قريب ان شاء الله

و اللي عندها حل تقول لي

المزيد من آخر المواضيع من نفس القسم:

**ريم العسووله** · 2015-03-02, 12:11

الله يهديج يا أختي العزيزة
لهالدرجة أنتي يائسة !!!

توج 23 في عمر الزهور و صغيرة
عيل لو تجاوزتي ال 40 شو بتسوين ؟!

الزواج شيء مرغوب في نفس كل بنت
و لكن اذا ربج كاتب لج تتزوجين عقب هل معناته توقفين حياتج يالغالية ؟!

أنتي في هالعمر المفروض تخططين لمستقبلج و تكونين نفسج عزيزتي وراج مستقبل لازم تبنينه
و خلي ايمانج بالله أقوى عن جذي عزيزتي و كله قسمه و نصيب

لا تكدرين روحج و لا شيء ،،، و لا تظنين أنج اذا كبرتي أكثر عن جذي ما بتتزوجين
النصيب و الزواج ما يعرفون عمر
حتى العريس الي ربنا كاتبه لج تتزوجينه راح تلقينه تزوجج مهما بلغتي من العمر او مهما كان شكلج

عندج مثال
أختي تزوجت و هي عمرها 26 يالها النصيب في يوم و ليلة و تزوجت !!!
و وحده من صديقاتي تزوجت و هي عمرها 28 ،،، و وحده 32
و وحده والله العظيم تزوجت و هي عمرها 40 و يالها مليونير و عوضها كل شيء و قبل سنة يابت ولد مثل القمر ما شاء الله

فلا تيأسين من رحمه ربج و لا تسوين في روحج جذي يالغالية
الله يوفقج و يرزقج بالزوج الصالح

**Cobon** · 2015-03-02, 12:15

بسم الله عليج توج في عمر الشباب

ما ادري ليش العزابيات يتحرون الزواج جنة و فردوس
اختي الزواج فيها ايجابيات و فيها سلبيات
و فيها بهارات

يعني استانسي بعزوبيتج ولاحقة ع الزوج و طلباته و عقب يقولج اطلعي روحي لا تطلعين اقعدي خخخخخخخخ

**جنان الفجيره** · 2015-03-02, 12:17

اعرف يا اختي انه مسؤوليه الزواج بس امنيتي اضم طفل و اكون مستقره في بيتي مع زوجي اللي يصوني و يحافظ علي

**شما الهاجري** · 2015-03-02, 12:22

الله يرزقج بالزوج الصالح يارب العالمين

**جنان الفجيره** · 2015-03-02, 12:31

امين ان شاء الله ربي يسعدكم مثل ما تسعدوني بدعواتكم

**جنان الفجيره** · 2015-03-02, 12:57

اللهم حقق امنيتي يا رب يا محقق الامنيات قل لامنيتي كوني فتكون

**جنان الفجيره** · 2015-03-02, 15:11

82 مشاهده وجمن رد وين التفاعل

**عساك تبقى لي** · 2015-03-02, 16:08

بعدج صغيره. .
بس الله يرزقج الزوج الصالح عاجل غير اجل يارب. .ويفرح قلبج بشوفت ضناج. .

**جنان الفجيره** · 2015-03-02, 16:10

مشكوره اختي يا عساك تبقى ربي يحقق امانيج ويفرح قلبج و يسعدج دنيا و اخره يا قلبي

**عساك تبقى لي** · 2015-03-02, 16:15

بس بعد حبيبتي لاتخلي هالموضوع يأثر ع نفسيتج لأنج صغيره وفي وايد أشياء حلوه بالدنيا أشغلي نفسج فيها لين مااييج النصيب إن شاء الله. .
وعليج بقيام الليل والأذكار وألزمي الإستغفار وأكثري من الدعاء
وأهم شي دعاء الوالدين.

**جنان الفجيره** · 2015-03-02, 16:18

الحمدالله يا اختي اقوم الليل بس الحين بعد بشد الهمه بالاذكار وسوره البقره و الاستغفار ربي يوفقج دنيا و اخر ويرضى عليج

**ماسه حساسه** · 2015-03-02, 16:43

انزين غلط الي تسوينه .. اذا تبين تزوجين صدق يلسي ادعي ادعي من خاطر ان الله يرزقج الزوج الصالح وباركي لغيرج واستغفري وتصدقي..

**سامية22** · 2015-03-02, 22:28

استعيني بالله

**بسمة أمـل** · 2015-03-02, 22:40

يا حبيبتي شعورج نفس شعوري منو منا ما يريد ياهل يحبه ويضمه لروحه ويهتم فيه
كله نصيب حبيبتي عسى ربي يرزقنا واياج بالأزواج الصالحين الي يحطونا في عيونهم اصبري لأنه ورا الصبر شي حلو بإذن الله

الموضوع: خاطري اتزوج

أدوات الموضوع

عرض

العرض المتطور