شو الحل تعبت

[الميزعه]

السلام عليكم خواتي
شخباركم

بدخل فالموضوع

عندي بنت عمرها 11 شهر والأسبوع الياي بتكمل سنه وفوق هذا انا حامل على اول الشهر بكمل 3 شهور

المشكله ف بنتي تعلقت فيني اكثر وحليبي تقريبا نشف وهي تصيح تبا صدري لانها ماتاخذ المرضعه ومن يوعها تعض صدري لين يَصب دم

أفكر افطمها بس احاتي كيف ممكن تتقبل المرضعه وماعرف أي حليب أخذ لها

ساعدوني 😭

المزيد من آخر المواضيع من نفس القسم:

• أسباب آلام الركبة بعد الولادة وكيفية علاجه
• ماهو الطلق البارد والطلق الحقيقي والفرق...
• اهم أسباب التهاب الجيوب الأنفية أثناء الحمل...
• افضل طرق الاستعداد لفترة النفاس
• اهم فوائد الحليب للمرأة الحامل
• افضل عشرة طرق طبيبعه لتسريع الولاده خاص...
• اهم نصائح للحامل البكر في الشهور الأولى
• اهم أسباب الجوع المستمر عند الحامل وطرق...
• افضل مسكنات طبيعية تخلصك من الألم أثناء الحمل
• طرق للتخفيف من آلام الظهر بعد الحمل حصري

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[ام فــطــامي]

انا عيالي بروحهم يفطمون عمارهم بس احيد حرمة خويهً تحط ملح ع حلمة صدرها مره مرتين ويجزه الياهل
وسالفه التعلق انا بنتي حملت عليها وهي عمرها شهر ونص لين يبت اربي وهي متعلقه فيني واتصيح لو بعدت عنها يقولون الياهل يحس

انا عيالي من ثلاث شهور ما يبون صدري اعطيهم حليب نانً قبل بنتي بس كملت سنه وعطيتها نيدو ون بلس والحمدلله زين وولديه ست شهور واعطيه نان نفس اخته قبل ومرتاحين عليه شوي شوي بتتعود ع المرضعه
والله يخليها لج ويقومج بالسلامه

[الميزعه]

مشكوره اختي يزاج الله خير

[شهرزاد30]

ما يصير ترضعينها و انتي حامل
افطميها و ما شاء الله ألحين حليب الأطفال أشكال و ارناق في الجمعيات مكود عندج سيميلاك استخدمته ويا كل عيالي و مشى الحال و كذلك نوفلاك
الله يقومج بالسلامه

[مشتاقه لربي]

يحليلج الفطام صعب ولازم يصيحو انا ولدي كبير لحمدلله سنه و8 شهور ولما فطمته 5 ايام اضراب عن الاكل والشرب وبعدين استسلم للمرضعه ..خلي احد يساعدج يشله عندج فالليل يهاويبه وبنام شوي شوي بيتعود

[حرم الكعبي]

في ناس يحطون تمر على الحلمه و ناس يحطون فلفل و ملح

[أم زمرده]

ربِّ .. قد ضاق صدري، وتاه فكري، وتحيرت في أمري، وأنت العالم بسري وجهري، المالك لنفعي وضري، القادر على تفريج كربي، وتيسير عُسري .. فيا رب اشرح لي صدري

[بنت الريسي]

انا قالتلي الدكتوره عادي الوحده ترضع ولدها ان كانت حامل لين خمس شهور و عقب الحليب بيتغير طعمه و بيجزه الياهل
انا كنت ارضع بنتي و يوم حملت ع طول نشف الحليب عطيتها بيبيلاك و الحمدلله اتقبلته
اكيد بتيوع و آخر شي بتاخذ المرضعه

[دلوعة عبيد]

الله يسهل امورج


صعب موضوع الفطام .. يباله وقت وصبر

شوي شوي وبتتعود

اما عن الحليب انا كنت اعطي بنتي نان .. والحين من كملت سنة وشوي اعطيها بيديا شور لانه مكمل غذائي

[عواش2015]

انا استخدمت لولدي حليب ابتاميل الحمدلله اتقبله👼

[Dont_Care]

عندج الملح والفلفل , والله يهون عليج ان شاء الله ويقومج بالسلامة

[ام الودايم]

هلا اختي نفس معاناتي .لانها كانت معتمدة علئ الحليب فقط حتئ الاكل ماتاكله ..وعانيييييبت .بس لازم اتقوين قلبج وتتحملين ولازم بعد حد فليل يشلها عنج ويحاول يرقدها انا كنت طول الليل انش وياها واحوط فيها لين ارقد تميت تقريبا 3 ايام جي .وعقب ودرته بس بعدها لين الحين عصبية وكله اتصيح وماطاعت تتقبل اي حليب

[الميزعه]

السلام عليكم
خذت بنصيحة الأخت هذا لها حليب نان قامت أتفه وتصبه من المرضعه وتلعب فيه،حطيت مر ع صدري ف كل ماتبا ترضع تطعمه تشرد عني بس غمضتني فالليل واستسلمت ورضعتها، رحت بيبي شوب وخذيت الحلمات السليكون اللي تكون نفس الغطا حق الصدر واشتريت لها حليب نوفالاك وان شاء الله يارب يعيبها

وادعولي يخف وحامي هالمره وايد تعبانه اكثر عن يوم كنت حامل ف بنتي

[زينب الطيبة]

نفس مشكلتي بضبط الله يعينج انا لين الحين ما فطمته بس عن الحليب يأخذ نآن و ناوية من يكمل سنه ان شاء الله بييبله نيدو """"

[لميـــاء999]

هلا حبيبتي

يفضل تفطمينها شوي شوي كلما بغت ترضع حطي جدامها اكل او مرضعه او بسكوت او سيريلاك

و خلي حد ثاني يعطيها او خليها بالمشايه ..
\

مره مرتين ثلاث و بتتعود ..و حطي دواء ازرق او ملح او في كريم مرر من صيدليه ....


افضل حليب عطيتهم عيالي كلهم نان ....^^