تعالو شوي .. بفضفضلكم

[בـڪآيـﮧ »]

مرحبا عزيزاتي

شحالكن ؟

ممم ما ادري شو الي خلاني اكتب لكم اليوم وهذي اول مره افضفض لحد ..

انا معرسه وصارلي فتره .. ولله الحمد

حابه اسأل كل متزوجه وعندي فضول لني ماعندي خبره كبيره عن الرياييل .. كلهم جي ولا بس ريلي ؟؟؟؟؟!

انا ريلي يوم اطلع وياه احس اني اكون طول الوقت على اعصابي ومخنوقه بتقولون ليش ؟

بقولكم انه عينه دوم يمين ويسار وكل شي يلاحظ .. ويوم اقوله انته شفت فلانه يقولي انتي تتوهمين !!

معني اشوفه بعيني .. وكذا مره اتضاربنا بسبة هالموضوع .. لدرجة انه ونحن نمشي بالسياره فالشارع يتم يتصدد ويطالع
منو الي فالسياره

اقوله لا اطالع الغير الريياييل ما بيطالعوني .. " يعني كما تدين تدان " لكن ماشي فايده

هالشي وايد مأثر علينا وبالاخص على نفسيتي .. ماعدت اطيقه ولا احب انه يلمسني
احس الحب اختفى من قلبي .. شوي شوي..

دوم اقوله ليش اطالع غيري انا شو مقصره ؟!! للعلم انه حتى لو فلبينيه او مواطنه او هنديه كله واحد

ما اثق فيه ! لدرجة اني ما افكر اييبلي خدامه ف البيت ,, !

من بداية عرسنا لليوم ونحن على هالمشكله نفسها



الحين مب قادره اتقرب منه منه احس اني اتأرف !!

حابه ااسمع ارآكم

المزيد من آخر المواضيع من نفس القسم:

• طرق تجنب الزوجة تدمير حياتها الزوجية
• افضل الطرق للتعبير عن حبكِ لزوجكِ
• جارتهم فرقت بين اخي وبين زوجته
• طرق التعامل مع الزوج الذي يتجاهل زوجته
• افضل طرق التعامل مع الزوج الذي يهين زوجته
• افضل طرق التعامل مع غضب الزوج بذكاء
• اجمل افكار لاستقبال زوجك من السفر
• اهم العادات التي تؤدي الى تدمير الحياة...
• افضل طرق التعامل مع الزوج المستفز
• نصائح مفيدة لنجاح العلاقة الزوجية