هل اعتبر ان زوجي غشني؟!

[geisha164]

اكتب الموضوع وفيني غصه والله.. يمكن مشكلتي ما تعتبر مشكله بالمقارنه مع مشاكل الغير.. بس بامانه هي كثير مضايقتني.

تزوجت من 8 سنوات والحمد لله اجمالا زوجي يحسن معاملتي.. اكتشفت بعد سنه من الزواج ان شبكتي زركون ومب الماس.. ما همني موضوع انها زركون كثر ما همني احساسي باني يمكن انغشيت او زوجي ضحك علي او استخفني او او او الخ.. الحمد لله انا شايفه خير وعندي مجوهراتي سواء الي شريتها بفلوسي او الي شروها لي اهلي.. بس مهما كان احس شبكتي اهم منهم كلهم لقيمتها المعنويه فتخيلو لو كنتو مكاني و اكتشفتو انها مزوره!!
واجهته واعترف وقالي ببرود يعني بشنو يفرق الزركون عن الالماس.. وترى شبكتك ذهب ابيض. بينت له ان شبكتي هي حقي مثل المهر.. عموما سكرنا على الموضوع بس حرتي ما بردت لين اليوم واتم كل ما جات مناسبه اسمعه كلام بطريقة السخريه والاستهزاء.
يعني مره تركت شبكتي على التسريحه وما دخلتها الخزنه.. فقالي دخليها الخزنه لا الشغاله تسرقها ولا تظيع.. قلت له يا سلام الي يسمعك يقول شبكه الماس.. كلها زركون ما تسوى.. ومره ثانيه يوم اخته انخطبت وجابولها مهرها والشبكه رويته شبكت اخته وقلت له اي حق بناتكم تطلبون الغالي والاصلي بس حق بنات الناس زركون..وكلام من هالقبيل
المشكله ان تعليقاتي زادت الفتره الاخيره وهو صار ما يستحمل تعليقاتي ويقولي لسانج بيخرب بيتج.. وانا من الحرقه ما قادره اسكت.
قولولي هل انا معي حق؟ طيب كيف اتصرف؟؟!! احس غصبا عني لازم يطلع مني تعليق ساخر كل ما صارت مناسبه للتعليق.. لو كنتو مكاني شبتسوون؟؟! ما يعتبر هذا فالاسلام حرام وغش وخداع!! اكيد ما ابي اخرب بيتي بس بعد احس اني ما قادره اتغاضى عن الموضوع.. شورو علي لو بكلمه تبردني او بفكره..

اضافه:-
انا طلبت من زوجي حزتها يغير لي الشبكه بس قال ما عنده وفي اولويات وغيره من هالكلام.. ولحد اليوم ما غيرها من كذي احس حرتي ما بردت والكلام يطلع مني غصبا عني..
الشي الثاني احنة ما شترطنا على زوجي اي شي.. لا مهر ولا غيره واهلي قالولهم احنا بنتا مب عيزانين عنها والي تجيبونه فيه الخير.. بس ما تخيلت انه بيغشوني بزركون... الامر معنو ومب مادي ابدا.. والله حتى مب قادره اقول لاهلي عن الموضوع ولحد اليوم ما يعرفون لا تكبر المشكله بس والله حازه فخاطري

المزيد من آخر المواضيع من نفس القسم:

• طرق تجنب الزوجة تدمير حياتها الزوجية
• افضل الطرق للتعبير عن حبكِ لزوجكِ
• جارتهم فرقت بين اخي وبين زوجته
• طرق التعامل مع الزوج الذي يتجاهل زوجته
• افضل طرق التعامل مع الزوج الذي يهين زوجته
• افضل طرق التعامل مع غضب الزوج بذكاء
• اجمل افكار لاستقبال زوجك من السفر
• اهم العادات التي تؤدي الى تدمير الحياة...
• افضل طرق التعامل مع الزوج المستفز
• نصائح مفيدة لنجاح العلاقة الزوجية

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[المغتربة]

بصراحة وياج حق تزعلين
الشبكة بكبرها زركون و فضة
لاني فهمت من كلام زوجج ان شبكتج ذهب ابيض و فيها فصوص زركون ؟؟

بس محد يلومج الصراحة ليش الجذب من البداية
ولا تقارنين نفسج بخواته لان حق خواتهم بيت روحهم و شبكة و طلبات بس حق بنات الناس ............

الله يعينج اي شي بتقولينه بيخليه عليج الحين
اسكتي و صكري الموضوع نهائيا لانج مب مستفيدة بشي
صدق اسكتي ولا تقولين شي و طنشي و لا تقارنين حياتج بحياة خوات الريل مول مول مول ولا تفكرين
انسي انسي انسي

[غرووب 22]

سيِّدُ الاسْتِغْفار أَنْ يقُول الْعبْدُ : اللَّهُمَّ أَنْتَ رَبِّي ، لا إِلَه إِلاَّ أَنْتَ خَلَقْتَني وأَنَا عَبْدُكَ ، وأَنَا على عهْدِكَ ووعْدِكَ ما اسْتَطَعْتُ ، أَعُوذُ بِكَ مِنْ شَرِّ ما صنَعْتُ ، أَبوءُ لَكَ بِنِعْمتِكَ علَيَ ، وأَبُوءُ بذَنْبي فَاغْفِرْ لي ، فَإِنَّهُ لا يغْفِرُ الذُّنُوبِ إِلاَّ أَنْتَ .

[[..دانــة..]]

لج الحق تزعلين وتتضايجين
بس السؤال شوه اللي بيرضيج؟

تبينه يبدل الشبكه ؟ قوليله بدلها وخليه يشريلج غيرها
حلي الموضوع وانهيه عسب ما يطول

[ريم العسووله]

مرحبا أختي العزيزة

أولا الله يعينج و يجبرج بخاطرج و فعلا معاج حق تنقهرين و تزعلين و أي وحدة مكانج بتسوي مثلج ، حتى زوجج ما بيرضى حد يخدعه ...


و لكن اللحين عقب ما واجهتيه و أعترف و أتضح الموضوع كله ، فأنتي بين خيارين لا ثالث لهما

1 أما ان تسامحي زوجك و تنسين الموضوع نهائيا و لا تفتحينه ولا تنغزي فيه ...

2 أو أنك تطالبين بتعويض عن شبكتك المزورة سواء عن طريق الأهل أو عن طريق القاضي ...

فأنتي مخيرة بين هاذين الخيارين ...


أما مسألة أنج سامحتي ريلج و تقطين نغزات فما تفيد لأنها قاعدة توتر العلاقة بينكم ، و أنتي قاعدة تتعبين قلبج و أعصابج ... فأتخذي واحد من القرارين الي فوق و ريحي قلبج ...


موفقة

[دلع العاصمه]

والله قهرررررر بس ما باليد حيله

[geisha164]

انا طلبت منه يغير لي شبكتي.. بس قالي انه الحين ما يقدر ماديا وما عنده وفي اولويات و و و الخ... من كذي احس ان حرتي ما بردت ولا قادره اسكر على الموضوع نهائيا ولا قادره انسى غصبا عني والله... واحس ان مب بس هو الغلطان فالموضوع.. حتى اهله الي مشو على الموضوع واحس بعد كذبو علي ولا نصحوه مثلا ..

[ميثه زايد]

هالكلام ما ينفع عقب 8 سنوات

حزت الموضوع كان صعدتي السالفة ... بس دامج ما كبرتي الموضوع الحين مو مستفيدة شيء من التنغيزات غير توتر العلاقة بس...

الافضل اسكتي عن السالفة وطبيها لان خلاص طاف عليها سنوات وسنوات

وكل اهل الريل ترا لبناتهم يبون الزين وفي حريم عيالهم يسترخصون يعني طبيعي الوضع

[قصايد]

هو غلطان لكن انتي الله يهديج بعد أسلوبج مب حلو وطبيعي إنه يتنرفز منه
رايي انج تطلبين يعوضج عن الشبكة بثانية أصلية وإذا قال إنه ما يقدر حالياً صبري عليه
أو خليه يسويلج جمعية مثلاً تقدرين من خلال تشترين اللي تبينه
أو تسامحينه وتنسين الموضوع نهائياً وما فيها شي لو سامحتيه خلج الأفضل ولا تخلين الفلوس اتفرقكم ولج الأجر إن شاء الله على صبرج
أما التعليقات ما تنفع بالعكس توتر علاقتكم وايد

[Ward-uae]

وايد كبرتي الموضوع 8 سنين في خاطرج وتقدري تحلينه بيوم
سالفتج شرات سالفة بنت خالتي لكن مب زركون ذهب لكن دفش وما تقدر تلبسه ولما سألت ريلها خبرها انه مب هو اللي اشتراه اهله وانه عطاهم مبلغ كبير لانه ما يعرف لهذي السوالف لكن خذوا الفلوس واشترولها شي ما يسوى وكانت تبكي
وكل مره تبكي وتكبر السالفة تدرين شو الحل مرت سوق الذهب وباعت الذهب وشرت شي بخاطرها وريلها زاد على المبلغ وطاحت الحية
انتي اذا بخاطرج شي خليه يشتريلج مب انه شبكه كهديه بطيب بيعطيج

[Dont_Care]

السلام عليكم والرحمه

هو معاج حق تضايقين اذا بغيتي واجهيه بالموضوع مكن وقتها امكانيا كان ضعيف وعقب ما تواجهينه يبدله لج باللي احسن ويجبر خاطرج
يمكن هو بعد يفكر انج راح تكشفين الموضوع ومتخوف فكري فيها موفقه

تحياتي

[Ward-uae]

انا طلبت منه يغير لي شبكتي.. بس قالي انه الحين ما يقدر ماديا وما عنده وفي اولويات و و و الخ... من كذي احس ان حرتي ما بردت ولا قادره اسكر على الموضوع نهائيا ولا قادره انسى غصبا عني والله... واحس ان مب بس هو الغلطان فالموضوع.. حتى اهله الي مشو على الموضوع واحس بعد كذبو علي ولا نصحوه مثلا ..

جمعي من المبلغ اللي بيعطيج واشتري عن خاطرج
الذهب زينه وخزينه

[غلآ نفسي]

مكبره الموضوع ع الفاضي

دام عندج ذهب وامورج طيبه ليش مخربه ع عمرج وريلج 8 سنين ؟

عيل ليش عايشه معاه دامج شاله في خاطرج عليه ؟

يا عمي طول هال 8 سنوات ريلج مقصر عليج في شي ؟؟

يات ع الشبكه اللي صار لها سنين وبنين

والله انكن حريييييييييييييم

بالتوفيق

[geisha164]

مكبره الموضوع ع الفاضي

دام عندج ذهب وامورج طيبه ليش مخربه ع عمرج وريلج 8 سنين ؟

عيل ليش عايشه معاه دامج شاله في خاطرج عليه ؟

يا عمي طول هال 8 سنوات ريلج مقصر عليج في شي ؟؟

يات ع الشبكه اللي صار لها سنين وبنين

والله انكن حريييييييييييييم

بالتوفيق

شلون مكبره الموضوع.. مب الشبكه جزء من المهر.. ومب المهر حق من حقوق الزوجه قل ولا كثر.!! فشنو بيكون احساسج لو عرفتي انج انغشيتي؟؟!! وقلت وكررت واعيد الموضوع مب مادي كثر ما هو معنوي...
انا ما جيت انبش الموضوع الحين بعد 8 سنين.. انا فحزتها لما اكتشفت طالبت بحقي بس ما انعطيت حقي فشي طبيعي بيتم الموضوع فالخاطر..

[بسمة أمـل]

السلام عليكم ورحمة الله وبركاته

حبيبتي من حقج تزعلين ما أقول لا لكن فكري فيها بعقل فديتج يمكن يوم ما اشتراها لج ما كان عنده فلوس وتصير يا الغالية حبيبتي القيمة المعنوية أهم مليون مرة من القيمة المادية فكري فيها بتلاقين انه كلامي صح دامه يحبج ويهتم فيج ومتفاهمين ومرتاحين في حياتكم قولي الحمد الله انه زوجي يحبني ويدير باله علي اعذريه يمكن هو ما عنده فلوس ووضعه المادي ما يسمح يشتري شي غالي
حبيبتي نصيحة مني خلي الجدالات في هذه الامور على جنب وفكري كيف انه حياتكم تكون مستقرة وناجحة هو ما خدعج ربما ما عنده فلوس فديتج ومع الوقت يوم يصير عنده فلوس بشتري لج وحدة غالية

الله يوفقج